Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, August 27, 2018

တပ်မတော်ကာကွယ်ရေးဦးစီးချုပ်ရုံးရဲ့စာမျက်နှာအပါအဝင် အခြားတပ်မတော်သတင်းပြန်ကြားရေးစာမျက်နှာတွေကို ဖေ့စ်ဘွတ်ခ်က ဖယ်ရှားလိုက်


တပ်မတော်ကာကွယ်ရေးဦးစီးချုပ်ရုံးရဲ့စာမျက်နှာအပါအဝင် အခြားတပ်မတော်သတင်းပြန်ကြားရေးစာမျက်နှာတွေကို ဖယ်ရှားလိုက်ကြောင်း

ဖေ့စ်ဘွတ်ခ်က ဒီနေ့မှာ ကြေညာခဲ့ပါတယ်။ Senior General Min Aung Hlaing၊ တပ်မတော်ကာကွယ်ရေးဦးစီးချုပ်ရုံး နဲ့ မြဝတီ စတဲ့ ဖေ့ဘွတ်ခ်စာမျက်နှာတွေအပါအဝင် အတုအယောင်လို့ ယူဆရတဲ့ အခြားလူပုဂ္ဂိုလ်နဲ့ အဖွဲ့အစည်း ၂၀ ရဲ့စာမျက်နှာ ၂၀ လောက်ကို ဖယ်ရှားပစ်ခဲ့တာပါ။

လူ ၁၂ သန်းလောက်က စောင့်ကြည့်ဖတ်ရှုခြင်းခံနေရတဲ့ ဖေ့စ်ဘွတ်ခ်အကောင့် ၁၈ ခု၊ အင်စတာဂရမ်အကောင့်တစ်ခုနဲ့ ဖေ့စ်ဘွတ်ခ်စာမျက်နှာ ၅၂ ခု ကိုလည်း တင်ဆက်နေတဲ့ သတင်းစာသားတွေကို စစ်ဆေးသုံးသပ်အပြီးမှာ အမုန်းစကားနဲ့ သတင်းအမှားတွေ ပျံ့နှံ့လာနိုင်မှုကို တားဆီးနိုင်စေဖို့အတွက် ဖြုတ်ချလိုက်ပြီဖြစ်တယ်လို့လည်း ဖေ့ဘွတ်ခ်က ပြောကြားထားခဲ့ပါတယ်။

အခုဖယ်ရှားလိုက်တဲ့ အကောင့်နဲ့ စာမျက်နှာတွေဟာ မခိုင်လုံ၊ မယုံကြည်ရလောက်တဲ့ သတင်းစကားတွေကို ဖေ့စ်ဘွတ်ခ်အသုံးပြုသူတွေအကြား အဓိကပျံ့နှံ့စေနေပြီး ဖေ့ဘွတ်ခ်ကသတ်မှတ်ထားတဲ့ စည်းမျဉ်းစည်းကမ်းတွေနဲ့လည်း ကိုက်ညီမှုရှိမနေတာကြောင့် ဖယ်ရှားပစ်ရခြင်းဖြစ်ကြောင်းကို အဲဒီစာမျက်နှာတွေရဲ့ Screenshot တွေနဲ့တကွ ဖေ့ဘွတ်ခ်က ထုတ်ပြန်ဖော်ပြခဲ့တာဖြစ်ပါတယ်။

ဖော်ပြပါ ဖယ်ရှားခံလိုက်ရတဲ့ အကောင့်နဲ့ စာမျက်နှာတွေအားလုံးကို ဒီနေ့ နေ့လယ်ခင်းပိုင်းအချိန်ကစလို့ ရှာဖွေကြည့်ရှုလို့ မရတော့တာကိုလည်း တွေ့ရပါတယ်။

Ref: Reuters "Facebook removes top Myanmar military official, others from the website"

TH (ရိုးရာလေး)