မိုးကောင်း စက်တင်ဘာ ၁၃
ကချင်ပြည်နယ် မိုးကောင်းမြို့နယ် ကံလှကျေးရွာ၌ နဝမတန်းကျောင်းသူတစ်ဦးအား မူမမှန်သည့်အရိပ်အယောင်ကြောင့် အတန်းပိုင်ဆရာမမှ စောင့်ကြည့်လေ့လာခဲ့ရာမှ သက်ငယ်မဒိန်းမှု ကျူးလွန်ခံခဲ့ရခြင်းဖြစ်ခဲ့၍ ကျောင်းအုပ်ဆရာမကြီးမှ တရားလိုပြုလုပ်ကာ စက်တင်ဘာ၁၃ရက်က အမှုဖွင့်တိုင်တန်းခဲ့ကြောင်း နမ္မတီးနယ်မြေရဲစခန်းမှူး ရဲအုပ်ဇော်လွန်းအောင်ထံမှ သိရသည်။
ဖြစ်စဉ်မှာ မိုးကောင်းမြို့နယ်၊ကံလှအထက်တန်းကျောင်းခွဲတွင် နဝမတန်းပညာသင်ကြားနေသူ မ(---- ၁၅)နှစ်သည် ကျောင်းတက်ရက်မမှန်ခြင်း၊ကျန်းမာရေးမကောင်းသည့် အရိပ်အယောင်များ၊မူမမှန်သည့်အမူအရာများ ရှိနေခဲ့ခြင်းကြောင့် အတန်းပိုင်ဆရာမ၏ စောင့်ကြည့်လေ့လာ တင်ပြချက်မှတစ်ဆင့် ကျောင်းအုပ်ဆရာမကြီး ဒေါ်ဖြူဖြူသော်မှ ကျေးလက်ကျန်းမာရေးဌာနရှိ သားဖွားဆရာမထံပြသကြည့်ရာ ကိုယ်ဝန် ၆ လရှိနေပြီဖြစ်ကြောင်း စစ်ဆေးပေါ်ပေါက်ခဲ့သည်။
မ(----)၏ပြောပြချက်အရ နေအိမ်၌အတူနေသည့် ပထွေးဖြစ်သူ ဝင်းမင်းထွန်း(ခ)မင်းမင်း(၄၃)နှစ်သည် ၂၀၁၈ ခုနှစ်၊မတ်လဆန်းက ၎င်းအား တနိုင်းမြို့သို့ခေါ်ဆောင်ကာ တည်းခိုခန်းတွင် သားမယားအဖြစ်ပြုကျင့်ခဲ့ကြောင်း၊ယင်းနောက်ပိုင်းတွင်လည်း နေအိမ်တွင်မိခင်မရှိခိုက် မကြာခနသားမယားအဖြစ် ပြုကျင့်ခဲ့ခြင်းများ ရှိခဲ့ကြောင်းစစ်ဆေးပေါ်ပေါက်ခဲ့၍ ကျောင်းအုပ်ဆရာမကြီးမှ တရားလိုပြုလုပ်ကာ ယနေ့ စက်တင်ဘာ ၁၃ ရက်၊ညနေ ၄နာရီတွင် နမ္မတီးနယ်မြေရဲစခန်း၌ အမှုဖွင့်တိုင်တန်းခဲ့ကြောင်း သိရသည်။
ဖြစ်စဉ်နှင့်ပတ်သက်၍ ဝင်းမင်းထွန်း(ခ)မင်းမင်းအား နမ္မတီးနယ်မြေရဲစခန်းတွင် အမှုဖွင့်အရေးယူထားကြောင်း သိရသည်။
ဝင်းနိုင်(ကချင်မြေ)
မိုးကောင်းသတင်းမီဒီယာ
https://www.facebook.com/mogaungnews.media
No comments:
Post a Comment