ေဒၚခင္စန္းလိႈင္၏ အေရးႀကီးအဆို အမ်ိဳးသား ရင္ၾကားေစ့ေရးကို ထိခိုက္ႏုိင္ဟု ႀကံ့ခိုင္ေရး ေျပာ(ဒေါ်ခင်စန်းလှိုင်၏ အရေးကြီးအဆို အမျိုးသား ရင်ကြားစေ့ရေးကို ထိခိုက်နိုင်ဟု ကြံ့ခိုင်ရေး ပြော)

သက္တမ္း ကုန္ခါနီး ဦးသိန္းစိန္ အစိုးရ၏ လုပ္ေဆာင္ခ်က္မ်ားကို ေ၀ဖန္ေထာက္ျပထားသည့္ ေဒၚခင္စန္းလိႈင္၏ အေရးႀကီးအဆိုသည္ လက္ရွိ ေဆာင္ရြက္လ်က္ရွိသည္ အစိုးရႏွင့္ လာမည့္ အစိုးရသစ္ၾကား ရင္ၾကားေစ့ေရးကို ထိခိုက္ႏုိင္ေၾကာင္း ျပည္ေထာင္စု ႀကံ့ခိုင္ေရးႏွင့္ ဖြံ႕ၿဖိဳးေရးပါတီ (ႀကံ့ခိုင္ေရးပါတီ) မွ လႊတ္ေတာ္ ကိုယ္စားလွယ္မ်ားက ေျပာသည္။

ႀကံ့ခိုင္ေရးပါတီမွ ျပည္သူ႔လႊတ္ေတာ္ ကိုယ္စားလွယ္ ဦးေစာထြန္းျမေအာင္က “ဒီအဆိုေၾကာင့္ အမ်ိဳးသား ရင္ၾကား ကြဲသြားႏုိင္ပါတယ္” ဟု လႊတ္ေတာ္တြင္ ေျပာၾကားသည္။

၂၀၁၆ ခုႏွစ္၊ ေဖေဖာ္၀ါရီ ၂၅ ရက္ေန႔က အမ်ိဳးသားဒီမိုကေရစီ အဖြဲ႔ခ်ဳပ္ (NLD) ပါတီမွ ပုလဲၿမိဳ႕နယ္ ျပည္သူ႔လႊတ္ေတာ္ ကိုယ္စားလွယ္ ေဒၚခင္စန္းလိႈင္က အေရးႀကီးအဆိုတရပ္ကို ျပည္သူ႔လႊတ္ေတာ္သို႔ တင္သြင္းခဲ့သည္။

ႏိုုင္ငံေတာ္ အစိုးရက ေရြးေကာက္ပြဲၿပီးေနာက္ပိုင္း ေဆာင္ရြက္ေနေသာ ႏုိင္ငံပိုင္ေျမ၊ ႏိုင္ငံပိုင္ စက္႐ံုမ်ား၊ ႏုိင္ငံပိုင္ စီးပြားေရး လုပ္ငန္းမ်ားအား အလ်င္စလို ငွားရမ္းလႊဲေျပာင္း ေရာင္းခ်မႈ၊ ပုဂၢလိကပိုင္ ျပဳလုပ္မႈ၊ စီမံကိန္းမ်ားကို ေနရာတက် မစီမံဘဲ အေစာတလ်င္ ခြင့္ျပဳေနမႈ၊ က်ဴးေက်ာ္မ်ားကို အတင္းအဓမၼ ဖယ္ ရွားမႈ၊ ႏိုင္ငံပိုင္ သယံဇာတမ်ားကို လုိအပ္ေသာ ေဆာင္ရြက္မႈမ်ား၊ သေဘာတူ ညွိႏိႈင္းမ်ား မျပဳလုပ္ဘဲ အစိုးရတာ၀န္ မလႊဲေျပာင္းမီ အလွ်င္အျမန္ စီမံခန္႔ခြဲ ေနမႈ စသည္တို႔ကို ႏုိင္ငံေတာ္ႏွင့္ ႏုိင္ငံသားတို႔ အက်ိဳးအတြက္ အေသးစိတ္ စိစစ္ဟန္႔တား၍ ထိန္းေက်ာင္း တည့္မတ္ေပးပါရန္ ျပည္ေထာင္စု အစိုးရအား တိုက္တြန္းေၾကာင္း အေရးႀကီးအဆိုျဖစ္သည္။

ယင္းအဆိုႏွင့္ ပတ္သက္၍ ယေန႔လႊတ္ေတာ္တြင္ NLD က ေထာက္ခံေဆြးေႏြးၿပီး ႀကံ့ခိုင္ေရးပါတီက ကန္႔ကြက္ေဆြးေႏြးခဲ့သည္။

အစိုးရ၏ လုပ္ငန္းစဥ္မ်ားကို ေစာင့္ၾကည့္ ထိန္းေက်ာင္းေပးရျခင္းသည္ လႊတ္ေတာ္၏ အလုပ္ျဖစ္သျဖင့္ ေဒၚခင္စန္းလိႈင္၏ အဆုိသည္ ေဘာင္၀င္ေၾကာင္း၊ လက္ရွိ အစိုးရအေနျဖင့္ အသြင္ကူးေျပာင္းမႈ ကာလတြင္ ပြင့္လင္းျမင္သာမႈရွိရွိႏွင့္ လႊတ္ေတာ္သို႔ လာေရာက္ရွင္းျပပါက ျပည္သူမ်ား၏ ထင္ေရာင္ထင္မွား ျဖစ္မႈကို ေလွ်ာ့ခ်ႏုိင္ေၾကာင္း၊ လက္ရွိ ပကတိ အေျခအေနမ်ားကို ျပည္သူလူထုက သိထားသင့္ေၾကာင္း သန္လ်င္ၿမိဳ႕နယ္ ျပည္သူ႔လႊတ္ေတာ္ ကိုယ္စားလွယ္ ဦးလြင္ကိုလတ္က ဧရာ၀တီသို႔ ေျပာသည္။

ဦးလြင္ကိုလတ္က “ေဒၚခင္စန္းလိႈင္ရဲ႕ အဆိုက တင္သင့္တင္ထိုက္တဲ့ ကိစၥျဖစ္တယ္။ အသြင္းကူးေျပာင္းတဲ့ ကာလမွာ လႊတ္ေတာ္ ဘက္ကလည္း လုပ္သင့္ လုပ္ထိုက္တဲ့ ကိစၥျဖစ္တယ္လို႔ပဲ ေျပာခ်င္တယ္’’ ဟု ဆိုသည္။

ႀကံ့ခိုင္ေရးပါတီကမူ ယခုအဆိုသည္ ဥပေဒျပဳမ႑ိဳင္ႏွင့္ တုိက္႐ိုက္မသက္ဆိုင္ဟု ယူဆေၾကာင္း၊ အစိုးရ တာ၀န္လႊဲေျပာင္းေရး ေကာ္မတီက စနစ္တက် စိစစ္၍ ေဆာင္ရြက္ႏုိင္ေၾကာင္း၊ လက္ရွိ အစိုးရ၏ အုပ္ခ်ဳပ္မႈကို ေဘာင္ေက်ာ္ လုပ္ေဆာင္မႈမ်ိဳး မျဖစ္ေစလိုေၾကာင္း လႊတ္ေတာ္တြင္ ေဆြးေႏြးသည္။

လႊတ္ေတာ္၏ ထိန္းေက်ာင္း တည့္မတ္ေရး တာ၀န္သည္ အစိုးရ၏ အုပ္ခ်ဳပ္ေရး အခြင့္အာဏာကို စြက္ဖက္မႈမ်ား ရွိ၊ မရွိကိုလည္း သတိျပဳရန္ လိုအပ္ေၾကာင္း၊ လႊတ္ေတာ္၏ ထိန္းေက်ာင္းတည့္မတ္ေရး ေဘာင္အတြင္းမွ ေဆာင္ရြက္ခဲ့လွ်င္ လႊတ္ေတာ္၏ ဂုဏ္သိကၡာ တက္လာေသာ္လည္း ေဘာင္ကို ေက်ာ္လြန္မိပါက လႊတ္ေတာ္၏ ဂုဏ္သိကၡာကို ထိပါးႏုိင္သျဖင့္ သတိျပဳသင့္ေၾကာင္း ႀကံ့ခိုင္ေရးပါတီမွ ျပည္သူ႔လႊတ္ေတာ္ ကိုယ္စားလွယ္ ေဒါက္တာ ေမာင္သင္းက ေျပာသည္။
“ေသခ်ာသိမွ လုပ္ပါ” ဟု ေဒါက္တာ ေမာင္သင္းက လႊတ္ေတာ္တြင္ ေျပာသည္။

ႀကံ့ခိုင္ေရးပါတီမွ ျပည္သူ႔လႊတ္ေတာ္ ကိုယ္စားလွယ္ ဦးစတီဖန္ကလည္း “အေရးႀကီးအဆို ဆိုတာဟာ ႏုိင္ငံနဲ႔ ႏုိင္ငံသားမ်ား အက်ိဳးအတြက္ လႊတ္ေတာ္မွာ တင္ျပဖို႔ အခ်ိန္နည္းေနတဲ့ အခါက်မွ တင္ရတာပါ။ လက္ရွိ အဆိုတင္သြင္းျခင္းဟာ လက္ရွိ လႊတ္ေတာ္အသစ္ ေပၚေပါက္လာေသာ္လည္းပဲ ျပည္ေထာင္စု အစိုးရအသစ္ မေပၚေပါက္ေသးပါဘူး။ ဒါေၾကာင့္မို႔ ဥပေဒျပဳေရး တာ၀န္ယူထားတဲ့ လႊတ္ေတာ္အေနနဲ႔ သတိရွိရွိ နည္းဥပေဒမ်ားႏွင့္ အညီ ဖြဲ႕စည္းပံုနဲ႔အညီ လုပ္ေဆာင္ဖို႔ လိုပါတယ္’’ ဟု လႊတ္ေတာ္တြင္ ေျပာသည္။
“ရွင္းရွင္းေျပာရရင္ က်ေနာ္တုိ႔က ကုမၸဏီနဲ႔ ေပါင္းစားေနတယ္လို႔ အထင္ခံရႏုိင္တယ္” ဟု ဦးစတီဖန္က ေျပာသည္။
NLD ပါတီမွ ေစတုတၱရာ ျပည္သူ႔လႊတ္ေတာ္ ကိုယ္စားလွယ္ ဦးေက်ာ္ေအာင္လြင္၏ ေဆြးေႏြးခ်က္ အေပၚတြင္လည္း လႊတ္ေတာ္ နည္းဥပေဒမ်ားအရ မဆိုင္သည့္ ကိစၥရပ္မ်ားကို ထည့္သြင္း ေဆြးေႏြးသည္ဟု ဆိုကာ တပ္မေတာ္သား ကိုယ္စားလွယ္တဦးက ကန္႔ကြက္ေဆြးေႏြးခဲ့ၿပီး တပ္မေတာ္သား ကိုယ္စားလွယ္ အားလံုး မတ္တပ္ရပ္ ကန္႔ကြက္ခဲ့ၾကသည္။

လက္ရွိ အဆိုကို ျပန္လည္ ရွင္းျပရန္အတြက္ အစိုးရက လႊတ္ေတာ္သို႔ ယေန႔ လာေရာက္ျခင္းလည္း မရွိေပ။

ျပည္သူ႔လႊတ္ေတာ္ ဥကၠ႒ ဦး၀င္းျမင့္က“လႊတ္ေတာ္ဆိုတာ ဥပေဒျပဳေရးပဲ တာ၀န္ရွိတယ္။ က်န္တဲ့အပိုင္းေတြ တာ၀န္မရွိသလို ေဆြးေႏြးသြားတာလည္း ေတြ႔ရပါတယ္။ လႊတ္ေတာ္ဆိုတာ ဥပေဒျပဳေရး သက္သက္ မဟုတ္ပါဘူး။ မည္သည့္အစိုးရမဆို လႊတ္ေတာ္က အဆိုေတြ၊ ေမးခြန္းေတြ တင္သြင္းခြင့္ ရွိတယ္ဆိုတာ တည္ဆဲဥပေဒက ျပဌာန္းထားၿပီး ျဖစ္ပါတယ္” ဟု လႊတ္ေတာ္တြင္ ေျပာၾကားသည္။
Irrawaddy
............
ဒေါ်ခင်စန်းလှိုင်၏ အရေးကြီးအဆို အမျိုးသား ရင်ကြားစေ့ရေးကို ထိခိုက်နိုင်ဟု ကြံ့ခိုင်ရေး ပြော



သက်တမ်း ကုန်ခါနီး ဦးသိန်းစိန် အစိုးရ၏ လုပ်ဆောင်ချက်များကို ဝေဖန်ထောက်ပြထားသည့် ဒေါ်ခင်စန်းလှိုင်၏ အရေးကြီးအဆိုသည် လက်ရှိ ဆောင်ရွက်လျက်ရှိသည် အစိုးရနှင့် လာမည့် အစိုးရသစ်ကြား ရင်ကြားစေ့ရေးကို ထိခိုက်နိုင်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) မှ လွှတ်တော် ကိုယ်စားလှယ်များက ပြောသည်။

ကြံ့ခိုင်ရေးပါတီမှ ပြည်သူ့လွှတ်တော် ကိုယ်စားလှယ် ဦးစောထွန်းမြအောင်က “ဒီအဆိုကြောင့် အမျိုးသား ရင်ကြား ကွဲသွားနိုင်ပါတယ်” ဟု လွှတ်တော်တွင် ပြောကြားသည်။

၂၀၁၆ ခုနှစ်၊ ဖေဖော်ဝါရီ ၂၅ ရက်နေ့က အမျိုးသားဒီမိုကရေစီ အဖွဲ့ချုပ် (NLD) ပါတီမှ ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က အရေးကြီးအဆိုတရပ်ကို ပြည်သူ့လွှတ်တော်သို့ တင်သွင်းခဲ့သည်။

နိုုင်ငံတော် အစိုးရက ရွေးကောက်ပွဲပြီးနောက်ပိုင်း ဆောင်ရွက်နေသော နိုင်ငံပိုင်မြေ၊ နိုင်ငံပိုင် စက်ရုံများ၊ နိုင်ငံပိုင် စီးပွားရေး လုပ်ငန်းများအား အလျင်စလို ငှားရမ်းလွှဲပြောင်း ရောင်းချမှု၊ ပုဂ္ဂလိကပိုင် ပြုလုပ်မှု၊ စီမံကိန်းများကို နေရာတကျ မစီမံဘဲ အစောတလျင် ခွင့်ပြုနေမှု၊ ကျူးကျော်များကို အတင်းအဓမ္မ ဖယ် ရှားမှု၊ နိုင်ငံပိုင် သယံဇာတများကို လိုအပ်သော ဆောင်ရွက်မှုများ၊ သဘောတူ ညှိနှိုင်းများ မပြုလုပ်ဘဲ အစိုးရတာဝန် မလွှဲပြောင်းမီ အလျှင်အမြန် စီမံခန့်ခွဲ နေမှု စသည်တို့ကို နိုင်ငံတော်နှင့် နိုင်ငံသားတို့ အကျိုးအတွက် အသေးစိတ် စိစစ်ဟန့်တား၍ ထိန်းကျောင်း တည့်မတ်ပေးပါရန် ပြည်ထောင်စု အစိုးရအား တိုက်တွန်းကြောင်း အရေးကြီးအဆိုဖြစ်သည်။

ယင်းအဆိုနှင့် ပတ်သက်၍ ယနေ့လွှတ်တော်တွင် NLD က ထောက်ခံဆွေးနွေးပြီး ကြံ့ခိုင်ရေးပါတီက ကန့်ကွက်ဆွေးနွေးခဲ့သည်။

အစိုးရ၏ လုပ်ငန်းစဉ်များကို စောင့်ကြည့် ထိန်းကျောင်းပေးရခြင်းသည် လွှတ်တော်၏ အလုပ်ဖြစ်သဖြင့် ဒေါ်ခင်စန်းလှိုင်၏ အဆိုသည် ဘောင်ဝင်ကြောင်း၊ လက်ရှိ အစိုးရအနေဖြင့် အသွင်ကူးပြောင်းမှု ကာလတွင် ပွင့်လင်းမြင်သာမှုရှိရှိနှင့် လွှတ်တော်သို့ လာရောက်ရှင်းပြပါက ပြည်သူများ၏ ထင်ရောင်ထင်မှား ဖြစ်မှုကို လျှော့ချနိုင်ကြောင်း၊ လက်ရှိ ပကတိ အခြေအနေများကို ပြည်သူလူထုက သိထားသင့်ကြောင်း သန်လျင်မြို့နယ် ပြည်သူ့လွှတ်တော် ကိုယ်စားလှယ် ဦးလွင်ကိုလတ်က ဧရာဝတီသို့ ပြောသည်။

ဦးလွင်ကိုလတ်က “ဒေါ်ခင်စန်းလှိုင်ရဲ့ အဆိုက တင်သင့်တင်ထိုက်တဲ့ ကိစ္စဖြစ်တယ်။ အသွင်းကူးပြောင်းတဲ့ ကာလမှာ လွှတ်တော် ဘက်ကလည်း လုပ်သင့် လုပ်ထိုက်တဲ့ ကိစ္စဖြစ်တယ်လို့ပဲ ပြောချင်တယ်’’ ဟု ဆိုသည်။

ကြံ့ခိုင်ရေးပါတီကမူ ယခုအဆိုသည် ဥပဒေပြုမဏ္ဍိုင်နှင့် တိုက်ရိုက်မသက်ဆိုင်ဟု ယူဆကြောင်း၊ အစိုးရ တာဝန်လွှဲပြောင်းရေး ကော်မတီက စနစ်တကျ စိစစ်၍ ဆောင်ရွက်နိုင်ကြောင်း၊ လက်ရှိ အစိုးရ၏ အုပ်ချုပ်မှုကို ဘောင်ကျော် လုပ်ဆောင်မှုမျိုး မဖြစ်စေလိုကြောင်း လွှတ်တော်တွင် ဆွေးနွေးသည်။

လွှတ်တော်၏ ထိန်းကျောင်း တည့်မတ်ရေး တာဝန်သည် အစိုးရ၏ အုပ်ချုပ်ရေး အခွင့်အာဏာကို စွက်ဖက်မှုများ ရှိ၊ မရှိကိုလည်း သတိပြုရန် လိုအပ်ကြောင်း၊ လွှတ်တော်၏ ထိန်းကျောင်းတည့်မတ်ရေး ဘောင်အတွင်းမှ ဆောင်ရွက်ခဲ့လျှင် လွှတ်တော်၏ ဂုဏ်သိက္ခာ တက်လာသော်လည်း ဘောင်ကို ကျော်လွန်မိပါက လွှတ်တော်၏ ဂုဏ်သိက္ခာကို ထိပါးနိုင်သဖြင့် သတိပြုသင့်ကြောင်း ကြံ့ခိုင်ရေးပါတီမှ ပြည်သူ့လွှတ်တော် ကိုယ်စားလှယ် ဒေါက်တာ မောင်သင်းက ပြောသည်။
“သေချာသိမှ လုပ်ပါ” ဟု ဒေါက်တာ မောင်သင်းက လွှတ်တော်တွင် ပြောသည်။

ကြံ့ခိုင်ရေးပါတီမှ ပြည်သူ့လွှတ်တော် ကိုယ်စားလှယ် ဦးစတီဖန်ကလည်း “အရေးကြီးအဆို ဆိုတာဟာ နိုင်ငံနဲ့ နိုင်ငံသားများ အကျိုးအတွက် လွှတ်တော်မှာ တင်ပြဖို့ အချိန်နည်းနေတဲ့ အခါကျမှ တင်ရတာပါ။ လက်ရှိ အဆိုတင်သွင်းခြင်းဟာ လက်ရှိ လွှတ်တော်အသစ် ပေါ်ပေါက်လာသော်လည်းပဲ ပြည်ထောင်စု အစိုးရအသစ် မပေါ်ပေါက်သေးပါဘူး။ ဒါကြောင့်မို့ ဥပဒေပြုရေး တာဝန်ယူထားတဲ့ လွှတ်တော်အနေနဲ့ သတိရှိရှိ နည်းဥပဒေများနှင့် အညီ ဖွဲ့စည်းပုံနဲ့အညီ လုပ်ဆောင်ဖို့ လိုပါတယ်’’ ဟု လွှတ်တော်တွင် ပြောသည်။
“ရှင်းရှင်းပြောရရင် ကျနော်တို့က ကုမ္ပဏီနဲ့ ပေါင်းစားနေတယ်လို့ အထင်ခံရနိုင်တယ်” ဟု ဦးစတီဖန်က ပြောသည်။
NLD ပါတီမှ စေတုတ္တရာ ပြည်သူ့လွှတ်တော် ကိုယ်စားလှယ် ဦးကျော်အောင်လွင်၏ ဆွေးနွေးချက် အပေါ်တွင်လည်း လွှတ်တော် နည်းဥပဒေများအရ မဆိုင်သည့် ကိစ္စရပ်များကို ထည့်သွင်း ဆွေးနွေးသည်ဟု ဆိုကာ တပ်မတော်သား ကိုယ်စားလှယ်တဦးက ကန့်ကွက်ဆွေးနွေးခဲ့ပြီး တပ်မတော်သား ကိုယ်စားလှယ် အားလုံး မတ်တပ်ရပ် ကန့်ကွက်ခဲ့ကြသည်။

လက်ရှိ အဆိုကို ပြန်လည် ရှင်းပြရန်အတွက် အစိုးရက လွှတ်တော်သို့ ယနေ့ လာရောက်ခြင်းလည်း မရှိပေ။

ပြည်သူ့လွှတ်တော် ဥက္ကဋ္ဌ ဦးဝင်းမြင့်က“လွှတ်တော်ဆိုတာ ဥပဒေပြုရေးပဲ တာဝန်ရှိတယ်။ ကျန်တဲ့အပိုင်းတွေ တာဝန်မရှိသလို ဆွေးနွေးသွားတာလည်း တွေ့ရပါတယ်။ လွှတ်တော်ဆိုတာ ဥပဒေပြုရေး သက်သက် မဟုတ်ပါဘူး။ မည်သည့်အစိုးရမဆို လွှတ်တော်က အဆိုတွေ၊ မေးခွန်းတွေ တင်သွင်းခွင့် ရှိတယ်ဆိုတာ တည်ဆဲဥပဒေက ပြဌာန်းထားပြီး ဖြစ်ပါတယ်” ဟု လွှတ်တော်တွင် ပြောကြားသည်။
Irrawaddy
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)