ပုသိမ်၊ အောက်တိုဘာ ၆
ဧရာဝတီတိုင်းဒေသကြီး ပုသိမ်ခရိုင် ကျောင်းကုန်းမြို့နယ် အမှတ် (၂)
ရပ်ကွက်တွင် အသက် ၁၄ နှစ်အရွယ် မိန်းကလေးငယ်တစ်ဦး အဓမ္မပြုကျင့်ခံရရာမှ
အောက်တိုဘာ ၅ ရက်နေ့ ည ၈ နာရီခန့်က ပဋိပက္ခ ဖြစ်ပွားခဲ့ကြောင်း ယင်းရပ်ကွပ်
အုပ်ချုပ်ရေးမှူး ဦးသိန်းထွန်းက ပြောကြားသည်။
ကျောင်းကုန်းမြို့နယ် (၂) ရပ်ကွက် ဗောဓိကုန်း၊ ကျန်စစ်သား
(၁) လမ်းတွင် နေထိုင်သူ အသက် ၄၆ နှစ်အရွယ် အစ္စလာမ် ဘာသာဝင်
ဦးလှဝင်းဆိုသူက ၎င်း၏ အိမ်နီးချင်း အသက် ၁၄ နှစ်အရွယ် မိန်းကလေးငယ်ကို
အဓမ္မပြုကျင့်ခြင်းနှင့် ပတ်သက်၍ ဒေသခံများက မကျေမနပ် ဖြစ်ရာမှ ပဋိပက္ခ
ဖြစ်ပွားပြီး လူနေအိမ် ငါးလုံးနှင့် အစ္စလာမ် ဘာသာဝင် သုသာန်ရှိ
ဇရပ်တစ်ဆောင် မီးရှို့ ဖျက်ဆီးခံရကြောင်း၊ အောက်တိုဘာလ ၅ ရက်နေ့ည ၈ နာရီမှ
စတင်ခဲ့သော အဆိုပါ ပဋိပက္ခသည် နောက်တစ်နေ့ နံနက် ၁ နာရီကျော်တွင်
ထိန်းသိမ်းနိုင်ခဲ့ကြောင်း အမှတ် (၂) ရပ်ကွက် အုပ်ချုပ်ရေးမှူး
ဦးသိန်းထွန်းက ပြောကြားသည်။
သြဂုတ်လ နောက်ဆုံးပတ်က နေအိမ်၌
မိန်းကလေးငယ် တစ်ဦးတည်း ရှိနေစဉ် ဦးလှဝင်းက အိမ်ပေါ်သို့ တက်ရောက်လာပြီး
ပါးစပ်ကို အဝတ်ဖြင့် ပိတ်ဆို့၍ အဓမ္မပြုကျင့်ခဲ့ပြီး မိဘများကို ပြန်ပြောပါက
သတ်ပစ်မည်ဟု ခြိမ်းခြောက် ပြောဆိုသဖြင့် မပြောရဲဘဲ ဦးလှဝင်း၏
ဇနီးဖြစ်သူကို မိန်းကလေးငယ်က တိုင်ကြားပြောပြခဲ့ရာ ဒေါ်နန်းကလည်း
မည်သူ့ကိုမျှ မပြောရန် ထပ်မံ ခြိမ်းခြောက်ခဲ့ကြောင်း အဆိုပါ မိန်းကလေးက The
Voice သို့ ပြောကြားသည်။
“ကျွန်မသမီးလေး အလုပ်လုပ်တဲ့ ဆိုင်ရှင်အစ်မက
သမီးလေး မှိုင်နေတာတွေ့လို့ မေးမှ သမီးက ဆိုင်ရှင်အစ်မကို ပြန်ပြောပြလို့
သိရပြီး ရဲစခန်းကို တိုင်ကြားရတာပါ” ဟု ယင်းမိန်းကလေး၏ မိခင်ဖြစ်သူက
ပြောကြားသည်။
ကျောင်းကုန်း မြို့မရဲစခန်းတွင် တရားလို သားအမိကို
စစ်ဆေး မေးမြန်းနေစဉ် ဒေသခံများ ရောက်ရှိလာပြီး တရားခံကို ထုတ်ပေးရန်
တောင်းဆို၍ မြို့မဗလီအနီးရှိ အစ္စလာမ် ဘာသာဝင် အများစု နေထိုင်သော
နေအိမ်များကို ဝိုင်းရံထားစဉ် ကျောင်းကုန်းမြို့ရှိ သံဃနာယက
ဆရာတော်ကြီးများနှင့် သံဃာတော်များ၊ မြို့နယ် အုပ်ချုပ်ရေးမှူး အဖွဲ့များ၊
လုံခြုံရေး ရဲတပ်ဖွဲ့ဝင်များ ရပ်မိရပ်ဖများက ဝိုင်းဝန်းထိန်းသိမ်း ကြသဖြင့်
မြို့မရပ်ကွက်မှာ ပျက်စီးဆုံးရှုံးမှု မရှိသော်လည်း တရားခံ၏ မိသားစုဝင်များ
နေထိုင်သော နေအိမ်သုံးလုံး ဖျက်ဆီးခံရပြီး အစ္စလာမ် သုသာန်ရှိ ဇရပ်တစ်ဆောင်
ပျက်စီးဆုံးရှုံးခဲ့ကြောင်း မြန်မာနိုင်ငံလုံးဆိုင်ရာ မူဆလင်များ
ဘာသာရေးအဖွဲ့ ကျောင်းကုန်းမြို့နယ် ဥက္ကဋ္ဌ ဦးအုန်းမောင်က ပြောဆိုသည်။
“လူတစ်ဦးတစ်ယောက်ရဲ့စာရိတ္တ ချို့ယွင်းမှုကြောင့် ဖြစ်ရတာ ဘာသာရေး
လူမျိုးရေးနဲ့ မဆိုင်ပါဘူး။ ဒီလူကြောင့် ကျွန်တော်တို့ တစ်မြို့လုံး
စိုးရိမ်ကြောင့်ကြမှုတွေနဲ့ ရင်ဆိုင်နေရပါတယ်။ သူက အစ္စလာမ် ဘာသာရဲ့
အဆုံးအမအောက်မှာ မရှိတဲ့သူ ဖြစ်တယ်။ သူ့ကို ထိထိရောက်ရောက် အရေးယူပေးဖို့
သက်ဆိုင်ရာကို အကြောင်းကြား တောင်းဆိုပြီးပါပြီ” ဟု ၎င်းက ဆက်လက်ပြောဆိုသည်။
ကျောင်းကုန်းမြို့တွင် အစ္စလာမ် ဘာသာဝင် အိမ်ထောင်စု ၁၇၃ စုရှိပြီး
မြို့မဘက်ကမ်းတွင် ဗလီတစ်လုံးနှင့် မြို့တစ်ဖက်ကမ်းတွင် ဗလီတစ်လုံး
ရှိကြောင်း၊ ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်ရေးအဖွဲ့
ဖွဲ့၍ ပဋိပက္ခများကို ငြိမ်းချမ်းသောနည်းဖြင့် ဖြေရှင်းရန်
ဒေသအာဏာပိုင်များနှင့် လူမှုရေး အဖွဲ့များက လုပ်ဆောင်နေကြပြီး ပြစ်မှု
ကျူးလွန်သူကို ကျောင်းကုန်းမြို့ မြို့မရဲစခန်းတွင် ပြစ်မှုအမှတ် ၃၇၆ ဖြင့်
အမှုဖွင့် အရေးယူ ဆောင်ရွက်လျက် ရှိကြောင်း မြိုခံများထံမှ
စုံစမ်းသိရှိရသည်။
မောင်မျိုးထက် (ပုသိမ်)
Subscribe to:
Post Comments (Atom)
No comments:
Post a Comment