Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Wednesday, January 2, 2019

BGF တပ်ဖွဲ့ဝင် ၄ ဦး သေဆုံး

သေဆုံးသွားတဲ့ BGF တပ်ဖွဲ့ဝင်တစ်ဦးကို တွေ့ရစဉ်/ Photo: Wai Phyo Aung
ကရင်ပြည်နယ် မြဝတီမြို့ သင်္ဃန်းညီနောင်အနီးက နယ်ခြားစောင့်တပ် (BGF) လုံခြုံရေးယူထားတဲ့ ၉၀၁ ဝင်းထဲမှာ မနေ့ညက ပစ်ခတ်မှုဖြစ်ပြီး BGF တပ်ဖွဲ့ဝင် ၄ ဦး သေဆုံးကာ အရပ်သားတစ်ဦး ထိခိုက်ဒဏ်ရာ ရရှိခဲ့ကြောင်း အရှေ့တောင်တိုင်း စစ်ဌာနချုပ်က ဗိုလ်မှူးကြီး မောင်မောင်လတ်က RFA ကို ပြောပါတယ်။

သေနတ်နဲ့ ပစ်ခတ်ခဲ့သူဟာ အရင်က BGF တပ်ဖွဲ့မှာ တာဝန်ထမ်းဆောင်ခဲ့ဖူးတဲ့ စောပေပေ ဖြစ်ပြီး စကားများရာကနေ ပစ်ခတ်တာဖြစ်ကြောင်းနဲ့ အသေးစိတ်ကို စိစစ်နေဆဲဖြစ်ကြောင်း ဗိုလ်မှူးကြီး မောင်မောင်လတ်က ပြောပါတယ်။

စောပေပေဟာ BGF တပ်ဖွဲ့ဝင် ၄ ဦးကို ပစ်ခတ်ခဲ့ပြီးနောက် လမ်းပေါ်ကို ထွက်ပြေးကာ ဆိုင်ကယ်စီးလာတဲ့ အရပ်သားတစ်ဦးကို သေနတ်နဲ့ ထပ်မံပစ်ခတ်ခဲ့ပြီး ဆိုင်ကယ်ကို လုယူထွက်ပြေးသွားကြောင်းလည်း သိရပါတယ်။

သေနတ်ဒဏ်ရာထိမှန်တဲ့ အရပ်သားတစ်ဦးကို မြ၀တီမြို့နယ် ပြည်သူ့ဆေးရုံမှာ တင်ပို့ကုသနေပြီး စိုးရိမ်ရတဲ့ အနေအထားဖြစ်ကြောင်း မြ၀တီခရိုင် ရဲမှူးကြီး အောင်နိုင်ထွန်း က RFA ကို ပြောပါတယ်။

စောပေပေကို ပစ်ခတ်မှုဖြစ်ပွားခဲ့တဲ့နေရာနဲ့ ၁၅ မိုင်အကွာ သင်္ဃန်းညီနောင်မြို့ရဲ့ မြောက်ဘက် အတွင်းကွင်းကလေး ကျေးရွာအနီးမှာ တွေ့ရှိတာကြောင့် ပိတ်ဆို့ဖမ်းဆီးရာမှာ သေနတ်နဲ့ ပြန်လည်ပစ်ခတ်တဲ့အတွက် အသေပစ်ခတ်ဖမ်းဆီးခဲ့ကြောင်းလည်း ရဲမှူးကြီး အောင်နိုင်ထွန်း က ပြောပါတယ်။

မြ၀တီမြို့နဲ့ သင်္ဃန်းညီနောင်နယ်မြေအတွင်းမှာ BGF တပ်ဖွဲ့ အခြေစိုက်တဲ့ ကင်းစခန်း ၁၅ ခုလောက် ရှိနေတာဖြစ်ပါတယ်။

ဒီသတင်းကို RFA သတင်းထောက် ကိုကျော်ထွန်းနိုင် ပေးပို့တာပါ။

RFA Burmese
https://www.rfa.org/burmese

No comments:

Post a Comment