NLD အမတ္တို႔စည္းကမ္း ၾကမ္းေသာ္လည္း အက်ိဳးရွိ

 ေရြးေကာက္ပြဲအႏုိင္ရ NLD အမ်ိဳးသားဒီမိုကေရစီအဖြဲ႔ခ်ဳပ္ ကိုယ္စားလွယ္ေတြအေပၚ ပါတီေခါင္းေဆာင္ ေဒၚေအာင္ဆန္းစုၾကည္ရဲ႕ စည္းကမ္း သတ္မွတ္ခ်က္ေတြ၊ သတိေပးခ်က္ေတြဟာ တခ်ိဳ႕အမတ္ေတြအတြက္ လိုက္နာႏုိင္ဖို႔ အခက္အခဲရွိႏုိင္ေပမဲ့ - တုိင္းျပည္အတြက္ အက်ိဳးရွိတဲ့ လုပ္ရပ္လို႔ ၁၉၉၀ ေရြးေကာက္ပြဲ အႏုိင္ရ NLD ကိုယ္စားလွယ္တဦးျဖစ္ခဲ့တဲ့ ေဒါက္တာတင့္ေဆြက ေျပာဆိုလိုက္ပါတယ္။ ဒါ့အျပင္ အိမ္နီးခ်င္း အိႏၵိယႏုိင္ငံမွာ လည္း ထင္ရွားတဲ့တခ်ိဳ႕ပါတီေတြထဲမွာ ပါတီတြင္း အလားတူ စည္းကမ္းသတ္မွတ္ကိုင္တြယ္ပံုေတြ ရွိခဲ့တာနဲ႔ တခ်ိဳ႕ အိႏၵိယလႊတ္ေတာ္ရဲ႕ ေဆာင္ရြက္ခ်က္ေတြနဲ႔လည္း ႏိႈင္းယွဥ္ျပခဲ့ပါတယ္။ အျပည့္အစံုကိုေတာ့ ဆက္သြယ္ေမးျမန္းထားတဲ့ မနႏၵာခ်မ္း က ေျပာျပပါမယ္ရွင္။

NLD ဥကၠဌ ေဒၚေအာင္ဆန္းစုၾကည္က ေရြးေကာက္ပြဲအႏုိင္ရ NLD ကိုယ္စားလွယ္ေတြနဲ႔ စေနေန႔က ေတြ႔ဆံုခ်ိန္မွာ - အဂတိလိုက္စားမႈ ကင္းရွင္းေစဖို႔ အတြက္ - ပါတီ၀င္ေတြအေနနဲ႔ ပါတီကိုတင္ျပထားတဲ့ ပိုင္ဆုိင္မႈေတြထက္ ေက်ာ္ၿပီး ပိုင္ဆုိင္မႈ ရွိ - မရွိ ဆိုတာကို သက္တမ္း ၅ ႏွစ္အတြင္း ကိုယ္စားလွယ္ စိစစ္ေရး ေကာ္မတီအဖြဲ႔ကေန ေစာင့္ၾကည့္စစ္ေဆးသြားမွာျဖစ္ၿပီး၊ တိုးလာတာကုိေတြ႔ရင္ ပါတီစည္းကမ္းအတုိင္း အေရးယူမယ့္အျပင္ တည္ဆဲ အဂတိလုိက္စားမႈဥပေဒအရ အေရးယူသြားမွာျဖစ္တယ္လို႔ သတိေပးခဲ့ပါတယ္။ ဒါ့အျပင္ အစိုးရသစ္ကို ဦးေဆာင္ဖို႔ ရွိေနတဲ့ ပါတီကိုယ္ စားလွယ္ေတြအေနနဲ႔ ဖြဲ႔စည္းပံုအေျခခံဥပေဒနဲ႔ ပတ္သက္လို႔လည္း စာေမးပြဲစစ္ေဆးသြားမွာျဖစ္သလို၊ ပါတီရဲ႕ ေရြးေကာက္ပြဲ ေၾကညာစာတမ္း ကိုလည္း သိရွိထားရမယ္လို႔ ေျပာဆိုခဲ့တာပါ။ ေဒၚေအာင္ဆန္းစုၾကည္ရဲ႕ အခုလို ေျပာဆုိခ်က္ေတြဟာ အမ်ားအျမင္မွာ ဆန္းႏုိင္ေပမဲ့ - ျမန္မာႏုိင္ငံရဲ႕ ျပဳျပင္ေျပာင္းလဲေရး ေဖာ္ေဆာင္မႈမွာ တကယ့္ကို လိုအပ္ခ်က္တရပ္ျဖစ္တယ္လို႔ ၁၉၉၀ ေရြးေကာက္ပြဲမွာ NLD ကိုယ္စားလွယ္တဦးျဖစ္ခဲ့တဲ့ ေဒါက္တာတင့္ေဆြက ေျပာဆိုခဲ့ပါတယ္။
“က်ေနာ္ျမင္တာကေတာ့ လိုအပ္တယ္လို႔ ထင္တယ္။ ဘာေၾကာင့္လဲဆုိေတာ့ အခုလိုမ်ိဳး စံျပျဖစ္ေလာက္တဲ့ မိန္႔မွာၾကားမႈမ်ိဳးက ပတ္ၾကမ္းတုိက္ သလိုေတာင္ ထင္ရလိမ့္မယ္။ သို႔ေသာ္ ဒါဟာ ပတ္ၾကမ္းတုိက္တာမဟုတ္ဘဲနဲ႔ တကယ့္ကို ဗမာႏုိင္ငံရဲ႕ လိုအပ္ခ်က္ကို ေဖာ္ျပၿပီးေတာ့ ပထမဦးဆံုး လႊတ္ေတာ္မွာ တက္ၾကရမယ့္ လႊတ္ေတာ္ကိုယ္စားလွယ္ေတြကေန စံျပလုပ္ၾကရမယ့္ သတင္းစကားေကာင္းတရပ္၊ ဒီဟာမ်ိဳးမလုပ္ရင္လည္း ဗမာျပည္က အီေရာအီေရာေပါ့ေနာ္။ လွည္းၾကမ္းႀကီးကေနၿပီးေတာ့ ကားအိုႀကီး ေျပာင္းေမာင္းသလို အဆင့္ပဲ ျဖစ္မွာကိုး။ အဲေတာ့ တနည္းအားျဖင့္ အစအဆံုးနီးနီး ေျပာင္းရမယ့္ အေနအထားတရပ္ကို ဗမာျပည္က ျဖစ္ေနေတာ့ကာ ဒီဟာ လိုအပ္ခ်က္လို႔ က်ေနာ္ သေဘာတူပါတယ္ခင္ဗ်။”

ဒါေပမဲ့လို႔လည္း ေဒၚေအာင္ဆန္းစုၾကည္ရဲ႕ စည္းကမ္းသတ္မွတ္ခ်က္ေတြကုိ ပါတီတြင္း ကိုယ္စားလွယ္ေတြအားလံုးက လိုက္ႏုိင္မယ္ဆုိတဲ့အေပၚမွာ ေတာ့ သူက သံသယရွိပါတယ္။

“ရာခိုင္ႏႈန္းျပည့္ လိုက္ႏုိင္မယ္လို႔ေတာ့ က်ေနာ္ အာမမခံရဲဘူးေပါ့ေနာ္ အဲ့လို ယူဆပါတယ္။ သို႔ေသာ္ ျဖစ္သင့္ျဖစ္ထုိက္တဲ့ ရာခိုင္ႏႈန္းအထိ က်ေနာ္တုိ႔ အမတ္ေတြကလည္း ႀကိဳးစားႏုိင္ၾကလိမ့္မယ္လို႔ ယူဆတယ္။ ေနာက္တခါလည္းပဲ ေနာင္ လာမယ့္ လာမယ့္ေပါ့ေနာ္ ၅ ႏွစ္တခါျဖစ္ျဖစ္၊ ၾကားျဖတ္ျဖစ္ျဖစ္၊ အေရြးခံမယ့္ ပုဂၢိဳလ္ေတြအတြက္လည္းပဲ အခုကတည္းကေတာင္မွ အိမ္စာလုပ္ထားရမယ့္ အေနအထားတရပ္ ျဖစ္တဲ့အတြက္ အခု ရာခိုင္ႏႈန္း ေတာ္ေတာ္မ်ားမ်ား ရဦးေတာ့ ေနာင္ဆုိရင္ ဒီထက္ေကာင္းတဲ့ ရာခိုင္ႏႈန္းႀကီး ျဖစ္လာႏုိင္မယ္လုိ႔ NLD ကိုယ္စားလွယ္ေတြကို က်ေနာ္ ယံုၾကည္မႈရွိပါတယ္။”

၁၉၉၀ ေရြးေကာက္ပြဲအၿပီး အႏုိင္ရ NLD ပါတီကို အာဏာလႊဲမေပးဘဲ - စစ္တပ္က အာဏာသိမ္းခဲ့တာေၾကာင့္ အိမ္နီးခ်င္းျဖစ္တဲ့ အိႏၵိယႏုိင္ငံမွာ ဆယ္စုႏွစ္ေတြနဲ႔ခ်ီ အခ်ိန္အေတာ္ၾကာ ေနထုိင္ခဲ့ရတဲ့ ေဒါက္တာတင့္ေဆြက - လက္ရွိ ေဒၚေအာင္ဆန္းစုၾကည္ရဲ႕ ပါတီကိုယ္စားလွယ္ေတြအေပၚ ကိုင္တြယ္ပံုနဲ႔ အိႏိၵယႏိုင္ငံက ထင္ရွားတဲ့ ႏုိင္ငံေရးပါတီတခ်ိဳ႕ၾကား သူ႔ပါတီကိုယ္စားလွယ္ေတြအေပၚ ကိုင္တြယ္ပံုေတြကိုလည္း အခုလို ႏိႈင္းယွဥ္ျပခဲ့ ပါတယ္။

“အိႏၵိယမွာက ေျပာရရင္ မႏွစ္က လုပ္တဲ့ ေရြးေကာက္ပြဲကိုၾကည့္လုိက္ရင္ လူထုကပဲ ေရြးတယ္လို႔ ခံယူတဲ့ အမတ္ေတြၾကားထဲမွာလည္း အင္မတန္မွ ဆုိးတယ္လို႔ ေျပာရမွာေပါ့ေနာ္။ အမတ္ ၃ ေယာက္မွာ ၁ ေယာက္က ရာဇ၀တ္မႈေနာက္ေၾကာင္းေတြနဲ႔ ရွိခဲ့တဲ့ အေနအထားလို႔ သုေတသနတခုမွာ ေတြ႔ရတယ္။ အဲေတာ့ အဲဒါေတြကို သူတုိ႔ ဘယ္လိုျပဳျပင္သလဲဆုိေတာ့ ျပစ္ဒဏ္ေပးမႈ ေခၚတာေပါ့ေနာ္။ အဲဒါကို ရာဂ်စ္ဂႏၵီ လက္ထက္တုန္းကလည္း လုပ္ခဲ့တယ္။ အမတ္ေတြကို ဘယ္ႏွစ္ရက္ တာ၀န္က ရပ္ဆုိင္းတယ္ဆိုတဲ့ဟာမ်ိဳးေတြ ရွိတယ္။ ေနာက္တခုကလည္း ေဒၚေအာင္ဆန္းစုၾကည္နဲ႔ နာယကႀကီး ဦးတင္ဦးရဲ႕ မိန္႔မွာခ်က္အျပင္ေပါ့ေလ အိႏၵိယရဲ႕ နမူနာကိုယူရင္ အိႏၵိယမွာ သင္တန္းဆုိတာမ်ိဳး ရွိတယ္ခင္ဗ်။ ေအာက္လႊတ္ေတာ္ ေလ့လာေရးသင္တန္းဆိုတဲ့ ဗ်ဴ႐ိုကေနၿပီးေတာ့ သင္တန္းေတြေပးတယ္ခင္ဗ်။ အဲဒီမွာ ဒီမိုကေရစီႏိုင္ငံေရးမွာ လႊတ္ေတာ္ရဲ႕ အဓိကက်မႈ၊ လႊတ္ေတာ္ထဲမွာ တင္ျပ ေဆြးေႏြး ေမးျမန္းနည္း စသျဖင့္ေပါ့ေနာ္။ ေနာက္တခါ ပါလီမန္ေရးရာေကာ္မတီမွာ လုပ္ထံုးလုပ္နည္း စသျဖင့္ အမ်ားႀကီးေပါ့ေနာ္။ ဒါေတြကို လႊတ္ေတာ္အမတ္ေတြကို ေပးတယ္။ ေနာက္တခု ဒီထက္ ပိုက်ယ္ျပန္႔တာ ေျပာရလို႔ရွိရင္ လႊတ္ေတာ္အမတ္ေတြတင္ မကဘူးေပါ့။ သူတို႔နဲ႔တြဲၿပီးေတာ့ လုပ္ရမယ့္ အုပ္ခ်ဳပ္ေရးပိုင္းဆုိင္ရာ လူေတြေရာ၊ ေနာက္တဆင့္ကေပါ့ မီဒီယာပိုင္း၊ ေက်ာင္းသား လူငယ္ပိုင္းေတြ အထိပါ ဘာေၾကာင့္ဆုိေတာ့ အမတ္ေတြခ်ည္းပဲ အလုပ္လုပ္လို႔မရဘူး။ တြဲလုပ္ၾကရမွာကိုး။ တြဲလုပ္ရမယ့္ အဖြဲ႔အစည္းက႑ အသီးသီးကလည္း စြမ္းေဆာင္ရည္ ျမႇင့္တင္မႈ သင္တန္းေတြအထိ သူက ထည့္ထားေတာ့ကာ ဒါ တျပည္လံုး ဒီမိုကေရစီ တည္ေဆာက္မႈမွာ အဲဒီလိုမ်ိဳးအထိ ေျခလွမ္းလွမ္းဖုိ႔ လိုအပ္တယ္လို႔ က်ေနာ္ ယူဆတာပါ။”

၉၀ ေရြးေကာက္ပြဲမွာတုန္းက NLD ကိုယ္စားလွယ္တဦးျဖစ္ခဲ့တဲ့ ေဒါက္တာ တင့္ေဆြပါ။ မေန႔ စေနေန႔က ရန္ကုန္ ေတာ္၀င္ႏွင္းဆီခန္းမမွာ ေဒၚေအာင္ဆန္းစုၾကည္က - ၂၀၁၅ ေရြးေကာက္ပြဲအၿပီး ပထမဆံုးအႀကိမ္ တနသၤာရီတုိင္း၊ ရန္ကုန္တုိင္း၊ မြန္ျပည္နယ္၊ ပဲခူးတုိင္း၊ ဧရာ၀တီတုိင္း၊ ကရင္ျပည္နယ္၊ ကယားျပည္နယ္ေတြက ပါတီတြင္း အႏုိင္ရကိုယ္စားလွယ္ေတြနဲ႔ ေတြ႔ဆံုခဲ့တာျဖစ္ပါတယ္။ လာမယ့္ ဒီဇင္ဘာလ ၅ ရက္ေန႔ က်ရင္ေတာ့ မႏၱေလး၊ စစ္ကိုင္း၊ မေကြး၊ ခ်င္း၊ နာဂ၊ ရွမ္း၊ ဓႏု၊ အင္းသား၊ ပေလာင္ စတဲ့ ေနရာေတြက ပါတီကိုယ္စားလွယ္ေတြနဲ႔ ပ်ဥ္းမနားမွာ ေတြ႔ဆံုဖို႔ စီစဥ္ထားပါတယ္ရွင္။

မနႏၵာခ်မ္း / ဗြီအုိေအ (ျမန္မာပုိင္း)
http://burmese.voanews.com
...................
 NLD အမတ်တို့စည်းကမ်း ကြမ်းသော်လည်း အကျိုးရှိ

 ရွေးကောက်ပွဲအနိုင်ရ NLD အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေအပေါ် ပါတီခေါင်းဆောင် ဒေါ်အောင်ဆန်းစုကြည်ရဲ့ စည်းကမ်း သတ်မှတ်ချက်တွေ၊ သတိပေးချက်တွေဟာ တချို့အမတ်တွေအတွက် လိုက်နာနိုင်ဖို့ အခက်အခဲရှိနိုင်ပေမဲ့ - တိုင်းပြည်အတွက် အကျိုးရှိတဲ့ လုပ်ရပ်လို့ ၁၉၉၀ ရွေးကောက်ပွဲ အနိုင်ရ NLD ကိုယ်စားလှယ်တဦးဖြစ်ခဲ့တဲ့ ဒေါက်တာတင့်ဆွေက ပြောဆိုလိုက်ပါတယ်။ ဒါ့အပြင် အိမ်နီးချင်း အိန္ဒိယနိုင်ငံမှာ လည်း ထင်ရှားတဲ့တချို့ပါတီတွေထဲမှာ ပါတီတွင်း အလားတူ စည်းကမ်းသတ်မှတ်ကိုင်တွယ်ပုံတွေ ရှိခဲ့တာနဲ့ တချို့ အိန္ဒိယလွှတ်တော်ရဲ့ ဆောင်ရွက်ချက်တွေနဲ့လည်း နှိုင်းယှဉ်ပြခဲ့ပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ မနန္ဒာချမ်း က ပြောပြပါမယ်ရှင်။

NLD ဥက္ကဌ ဒေါ်အောင်ဆန်းစုကြည်က ရွေးကောက်ပွဲအနိုင်ရ NLD ကိုယ်စားလှယ်တွေနဲ့ စနေနေ့က တွေ့ဆုံချိန်မှာ - အဂတိလိုက်စားမှု ကင်းရှင်းစေဖို့ အတွက် - ပါတီဝင်တွေအနေနဲ့ ပါတီကိုတင်ပြထားတဲ့ ပိုင်ဆိုင်မှုတွေထက် ကျော်ပြီး ပိုင်ဆိုင်မှု ရှိ - မရှိ ဆိုတာကို သက်တမ်း ၅ နှစ်အတွင်း ကိုယ်စားလှယ် စိစစ်ရေး ကော်မတီအဖွဲ့ကနေ စောင့်ကြည့်စစ်ဆေးသွားမှာဖြစ်ပြီး၊ တိုးလာတာကိုတွေ့ရင် ပါတီစည်းကမ်းအတိုင်း အရေးယူမယ့်အပြင် တည်ဆဲ အဂတိလိုက်စားမှုဥပဒေအရ အရေးယူသွားမှာဖြစ်တယ်လို့ သတိပေးခဲ့ပါတယ်။ ဒါ့အပြင် အစိုးရသစ်ကို ဦးဆောင်ဖို့ ရှိနေတဲ့ ပါတီကိုယ် စားလှယ်တွေအနေနဲ့ ဖွဲ့စည်းပုံအခြေခံဥပဒေနဲ့ ပတ်သက်လို့လည်း စာမေးပွဲစစ်ဆေးသွားမှာဖြစ်သလို၊ ပါတီရဲ့ ရွေးကောက်ပွဲ ကြေညာစာတမ်း ကိုလည်း သိရှိထားရမယ်လို့ ပြောဆိုခဲ့တာပါ။ ဒေါ်အောင်ဆန်းစုကြည်ရဲ့ အခုလို ပြောဆိုချက်တွေဟာ အများအမြင်မှာ ဆန်းနိုင်ပေမဲ့ - မြန်မာနိုင်ငံရဲ့ ပြုပြင်ပြောင်းလဲရေး ဖော်ဆောင်မှုမှာ တကယ့်ကို လိုအပ်ချက်တရပ်ဖြစ်တယ်လို့ ၁၉၉၀ ရွေးကောက်ပွဲမှာ NLD ကိုယ်စားလှယ်တဦးဖြစ်ခဲ့တဲ့ ဒေါက်တာတင့်ဆွေက ပြောဆိုခဲ့ပါတယ်။
“ကျနော်မြင်တာကတော့ လိုအပ်တယ်လို့ ထင်တယ်။ ဘာကြောင့်လဲဆိုတော့ အခုလိုမျိုး စံပြဖြစ်လောက်တဲ့ မိန့်မှာကြားမှုမျိုးက ပတ်ကြမ်းတိုက် သလိုတောင် ထင်ရလိမ့်မယ်။ သို့သော် ဒါဟာ ပတ်ကြမ်းတိုက်တာမဟုတ်ဘဲနဲ့ တကယ့်ကို ဗမာနိုင်ငံရဲ့ လိုအပ်ချက်ကို ဖော်ပြပြီးတော့ ပထမဦးဆုံး လွှတ်တော်မှာ တက်ကြရမယ့် လွှတ်တော်ကိုယ်စားလှယ်တွေကနေ စံပြလုပ်ကြရမယ့် သတင်းစကားကောင်းတရပ်၊ ဒီဟာမျိုးမလုပ်ရင်လည်း ဗမာပြည်က အီရောအီရောပေါ့နော်။ လှည်းကြမ်းကြီးကနေပြီးတော့ ကားအိုကြီး ပြောင်းမောင်းသလို အဆင့်ပဲ ဖြစ်မှာကိုး။ အဲတော့ တနည်းအားဖြင့် အစအဆုံးနီးနီး ပြောင်းရမယ့် အနေအထားတရပ်ကို ဗမာပြည်က ဖြစ်နေတော့ကာ ဒီဟာ လိုအပ်ချက်လို့ ကျနော် သဘောတူပါတယ်ခင်ဗျ။”

ဒါပေမဲ့လို့လည်း ဒေါ်အောင်ဆန်းစုကြည်ရဲ့ စည်းကမ်းသတ်မှတ်ချက်တွေကို ပါတီတွင်း ကိုယ်စားလှယ်တွေအားလုံးက လိုက်နိုင်မယ်ဆိုတဲ့အပေါ်မှာ တော့ သူက သံသယရှိပါတယ်။

“ရာခိုင်နှုန်းပြည့် လိုက်နိုင်မယ်လို့တော့ ကျနော် အာမမခံရဲဘူးပေါ့နော် အဲ့လို ယူဆပါတယ်။ သို့သော် ဖြစ်သင့်ဖြစ်ထိုက်တဲ့ ရာခိုင်နှုန်းအထိ ကျနော်တို့ အမတ်တွေကလည်း ကြိုးစားနိုင်ကြလိမ့်မယ်လို့ ယူဆတယ်။ နောက်တခါလည်းပဲ နောင် လာမယ့် လာမယ့်ပေါ့နော် ၅ နှစ်တခါဖြစ်ဖြစ်၊ ကြားဖြတ်ဖြစ်ဖြစ်၊ အရွေးခံမယ့် ပုဂ္ဂိုလ်တွေအတွက်လည်းပဲ အခုကတည်းကတောင်မှ အိမ်စာလုပ်ထားရမယ့် အနေအထားတရပ် ဖြစ်တဲ့အတွက် အခု ရာခိုင်နှုန်း တော်တော်များများ ရဦးတော့ နောင်ဆိုရင် ဒီထက်ကောင်းတဲ့ ရာခိုင်နှုန်းကြီး ဖြစ်လာနိုင်မယ်လို့ NLD ကိုယ်စားလှယ်တွေကို ကျနော် ယုံကြည်မှုရှိပါတယ်။”

၁၉၉၀ ရွေးကောက်ပွဲအပြီး အနိုင်ရ NLD ပါတီကို အာဏာလွှဲမပေးဘဲ - စစ်တပ်က အာဏာသိမ်းခဲ့တာကြောင့် အိမ်နီးချင်းဖြစ်တဲ့ အိန္ဒိယနိုင်ငံမှာ ဆယ်စုနှစ်တွေနဲ့ချီ အချိန်အတော်ကြာ နေထိုင်ခဲ့ရတဲ့ ဒေါက်တာတင့်ဆွေက - လက်ရှိ ဒေါ်အောင်ဆန်းစုကြည်ရဲ့ ပါတီကိုယ်စားလှယ်တွေအပေါ် ကိုင်တွယ်ပုံနဲ့ အိန္ဒိယနိုင်ငံက ထင်ရှားတဲ့ နိုင်ငံရေးပါတီတချို့ကြား သူ့ပါတီကိုယ်စားလှယ်တွေအပေါ် ကိုင်တွယ်ပုံတွေကိုလည်း အခုလို နှိုင်းယှဉ်ပြခဲ့ ပါတယ်။

“အိန္ဒိယမှာက ပြောရရင် မနှစ်က လုပ်တဲ့ ရွေးကောက်ပွဲကိုကြည့်လိုက်ရင် လူထုကပဲ ရွေးတယ်လို့ ခံယူတဲ့ အမတ်တွေကြားထဲမှာလည်း အင်မတန်မှ ဆိုးတယ်လို့ ပြောရမှာပေါ့နော်။ အမတ် ၃ ယောက်မှာ ၁ ယောက်က ရာဇဝတ်မှုနောက်ကြောင်းတွေနဲ့ ရှိခဲ့တဲ့ အနေအထားလို့ သုတေသနတခုမှာ တွေ့ရတယ်။ အဲတော့ အဲဒါတွေကို သူတို့ ဘယ်လိုပြုပြင်သလဲဆိုတော့ ပြစ်ဒဏ်ပေးမှု ခေါ်တာပေါ့နော်။ အဲဒါကို ရာဂျစ်ဂန္ဒီ လက်ထက်တုန်းကလည်း လုပ်ခဲ့တယ်။ အမတ်တွေကို ဘယ်နှစ်ရက် တာဝန်က ရပ်ဆိုင်းတယ်ဆိုတဲ့ဟာမျိုးတွေ ရှိတယ်။ နောက်တခုကလည်း ဒေါ်အောင်ဆန်းစုကြည်နဲ့ နာယကကြီး ဦးတင်ဦးရဲ့ မိန့်မှာချက်အပြင်ပေါ့လေ အိန္ဒိယရဲ့ နမူနာကိုယူရင် အိန္ဒိယမှာ သင်တန်းဆိုတာမျိုး ရှိတယ်ခင်ဗျ။ အောက်လွှတ်တော် လေ့လာရေးသင်တန်းဆိုတဲ့ ဗျူရိုကနေပြီးတော့ သင်တန်းတွေပေးတယ်ခင်ဗျ။ အဲဒီမှာ ဒီမိုကရေစီနိုင်ငံရေးမှာ လွှတ်တော်ရဲ့ အဓိကကျမှု၊ လွှတ်တော်ထဲမှာ တင်ပြ ဆွေးနွေး မေးမြန်းနည်း စသဖြင့်ပေါ့နော်။ နောက်တခါ ပါလီမန်ရေးရာကော်မတီမှာ လုပ်ထုံးလုပ်နည်း စသဖြင့် အများကြီးပေါ့နော်။ ဒါတွေကို လွှတ်တော်အမတ်တွေကို ပေးတယ်။ နောက်တခု ဒီထက် ပိုကျယ်ပြန့်တာ ပြောရလို့ရှိရင် လွှတ်တော်အမတ်တွေတင် မကဘူးပေါ့။ သူတို့နဲ့တွဲပြီးတော့ လုပ်ရမယ့် အုပ်ချုပ်ရေးပိုင်းဆိုင်ရာ လူတွေရော၊ နောက်တဆင့်ကပေါ့ မီဒီယာပိုင်း၊ ကျောင်းသား လူငယ်ပိုင်းတွေ အထိပါ ဘာကြောင့်ဆိုတော့ အမတ်တွေချည်းပဲ အလုပ်လုပ်လို့မရဘူး။ တွဲလုပ်ကြရမှာကိုး။ တွဲလုပ်ရမယ့် အဖွဲ့အစည်းကဏ္ဍ အသီးသီးကလည်း စွမ်းဆောင်ရည် မြှင့်တင်မှု သင်တန်းတွေအထိ သူက ထည့်ထားတော့ကာ ဒါ တပြည်လုံး ဒီမိုကရေစီ တည်ဆောက်မှုမှာ အဲဒီလိုမျိုးအထိ ခြေလှမ်းလှမ်းဖို့ လိုအပ်တယ်လို့ ကျနော် ယူဆတာပါ။”

၉၀ ရွေးကောက်ပွဲမှာတုန်းက NLD ကိုယ်စားလှယ်တဦးဖြစ်ခဲ့တဲ့ ဒေါက်တာ တင့်ဆွေပါ။ မနေ့ စနေနေ့က ရန်ကုန် တော်ဝင်နှင်းဆီခန်းမမှာ ဒေါ်အောင်ဆန်းစုကြည်က - ၂၀၁၅ ရွေးကောက်ပွဲအပြီး ပထမဆုံးအကြိမ် တနင်္သာရီတိုင်း၊ ရန်ကုန်တိုင်း၊ မွန်ပြည်နယ်၊ ပဲခူးတိုင်း၊ ဧရာဝတီတိုင်း၊ ကရင်ပြည်နယ်၊ ကယားပြည်နယ်တွေက ပါတီတွင်း အနိုင်ရကိုယ်စားလှယ်တွေနဲ့ တွေ့ဆုံခဲ့တာဖြစ်ပါတယ်။ လာမယ့် ဒီဇင်ဘာလ ၅ ရက်နေ့ ကျရင်တော့ မန္တလေး၊ စစ်ကိုင်း၊ မကွေး၊ ချင်း၊ နာဂ၊ ရှမ်း၊ ဓနု၊ အင်းသား၊ ပလောင် စတဲ့ နေရာတွေက ပါတီကိုယ်စားလှယ်တွေနဲ့ ပျဉ်းမနားမှာ တွေ့ဆုံဖို့ စီစဉ်ထားပါတယ်ရှင်။

မနန္ဒာချမ်း / ဗွီအိုအေ (မြန်မာပိုင်း)
http://burmese.voanews.com