မေးခွန်းထုတ်စရာ စာအုပ်မျက်နှာဖုံး

စာအုပ်အမည်က -
” ကမ္ဘာကြီးအား ပြောင်းလဲစေသော နိုင်ငံရေးလုပ်ကြံသတ်ဖြတ်မှု”

စာရေးသူက -
” မောင်စင်ကြယ် ”

ထုတ်ဝေသူက -
” ဦးကျော်ကျော်ဝေ၊ ရွက်စိမ်းစာပေ၊ လမ်းမတော်၊ ရန်ကုန်”
( လိပ်စာ အတိအကျမပါ )

စာအုပ်ဖြန့်ချိသူ – အမည်နှင့် လိပ်စာ ဖော်ပြမထား။

မျက်နှာဖုံးဒီဇိုင်း ပြုလုပ်သူကို အမည်ဖော်ပြမထား။

စာအုပ်မှာ ကမ္ဘာ့သမိုင်းနှင့် မြန်မာ့သမိုင်းတွင် ထင်ရှားခဲ့သည့် ခေါင်းဆောင်အချို့ လုပ်ကြံခံရမှုများကို ရေးသား ဖော်ပြထားသည်။
အေဗရာဟင် လင်ကွန်း၊ ဇာနီကိုးလတ်စ်၊ ချီဂွေဗားရား၊ ကနေဒီ၊ မာတင်လူသာကင်း၊ ဗိုလ်ချုပ်အောင်ဆန်း၊ စောဘဦးကြီး၊ မိုဟင်ဒတ်စ်ဂန္ဒီ စသဖြင့် ခေါင်းဆောင် ၁၇ ဦး လုပ်ကြံခံခဲ့ရသည်များကို ရေးသားထားသည်။

ထိုစာအုပ်မျက်နှာဖုံးတွင် ဒေါ်အောင်ဆန်းစုကြည်၏ ဓာတ်ပုံကိုပါ ထည့်သွင်းဖော်ပြထားသည်။
ဒေါ်အောင်ဆန်းစုကြည်သည် လုပ်ကြံသတ်ဖြတ်ခံခဲ့ရပြီးသူ ဖြစ်ပါသလော။
လုပ်ကြံသတ်ဖြတ်ခံခဲ့ရသူများအကြောင်း စာအုပ်မျက်နှာဖုံးတွင် မည်သည့်ရည်ရွယ်ချက်ဖြင့် ဒေါ်အောင်ဆန်းစုကြည်၏ ဓာတ်ပုံကို ထည့်ရပါသနည်း။

စာအုပ်တွင် ဗိုလ်ချုပ်အောင်ဆန်း၏ အတ္ထုပ္ပတ္တိအကျဉ်းသာ ပါရှိပြီး ဗိုလ်ချုပ်အောင်ဆန်း လုပ်ကြံသတ်ဖြတ်ခံရသည့်အကြောင်း အကျယ်တ၀င့်မပါဝင်။ သို့သော် ဗိုလ်ချုပ်အောင်ဆန်း၏ အတ္ထုပ္ပတ္တိအကျဉ်းကို ဖော်ပြအပြီးတွင် ဒေါ်အောင်ဆန်းစုကြည်၏ အတ္ထုပ္ပတ္တိအကျဉ်းကိုလည်း ဆက်လက်ဖော်ပြထားပြန်သေးသည်။ ( ဒေါ်အောင်ဆန်းစုကြည်၏ အတ္ထုပ္ပတ္တိအကျဉ်းကို ဖော်ပြထားရာတွင်လည်း ဒီပဲယင်း လုပ်ကြံမှုကို ထည့်သွင်းဖော်ပြထားခြင်း မပါရှိပါ။ )

စာအုပ်အမည်၊ စာအုပ်ပါ အကြောင်းအရာများသည် ဒေါ်အောင်ဆန်းစုကြည်၏ ဓာတ်ပုံကိုရော အတ္ထုပ္ပတ္တိအကျဉ်းကိုပါ ထည့်သွင်းဖော်ပြရန် လိုအပ်ပါသလော။

ကျဆုံးခဲ့ပြီးသော ခေါင်းဆောင်များ၏အကြောင်း စာအုပ် မျက်နှာဖုံးတွင် ဒေါ်အောင်ဆန်းစုကြည်၏ ဓာတ်ပုံကို ဖော်ပြခြင်းနှင့် စာအုပ်ထဲတွင် ဒေါ်အောင်ဆန်းစုကြည်၏ အတ္ထုပ္ပတ္တိအကျဉ်းကို ထည့်သွင်းဖော်ပြခြင်းမှာ ထိုစာအုပ်ရေးသူ နှင့် စာအုပ်မျက်နှာဖုံး ဖန်တီးသူတို့က မည်သည့်ရည်ရွယ်ချက်နှင့် ဖော်ပြပါသနည်းဟု မေးစရာဖြစ်နေပါသည်။

လုပ်ကြံသတ်ဖြတ်ခံခဲ့ရသည့် ခေါင်းဆောင်များထဲတွင် ဒေါ်အောင်ဆန်းစုကြည် ပါဝင်ခဲ့လေဟန် သဘောသက်ရောက်စေသည့် ဤစာအုပ်၏ ဖော်ပြမှုများသည် ရိုးသားမှုရှိပါသလော။

Credit: Eleven Media

• န၀တစစ်အစိုးရတက်ပြီးနောက် ၁၉၈၉တွင်ဒေါ်အောင်ဆန်းစုကြည်၏ ပုံရိပ် တကျပ်တန်ငွေစက္ကူများ၏ ရေစာတွင်ထည့်သွင်းရေးဆွဲခဲ့
• ဖွဲ့ စည်းပုံပြင်ရေးနဲ့ ရွေးကောက်ပွဲအရေး ဒေါ်စုနဲ့ သမ္မတတွေ့ ဆုံ
• ဗိုလ်ချုပ်အောင်ဆန်းပါဝင်ရိုက်ကူးသည့် ရုပ်ရှင်ဇတ်ကား
• ဒေါ်အောင်ဆန်းစုကြည်အိမ်နံပါတ်နဲ့ ခြံတံခါး သိန်း ၅၀၀၀ နဲ့ လေလံဆွဲ
• လွတ်လပ်ရေးဖခင်ဗိုလ်ချုပ်အောင်ဆန်း၏ လူသိပ်မသိသောအချက် ၁၀ချက်
• ဦးနုပြောသောဗိုလ်ချုပ်အောင်ဆန်း
• ကမ္ဘာ့လူကြိုက်အများဆုံးစာရင်းဒေါ်စုပါဝင်
• သတင်းစာရှင်းလင်းပွဲ (ရွေးကောက်ပွဲဝင်ပြိုင်မယ်၊မပြိုင်ဘူးတရားဝင်ကြေငြာမယ်)
• ဦးသိန်းစိန်အစိုးရလက်ထက် အောင်မြင်သောပြုပြင်ပြောင်းလဲရေးကဏ္ဍထောက်ပြရန်မရှိ ဟုဒေါ်အောင်ဆန်းစုကြည်ပြော
• စွန့် သူနှင့်စားသူများ
• ဗိုလ်ချုပ်အောင်ဆန်းနှင့်သခင်နု
• ကျနော်တို့ အောင်ဆန်း၊ပြည်သူတို့ အောင်ဆန်း