ဒီကနေ့ ထူးထူးခြားခြားတစ်ခုဖြစ်တယ်။ (ထီပေါက်ချင်တာလားမသိ 😁)
လစာငွေလွှဲဖို့ သူဌေးက အကောင့်နံပါတ်တောင်းတော့ မမှတ်မိတာနဲ့ CB pay ကိုဖွင့်ပြီး Account no. ပြန်ကြည့်တယ်။
မထင်မှတ်ထားတဲ့ အဖြစ်အပျက်ပါပဲ။
ငွေ ၁၃ သိန်း ကျွန်တော့်အကောင့်ထဲဝင်နေတယ်။
ပထမဆုံးဝင်လာတဲ့ အတွေးက ငါ့မှာ ၁၃သိန်းဆိုတဲ့ပမာဏက ဘယ်ကမှဝင်စရာမရှိဘူးပဲ။
့ဒုတိယဝင်လာတဲ့အတွေးက ဒီပိုက်ဆံလွှဲလိုက်တဲ့ ကာယကံရှင်ခမျာ ဘယ်လောက်အထိစိတ်ပူနေရှာလဲ။
ကျတော်ကိုယ်တိုင်လည်း ကိုယ့်ချွေးနှဲစာပိုက်ဆံဆိုရင် တစ်ထောင်လောက်လမ်းမှာကျပျောက်ရင်တော့ အဲ့လမ်းကို ငါးခါလောက် အသွားအပြန်လုပ်ပြီးရှာခဲ့ဖူးတာပဲ။ တက္ကသိုလ်ကျောင်းသားဘဝက တကယ့်အဖြစ်အပျက်ပါ။ ကျောင်းသားဘဝတုန်းက ပိုက်ဆံဆိုတာ လဆန်း ၁ရက်နေ့ကနေ လကုန် ၃၀ ရက်နေ့အထိ တွက်ပြီးသုံးခဲ့ရတာမို့ ကပ်စေးနည်းတာမဟုတ်ပေမဲ့ ကိုယ့်ဝမ်းနာကိုယ်သာအသိ နေခဲ့ရတာမို့ပါ။
ဖြတ်ကနဲဝင်လာတဲ့ ကိုယ်ချင်းစာတရားက တိုက်တွန်းလို့ လွှဲလိုက်တဲ့ ဘဏ်ကို စုံစမ်းကြည့်တော့ တာမွေ(သြဘာ)ဘဏ်ခွဲက တဲ့။
ဘဏ်ဖုန်းနံပါတ်စုံစမ်းပြီး ဖုန်းဆက်တော့ သူတို့လည်းမသိဘူး တဲ့။ လွှဲတာက Japan ကတဲ့။
၁။ မှားပြီးရောက်လာမှာစိုးတာရယ်
၂။ မှန်တယ်ဆိုရင် ဘယ်သူလွှဲတာလည်း ဆိုတာသိချင်တာရယ် ကြောင့် လွှဲတဲ့သူသိအောင်လုပ်ပေးပါလို့ ပြောလိုက်တယ်။
ဘဏ်ဝန်ထမ်းက စုံစမ်းပြီးသိရတာနဲ့ပြန်ဆက်ပေးပါမယ် တဲ့။
နောက်ထပ်နာရီဝက်လောက်ကြာတော့ ဖုန်းအသစ်တစ်လုံးဝင်လာတယ်။
လစာကို အကောင့်မှားပြီးလွှဲလိုက်တာပါ။ တဲ့။
ဖုန်းဆက်ပေးတဲ့အတွက် ကျေးဇူးတင်ပါတယ် တဲ့။
ကာယကံရှင်ရဲ့အကောင့်ကို ပြန်လွှဲပေးလိုက်ပါ့မယ်တဲ့။
တစ်ဖက်က ဖုန်းချသွားတော့မှ စိတ်ထဲမှာ တာဝန်တစ်ခုကို ကျေပွန်သွားသလိုခံစားရပြီး ပေါ့ပါးသွားတယ်။
အဆောင်က သူငယ်ချင်းကို ပြန်ပြောပြတော့ သူကမေးတယ်။
မုန့်ဖို့းဘယ်လောက် ရလိုက်သလဲ တဲ့။
ကျွန်တော်မှာ အဖြေမရှိလို့ ပြုံးနေလိုက်ပါတယ်။
ဆက်တွေးနေမိတာတော့ Sympathy နဲ့ Self Respect ဆိုတဲ့ စကားလုံးတွေ အကြောင်းပါပဲ။
(တတိယဝင်လာတဲ့အတွေးကတော့ ကျွန်တော်တို့ရဲ့ ဘဏ်အကောင့်ထဲက ပိုက်ဆံတွေကို ဘဏ်ဝန်ထမ်းတွေက ကြိုက်သလို ရွှေ့ပြောင်းနိုင်တယ် ဆိုတဲ့အတွေးပါပဲ။ ဝင်ထားတဲ့ ၁၃ သိန်း သူတို့ဘာသာပြန်ထုတ်သွားတယ်။ ကျွန်တော်လည်း ဘာ Approve မှ လုပ်မပေးလိုက်ရ 😬)
သန်းထိုက်အောင်
No comments:
Post a Comment