ရန်ကုန် ဖေဖော်ဝါရီ ၂
ရန်ကုန်တိုင်း ဒေသကြီး မရမ်းကုန်းမြို့နယ် အမှတ်(၃)ရပ်ကွက်နှင့် အမှတ်(၆)ရပ်ကွက်ကြား မင်းဓမ္မ လမ်းပေါ် ဂက်(စ်)ဆိုင်ရှေ့၌ ဖေဖော်ဝါရီ ၁ ရက် ည ၁ဝ နာရီ ၅ မိနစ်ခန့်က ယာဉ်သုံးစီး ဆင့်တိုက်မှု ဖြစ်ပွားကြောင်း သိရသည်။
ဖြစ်စဉ်မှာ မင်းဓမ္မလမ်းအတိုင်း တောင်မှမြောက်သို့ ဦးစောအောင်သန်းရင် မောင်းနှင်လာသော (1I---)Alphard ခဲရောင် ကိုယ်ပိုင်မော်တော်ယာဉ်နှင့် ရှေ့ဆင့်နောက်ဆင့်မောင်းနှင်လာသော 5E/---- ပရာဒို နီညိုရောင် ကိုယ်ပိုင်မော်တော်ယာဉ်တို့ အရှိန်ပြင်းစွာတိုက်မိကြသည်။
ယင်းသို့ တိုက်မိမှုကြောင့် Alphard ခဲရောင်ယာဉ်မှာ ဦးခေါင်းလည် ထွက်သွားကာ ရပ်တန့်သွားပြီး ပရာဒိုယာဉ်မှာ ပက်လက်ဖြစ်သွားသည်။ နောက်မှလိုက်ပါလာသော မရမ်းကုန်းမြို့နယ် (၃)ရပ်ကွက် အောင်သိဒ္ဓိ ရိပ်သာ(၃)လမ်းနေ ဦးထွန်းလွင်မောင်းနှင်လာသော 9E/----- မာစီဒီး အနက်ရောင် ကိုယ်ပိုင်ယာဉ်က တိုက်ပြီးစ ရပ်တန့်နေသော Alphard ခဲရောင်ယာဉ်ကို အရှိန်အနည်းငယ်ဖြင့် ဆက်၍တိုက်မိခဲ့ကြောင်း သိရသည်။
The Mirror Daily
https://www.facebook.com/TheMirrorDaily
No comments:
Post a Comment