Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Sunday, December 23, 2018

သတင်းကြီးနေတဲ့ ဆားလင်းကြီးက ခွဲစိတ်ဆရာဝန်


တရင် တရင်…………
အချိန်မှန်ပေးထားသည့်နှိုးစက်အသံကြောင့် နံက်၎နာရီ အိပ်ယာမှထ ကိုယ်လက်သန့်စင် သနပ်ခါးပါးကွက်ကျားလေးလူး ဘုရားဝတ်ပြုပြီး ရွှေလင်းလက်ဘက်ရည်ဆိုင်သို့ လမ်းလျှောက်သွားနေသူမှာ အသက်၄၄နှစ်အရွယ်ရှိ ကောလင်းဇာတိသား လေရှီးမြို့ပြည်သူ့ဆေးရုံမှ ဆားလင်းကြီးပြည်သူ့ဆေးရုံသို့ ပြောင်းရွှေ့လာသော ဆရာဝန်ကြီးဦးမင်းထွဋ်ပင်ဖြစ်သည်။
ဆိုင်မှ ပဲနံပြား၂ပွဲနှင့်လက်ဘက်ရည်သုံးဆောင်ပြီးအပြန်…အတွင်းလူနာများအား round လှည့်ရင်း သီချင်းလေးတစာစာနှင့် လှည့်လည်ကြည့်ရှုစမ်းသပ်နေသည်။ ချိုပြုံးသောမျက်နှာ နွေးထွေးသောဆက်ဆံမှုတို့က လူနာများ၏ရောဂါတဝက်ကိုသက်သာစေတော့သည်။

round လှည့်အပြီး ပြင်ပလူနာဌာနတွင် ထပ်ထားသည့်လူနာစာအုပ်များကို တစ်ဦးချင်းခေါ်ယူ ကြည့်ရှုစမ်းသပ်ပေးသည်။လူနာများမှာ ဒေသခံတဝိုက်နှင့် မန္တလေး စစ်ကိုင်း ချောင်းဦး မုံရွာ ရေဦး တန့်ဆည် ပုလဲ ယင်းမာပင် မြိုင်နယ်များမှ ဆားလင်းကြီးပြည်သူ့ဆေးရုံသို့ နံက်မိုးမလင်းခင်ကတည်းက ရောက်ရှိနေကြသည်။

ခွဲစိတ်ကုသမှုများကိုနံက်၉နာရီခွဲအချိန်လောက်တွင်စတင်ပါတော့သည်။တစ်ရက်လျှင် အကြီးစားခွဲစိတ်မှု၁၀ကြိမ်နှင့်အသေးစာခွဲစိတ်မှု ၂၀ခန့်ပြု လုပ်သည်ဟုသိရ၏။

လူနာအများစုမှာ အဖု အကြိတ် အူကျ ဘောကြီး လိပ်ခေါင်း ဂရင်ဂျီနာ မွေးလူနာဗိုက်ခွဲ အမျိုးသမီး သားအိမ်ကိစ္စနှင့်လည်ပင်းကြီးလူနာများ အများဆုံးလာရောက်ြကသည်ဟု ဦးမင်းထွဋ်ကပြောသည်။
ဆရာဝန်ကြီးက ထမင်းစားချိန်မထားဘူး။ ခွဲစိတ်ခန်းနှင့်နီးသည့်အခန်းတစ်ခုတွင် ထမင်းဇလုံထဲဟင်းပုံထားပြီး ဗိုက်ဆာရင် လေးငါးဇွန်းလောက်စားလိုက် ပြန်ခွဲစိတ်လိုက်နဲ့ ကျေနပ်နေပုံရှိဟု လူနာစောင့်များကဆိုသည်။

ခွဲစိတ်ကုသမှုတွက် လိပ်ခေါင်း ဂရင်ဂျီနာ ၆၅၀၀၀ကျပ် ဗိုက်ခွဲမွေးလူနာ ၇၅၀၀၀ကျပ်
ဘောခွဲ ၈၅၀၀၀ကျပ်ခန့်သာ ကုန်ကျသည်ဟု လူနာရှင်များကဆိုသည်။ကုန်ကျစရိတ်
သက်သာခြင်း လူတန်းစား ခွဲခြားမဆက်ခြင်း ဖော်ရွေခြင်း မြန်ဆန်ခြင်းနှင့် ခွဲစ်ိတ်ကျွမ်းကျင်ခြင်း အချက်တို့သည် လူနာများပိုမိုများပြားစေခြင်း၏ အကြောင်းရင်းတရပ်ဖြစ်သည်။

တိုးချဲ့လူနာဆောင်မဆောက်လုပ်ချိန်အခါက လူနာထားရန် နေရာလုံလောက်မှုမရှိသောကြောင့် ဆေးရုံအတွင်းလျှောက်လမ်းများနှင့်စည်းဝေးခန်းမများတွင်ထားခဲ့ရသည်။ယခုအချိန်မှာ မြို့နယ်အုပ်ချုပ်ရေးမှူးဦးအောင်မြင့်ထွန်းနှင့်တိုင်းဒေသကြီးလွှတ်တော်ကိုယ်စားလှယ် ဦးစောမောင်တို့၏ကြီးကြပ်မှုတို့နှင့် အတူ အများပြည်သူတို့ထည့်ဝင်ငွေဖြင့် တိုးချဲ့လူနာဆောင်ကိုအရေးပေါ်ဆောက်လုပ်ပြီးစီးသွားပါပြီ။

ဦးမင်းထွဋ်သည် ပြင်ပဆေးခန်းဖွင့်လှစ်ထားခြင်းမရှိ။စနေ တနင်္ဂနွေ အဖိတ် ဥပုသ် ဆိုသည်သူ့ အတွက်မရှိခဲ့ပေ။ခွဲစတ်ကုသသည့်အလုပ်သည် အချိန်အကြာကြီးရပ်ပြီး ခွဲစိတ်ကုသရသော်လည်း ပြီးသွားသည့်အခါ လူနာများ ရောဂါဝေဒနာသက်သာ ပျောက်ကင်းသွားသည်ကို နှစ်သက်ပြီး ပင်ပန်းရကြိုးနပ်၏ဟုပြောသည်။ခေါင်းဆောင်က ၁၀၀%လုပ်မှနောက်လိုက်က၃၀%ပါလာမယ်လို့ဦးမင်းထွဋ်ကဆို၏။

မိသားစုအခြေနေအရ အထူးကုသမားတော်ကြီးတွေဖြစ်ဖို့ စိတ်ကူးယဉ်ခွင့်မရခဲ့ပေအထူးကုတွေလို နိုင်ငံခြားပြန်ကြီးတွေလို တစ်ဖက်ကမ်းခပ် မတတ်သော်လည်း… လမင်းကြီးလောက်မလင်းနိုင်ရင်နေ ကြယ်လေးတစ်ပွင့်ဖြစ်ရင်လည်း လင်းလက်ခွင့်ရသလောက် အတောက်ပဆုံးလင်းလက်ပေးမယ်ဆိုတဲ့ခံယူချက်နဲ့ပေါ့…

ခွဲစိတ်ကုသမှု တစ်ရက်ပျမ်းမျှ ၃၀ယောက် တစ်လ ၉၀၀ ဝန်းကျင်ခန့် ခွဲစိတ်နေသောဆရာဝန်ကြီးဦးမင်းထွဋ်၏သတင်းမှာ ပန်းသတင်းလေညှင်းဆောင် လူသတင်းလူချင်းဆောင်လို့ သတင်းကြီးတဲ့ဆားလင်းကြီးရဲ့ခွဲစိတ်ကျွမ်းကျင်ဆရာဝန်ကြီးအဖြစ် မွှေးပျံ့နေတော့၏။သစ်တစ်ပင်ကောင်း ငှက်တစ်သောင်းနားစေသော်………

မောင်ကြွေ
photo Zin Min Tun