အသည်းရောင် အသားဝါဘီပိုး ရှိသူများ မပေ့ါဆသင့် ပါ

ကျွန်တော်၏ မိတ်ဆွေ တစ်ဦးသည် ပြီးခဲ့သောလတွင် အသည်းရောင်ဘီပိုး၏ နောက်ဆက်တွဲပြဿနာများကြောင်
့ အသည်း ခြောက်ရောဂါဖြစ်လာပြီး အသည်း ကင်ဆာဝေဒနာကို ခံစားနေရပါ သည်။ပို၍ကံဆိုးသည်မှာ အသည်း ကင်ဆာ သည် အဆုတ်၊ အရိုးနှင့်ပြန်ရည် အကျိတ်များသို့ ကင်ဆာဆဲလ်များ ပြန့်ပွားနေပါသည်။

အသည်းဆေးရုံကြီးသို့ တက်ရောက် ကုသခဲ့ပြီး အသည်းအထူးကု ဆရာဝန်ကြီးများ၏ ညွှန်ကြားချက် အရဆေးများသောက်ကာ အိမ်တွင် အနားယူနေပါသည်။ ယခင်က ကိုယ်အလေးချိန်ပေါင်၂ဝဝ ခန့်ရှိနေရာမှ ပေါင် ၁၃ဝအောက်ရောက်ရှိ သွားပါသည်။ လူသည်ပိန်ချုံးလာပြီး အစားအသောက် ပျက်ကာ ရောဂါဝေဒနာကို ခက်ခဲစွာ ရင်ဆိုင်နေရပါသည်။ ထိုမိတ်ဆွေကို ကြည့်ပြီး အသည်းရောင် ဘီပိုးရှိပါက မပေါ့ဆသင့်ကြောင်း အကြံပြုရေးသား အပ်ပါသည်။

အသည်းရောင်ဘီပိုးရှိသူများသည် မည်သည့်လက္ခဏာမျှ မပြသောကြောင့် ရောဂါပိုးရှိမှန်းမသိ ကြပါ။ နိုင်ငံခြားသွားခြင်း၊ သင်တန်းတက်ခြင်း၊ အလုပ်လျှောက်ခြင်း၊ အိမ်ထောင်ပြုခြင်းနှင့် တခြားသော ရောဂါဖြစ်ခြင်း တို့အတွက် စစ်ဆေးရာမှ မိမိတွင် အသည်းရောင် ဘီပိုးရှိနေမှန်း သိကြပါသည်။ သို့ရာတွင် ပေါ့ဆပြီး အသည်း ဆရာဝန်ကြီး သို့မဟုတ် သမားတော် တစ်ဦးဦးနှင့် မပြခြင်းကြောင့်နောက်ဆက်တွဲ ဆိုးကျိုးများကို ခံစားကြရပါသည်။ အသည်းရောင် ဘီပိုးသည် မွေးကင်းစတွင် ဝင်ပါက ပျောက်ကင်းမှု မရှိဘဲ ၉၅ ရာခိုင်နှုန်းသည် နာတာရှည်ဖြစ်နိုင် ပါသည်။ ကလေးဘဝတွင် ဝင်ပါက ၃ဝ ရာခိုင်နှုန်းခန့်သာ နာတာရှည်ဖြစ်နိုင် ပါသည်။

လူကြီးဘဝတွင် ဝင်ပါက ငါးရာခိုင်နှုန်းသာ နာတာရှည်ဖြစ်ပြီးတစ်သက်လုံး ပိုးဝင်တတ်ပါသည်။၉၅ ရာခိုင်နှုန်းခန့်သည် အလိုအလျောက် ပျောက်ကင်း နိုင်ပါ သည်။ထို့ကြောင့် လူတိုင်းလူတိုင်းသည် မိမိတွင် အသည်းရောင် အသားဝါ အေ၊ ဘီ၊ စီ၊ ဒီ၊ အီးနှင့် အက်ဖ်ရှိ၊ မရှိစစ်ဆေးရပါမည်။ မိမိတွင် အသည်းရောင် ဘီပိုး ရှိပါက သုံးလသို့မဟုတ် လေးလခြား တစ်ခါ တစ်သက်လုံးစစ်ဆေးရပါမည်။ အသည်းရောင် ဘီပိုးရောဂါသည် မည့်သည် အချိန်တွင် ငြိမ်နေရာမှ ကြွလာသော အခြေအနေကို သိစေရန်ဖြစ် ပါသည်။ ကြွလာပါက ထိရောက်စွာ ကုသရန် အချိန်သတ်မှတ်ရန် အတွက် ဆေးစစ်ခြင်း ဖြစ်ပါသည်။ အသည်းရောင် ဘီပိုး၏ နောက်ဆက်တွဲ ဆိုးကျိုးဖြစ်သော အသည်းခြောက်ခြင်း၊ အသည်း ကင်ဆာ ဖြစ်ခြင်းကို စောစီးစွာ တွေ့ရှိနိုင်ရန် တယ်လီဗေးရှင်း ဓာတ်မှန်ရိုက်ခြင်း၊သွေးထဲတွင် အယ်လ်ဖာဖီတို ပရိုတင်း နှင့် အသည်း၏ လုပ်ငန်းဆောင်တာ စစ်ဆေးခြင်းများ ပြုလုပ်ရပါမည်။

အသည်းအထူးကုဆရာဝန်ကြီးများ၏ ညွှန်ကြားချက်အရ လမီဗျူဒင်း ၊ အဒီဖိုဗီယာ နှင့်တီနိုဖိုဗီယာ စသည်တို့ကို သောက်ရပါမည်။ PEGYLATED INTERON ကိုလည်း ထိုးနိုင်ပါသည်။ အသည်းရောင်ဘီပိုးရှိပါကအရက်နှင့် ဘီယာလုံးဝမသောက် ရပါ။ ပရဆေး(ဆေးမြီးတို) များကိုရှောင်ပါ။ သွားပွတ်တံ၊ မုတ်ဆိတ်ရိတ်ဓား၊ လက်သည်းညှပ်၊ သောက်ရေခွက် သီးခြားထားပါ။ သွေးလှူဒါန်းခြင်းလည်း မပြုလုပ်ရပါ။ မိသားစုတွင် ဘီပိုးရောဂါရှင် တစ်ဦး ရှိပါက ကျန် မိသားစုဝင်များသည် မဖြစ်မနေ ကာကွယ် ဆေးထိုး ထားရပါသည်။ မိမိတွင်ဘီပိုးရှိပါက မပေါ့ဆဘဲ အသည်း ဆရာဝန်ကြီး များနှင့် တိုင်ပင်ပြသ သင့် ပါသည်။

ဒေါက်တာ မြင့်သန်းထွန်း(ပြည်သူ့ကျန်းမာရေး)