မြို့စားကတော် ကိတ်နှင့် ကလေးတို့ နှစ်ဦးလုံး ကျန်းမာရေးအခြေအနေ ကောင်းမွန်ပြီး ကလေးမှာ ကိုယ်အလေးချိန် ၈ ပေါင်နှင့် ၆ အောင်စရှိကြောင်း သိရသည်။ ဗြိတိန်ဘုရင်မကြီးနှင့် ကြင်ယာတော်မင်းသားကြီးတို့က ၎င်းတို့၏ မြစ်တော်လေး မွေးဖွာခြင်းအတွက် ဝမ်းမြောက်ဝမ်းသာ ဖြစ်ခဲ့ကြသည်။ ထို့အတူ ချားလ်စ်မင်းသားကလည်း အဘိုးဖြစ်လာရသည့်အတွက် ဂုဏ်ယူကြောင်း ပြောကြားသည်။ ဗြိတိန်ဝန်ကြီးချုပ်နှင့် နိုင်ငံရေးအသိုင်းအဝိုင်းမှ ထင်ရှားသူတို့ကလည်း ဂုဏ်ပြုစကားများ ဆိုခဲ့ကြသည်။
ကိတ်သည် တနင်္လာနေ့ နံနက် ၅း၃၀ ဝန်းကျင်တွင် လန်ဒန်ရှိ စိန့်မေရီဆေးရုံသို့ မင်းသားဝီလျံနှင့်အတူ ရောက်ရှိလာခဲ့သည်။ အသက် ၃၁ နှစ်အရွယ် ကိတ်သည် ကလေးကို သဘာဝအတိုင်း မွေးဖွားခဲ့ခြင်းဖြစ်သည်။ တော်ဝင်စုံတွဲဖြစ်သည့် ဝီလျံနှင့် ကိတ်တို့သည် ၎င်းတို့၏ ကလေးငယ်မှာ ယောက်ကျားလေး၊ မိန်းကလေးဖြစ်ကြောင်းကို ကြိုတင် သိရှိမထားဟု ဆိုသည်။
ဝီလျံနှင့်ကိတ်တို့၏ သားဖြစ်သူ မင်းသားလေးမှာ တော်ဝင်မျိုးနွယ်၏ ထီးနန်းအမွေကိုဆက်ခံရန် မင်းသားဟယ်ရီ၏နေရာကို အစားထိုးဝင်ရောက်ပြီး တတိယနေရာ၌ စာရင်းဝင်သွားပြီဖြစ်သည်။ ကိတ်မစ်ဒယ်လ်တန် ကလေးမွေးဖွားသည့် သတင်းကို ဗြိတိန်ပြည်သူများက အထိမ်းအမှတ်များဖြင့် ပျော်ရွှင်စွာဂုဏ်ပြုခဲ့ကြပြီး ဗြိတိန်သတင်းမီဒီယာများကလည်း အထူးအလေးပေး ဖော်ပြလျက်ရှိကြသည်။ ဝီလျံနှင့် ကိတ်မစ်ဒယ်လ်တန်တို့သည် ၂၀၁၁ ခုနှစ် ဧပြီလ ၂၉ ရက်တွင် တော်ဝင်မင်္ဂလာပွဲဆင်နွှဲကာ လက်ထပ်ထိမ်းမြားခဲ့ကြခြင်းဖြစ်သည်။
No comments:
Post a Comment