Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, June 21, 2019

မဟာပရိနိဗ္ဗာနသုတ်​တော်​လာ ဗုဒ္ဓ၏ နောက်ဆုံးခရီးနှင့် နောက်ဆုံးမိန့်ခွန်းများ


ဗုဒ္ဓသည် ပရိနိဗ္ဗာန် မစံဝင်မီ လပိုင်းအလိုလောက်မှစ၍
သာသနာတော်ကြီး အဓွန့်ရှည်စေရေး နှင့် ရဟန်းတို့ အကျိုးစီးပွား အတွက် အမျိုးမျိုး အထူး သတိပေး မှာကြားခဲ့ပုံ၊

မိမိ မရှိတော့မည့်အကြောင်း သိ၍ ၀မ်းနည်းနေကြသော ရဟန်းတို့အား နှစ်သိမ့်အားပေးခဲ့ပုံ ၊ သုဘဒ္ဒပရိဗိုဇ် တရားထူးရမည်ကို သိသောကြောင့် ပါဝါပြည်မှ ကုသိနာရုံပြည်အထိဝေဒနာခံစားနေသည့်ကြားမှ
ခြေလျှင်ခရီး ကြွချီခဲ့ပုံ စသည်တို့ကိုဝေသာလီပြည်မှ ကုသိနာရုံအထိမိုင် ၁၁၀ ခရီးစဉ်တလျှောက်အကြောင်း
ဖော်ပြထားသော မဟာပရိနိဗ္ဗာနသုတ်တွင်လေ့လာကြည့်
လျှင်ကြည်ညိုဖွယ်ရာ တွေ့နိုင်ပေသည်။

Bryan de Kretse ၏
Man in Buddhism and Christianity , Page 67တွင် ….
”ခရစ်ယာန်ဘာသာဝင် ပညာရှင်တစ်ဦးက
ဗုဒ္ဓစာပေကျမ်းဂန်များထဲ၌ မဟာပရိနိဗ္ဗာနသုတ်မှာ
ကမ္ဘာ့စာပေများထဲ၌ အခန့်ညားဆုံးနှင့်စိတ်အားတက်
ကြွဖွယ် အကောင်းဆုံးဖြစ်ပါပေသည် ။
ဟု ချီးကျူး ရေးသားထားသည်။

(ဝေသာလီပြည်ကို နောက်ဆုံးကြည့်ရှု့တော်မူခြင်း)

တနေ့သော နံနက်ခင်း၌ဝေသာလီပြည်တွင် ဆွမ်းစားရာ
မှအပြန်မြောက်ဖက်မြို့တံခါးဝသို့ ရောက်သော်
မြတ်ဗုဒ္ဓသည် ဝေသာလီပြည်အား ကိုယ်ပြန်လှည့်၍ ကြည့်ရှုတော်မူပြီးနောက်....

“အာနန္ဒာ - သည်တစ်ခါ ငါဘုရား ကြည့်ရှုခြင်းသည်
ဝေသာလီမြို့တော်ကြီးကိုနောက်ဆုံးကြည့်ရှုခြင်း
ပေတည်း”
ဟု မိန့်တော်မူပြီးနောက် ဝေသာလီပြည်မှတဆင့်
ရဟန်းများစွာ ခြံရံလျက် ဘဏ္ဍုရွာသို့ ကြွချီလေဧ။်။

တရားလေးပါးကြောင့် ဘ၀တဏှာမှ လွတ်မြောက်ခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထိုရွာ၌ရှိနေစဉ် မြတ်ဗုဒ္ဓသည်....

“ ရဟန်းတို့ --
ငါတို့သည် သီလ၊ သမာဓိ၊ ပညာ၊ ၀ိမုတ္တိ ဟူသော
ဤတရားလေးပါးတို့ကို မသိခဲ့ခြင်းကြောင့်
သံသရာ၌ ရှည်လျားစွာပင် ကျင်လည်ခဲ့ကြရပေသည်။
ငါသည် ဤတရားလေးပါးကို ဉာဏ်ဖြင့်သိပြီးနောက်
ဘ၀၌တပ်မက်ခြင်း(ဘ၀တဏှာ) ကိုဖြတ်ခဲ့လေပြီ၊
တဖန်ဘ၀သစ် ဖြစ်ခြင်းမရှိ်တော့ပြီ” ဟူ၍
အကျယ်အားဖြင့် အကြိမ်ကြိမ် ဟောတော်မူလေဧ။်။

ချင့်ချိန်စဉ်းစား၍သာ လက်ခံတော်မူစေခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ဘဏ္ဍုရွာ၌ ခေတ္တသီတင်းသုံး တော်မူပြီးနောက်ဘောဂမြို့
သို့ ရဟန်းအပေါင်းခြံရံလျက် ဆက်လက်ကြွချီလေ၏။

ဘောဂမြို့၌ ရဟန်းတို့အား....
“တစုံတယောက်သော ရဟန်းသည် သင်တို့အားဤမည်
သော တရားသည်လည်းကောင်း၊ ၀ိနည်းတော်သည်
လည်းကောင်း၊ငါဘုရားမျက်မှောက်တော်၌ နာကြားခဲ့ရ
ပါသည်" ဟုပြောဆိုလာသည်ရှိသော်
ထိုပြောသောရဟန်း၏စကားကို ချက်ချင်းလက်မခံပါနှင့်
ပယ်လည်းမပယ်ပါလေနှင့်။
သူပြောသောစကားတို့ကို ငါဘုရားဟောခဲ့သော
တရားတော်တို့နှင့်လည်းကောင်း၊ ၀ိနည်းတော်တို့နှင့်
လည်းကောင်း ချင့်ချိန်နှိုင်းဆ၍ ငါ၏ စကားဟုတ်မဟုတ် စဉ်းစားဆုံးဖြတ်သင့်ပေ၏။ “
ဟု အကြိမ်ကြိမ် မှာကြားတော်မူခဲ့သည်။

ထိုမှတဖန် ပါဝါပြည်သို့ဆက်၍ ကြွချီလေ၏။

သက်တော်ရှစ်ဆယ်နှင့် မိုင် ၁၀၀ ခရီး
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

သက်တော်ရှစ်ဆယ် အရွယ်ရှိပြီဖြစ်သော ဗုဒ္ဓသည်
ဝါထွက်ပြီးနောက်ပိုင်းမှစ၍ဝေသာလပြည်ကနေ ပါဝါပြည်အထိကြွလှမ်းခဲ့သော ခရီးရှည်မှာ
မိုင်ပေါင်း၁၀၀အထ်ိရှိနေလေပြီ။

ပါဝါပြည်၌ ရှိနေစဉ်ရွှေပန်းထိမ်သည်သား စုန္ဒလှူဒါန်း
သည့် ၀က်သားဆွမ်းအား ဘုဉ်းပေးလေ၏။
ဘုဉ်းပေးပြီးနောက် ဗုဒ္ဓသည် ၀မ်းသွေးသွန်ရောဂါကို
အပြင်းအထန်ပြန်လည်ခံစားရလေဧ။် ။ ။
ဝါတွင်းကာလတွင် ဝေဋ္ဌုဝရွာ၌ရှိစဉ်အချိန်ကရရှိခဲ့သော
ဝေဒနာထက် ပို၍ ပြင်းထန်စွာ ကြုံရလေတော့သည်။

ဝေဒနာနှင့်အတူ ရှေ့ဆက်ရမည့် ၁၀မိုင် ခရီး
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ဝေဒနာပြင်းစွာ ခံစားနေလျက်နှင့်ပင်မြတ်ဗုဒ္ဓသည် ရဟန်းများစွာခြံရံလျက် ပါဝါပြည်မှ ၁၀မိုင် အကွာ
တွင်ရှိသော ကုသိနာရုံပြည်သို့ ဆက်လက် ကြွချီလေ၏ ။
လမ်းခရီး၌ဆာလောင်မွတ်သိပ်ခြင်းဝေဒနာနှိပ်စက်ခြင်း
တို့နှင့်အတူ လွန်စွာပင်ပန်းလွန်းသောကြောင့်
အရှင်အာနန္ဒာ ကပ်သောရေအား သုံးဆောင်တော်မူ၍
သစ်ပင်ရင်း၌ နားနေတော်မူလေ၏ ။

ရဟန်းတို့၏ ဆိတ်ငြိမ်မှုကို ချီးကျူးခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထိုစဉ် ဈာန်ရသော အာဋ္ဌာရ ရသေ့အား ကိုးကွယ်သူ
မလ္လမင်းသား ပုက္ကုသသည် ခရီးသွားရင်း လမ်း၌
မြတ်ဗုဒ္ဓနှင့် ရဟန်းများစွာကိုမြင်လေသော်
ဗုဒ္ဓထံချဉ်းကပ်၍....

“အရှင်ဘုရား၊ အံ့သြဖွယ်ရှိလှပေစွ!!!
လှည်းငါးရာနှင့်ခရီးသွားများဖြတ်သန်း သွားလာကြကုန်
သော်လည်း ရဟန်းတို့သည် မတုန်မလှုပ် ဈာန်သမာ
ပတ်ဖြင့်ငြိမ်သက်ချမ်းသာစွာနေတော်မူကြပါပေတကား။”
ဟူ၍ ရဟန်းတို့အား ချီးကျူးစကားဆိုလေ၏။

မိုးကြိုးများကျသော်လည်း တုန်လှုပ်တော် မမူခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထို့အခါ မြတ်ဗုဒ္ဓသည် အခါတပါး၌ အာတုမမြို့ရှိ ကောက်ရိုးတဲတွင် တစ်ပါးတည်းသီတင်းသုံးနေစဉ် မိုးပြင်းလေပြင်းနှင့်အတူ မိုးကြိုးများအနီးတွင် ကျရောက်ခဲ့သော်လည်း နိရောဓသမာပတ်ချမ်းသာဖြင့် နေခဲ့ကြောင်းကို မလ္လမင်းသားအား ပြောပြလေသော်
မင်းသားသည် မြတ်ဗုဒ္ဓကို ကြည်ညိုမဆုံးဖြစ်ကာ…

“မြတ်စွာဘုရား၊ တပည့်တော်အား အသက်ထက်ဆုံး ကိုးကွယ်ဆည်းကပ်သော ဥပါသကာအဖြစ် မှတ်ယူပါလေလော့။ “ ဟုလျှောက်တင်ကာ
ရွှေအဆင်းရှိသော ပွဲထိုင်အ၀တ်ချောအစုံကို
ဗုဒ္ဓနှင့် အရှင်အာနန္ဒာအား တစ်ထည်စီ
လှူဒါန်းဆက်ကပ်ပြီးနောက် ခရီးဆက်လေဧ။် ။

ကိုယ်ရောင်ထူး၍ အလွန်တောက်ပတော်မူခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

အရှင်အာနန္ဒာသည် ထိုရွှေရောင် အ၀တ်ချောကို
ဗုဒ္ဓ၏ ကိုယ်ပေါ်၌ ဆက်ကပ်လွှမ်းတင်ပေးပြီးနောက်
မြတ်ဗုဒ္ဓအား....

“အရှင်ဘုရား ၊ အံ့ဖွယ်ရှိပါပေစွ!!!
မြတ်စွာဘုရား၏ အရေအဆင်းတော်သည်
အလွန်ပင် စင်ကြယ်လှပါပေ၏။
အလွန်ပင် တောက်ပလှပေ၏။
ရွှေဝါရောင်အ၀တ်ချော အထည်ပင်လျှင်
အရောင်အ၀ါကင်းသကဲ့သို့ ဖြစ်နေပေ၏။”
ဟု လျှောက်လေ၏ ။

ထိုအခါမြတ်ဗုဒ္ဓသည်….

“ အာနန္ဒာ၊ မှန်ပေ၏ ။
ဘုရားရှင်တို့၏ ကိုယ်တော်သည် အချိန်အခါ နှစ်ပါး၌
အလွန်ပြိုးပြိုးပြက်ပြက်တောက်ပတော်မူလေ့ရှိ၏ ။

ထိုအချိန်အခါတို့မှာ
သမ္မာသမ္ဗောဓိဥာဏ်ကို ရတော်မူသော ညအခါနှင့်
ခန္ဓာကြွင်းမရှိသော ငြိမ်းခြင်းသဘော
(အနုပါဒိသေသ နိဗ္ဗာနဓာတ်)ဖြင့် ပရိနိဗ္ဗာန် ၀င်စံတော်
မူသော ညအခါတို့ပင်တည်း။” ဟုမိန့်လေ၏။

ယနေ့ည ပရိနိဗ္ဗာန်ပြုမည့်အကြောင်း မိန့်တော်မူခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထို့နောက်မြတ်ဗုဒ္ဓက ဆက်၍…
“အာနန္ဒာ၊ ယနေ့ည သန်းခေါင်းယံလွဲအခါတွင်
ကုသိနာရုံပြည်အ၀င် အင်ကြင်းဥယျာဉ်ဝယ်
အင်ကြင်းပင်အစုံတို့ကြား၌ ငါဘုရား ပရိနိဗ္ဗာန်ဝင်စံလိမ့်မည်” ဟု မိန့်ဆိုပြီးနောက်
ရဟန်းများနှင့်အတူ ကကုဓာမြစ်သို့ကြွချီလေ၏။

ထိုကကုဓာမြစ်၌ ရေသောက်တော်မူခြင်း၊
ရေချိုးသန့်စင်တော်မူခြင်းများပြုတော်မူပြီးနောက်
သရက်တောသို့ ချဉ်းကပ်တော်မူပြီး
ခေတ္တလျှောင်းစက်နားနေတော်မူလေ၏။

နောက်ဆုံးဆွမ်းဒါယကာအတွက် အရှင်အာနန္ဒာကို မှာကြားတော်မူခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

မြတ်ဗုဒ္ဓသည် ရွှေပန်းထိမ်သည် သား စုန္ဒ လှူသော
ဝက်သားဆွမ်းအား ဘုဉ်းပေးပြီးနောက် ပါဝါပြည်မှ ကုသိနာရုံပြည်သို့ လာရာခရီးတလျှောက်တွင်
ဝမ်းသွေးသွန်ဝေဒနာအားပြင်းထန်စွာခံစားနေရလေသည်။
သို့ရာတွင် စုန္ဒအားစိတ်မကောင်းမဖြစ်စေလို
သောကြောင့် စုန္ဒအပေါ် ကရုဏာထား၍ ဗုဒ္ဓသည်……

“ဘုရားရှင် နောက်ဆုံးဘုဉ်းပေးသော ဆွမ်းသည်
အခြားဆွမ်းတို့ထက် အကျိုးအာနိသင် ကြီးမားလှပါသည်ဟု…
ဘုရားရှင်၏ ရှေ့မျက်မှောက်တော်မှ ကြားလိုက်ရကြောင်း”
အရှင်အာနန္ဒာအားပြောပြစေ၍
စုန္ဒ၏ နှလုံးမသာယာခြင်းကို ဖြေဖျောက်ပေးပါရန်
အရှင်အာနန္ဒာအား မှာကြားတော်မူခဲ့လေသည်။

သရက်တော၌ ခေတ္တနားပြီးနောက်
ကုသိနာရုံပြည်အ၀င် အင်ကြင်းဥယျာဉ်သို့
နောက်ဆုံးခရီးအနေဖြင့် ရဟန်းများခြံရံလျှက်
နောက်ဆုံး ကြွချီခဲ့လေ၏။

ကဆုန်လပြည့်ည နှင့် အင်ကြင်းတော၏ အလှ
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ဤညကား ကဆုန်လပြည့်ညအခါတည်း။
အင်းကြင်းတောသည် လ၏ အလင်းရောင် နှင့် အတူ
ထူးထူးခြားခြား တိတ်ဆိတ်ငြိမ်သက်ကာ
ဝမ်းနည်းဖွယ်ကောင်းနေတော့၏။

အင်ကြင်းတောဥယျာဉ်သို့ရောက်သော်
မြတ်ဗုဒ္ဓသည် အရှင်အာနန္ဒာအား….

“အာနန္ဒာ၊
မြောက်အရပ်ကို ဦးခေါင်းပြု၍
ညောင်စောင်းကို ခင်းပေးလော့။
ငါပင်ပန်းလွန်းလှပေပြီ။ လျောင်းစက်ဦးအံ့။”
ဟူ၍ မိန့်တော်မူလျှင်
အရှင်အာနန္ဒာသည် အလျင်အမြန်ခင်းပေးလေ၏။

တရားနှင့်သာ အမြတ်ဆုံးပူဇော်ခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထိုနောက်မြတ်ဗုဒ္ဓသည်...

“အာနန္ဒာ ---
နတ် ဗြဟ္မာအပေါင်းတို့သည် ယခုအခါ ကောင်းကင်ယံတစ်ခုလုံး၌ ငါဘုရားကို
အမျိုးမျိုးပူဇော်ပသလျက်ရှိနေကြကုန်၏။
ဤသို့ပူဇော်မှုမျိုး ဖြင့် ငါဘုရားကို
အရိုအသေပြုသည် မမည်သေး၊
ပူဇော်သည် မမည်သေး။

အကြင်သူသည် တရားနှင့် လျော်စွာ ကျင့်လျက်နေ၏။
ထိုသူသည်သာ ငါဘုရားအား အမြတ်ဆုံးပူဇော်ပသသည် မည်ပေ၏။

ထို့ကြောင့် ငါဘုရားကို အမြတ်ဆုံးပူဇော်လိုသူတို့သည်
တရားကိုသာကျင့်လျက် နေကြကုန်လော့၊
တရားနှလုံးသွင်းလျက် နေကြကုန်လော့” ဟု
မိန့်မှာတော်မူလေ၏။

ဒကာမများနှင့် ပြောဆိုဆက်ဆံနည်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထို့နောက် အရှင်အာနန္ဒာသည် မြတ်ဗုဒ္ဓအား…..
“အရှင်ဘုရား၊ မာတုဂါမနှင့်စပ်လျဉ်း၍မည်သို့ကျင့်သုံး
ရပါမည်နည်း။" ဟုမေးသော်

မြတ်ဗုဒ္ဓသည်….
”အာနန္ဒာ -
မတွေ့အောင် ကျင့်သုံးရမည်။
မလွဲမရှောင်သာ စကားပြောရသည်ရှိသော်
အမိရင်း၊ ညီမရင်း၊ အစ်မရင်းကဲ့သို့ စိတ်ထား၍
ပြောဆိုရမည်”ဟု
မာတုဂါမများ နှင့်ဆက်ဆံပြောဆိုရာ၌
နည်းလမ်းကောင်း ပေးတော်မူ၏ ။

အလောင်းတော်ကို မီးသဂြိုလ်စေခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထို့နောက် အရှင်အာနန္ဒာအား…
“ အာနန္ဒာ ၊ ငါဘုရား၏ အလောင်းတော်ကို
မီးသဂြိုလ်ခြင်းပြုကြပါကုန်လော့။
သင်တို့သည် မြတ်သော အကျင့်၌သာ အားထုတ်ကြကုန်လော့၊
မမေ့မလျော့ ဝီရိယကြီးစွာ အားထုတ်လျက်
နိဗ္ဗာန်သို့ အာရုံစိုက်ကာ နေရစ်ကြကုန်လော့။” ဟုမိန့်၏ ။

အရှင် အာနန္ဒာအား နှစ်သိမ့်အားပေးခြင်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

အရှင်အာနန္ဒာသည် မြတ်ဗုဒ္ဓကွယ်ရာ၌
ဝမ်းနည်းငိုကြွေးနေသည်ကို ဗုဒ္ဓသိသည်ရှိသော်
ရဟန်းတစ်ပါးအား အာနန္ဒာကို လွှတ်၍ခေါ်စေ၏။
အရှင်အာနန္ဒာအား...

“အာနန္ဒာ၊ တိတ်လော့၊ မငိုကြွေးနှင့်တော့။
ချစ်မြတ်နိုးသောသူအားလုံးတို့ နှင့်ရှင်လျှက် ကွဲကွာရခြင်း၊ သေ၍ ကွဲကွာရခြင်းများကို
ရှေးယခင်ကပင် ငါဟောကြားခဲ့ပြီးလေပြီ။
သင်သည် ငါ၏အကျိုးစီးပွားအတွက်
အတိုင်းမသိများပြားသောကာယကံမေတ္တာ၊ ၀စီကံမေတ္တာ၊ မနောကံမေတ္တာတို့ဖြင့်
ငါဘုရားအား လုပ်ကျွေးခဲ့လေသည်။
သင့်၌ ပြုထားသော ကောင်းမှုများစွာရှိလေပြီ။
ကမ္မဋ္ဌာန်းအလုပ်ကို ကြိုးစားအားထုတ်ရစ်လော့၊
လျင်စွာပင် တရားကိစ္စပြီး၍ ရဟန္တာဖြစ်လိမ့်မည်။”ဟု
အားပေးနှစ်သိမ့် မိန့်တော်မူလေ၏။
ထို့နောက် ရဟန်းအပေါင်းအားအရှင်အာနန္ဒာ၏ဂုဏ်
တို့ကို ထုတ်ဖော်မိန့်ကြား၍ ချီးကျူးစကားဆိုလေ၏။

မြတ်ဗုဒ္ဓရှိစဉ် နောက်ဆုံးတရားထူးရသူ
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ကုသိနာရုံပြည်မှ လူတို့သည် မြတ်ဗုဒ္ဓ၏
နောက်ဆုံးအချိန်ရောက်တော့မည့်အကြောင်း ကြားသိကြ၍ အင်ကြင်းတောထဲသို့ ၀မ်းနည်းခြင်း
ကိုဆောင်လျက် တဖွဲဖွဲရောက်လာကြကုန်၏။

ထိုသောအခါ၌ သုဘဒ္ဒပရိဗိုဇ်သည်လည်းမြတ်ဗုဒ္ဓ ပရိနိဗ္ဗာန်ပြုတော့မည်ကို ကြားသိလေသော်
ဗုဒ္ဓရှိရာ အင်ကြင်းဥယျာဉ်သို့ ရောက်လာလေဧ။်။

သုဘဒ္ဒပရိဗိုဇ်သည် မြတ်ဗုဒ္ဓထံ ချဉ်းကပ်ခွင့်ရ၍
“ အရှင်ဂေါတမ၊
သမဏဗြာဟ္မဏဆရာတို့သည် သူတို့ဝန်ခံသည့်အတိုင်း
တရားအားလုံးကို သိကြပါ၏လော” ဟုမေးလျှောက်လေ၏ ။

“သုဘဒ္ဒ ၊ သင်၏အမေးကို ထားဘိလော့။
ငါဟောမည့်တရားကိုသာ ကောင်းစွာနာယူအံ့၊
ကောင်းစွာ နှလုံးသွင်းပါအံ့။

သုဘဒ္ဒ ၊ ကောင်းကင်တွင်ခြေရာမထင်သကဲ့သို့
ငါဘုရား၏ သာသနာတော်မှလွဲ၍ အခြားသော သာသနာတို့၌ကိလေသာကင်းကြောင်းတရားသည်
လည်းကောင်း ၊သံသရာမှလွတ်မြောက်သော
တစုံတယောက်သောသူသည်လည်းကောင်း မရှိချေ။”
ဟူ၍ အကျယ်အားဖြင့်ဟောကြားလေ၏။

တရားအဆုံး၌ သုဘဒ္ဒသည် အလွန်နှစ်သက်ဝမ်းမြောက်
လှ၍ ရဟန်းအဖြစ်ရလိုကြောင်း လျှောက်ထား၏။

သုဘဒ္ဒသည် ဘုရားရှေ့မှောက်၌ တပည့်ရဟန်းပြုပြီး
နောက် ဆိတ်ငြိမ်ရာသို့ကပ်၍ တရားအားထုတ်သော်
ခဏချင်း အရဟတ္တဖိုလ်သို့ ရောက်ကာမြတ်ဗုဒ္ဓ
သက်တော်ထင်ရှားရှိစဉ်နောက်ဆုံးရဟန္တာဖြစ်ခဲ့သော ရဟန်းလည်းမည်ပေ၏။

မြတ်စွာဘုရား၏ နောက်ဆုံးမိန်းခွန်း
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

ထို့နောက်….
”အာနန္ဒာ၊ ငါကွယ်လွန်သောအခါ၌
သင်တို့ဆရာမရှိတော့ပြီဟု မထင်မှတ်ကြကုန်လင့်။
ငါဟောကြားခဲ့တရားတော်တို့သည်
သင်တို့၏ ဆရာဖြစ်လိမ့်မည်။” ဟုမိန့်ပြီးနောက်
ရဟန်းတို့အား..

“ရဟန်းတို့၊
ဘုရား တရား သံဃာနှင့် မဂ်ဖိုလ်တို့၌ သံသယရှိငြားအံ့၊
ငါမလွန်ခင် မေးမြန်းလျှောက်ထားကြကုန်လော့။”
ဟုသုံးကြိမ်တိုင် မိန့်တော်မူသော်လည်း
လာရောက်မေးမြန်းခြင်းမရှိပေ။

ထို့ကြောင့် အရှင်အာနန္ဒာက ရဟန်းတို့မှာ ရတနာသုံးပါး၌ ယုံမှားသံသယ မရှိဟု
ယုံကြည်ပါကြောင်း မြတ်ဗုဒ္ဓကို လျှောက်လေ၏ ။

မြတ်စွာဘုရား၏ နောက်ဆုံးစကားတော်
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

နောက်ဆုံးတွင် မြတ်ဗုဒ္ဓသည်

“ရဟန်းတို့ ၊
သင်္ခါရတရားတို့သည် ပျက်စီးခြင်းသဘောသာ ရှိကြကုန်၏။
မမေ့သော သတိတရားဖြင့် သံသရာမှ လွတ်မြောက်အောင် အားထုတ်ကြကုန်လော့”ဟု နောက်ဆုံးမိန့်တော်မူလေ၏ ။

ထို့နောက် မြတ်ဗုဒ္ဓသည် သမာပတ်ချမ်းသာကို
စုန်ဆန် အထပ်ထပ် ၀င်စားပြီးနောက်
စတုတ္ထဈာန်မှ ထတော်မူ၍ ပရိနိဗ္ဗာန်ပြုတော်မူ၏။

Credit: Dhamma

No comments:

Post a Comment