ရန်ကုန်၊ ဇန်နဝါရီ ၃
တရုတ်ပြည်သူ့ သမ္မတနိုင်ငံမှ တန်ခိုးကြီး ဘုရားစေတီများ၏ ရုပ်ပွားတော်
(ဓာတ်ပုံ) များကို ရန်ကုန်မြို့တော်ရှိ ရွှေတိဂုံစေတီ ဘုရားပရိဝုဏ် အတွင်း၌
ဇန်နဝါရီလ ၆ ရက်နေ့မှ စတင်ပြသသွားမည် ဖြစ်ကြောင်း မြန်မာနိုင်ငံဆိုင်ရာ
တရုတ်သံရုံးမှ တာဝန်ရှိသူတစ်ဦးက ပြောကြားသည်။
နှစ်နိုင်ငံ ချစ်ကြည်ရေးနှင့် ယဉ်ကျေးမှု
ဖလှယ်ရေး အစီအစဉ်အရ တရုတ်နိုင်ငံမှ တန်ခိုးကြီး ဘုရားစေတီ၊ ပုထိုးများ၏
ဓာတ်ပုံများကို ရွှေတိဂုံဘုရား ပရိဝုဏ် ချမ်းသာကြီး စောင်းတန်း၌ ဇန်နဝါရီလ ၆
ရက်နေ့မှ ၉ ရက်နေ့အထိ ပြသရန် စီစဉ်ခြင်း ဖြစ်ကြောင်း ၎င်းကဆိုသည်။
အဆိုပါ ဓာတ်ပုံပြပွဲကို မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံ
သံရုံး၊ ရွှေတိဂုံဘုရား ဂေါပကအဖွဲ့နှင့် တရုတ်-မြန်မာ ချစ်ကြည်ရေး
အသင်းကြီးတို့က ဦးဆောင်ကျင်းပခြင်း ဖြစ်ပြီး ဓာတ်ပုံပြပွဲအတွက် ဖွင့်ပွဲ
အခမ်းအနားကို ဇန်နဝါရီလ ၆ ရက်နေ့ နံနက် ၉ နာရီတွင် ကျင်းပသွားမည်
ဖြစ်ကြောင်း ၎င်းက ထပ်လောင်းရှင်းပြသည်။
တရုတ်-မြန်မာ နှစ်နိုင်ငံ
ချစ်ကြည်ရေးအတွက် တရုတ်ပြည်သူ့ သမ္မတနိုင်ငံ၏ ရှေးအကျဆုံး ဗုဒ္ဓဘုရား
ကျောင်းတော်ကြီးတွင် မြန်မာ့ဗိသုကာ လက်ရာဖြင့် စေတီတစ်ဆူကို မြန်မာအစိုးရက
တည်ထား လှူဒါန်းသွားမည် ဖြစ်ကြောင်း ဒီဇင်ဘာလ ၁၉ ရက်နေ့က တရုတ်ပြည်သူ့
သမ္မတနိုင်ငံ သာသနာရေး ဝန်ကြီးဌာနနှင့် တရုတ်နိုင်ငံရှိ မြန်မာသံရုံးတို့က
သဘောတူစာချုပ်၌ လက်မှတ် ရေးထိုးခဲ့ကြသည်။
Subscribe to:
Post Comments (Atom)
No comments:
Post a Comment