ဂျူလိုင်လ ၃၁ ရက် ၂၀၁၅
လာမည့်ရွေးကောက်ပွဲတွင် မဟာမိတ်ဖွဲ့နိုင်ရေးအတွက် NLD နှင့် တိုင်းရင်း သားပါတီများအကြား ပြောဆိုမှုများ ရှိခဲ့သော်လည်း အသေးစိပ် ဆက်လက်ေ ဆွးနွေးနိုင်ခြင်း မရှိသေးကြောင်း တိုင်းရင်းသား ပါတီများက တညီတညွတ် တည်း ပြောဆိုသည်။
"ကျနော်တို့နဲ့ တစ်ခါပြောပြီးကတည်းက ဆက်မဆွေးနွေးနိုင်သေးဘူး။ သူတို့လည်း ကိုယ်စားလှယ် လောင်းရွေးချယ်ရေးနဲ့ ပတ်သက်လို့ အခက် အခဲရှိနေတယ်လို့ကြားတယ်။ ရက်ကလည်းတိုတယ်လေ။ ကျနော်တို့ ကလည်း သူတို့ကို နားလည်မှုပေးပါတယ်။ " - ဟု သျှမ်းတိုင်းရင်းသားများ ဒီမိုကရေစီ အဖွဲ့ချုပ် အထွေထွေအတွင်းရေးမှူး ဦးစိုင်းညွှန့်လွင်က ဂျူလိုင်လ ၃၀ ရက်နေ့က ပြောသည်။
ဂျူလိုင်လ ၁၁ ရက်နေ့က နေပြည်တော်တွင် ပြုလုပ်သည့် သတင်းစာ ရှင်းလင်း ပွဲတွင် NLD ပါတီအနေဖြင့် CRPP အဖွဲ့ဝင် ပါတီခေါင်းဆောင်များ ၀င်ရောက် ယှဉ်ပြိုင်သည့် မဲဆန္ဒနယ်များတွင် ပါဝင်ယှဉ်ပြိုင်ခြင်း ပြုမည်မဟုတ်ကြောင်း ပါတီ ဥက္ကဌ ဒေါ်အောင်ဆန်းစုကြည်က ပြောကြားထားသည်။
ယင်းနောက်ပိုင်းတွင် အမျိုးသားဒီမိုကရေစီအဖွဲ့ချုပ်အနေဖြင့် SNLD ၊ ကယန်း အမျိုးသားပါတီ ၊ မွန်အမျိုးသားပါတီ စသဖြင့် တိုင်းရင်းသားပါတီ အချို့ နှင့် တွေ့ဆုံမှုများရှိခဲ့သော်လည်း အပြီးသတ်ဆွေးနွေးမှုများ ဆက်လက်မပြု လုပ်နိုင်သေး ပေ။
"ကျနော်တို့ပါတီနဲ့လည်း တစ်ခါပဲတွေ့နိုင်ပြီး ဆက်မတွေ့နိုင်သေးဘူး။ ကျနော် တို့လည်း အပြီးသတ်စာရင်းဖြတ်ရမှာနဲ့ ဘာနဲ့ ဆိုတော့ ဒီအတိုင်းပဲ တယောက်နဲ့ တယောက်မရှောင်ပဲ ပြိုင်ရတော့မယ်ထင်တယ်။ သူတို့လည်း အပေါ်ကစကားပြောလို့သာ လိုက်ပြောနေတာ။ တချို့နေရာတွေမှာ ကေ အာက်ခြေ မှာကလည်း လူတွေပြည့်နေပြီလေ - " ဟု ကယန်းအမျိုးသား ပါတီမှ အထွေထွေအတွင်းရေးမှူး ဦးနန်းရီက ပြောသည်။
NLD အနေဖြင့် လွှတ်တော်ခေါ်ယူရေး ကိုယ်စားပြုကော်မတီ CRPP အဖွဲ့ဝင် တိုင်းရင်းသားပါတီများ၏ ခေါင်းဆောင်များ ပြိုင်သည့်မဲဆန္ဒနယ်တွင်သာ မပြိုင်ဟု ဆိုထားသောကြောင့် ခေါင်းဆောင်များ အနက် ဦးအေးသာေ အာင်နှင့် ဦးပူကျင့်ရှင်းထန်တို့သာ ပြိုင်မည် ဖြစ်သဖြင့် အဆိုပါကမ်းလှမ်းမှုမှာ အကျုံးဝင်မှုနည်းပါးလွန်းသည်ဟု ရခိုင်အမျိုးသားပါတီမှ ဦးအေးသာအောင် က ပြောသည်။
''ကျနော်ပြိုင်တဲ့ မြေပုံမှာဆိုရင်လည်း သူတို့လာပြိုင်ဖို့ မလွယ်ဘူး။ ဦးခွန် ထွန်းဦး ကလည်း မပြိုင်တော့ ဘူး ။ ဦးပူကျင့်ရှင်းထန် တယောက်ပဲပြိုင် မယ်ဆိုတော့ ကျန်တဲ့တိုင်းရင်းသားပါတီတွေနဲ့က ဆက်ညှိစရာ မလိုတော့တဲ့ သဘောလိုလိုတောင်ဖြစ်နေပြီ။ ဒီပုံနဲ့ဆို စာရင်းသွင်းရမဲ့ အဆုံးသတ်ရက် ကလည်းကပ်လာတော့ ဒီအတိုင်းပဲ ပြိုင်ကြတော့မယ်ထင်တယ်။'' - ဟု ဦးအေးသာအောင်က ပြောသည်။
စစ်အစိုးရလက်ထက်က လွှတ်တော်ခေါ်ယူရေးအတွက် ဖွဲ့စည်းခဲ့သည့် CRPP အဖွဲ့တွင် အဖွဲ့ဝင်များထဲမှ ဦးအေးသာအောင် ၊ ဦးခွန်ထွန်းဦး ၊ ဦးပူကျင့်ရှင်းထန်၊ ဦးကျော်မင်း ၊ ဦးတင်ဦး နှင့် ဒေါ်အောင်ဆန်းစုကြည်တို့သာ သက်ရှိထင်ရှား ကျန်ရှိနေခဲ့ပါသည်။
No comments:
Post a Comment