မေ​မြ​မ​တ်နိုးနှ​င့်ေ​တွ့​​ဆုံြ​ခ​င်း

လာမည့် ၂၀၁၅ ခုနှစ် တက္ကသိုလ်ဝင်တန်းစာမေးပွဲဝင်ရောက်ဖြေဆိုမည့် ကျောင်းသား၊ ကျောင်းသူများ အတွက် အထောက်အကူပြုစေရန်ရည်ရွယ်၍ ၂၀၁၄ ခုနှစ်တက္ကသိုလ်ဝင်တန်းစာမေးပွဲတွင် အထက (၁) ဒဂုံမှ ခုံအမှတ် ဆဒဂ-၂၄၄၊ စုစုပေါင်းရမှတ် ၅၅၇ မှတ်ဖြင့် တစ်နိုင်ငံလုံးအတိုင်းအတာအဆင့်(၂) ရရှိခဲ့သည့် မမေမြတ်နိုးနှင့်တွေ့ဆုံပြီး သူ၏စာမေးပွဲအတွက် ပြင်ဆင်ခဲ့သည့်အတွေ့အကြုံများကို ယခု ကဲ့သို့မေးမြန်းခဲ့ပါတယ်။

မေး။ ။ ကျက်စာထဲမှာ ဘိုင်အိုက သူ့စကားလုံးတွေကိုက မှတ်ရတာခက်တယ်ဆိုတော့ ဒီဘာသာရပ် ကို ညီမလေးအနေနဲ့ ဘယ်လိုလေ့ကျင့်ပြင်ဆင်ခဲ့တယ်ဆိုတာ သိပါရစေ။

ဖြေ။ ။ ဟုတ်တယ်။ ဘိုင်အိုက ကျက်စာတော့ကျက်စာပဲ။ ဒါပေမဲ့ chapter ကသိပ်မများဘူး။ တချို့ အခန်းတွေဆိုရင် စာတွေအားလုံးပေါင်းလိုက်ရင် ကျက်ရတာနှစ်မျက်နှာလောက်ပဲရှိမယ်။ သူ့ရဲ့ဘိုင်အို term တွေကိုပဲ အဓိကမှတ်ရတာ။ ခါတိုင်းကျောင်းမှာ စာမေးပွဲတွေဖြေပြီဆိုရင် ဘိုင်အိုနေ့ဆိုရင် အေး အေးဆေးဆေးဖြေတာတောင် စာစစ်ချိန်တစ်နာရီလောက်ကတော့ ကျန်တယ်။ သူကကျက်ရက် ကျက်သလောက်၊ ကိုယ်ကျက်နိုင်သလောက် အမှတ်ရတဲ့ဘာသာရပ်ပေ့ါ။ ဒီအချိန်လောက်ဆိုရင်တော့ ညီမဘိုင်အိုကို ကျက်ထားတဲ့အခန်းတွေကို တစ်ခေါက်သေချာပြန်ကျက်နေပြီ။

မေး။ ။ ဘိုင်အိုမှာ အမှတ်ယူလို့ရတဲ့အခန်း ဘယ်နှခန်းလောက်ရှိလဲ။ ညီမလေးအနေနဲ့ဆိုရင်ရော ဘယ်အပိုင်းတွေကို အဓိကထားပြင်ဆင်နေပြီလဲ။

ဖြေ။ ။ ဘိုင်အိုမှာက chapter 5,7,8,10,12 တွေက အမှတ်ရနိုင်တယ်။ ဂုဏ်ထူးမှန်းတဲ့သူတွေအ တွက်ဆိုရင်လည်း အမှတ်ယူလို့ကောင်းတဲ့အခန်းတွေပေါ့။ ညီမကျတော့ ဒီအချိန်လောက်ဆိုရင် စော စောကပြောတဲ့ ငါးခန်းကို သေချာပြန်ကျက်တယ်။ ပုံရော၊ စာရော၊ ပိုင်အောင်ပြန်လေ့ကျင့်တယ်။ တခြားအခန်းတွေကိုတော့ အကျင့်ရှိနေအောင် နေ့တိုင်းပြန်ဖတ်တယ်။ ပြီးတော့ objective မေးခွန်း တွေပြန်လုပ်တယ်။ ပုံနဲ့စာနဲ့ကို မျှအောင်လုပ်တဲ့အခါ ၁၂ ခန်းလုံးအရမ်းကြီးမလုပ်ဘူးဆိုတော့ ညီမမှာ အချိန်ပိုနေတယ်။ အဲဒီတော့ စာတစ်ပုဒ်ကို ပြန်နွှေးလိုက်လို့ အဆင်ပြေပြီဆိုရင် ပုံကိုအရင်ဆုံးမှန်း ကြည့်တယ်။ ကိုယ့်မျက်လုံးထဲပေါ်လာပြီဆိုရင် အကြမ်း sketch လောက်ပဲဆွဲလိုက်တယ်။ label (အညွှန်း) တွေတပ်တယ်။ ပုံနှိပ်စာအုပ်နဲ့ ချက်ချင်းပြန်တိုက်စစ်တယ်။ တစ်နေရာမှားတယ်ဆိုရင် ဖတ် စာအုပ်မှာ အမှတ်အသားလုပ်ထားလိုက်တယ်။ ကိုယ့်အမှားကိုသတိထားမိတာပေါ့။ တကယ်ဖြေခါနီး ကျရင်လည်းအဲလို High-light လုပ်ထားတာတွေ၊ မင်နီနဲ့တားထားတွေကို အဓိကပြန်ကြည့်ရတယ်။ ကိုယ်ကမှားပြီဆိုရင် ဒီမှားတဲ့ဟာကိုပဲ ထပ်ခါထပ်ခါ အကျင့်တစ်ခုလိုမှားမိတတ်တယ်ဆိုတော့ ညီမက ကိုယ်မှားနေကျအပိုင်းတွေကို အခုလိုပြန်လေ့ကျင့်တဲ့အချိန်မှာ စာအုပ်အသစ်တစ်အုပ်ထားပြီး အမှတ် အသားလုပ်စရာရှိတာကိုလုပ်တယ်။ မှားတတ်တာတွေကို သေချာမှတ်ထားတယ်။ တကယ်ဖြေခါနီးည မှာအဲဒီစာအုပ်ကိုပဲ ကြည့်ဖြစ်တော့တယ်။ စာတစ်ပုဒ်လုံးကို သေချာပြန်ကြည့်တယ်။ ပြီးရင်မှားတတ် တာတွေကို သတိထားပြီး သေချာပြန်လေ့ကျင့်တယ်။ ပုံတွေပြန်ဆွဲကျင့်ရတယ်။ အဲဒီလိုပဲလုပ်ရတော့ တယ်။

မေး။ ။ ဘိုင်အိုမှာ ဓမ္မဓိဋ္ဌာန်မေးခွန်းလေးတွေကလည်း အမှတ်ယူလို့ရတယ်ဆိုတော့ အဲဒီအပိုင်းတွေ အတွက်ရော ဘယ်လိုပြင်ဆင်လဲ။

ဖြေ။ ။ ဘိုင်အိုမှာ ဓမ္မဓိဋ္ဌာန်မေးခွန်း objective question ကွက်လပ်ဖြည့်၊ မှား/မှန်က အမှတ်လေး ဆယ်ဖိုးတောင်ဆိုတော့ သေချာလုပ်ရတယ်။ ပြီးတော့ ဖတ်စာအုပ်ထဲကအတိုင်း တစ်ခါတစ်လေကျ တော့ အတိအကျလာချင်မှလာတာ။ ဖတ်စာအုပ်ထဲက စာသားအတိုင်းမဟုတ်တာနဲ့ မှားတယ်လို့ပြော လို့မရဘူး။ အဓိပ္ပာယ်တူတယ်။ တစ်ခါတစ်လေကျရင် ပြောင်းပြန်ဖြစ်ချင်ဖြစ်နေတာ။ အဲဒီတော့ကိုယ် ကအစကတည်းက သေချာလုပ်ထားမယ်ဆိုရင် ဝေါဟာရအသစ်အဆန်းလား၊ အဟောင်းလား၊ အဓိ ပ္ပာယ်လှည့်ထားတာလားဆိုတာ ကိုယ်ကမှန်းကြည့်လို့ရတယ်။ ပြီးတော့သတိလက်လွတ်မဖြစ်ဖို့အရေး ကြီးတယ်။ ဘိုင်အိုနေ့ဆိုရင် အားလုံးကပျော်နေကြတယ်။ ဒီဘာသာဖြေပြီးရင်ပြီးပြီဆိုတော့လေ။ အဲဒါ ကြောင့် မျက်စိလျှမ်းတာတွေဖြစ်တတ်တယ်။ ညီမဆိုရင် မေးခွန်းဟောင်းတွေလေ့ကျင့်ပြီဆိုရင် မေး ထားတဲ့မေးခွန်းတွေထဲက key point ကိုရှာပြီးမျဉ်းတားထားလိုက်တယ်။ မေ့သွားမှာစိုးလို့၊ တကယ် အဆင့်ကြီးဖြေတော့လည်း ခဲတံလေးနဲ့ခပ်ဖွဖွလေးပေါ့။

မေး။ ။ တွက်စာဘာသာရပ်မှာ definition၊ ပုံ၊ တွက်စာတွေအားလုံးစုံအောင်မေးတတ်တဲ့ physics ကိုရော ညီမလေးအနေနဲ့ ဘယ်လိုပြင်ဆင်ခဲ့လဲ။

ဖြေ။ ။ physics မှာညီမတို့တုန်းကဆိုရင်တော့ အများဆုံးအခက်တွေ့တတ်တာက modern physics ပေါ့။ နောက်ဆုံးမှသင်တဲ့အခန်းဖြစ်တယ်။ အခုလိုအချိန်မျိုးမှာဆိုရင် modern physics က စာကလည်းများတော့ အချိန်မလောက်မှာစိုးတဲ့အတွက် ရွေးချယ်ပြီးကျက်ရတဲ့အပိုင်းတွေရှိတယ်။ အပုဒ်ရှည်ဖြေမှာလား။ ရှောင်လွှဲလို့မရတဲ့အပိုင်းလောက်ပဲ ဖြေမှာလားဆိုတာ သေချာခွဲခြားပြီးလုပ်သင့် တယ်။ အားလုံးကျက်ဖို့ အချိန်ကလည်းမလောက်တော့ဘူး။ ရှောင်လွှဲလို့မရတဲ့ အပိုင်းလောက်ပဲဖြေ မယ်ဆိုရင်တော့ အမေးများတဲ့အပိုင်းကို အဓိကထားလုပ်သင့်တယ်။ နောက်တစ်ခုတွက်စာဖြစ်တဲ့အ တွက် Logarithm ကြည့်တဲ့အပိုင်းမှာများသောအားဖြင့် အခက်တွေ့ကြတယ်။ သုံးနာရီအတွင်းမှာ အားလုံးပြီးအောင်ဖြေရတဲ့အတွက် မျက်စိလျှမ်းတာတွေ၊ ဂဏန်းရောသွားတာမျိုးလည်းဖြစ်နိုင်တယ်။ အဲဒါမျိုးက တွက်ကျင့်ရှိနေမှရမှာ။ အဲဒါကြောင့် ဒီအချိန်မျိုးမှာအတွက်ကိုလည်း ပုံမှန်လုပ်သင့်တယ်။ ညီမဆိုရင် နေ့တိုင်းအခန်းတစ်ခန်းစီကနေ တစ်ပုဒ်လောက်ပုံမှန်တွက်တာမျိုးတွေလုပ်တယ်။ နောက် တစ်ခုက law တွေ principle တွေလည်းအရမ်းများတယ်။ တစ်လုံးမကျန်အတိအကျကျက်ရတာဖြစ် တဲ့အတွက် ဒီအချိန်မှာဆိုရင်တော့ ညီမကအခန်း ၁၃ ခန်းလောက် definition တွေအစအဆုံး နှစ် ခေါက်လောက်ပြန်ကျက်ဖြစ်တယ်။ စာမေးပွဲဖြေခါနီးမှာကျတော့ အားလုံးကိုနှံ့နှံ့စပ်စပ်ပြန်ဖတ်ဖို့ အချိန် ရမှာမဟုတ်တော့ဘူး။ ဒီအချိန်လောက်ကတည်းက သေချာပြန်ဖတ်ထားဖို့လိုတယ်။ ညီမကကျတော့ definition တွေကိုစကျက်ကတည်းက အဓိပ္ပာယ်ဆိုလိုရင်းကို သေချာနားလည်အောင်ဖတ်တယ်။ ပြီး ရင် main point တွေကိုအမှတ်အသားလုပ်ပြီး ကျက်ဖြစ်တယ်။ အဲဒီလိုကျက်တဲ့အတွက် မေ့သွားရင် တောင် ဆက်စပ်ပြီးပြန်စဉ်းစားလို့ရတယ်။ ဖေဖော်ဝါရီလလောက်ဆိုရင် ဘာသာရပ်အားလုံးကို ပြန် နွှေးရတဲ့အချိန်ဆိုတော့ ညီမကတော့ ဘာသာရပ်အားလုံးကို အချိန်မျှအောင်လုပ်ဖြစ်ပါတယ်။ ကျက် စာတွေလုပ်လို့ အရမ်းပျင်းလာပြီဆိုမှ physics, chemistry တွက်စာတွေကို ပိုလုပ်ဖြစ်တာပေါ့။ သူ့ရဲ့ တွက်စာတွေက တစ်ရက်မလုပ်လိုက်တာနဲ့ အလှမ်းဝေးသလို ဖြစ်သွားတတ်လို့ပါ။ ပြီးတော့မေးခွန်းတို ကနည်းနည်းများတဲ့အတွက် သေချာပြန်လုပ်ဖြစ်တယ်။ အဓိကမေးခွန်းတိုတွေနဲ့ definition တွေကို ဦးစားပေးကျက်ဖြစ်တယ်။ ကြားအချိန်တွေမှာတော့ အချိန်ရရင်ရသလို ပုစ္ဆာတွေတွက်ဖြစ်တယ်။ နောက်တစ်ခုက resister အခန်းဆိုရင် မေးခွန်းတွေက ရောထွေးအောင်လုပ်ထားတာတွေရှိတယ်။ ဥပမာ ပုစ္ဆာမှာ B နဲ့ပဲ တွက်ရမယ်၊ ဒါပေမဲ့ သူက A ဆိုတာကိုလည်း ပေးထားသေးတယ်။ တကယ် တော့ အဲဒီ A ကထည့်တွက်စရာမလိုဘူး။ အဲဒီလိုပေါ့ ကျောင်းသားကို ပေးချက်မှားယူမိအောင်မေး ခွန်းလှည့်တာလေးတွေရှိတဲ့အတွက် မေးခွန်းကိုသေချာဖတ်ရတယ်။

မေး။ ။ အောင်ရုံပဲဆိုတဲ့သူတွေအတွက် ဒီအချိန်မှာဘယ်အခန်းတွေကို သေချာပိုင်နိုင်အောင် ကြည့် ထားသင့်တယ်လို့ထင်လဲ။

ဖြေ။ ။ chapter 1 to 7 ကကျောင်းသားတိုင်းကြည့် အဓိကထားလုပ်တဲ့အခန်းတွေပေါ့။ modern အခန်းကိုတော့ လွှတ်လို့ရတယ်။ သူက အမှတ် ၃၀ ဖိုးလောက်ရနိုင်တယ်ဆိုပေမယ့် အခုမှလုပ်မယ်ဆို ရင်တော့ သိပ်မလွယ်တော့ဘူး။ နှစ်စကတည်းက လုပ်ထားရင်တော့ အဆင်ပြေတယ်။ နောက်တစ်ခု က chapter 5 နဲ့ 6 ကအမှတ်ယူလို့ကောင်းတယ်။ formula အစားထိုးတွက်ရုံပဲဆိုတော့ အဲဒီအခန်း တွေကိုလည်း သေချာပိုင်အောင်လုပ်ထားရင် ဖြေနိုင်မှာပါ။

မေး။ ။ physics မဖြေခင် ညမှာရော ညီမလေးအနေနဲ့ ဘယ်လိုပြင်ဆင်မှုတွေ လုပ်ခဲ့လဲ။

ဖြေ။ ။ ညီမတုန်းက အရှေ့ပိုင်း chapter 1 to 4 ကိုပြန်ဖတ်ဖို့ အချိန်သိပ်မကျန်ဘူး။ အဲဒီတော့ ပုံနှိပ်စာအုပ်ထဲက ပုစ္ဆာတွေကို တစ်ခေါက်ပြန်ကြည့်တယ်။ နောက်ပြီးတော့ပုစ္ဆာတွက်တော့မယ်ဆိုရင် အခန်းတစ်ခန်းစီမှာ ဆရာတွေ recommend ပေးတဲ့ပုစ္ဆာတွေရှိတယ်။ ဒီအပုဒ်အရေးကြီးတယ် ပြန် ကြည့်ရမယ်ဆိုပြီး star ပြထားတာမျိုး၊ မင်နီနဲ့ဝိုင်းထားတာမျိုးတွေရှိတယ်။ နောက်တစ်ခုကကြားထဲမှာ စာမေးပွဲတိုင်းကို ပုံမှန်ဖြေဖြစ်တော့ အဲဒီမှာကိုယ်မှားခဲ့တာတွေကို ပြန်ကြည့်တယ်။ ၁၃ ခန်းလုံးက definition တွေကိုပြန်နွှေးတယ်။ အခေါက်ခေါက်အခါခါကျက်ထားတာဆိုတော့ အားလုံးပြန်နွှေးလိုက် ရင်နာရီဝက်၊ တစ်နာရီလောက်ပဲကြာတယ်။ တွက်စာကို အခန်းဖြတ်ပြီးကြည့်တယ်။ အရေးကြီးတဲ့ခက် တဲ့ပုစ္ဆာတွေကို သေချာပြန်ကြည့်တယ်။ မေးခွန်းတိုက နည်းနည်းများတော့ chapter 1 to 6 ကိုတစ် ပိုင်းကြည့်တယ်။ ပုစ္ဆာတွက်တယ်။ နောက်တစ်ပိုင်း မေးခွန်းတိုကိုပြန်ကြည့်တယ်။ နောက်ဆုံးမှခေါင်း အေးအေးထားပြီး modern physics ကိုကြည့်တယ်။ သူကစာများတဲ့အတွက် အရင်ဆုံးလုပ်လိုက်ရင် တခြားစာတွေလုပ်ရတော့မှာ မဟုတ်ဘူး။ အဲဒီတော့တကယ့်အရေးကြီးတဲ့အပိုင်းတွေအတွက်ပဲ နောက်ဆုံးမှ ခေါင်းထဲကိုသေချာမှတ်တော့တယ်။

မေး။ ။ ဒီနှစ်တက္ကသိုလ်ဝင်တန်း စာမေးပွဲဖြေကြမယ့် ကျောင်းသား၊ ကျောင်းသူတွေကို အကြံပြုချက် လေးပြောပေးပါဦး။

ဖြေ။ ။ မတ်လထဲရောက်ပြီဆိုတာနဲ့ တစ်နှစ်လုံးထားခဲ့သမျှ မာန်ကိုလျှော့လိုက်ပါတော့။ ညီမပြော တာက စိတ်ကိုလျှော့လိုက်ဖို့ပါ။ တော်ပြီမလုပ်တော့ဘူးဆိုပြီး အရှုံးပေးလိုက်ဖို့ပြောတာမဟုတ်ပါဘူး။ ဒီအချိန်မှာ စာကိုပဲအာရုံစိုက်ပြီး လုပ်ဖို့ပါ။ တချို့ကျတော့ရှိတယ်။ ငါ All D ထွက်ရမယ်။ စာမေးပွဲခန်း ထဲဝင်တဲ့အချိန်အထိ The Whole Burma ပဲဆိုတဲ့စိတ်ကဝင်နေပြီး အဲဒီစိတ်က ပြန်ဖိစီးနေတတ် တယ်။ စိတ်ကိုအေးအေးဆေးဆေးလေးထားပြီး တကယ့်စာမေးပွဲရောက်လာတော့လည်း ငါအတတ် နိုင်ဆုံးကြိုးစားပြီးဖြေမယ်ဆိုတဲ့ စိတ်ကလေးပဲထည့်ထားရင် အကောင်းဆုံးဖြေဆိုနိုင်မှာပါ။

အခုလိုဖြေကြားပေးတဲ့အတွက် ကျေးဇူးအများကြီးတင်ပါတယ်။ ။

Democracy Today Daily

ဖေဖော်ဝါရီလ (၁၅) ရက်၊ ၂၀၁၅ ခုနှစ်