လွန်ခဲ့တဲ့ခြောက်နှစ်လောက်က ကျွန်တော့်မိတ်ဆွေတစ်ယောက်နဲ့ဆုံဖြစ်ပါတယ် ။ အိပ်ယာထဲကမထနိုင်သလို အစားအသောက်ပါမစားနိုင်တဲ့အတွက် လူတစ်ကိုယ်လုံးက အရိုးပေါ်အရေတင်နေပါပြီ ။
သူခံစားနေရတဲ့ဝေဒနာကိုမေးကြည့်တော့ ချက်နားက စူးအောင့်ပြီး နာနေသလို ဝမ်းလဲချုပ်နေပါတယ် ။ ဆေးခန်းပြတော့လဲ ပိုးသတ်ဆေးနဲ့ အကိုက်အခဲပျောက်ဆေးတွေပဲပေးသတဲ့ ။
ဖြစ်နိုင်ခြေကို ကျွန်တော်စဉ်းစားကြည့်ပါတယ်..အစာအိမ်မှာအနာရှိသလား..အူခေါက်သလား..အူကင်ဆာလားပေါ့ ။
စိတ်ထဲမှာမသင်္ကာလာတာနဲ့ မေမေ့တပည့် ခွဲစိတ်ဆရာဝန်ကြီးဆီကို အကြံဉာဏ်တောင်းခံခဲ့ပါတယ် ။
ဆရာဝန်ကြီးက လူနာကိုချက်ချင်း ဆေးရုံကြီးကိုခေါ်လာဖို့နဲ့ သူကိုယ်တိုင်လာကြည့်မယ်လို့ပြောပါတယ် ။
ဓါတ်မှန်ရိုက်တော့လဲ ဘာမှမပေါ်ပါဘူး... ဆရာဝန်တွေခေါင်းစားရတဲ့ပြသနာပါ ။
Operation လုပ်ဖို့ကလဲ ရောဂါအတိအကျမသိရတဲ့အတွက် လုပ်ဖို့မလွယ်ပါ ။
အတိုချုံ့ပြောရရင်တော့ လူနာဟာ ခြောက်လအကြာမှာ ဆုံးပါးသွားပါတယ် ။
ရင်ခွဲပြီးစစ်ဆေးတဲ့အခါ ရလာတဲ့Result က အူမကြီးတစ်ခုလုံးပုပ်နေပါပြီ ။ အူမကြီးကိုအသေအခြာစစ်ဆေးတော့မှ အူနံရံမှာစိုက်ဝင်နေတဲ့ Steel စလေးကိုတွေ့ရပါတယ် ။
အဲဒီ Steel စလေးက ပန်းကန်တွေဆေးရာမှာအသုံးပြုတဲ့ Steel Wool အစလေးပါ..
အခန့်မသင့်ရင် အသက်တစ်ချောင်းဆုံးရှူံးတတ်တာကြောင့် Steel Wool ကိုမသုံးစေချင်ပါဘူးခင်ဗျာ...
ချစ်ခင်လေးစားလျှက်
လွင်ဦးဟန်
No comments:
Post a Comment