သိုးတွေလိုမနေနဲ့

Friday, November 7, 2014

Silence of the lambs ဆိုသော ရုပ်ရှင်တကားကြည့်ဖူးသည်။ မင်းသမီးဂျိုဒီဖော်စတာက သရုပ်ဆောင်မင်းသားကြီးအန်သော်နီဟော့(ပ်)ကင်းကိုပြောသည်။ သူသည် ငယ်စဉ်က မွေးမြူရေးခြံတခြံမှာနေဖူးသည်။ တနေ့တွင် ညည်းသံလိုလို အော်သံလိုလိုအသံများကိုကြားသဖြင့် ညသန်း ခေါင်ယံကျော်ကျော်တွင် အိပ်ရာမှလန့်နိုးသည်။ အသံကြားရာမှာ ဂိုဒေါင်ထဲမှလာသည်။ သွားကြည့်သောအခါ သိုးများကို တကောင်ချင်း သတ်ဖြတ်နေသောမြင်ကွင်းကို တွေ့ရသည်။ သိုးများသည် သနားစဖွယ် အော်မြည်ရင်း သားသတ်သမားရှေ့တွင် လည်စင်းပေးရရှာသည်။ ဂျိုဒီဖော်စတာသည် သနားလွန်းသဖြင့် သိုးတကောင်ကိုဆွဲခေါ်ပြီး ဂိုဒေါင် တံခါးကို ဖွင့်ပေးလိုက်သည်။ ဂျိုဒီဖော်စတာထင်သည်မှာ သေဘေးနှင့် ရင်ဆိုင်နေရသောသိုးသည် တံခါးဖွင့်ပေးသည်နှင့် လွတ်ရာသို့ ခြေကုန် သုတ်၍ပြေးမည်ဟု သူထင်သည်။ သို့သော်ဖြစ်ရပ်မှန်မှာ သိုးသည် ပြေး ရမှန်းပင်မသိလောက်အောင် ထုံအလွန်းသည်။ မိမိရောက်သောနေရာ မှာပင် ရပ်နေသည်။ သားသတ်သမားကလာခေါ်သောအခါ လိုက်သွား သည်။ ထို့နောက် လည်ပင်းပေါ်သို့ ဓားသွားကျလာသောအခါမှ သေဘေး နှင့်ရင်ဆိုင်ရပြီဆိုသည်ကို သိသည်။ သိုးတတ်နိုင်သည်က မသေခင် မချိမဆံ့အော်သံတခုပြုရုံမျှပင်။ လွတ်မြောက်ရေးအတွက် ရုန်းကန် လှုပ်ရှားဖို့ သူ့မှာအကြံဉာဏ်မရှိ၊ ကြိုးစားအားထုတ်မှုမရှိ။ ကယ်သူက ကယ်သည့်တိုင် ပြေးရမှန်းမသိ။ ထို့ကြောင့် နောက်ဆုံးတော့ သေဘေး သည် လွယ်ကူစွာ သူ့ထံသို့ ရောက်လာတော့သည်။

Discovery၊NAT Geo Wild၊Animal Planet စသော ရုပ်သံလိုင်းများကိုကြည့်သောအခါ တောရိုင်းတိရစ္ဆာန်များ၏သဘာဝကိုတွေ့ မြင်ရသည်။ အသားစားသတ္တ၀ါများ အမဲလိုက်ကြပုံကိုလည်း မကြာခဏ ကြည့်ရသည်။ ကျွန်တော် စိတ်ဝင်တစားစောင့်ကြည့်မိသည်မှာ ခြင်္သေ့၊ ကျားသစ် စသော တောရိုင်းအသားစားတိရစ္ဆာန်များ အမဲလိုက်ပုံဖြစ် သည်။ အထူးအားဖြင့် သတ်သောသတ္တ၀ါထက် အသတ်ခံရသောသတ္တ၀ါ များကို ပိုမိုစိတ်ဝင်စားစွာသတိထား၍ စောင့်ကြည့်မိပါသည်။ သတ်သူမှာ ခြင်္သေ့၊ ကျား၊ ကျားသစ် စသော အင်အားကြီးသတ္တ၀ါများဖြစ်ပြီး အသတ်ခံရသူ (အမဲလိုက်ခံရသူ)မှာ သမင်၊ ဒရယ်၊ ယုန်၊ စိုင်၊ ဆတ်၊ မြင်းကျား၊ ကျွဲ စသော သတ္တ၀ါများဖြစ်သည်။ သတ်သူနှင့်အသတ်ခံရသူ ကိုကြည့်သောအခါ အများအားဖြင့် သတ်သူသည် ကောင်ရေနည်းပါးစွာ လာရောက်ခြင်းဖြစ်ပြီး အသတ်ခံရသူသည် အုပ်စုလိုက်နေသောသတ္တ၀ါ များဖြစ်သည်။ သို့သော် အသတ်ခံရသူ သတ္တ၀ါများသည် တကောင်နှင့် တကောင် စည်းလုံးညီညွတ်မှုမရှိ၊ ရိုင်းပင်းကူညီမှုမရှိတာ သတိထားမိသည်။ ဥပမာ-မြင်းကျားအကောင်တရာခန့်ရှိသောအုပ်စုကြီးတွင် မြင်းကျား တကောင်ကို ခြင်္သေ့တကောင်ဝင်ဆွဲပါက ဒဏ်ရာရနေသော မသေသေးသည့် မြင်းကျားကို ဘယ်သူကမှဝင်မကူ ဘေးနားမှမြင်းကျားသည် သူနှင့် မဆိုင်သလို မြက်စားပင်မပျက် အေးအေးလူလူနေနိုင်ကြသည်။ ခုခံတော် လှန်ဖို့ဝေးစွ၊ ပြေးဖို့ပင် သတိမရပေ။ ထို့ကြောင့် အာဖရိကတောနက် ထဲတွင် ခြင်္သေ့များသည် နေ့စဉ်လွယ်ကူစွာ အစာရှာစားနိုင်ခြင်း ဖြစ် သည်။ သမင်များ၊ စိုင်များ၊ ဆတ်များ၊ တောဝက်များသည် တယောက် ဒုက္ခကို တယောက်က ၀င်ရောက်ကူညီရိုးထုံးစံမရှိပေ။ သို့သော် ခြင်္သေ့ များက ဤသို့မဟုတ် အမဲလိုက်ရာတွင် တကောင်က ခြေထောက်ကို ခဲမိထားလျှင် ကျန်သောခြင်္သေ့များက ခြေထောက်၊ လည်မျိုစသည်ဖြင့် ၀ိုင်းဝန်းကိုက်ခဲလေ့ရှိသည်။ စည်းလုံးမှုအားဖြင့် သူတပါးအသက်ကို သတ်ဖြတ်လေ့ရှိသည်။ ထို့ကြောင့် သတ္တ၀ါများမှာ အကောင်ရေအင်အား သာလွန်၍ ခြင်္သေ့မှာ ကောင်ရေနည်းပါးလင့်ကစား၊ သူတို့အလိုရှိတိုင်း သတ်ဖြတ်နိုင်ခြင်း ဖြစ်သည်။

တခါတရံတွင် ထူးခြားသောမြင်ကွင်းကိုလည်း တွေ့ရသည်။ မြစ်ကမ်းဘေးတွင် အစာစားနေသော တောကျွဲအုပ်ကြီးတအုပ်ကို ထုံးစံ အတိုင်း ခြင်္သေ့တကောင်က၀င်ဆွဲသည်။ ထိုကျွဲအုပ်ထဲတွင် ရဲရင့်သော ကျွဲတကောင်ပါလာသည်။ ထိုကျွဲသည် သူ့အဖော်ကိုဝင်ဆွဲသော ခြင်္သေ့ ကိုပြေးခွေ့သည်။ ထိုအခါ ခြင်္သေ့သည် ခါတိုင်းလို အလွယ်တကူမသတ် ဖြတ်နိုင်ပဲ မိထားသောကျွဲခြေထောက်ကို လွှတ်လိုက်ကာ ပြေးခွေ့သော ကျွဲကြီးကို ရင်ဆိုင်သည်။ တကယ်ယှဉ်လိုက်သောအခါ တောကျွဲသည် ခြင်္သေ့ထက် ခန္ဓာကိုယ်ကြီးသည်။ ဦးချိုမှာလည်း ချွန်ထက်နေသည်။ သို့သော် အမဲလိုက်ပညာတွင် ခြင်္သေ့ကို ကျွဲမမီ။ ခြင်္သေ့က လှည့်ပတ် ချောင်းသည်။ ခြေထောက်ကို အဆွဲခံရသော ကျွဲသည် ထော့နဲ့ထော့နဲ့ ဖြင့် ကျွဲအုပ်ထဲသို့ ပြန်ဝင်သွား၏။ ကျွဲများသည် စိတ်အားတက်လာ သည်လားမပြောတတ်။ တကောင်စနှစ်ကောင်စ အုပ်ထဲမှထွက်လာကာ တကောင်ချင်းတိုက်ခိုက်နေသော ကျွဲနှင့်ခြင်္သေ့တိုက်ပွဲတွင် မိမိမျိုးနွယ်တူ ကျွဲဘက်မှပါဝင်တိုက်ခိုက်သည်။ ခါတိုင်း ဘာမှပြန်မလုပ်သော ဆိတ်လို၊ သိုးလို၊ သမင်လို၊ မြင်းကျားလို သတ္တ၀ါများကိုသာ အနိုင်ကျင့်သတ် ဖြတ်ခဲ့သောခြင်္သေ့သည် သူသေကိုယ်သေပြန်ချသော ကျွဲများနှင့်တွေ့ သောအခါ ကြာရှည်စွာ ရင်ဆိုင်မတိုက်ခိုက်ဘဲ ထွက်ပြေးသွားတော့သည်။ တကယ်ပြန်လည်ခုခံတိုက်ခိုက်ကြမည်ဆိုလျှင် ကျွဲတို့၏ ဦးချိုကို ခြင်္သေ့တို့ ကြောက်ရွံ့ကြောင်း သက်သေသာဓကပင်ဖြစ်သည်။ သို့သော် ခြင်္သေ့ ကိုစိန်ခေါ်ရဲသော ရဲရင့်သည့်ကျွဲတကောင်လို၏။ ထိုကျွဲနောက်သို့ ညီညာဖြဖြ လိုက်ပါကြမည့် မျိုးနွယ်တူကျွဲများလိုအပ်၏။ ကျွဲနှင့်ခြင်္သေ့သည် တကောင်ချင်းတိုက်ခိုက်လျှင် မမျှတချေ။ ကြာလာသည်နှင့် ခြင်္သေ့၏ ပရိယာယ်တွင် ကျွဲအသက်ပျောက်မည်ဖြစ်သည်။ စုပေါင်းတိုက်ခိုက်လျှင် မူကား ကျွဲ၏ဒဏ်ကိုမခံနိုင်ဘဲ ခြင်္သေ့ပြေးရမည်ဖြစ်သည်။ ခွေးအများ သည် တကောင်ကိုတိုက်ခိုက်ခံရသည်နှင့် ဘယ်တော့မှထွက်မပြေး၊ သေ သည်အထိ အုပ်စုလိုက် ၀ိုင်းဝန်းခုခံတိုက်ခိုက်ကြသဖြင့် ကျား၊ ခြင်္သေ့ များပင် ခွေးအ,အုပ်စုကိုရှောင်ကြ၏။ ခြင်္သေ့သည် တောဘုရင်အဖြစ် မင်းမူနေနိုင်ခြင်းမှာ သူနိုင်မည်ထင်သောသတ်္တ၀ါကိုမှ ရွေးချယ်တိုက်ခိုက် ခြင်း။ အတိုက်ခိုက်ခံရသောသတ္တ၀ါများသည် ကိုယ်နှင့်မဆိုင်သလို ၀င် မကူကြခြင်းကြောင့်ဖြစ်သည်။ ပြန်လည်ခုခံတိုက်ခိုက်သူတို့ကို သူတို့ ရန်မပြုရဲကြပေ။

တော၏ဥပဒေမှာ အားကြီးသူက အားနည်းသူကို တိုက်ခိုက်အနိုင်ယူခြင်း ဖြစ်သည်။ သမင်ကို ခွေးအ,အုပ်ကဆွဲ၏။ ခွေးအလက်ထဲမှ သမင် ကို မိကျောင်းကြီးတကောင်က၀င်ဆွဲပြီး ရေထဲသို့ထွက်ပြေးသွား၏။ လူ တို့ဌာနေ လူတို့ပြည်ကား ကျောက်ခေတ်မှာ နိုင်ရာစားတောရိုင်းဥပဒေ အတိုင်း ကျင့်သုံးခဲ့ကြသော်လည်း တဖြည်းဖြည်းယဉ်ကျေးမှုအဆင့်မြင့်တက်ကာ တောရိုင်းဥပဒေနေရာတွင် လူလုပ်တရားဥပဒေဖြင့် အစားထိုး အုပ်ချုပ်နေထိုင်လာကြ၏။ သို့သော် တောရိုင်းဥပဒေကား လုံးဝပျောက် ပျက်သွားခြင်းတော့မဟုတ်။ ဥစ္စာဓနရှိသူက ဥစ္စာဓနမရှိသူကို၊ အာဏာ ရှိသူက အာဏာမရှိသူကို၊ လက်နက်ရှိသူက လက်နက်မရှိသူကို လစ်လျှင်လစ်သလို အနိုင်ကျင့်နေသောဖြစ်ရပ်များလည်း ရှိနေဆဲ၊ ဖြစ် နေဆဲဖြစ်သည်။ ထိုဖြစ်ရပ်မျိုး ထိုလုပ်ရပ်မျိုးကို ကိုယ်နှင့်မဆိုင်သလို နေနေကြသော လူ့အသိုင်းအ၀ိုင်းတွင် တောရိုင်းဥပဒေထွန်းကားပြီး၊ ထိုလုပ်ရပ်ကိုလက်မခံ အားမပေးသော လူအများစုနေထိုင်ရာနိုင်ငံတွင် လူတို့ပြုလုပ်ထားသော တရားဥပဒေထွန်းကား၏။ ကျွန်တော်တို့နိုင်ငံတွင် လည်း အင်အားကြီးသူက အင်အားမရှိသူကို။ လက်နက်ရှိသူက လက်နက်မရှိသူကို မတရားဖမ်းဆီးသတ်ဖြတ်ခြင်းသည် တောရိုင်းဥပဒေ အတိုင်း ကျင့်သုံးနေခြင်းဖြစ်သည်ဟု ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က မြို့တော်ခန်းမရှေ့တွင်ပြုလုပ်သော အလွတ်တန်း သတင်းထောက်ကိုပါကြီး သတ်ဖြတ်ခံရမှု ကန့်ကွက်ဆန္ဒထုတ်ဖော်ပွဲတွင် ပြောကြားခဲ့ပါသည်။

နိုင်ငံတနိုင်ငံသည် မိမိနှင့်ထိုက်တန်သော အစိုးရများကိုသာရရှိ လေ့ရှိသည်ဟု နိုင်ငံရေးသုခမိန်တဦးက ပြောကြားခဲ့ဖူးသည်။ ထိုအဆို ကို သဘောတူသူလည်းရှိသည်။ သဘောမတူသူလည်းရှိသည်။ သို့သော် ကျွန်တော် တခုသတိထားမိသည်မှာ မတရားမှုအနိုင်ကျင့်ခြိမ်းခြောက်မှု များကို တိုင်းသူပြည်သားအများစုက ကိုယ်နှင့်မဆိုင်သလို (မြင်းကျား များမြက်စားမပျက်သလို)နေနေကြသော လူအများစုဝေးနေထိုင်ရာ တိုင်း ပြည်သည် မတရားမှုများပိုမိုပေါ်ပေါက်လေ့ရှိပြီး မတရားမှုများကို လက် မခံသောလူများစု၊ မတရားမှုကို ပြန်လည်တွန်းလှန်တိုက်ခိုက်သော လူများ စုနေထိုင်ရာ တိုင်းပြည်တွင် မတရားမှုများကြီးစိုးရန် အခွင့်အလမ်းနည်း ပါးခြင်းဖြစ်သည်။ အမေရိကန်ပြည်ထောင်စုတွင် လက်နက်မဲ့လူမည်း လူငယ်တဦးအား ရဲတပ်ဖွဲ့ဝင်များမှ သေနတ်ဖြင့် အသေပစ်ခတ်သော အမှုမကြာမီက ဖြစ်ပွားခဲ့ပါသည်။ ထိုအမှုမျိုးသည် မတရားမှုများကို (ကြောက်ရွံ့မှုကြောင့်ဖြစ်စေ) လက်ခံကျင့်သုံးနေသော အာဖရိက၊ လက်တင်အမေရိက၊ အာရှ စသော နိုင်ငံအချို့တွင်ဆိုလျှင် လူမသိသူ မသိ ပြီးဆုံးသွားမည်ဖြစ်သည်။ သို့သော် မတရားမှုကို လက်သင့်မခံ သော လူအများစုဝေးနိုင်ထိုင်ရာ နိုင်ငံတခုဖြစ်သော အမေရိကန်ပြည် ထောင်စုတွင်တော့ ရဲများ(စစ်သားများ)ကလုပ်ချင်တိုင်းလုပ်၍မရဘဲ ဥပဒေ အတိုင်း စုံစမ်းစစ်ဆေးမှုများ ပြုလုပ်လာရလေသည်။ ဥပဒေမဲ့ လုပ်ရပ် ဖြစ်ကြောင်း ထင်ရှားပေါ်ပေါက်လျှင် ကျူးလွန်သူသည် မည်သူ၊ မည် သည့်အဖွဲ့အစည်းမှပဲဖြစ်ဖြစ် အရေးယူခံရပေမည်။ ဥပဒေအထက်တွင် မည်သူမျှမရှိဆိုရာတွင် တကယ် ဘယ်သူမှမရှိခြင်းဖြစ်သည်။

ထိုသို့သော နိုင်ငံမျိုး၊ ထိုသို့သော အဆင့်အတန်းမျိုးကိုရလိုလျှင် ကျွန်တော်တို့သည် ဆုတောင်းနေရုံနှင့် ရမည်မဟုတ်ပေ။ စိတ်ရှည်နေရုံနှင့်ရမည်မဟုတ်၊ သည်းခံနေရုံနှင့်ရမည်မဟုတ်၊ ဆဲဆိုနေရုံနှင့်ရမည် မဟုတ်၊ အားငယ်စိတ်ပျက်နေရုံနှင့်ရမည် မဟုတ်၊ ရန်သူ့အင်အားကို ကြည့်၍ကြောက်နေ၍ မရ။ မတရားမှုမှန်သမျှကို တတ်နိုင်သမျှဝိုင်းဝန်း ဆန့်ကျင်ရမည်ဖြစ်သည်။ မတရားမှုကို လက်မခံသော လူဦးရေများလာသည်နှင့်အမျှ နိုင်ငံသည် ဥပဒေစိုးမိုးမှုရှိလာမည်ဖြစ်သည်။ မည်သည့် အရာကိုမှသေးငယ်သည်ဟူ၍ လျစ်လျူမရှုဘဲ အမှားကိုအမှားဟုထောက် ပြရပေမည်။ ကိုယ်နှင့်ပတ်သက်တော့မှ ကိုယ့်အဖွဲ့နှင့်နီးစပ်မှုရှိမှ ကန့်ကွက်ရှုတ်ချမှုလုပ်ခြင်းထက် မည်သူမဆို ဥပဒေမဲ့သောလုပ်ရပ်များ တောရိုင်းဥပဒေကို လူ့ဘောင်အသိုင်းအ၀ိုင်းတွင် ကျင့်သုံးလာခဲ့လျှင် ၀ိုင်းဝန်းဆန့်ကျင်ရပေမည်။ ဥပမာ-ရန်ကုန်မြို့ အင်းလျားလမ်းမီးပွိုင့်တွင် နိုင်ငံတော်အကြီးအကဲဟောင်း၏မြေးဆိုသူက တာဝန်ကျယာဉ်ထိန်းရဲသား လေးအား တာဝန်အရဆောင်ရွက်မှုကိုမကျေနပ်၍ ၎င်းင်းအိမ်သို့ခေါ်ယူ နှိပ်စက်သောကိစ္စတွင် ၈၈ ခေါင်းဆောင်များ၊ တရားဥပဒေစိုးမိုးရေး ကော်မတီဝင်များ၊ နိုင်ငံရေးပါတီများ၊ တိုင်းရင်းသားခေါင်းဆောင်များ၊ လွှတ်တော်ကိုယ်စားလှယ်များသည် မတရားမှုကို မသိချင်ယောင်ဆောင် နေကြပေသည်။ မည်သူတစုံတဦးကမျှ ၀င်ရောက်ပြောဆိုကန့်ကွက်တာ မတွေ့ရပေ။ တောရိုင်းဥပဒေကိုကျင့်သုံးခဲ့ပါလျက် အားလုံးက သဘော တူလက်ခံနေသလိုရှိပေသည်။ ဤသို့သောနိုင်ငံ၌ မတရားမှုများလျော့ပါး ပျောက်ကွယ်မည်မဟုတ်ပေ။ ပြည်မြို့န၀ဒေးတံတားအောက်မှ လူသတ်မှု ယခုထက်တိုင်မပေါ်သေးပေ။ ကချင်ပြည်နယ် ဖားကန့်တွင် န၀မတန်း ကျောင်းသူလေး KIA နှင့် တပ်မတော်တိုက်ပွဲဖြစ်မှုကြားတွင် သေနတ် ထိမှန်သေဆုံးခဲ့စဉ်ကလည်း ကာယကံရှင်မိသားစုမှလွဲ၍ မြန်မာ့နိုင်ငံရေး အသိုင်းအ၀ိုင်းသည် မြင်းကျားများ မြက်စားမပျက်သလို ဘာသိဘာသာ နေထိုင်ခဲ့ကြပါသည်။ ရန်ကုန်မြို့ စိမ်းလဲ့ကန်သာ ငါးလောင်းပြိုင်လူသတ် မှုကို ဖော်ထုတ်ပေးပါဟု ဆန္ဒထုတ်ဖော်မှုလည်းမရှိခဲ့ပါ။ မတွေ့ဖူးပါ၊ ကန့်ကွက်ကြောင်း ကြေညာချက်လည်း မည်သည့်အဖွဲ့အစည်းကမှ မထုတ်ပြန်ခဲ့ပါ။ မြန်မာနိုင်ငံတွင် အချုပ်ထဲတွင် ရဲကနှိပ်စက်၍ အသက် သေသွားရှာသော များစွာသော အညတရအချုပ်သမားများအတွက်လည်း မည်သူကမျှ တရားမျှတမှုကိုမတောင်းဆိုခဲ့ဖူးပါ။ ဆိတ်ဆိတ်နေခြင်းသည် သဘောတူညီခြင်းတမျိုးပင်ဖြစ်၍ မတရားမှုများကို မကန့်ကွက်သော နိုင်ငံတွင် မတရားမှုများသည် ဆက်ကာဆက်ကာ ဖြစ်လာနေမည်ဖြစ် သည်။ ခံရသူသည် နိုင်ငံကသိသော ထင်ပေါ်ကျော်ကြားသူဖြစ်ပါမှလိုက် ပါကန့်ကွက်ကြခြင်းသည် နည်းလမ်းမကျပေ။ အက်ဆစ်မိုးရွာနေသော နိုင်ငံဝယ် ထီးဆောင်းကာ ကြည်နူးနေသလိုသာဖြစ်သည်။ ကိုယ့်ကိုမထိ သေးသော်လည်း ဆောင်းနေသောထီးပေါက်သွားသောတနေ့ဝယ် သင့် ထံသို့လည်း အက်ဆစ်များ လောင်ကျွမ်းပါလိမ့်မည်။ မည်မျှသေးငယ်သော မတရားမှုပင်ဖြစ်စေ လူ့အသိုင်းအ၀ိုင်းက လက်မခံကန့်ကွက်ပါ က ထိုမတရားမှုမှာ ပပျောက်သွားလိမ့်မည်။ အင်္ဂလန်၊ အမေရိကန်ပြည်ထောင်စု၊ ဆွဇ်ဇာလန်စသော နိုင်ငံများဝယ် ဘတ်(စ်)ကားမောင်းသူသည် ခရီးသည်ကို ငေါက်ငမ်း၍မရ၊ အဘယ့်ကြောင့်ဆိုသော် မည်သူကမျှ လက်မခံသောကြောင့် ဖြစ်သည်။ မြန်မာနိုင်ငံတွင် ငေါက်ငမ်း၍ရနေခြင်း မှာ လူအများစုက စပယ်ယာနှင့် ဒရိုင်ဘာသည် ထိုသို့ပြောဆိုငေါက်ငမ်း ခွင့်ရှိသည်ဟု လက်ခံထား၍ဖြစ်သည်။ တိုးရစ်များသည် ထိုသို့ငေါက်ငမ်း သည်ကိုလက်မခံသောအခါ Tour Car ဒရိုက်ဘာများသည် တိုးရစ်များ ကို ထိုသို့မငေါက်ငမ်းဝံ့ကြပေ။ လိုင်းကားပေါ်ရောက်သွားသောအခါ မြန်မာအချင်းချင်း ငေါက်ငမ်းဝံ့ကြသည်။ အသေးအဖွဲပင်ဖြစ်လင့်ကစား လူများစုကလက်ခံလျှင် ထိုဓလေ့မှာရှင်သန်၍ လက်မခံလျှင် ကျဆုံးရ မည်ဖြစ်သည်။ မြန်မာနိုင်ငံတွင် ကထိန်၊ မင်္ဂလာဆောင်၊ အလှူ စသော ပွဲများတွင် နားကွဲလောက်အောင် လော်စပီကာများ၊ ဆောင်းဘောက်များ နားမခံသာအောင်ဖွင့်ကြခြင်းမျိုး စင်္ကာပူတွင်၊ အမေရိကတွင်၊ ဥရောပ တွင်လုပ်၍မရပေ။ အဘယ့်ကြောင့်ဆိုသော် မည်သူကမျှ စည်းကမ်းမဲ့ ဆူညံမှုကို လက်မခံ၍ဖြစ်သည်။ ထိုအသေးအဖွဲများကား နမူနာမျှသာ ရှိပါသေးသည်။ ထို့ထက်အလွန်အဆင့်တက်၍ကြည့်လျှင် မြန်မာနိုင်ငံမှာ ပင် တောနှင့်မြို့ကွာပေသည်။ စာပေဟောပြောပွဲများကို ရန်ကုန်တွင် ခွင့်ပြုမိန့်ပါမစ်မပေးသောပွဲဟူ၍မရှိသော်လည်း အချို့ တောမြို့များ၊ ကျေးရွာများတွင် ခွင့်ပြုမိန့်မပေးသော ဒေသများရှိပေသည်။ ရန်ကုန် မှာ ဟောပြောပွဲပိတ်လျှင် အပိတ်ခံရသူကလက်မခံ ရှေ့ဆက်၍ ကန့်ကွက် မည်ဖြစ်သည်။ ၀င်ဒါမီယာတွင် ဧည့်စာရင်းစစ်မည်ဟု ခြင်ထောင်ထဲ ဓာတ်မီးနှင့်ထိုးမကြည့်သော်လည်း လှိုင်သာယာတွင် ထိုးကြည့်ကောင်း ကြည့်နိုင်ခြင်းမှာ ၀င်ဒါမီယာ၌ လူများစုကထိုအပြုအမူကို လက်မခံကြ သောကြောင့်ဖြစ်သည်။ လူထု၏ ပညာရည်မြင့်မားမှုကလည်း မတရားမှုများကို တားဆီးရာတွင် တဖက်တလမ်းမှ အထာက်အကူဖြစ်စေပါသည်။ မြန်မာနိုင်ငံတွင် ၁၉၈၈ ခုနှစ်ခန့်က တပ်မတော်သည် နေရာအနှံ့ ပေါ်တာဆွဲခဲ့သော်လည်း ယခုအခါ မြို့ကြီးများတွင် ပေါ်တာဆွဲမှုမရှိ သလောက်ဖြစ်သွားခြင်းမှာ ထိုကိစ္စသည် လက်သင့်ခံနိုင်စရာကိစ္စမဟုတ်ကြောင်း လူများစုက တစိုက်မတ်မတ်ဆန့်ကျင်ကန့်ကွက်ခဲ့ကြသော ကြောင့်ဖြစ်သည်။ တပ်မတော်က အလိုလိုသဘောကောင်းလာခြင်းကြောင့် မဟုတ်ပေ။ ကလေးစစ်သားကိစ္စလည်း ထိုနည်းနှင်နှင်ဖြစ်သည်။ ကျွန်တော်တို့သည် မသိသေးသူကို သိအောင်ပြောပေးရမည်။ အဲကွန်းခန်းထဲတွင် ဆေးလိပ်သောက်နေသူကို ဆေးလိပ်မသောက်သင့်ကြောင်း သွားပြောရမည်။ တယောက်ပြော၍ ရပ်ချင်မှရပ်မည်။ ရှိသမျှလူအားလုံး က၀ိုင်းပြောလျှင် သူ့အပြုအမူသည် လူတို့လက်ခံနိုင်ဖွယ်မဟုတ်ကြောင်း သူ့ဘာသာသိလာမည်။ မပြောဘဲထိုင်နေကြလျှင် (သို့မဟုတ်) တယောက် ကပြောပြီး ကျန်သူများက ကိုယ်နှင့်မဆိုင်သလိုနေကြလျှင် ပြောသူ အလွန်ဖြစ်မည်။ စည်းကမ်းဖောက်ဖျက်သူသည် ရပ်တန့်မည်မဟုတ်။

မတရားမှုကို ကန့်ကွက်ရာ၌ လူများစုက တညီတညွတ်တည်းကန့်ကွက် ဖို့ပြောကြဆိုကြဖို့လိုသည်။ မတရားသောစီမံကိန်းများ၊ မတရားလယ် ယာမြေသိမ်းဆည်းခံရမှုများ၊ တပ်မတော်၏ဥပဒေချိုးဖောက်မှုများရှိလျှင် သက်သေသက်ကာယနှင့် အထောက်အထားခိုင်ခိုင်မာမာဖော်ထုတ်ကန့် ကွက်ဖို့လိုသည်။ တရားဥပဒေစိုးမိုးရေးကို ဖောက်ဖျက်သောကိစ္စများ (ယာဉ်ထိန်းရဲကို ပါးရိုက်သောကိစ္စမျိုး)ဖြစ်လာလျှင် အားလုံးက ၀ိုင်းဝန်း ကန့်ကွက်ကြဖို့လိုသည်။ ဥပဒေမဲ့သတ်ဖြတ်မှုများတွင်(သေသူသည် သူတောင်းစားပင်ဖြစ်စေ) တညီတညာတည်း ကန့်ကွက်ကြဖို့လိုသည်။ ထိုသို့လုပ်ဆောင်မှုများသည် နိုင်ငံရေးသမားများ၊ လူမှုအဖွဲ့အစည်းများ က စဉ်ဆက်မပြတ် မျက်စိဖွင့်နားစွင့်နေရမည်ဖြစ်ပြီး နိုင်ငံသားအားလုံး က ပါဝင်ဆောင်ရွက်ရပါမည်။ လောကကြီးတွင် ကိုယ်တိုင်မတောင်းဆို ဘဲ ဘာမှ သူ့အလိုလို အလကားရသည်မရှိပါ။ ကျွန်တော်တို့ကကြောက်၍ ငြိမ်ခံနေခဲ့လျှင် ကျွန်တော်တို့နှင့် ထိုက်တန်သောအစိုးရ၊ ထိုက်တန်သော တပ်မတော်ကိုပဲရရှိမှာဖြစ်သည်။

ကျွန်တော်တို့အနာဂတ်ကို အိုဘားမားကလည်းလာ၍ ပုံဖော်ပေး မှာမဟုတ်၊ ရှီကျင်ပင်းကလည်း လာကယ်မှာမဟုတ်၊ ဥရောပသမဂ္ဂကလည်း လာပြီး ဖန်ဆင်းပေးမည်မဟုတ်၊ ဂျပန်ကလည်း ဥုံဖွဆိုပြီး လောကနိဗ္ဗာန်ထူထောင်စေမည်မဟုတ်။ ကုလသမဂ္ဂကလည်း စိုးရိမ် မကင်းကြောင်း ကြေညာချက်ထုတ်ရုံမှတပါး ဘာမှလုပ်ပေးမည်မဟုတ်။ ကိုယ်ကိုယ်တိုင်ရုန်းကန်ရမည်ဖြစ်သည်။ ကျွန်တော်တို့၏အနာဂတ် သားသမီးမြေးမြစ်များအတွက် ကျွန်တော်တို့ကိုယ်တိုင် ရွေးချယ်ရမည် ဖြစ်သည်။ ထိုသို့ရွေးချယ်ရာတွင် သားသတ်သမားလက်သို့ မရောက်မချင်း တိတ်ဆိတ်စွာရပ်နေသော သိုးကလေးတို့၏ တိတ်ဆိတ်ခြင်း Silence of the lambs လိုနေမလား။ ကိုယ့်ကိုမထိသေးသ၍ ဘေးနား ကအဖော်ကို ခြင်္သေ့ကကိုက်ခဲနေတာပင် မြက်စားမပျက်သော မြင်းကျား တွေလိုနေမလား။ တကောင်ကိုထိသည်နှင့် ၀ရုန်းသုန်းကားထွက်ပြေးသော သမင်တွေလို သတ်္တိကြောင်စွာ ထွက်ပြေးမလား။ တယောက်ကို ထိလျှင် ကိုယ့်ကိုလည်းထိသည်ဟု သဘောထားကာ ပြန်တိုက်ခိုက်သော ခွေးအ တွေလိုပြုမူမလား။ တောကျွဲအုပ်ကြီးအချို့လို ခြင်္သေ့ကို ပြန်ခွေ့၊ အနာခံကာပြန်တိုက်မလား။ ဘယ်အရာမှ အလကားမရပါ။ သိုးကလေး တွေလိုနေနေလျှင် လူချစ်လူခင်များပါသည်။ အေးချမ်းပါသည်။ ဘေးကင်း ပါသည်။ သို့သော် သိုးတို့ နိဂုံးဘယ်လိုချုပ်သလဲဆိုတာတော့ မမေ့ကြ ဖို့လိုသည်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)