Latest News

Friday, August 3, 2018

"သမ္မတ၏လုပ်ပိုင်ခွင့်အာဏာ"

သရ၀ဏ်(ပြည်) ရေးသည်

ငယ်စဉ်ကရွတ်ဆိုခဲ့ရသော စက်ကြီး တဆယ့်သုံးပါး ရှိ၏ ။

(၁) အောင် ၁၀၈ ကွက်ဗုဒ္စစက်
(၂) တဆယ့်လေးချက်ဓမ္မစက်
(၃) တဆယ့်ရှစ်ချက် သံဃစက်
(၄)လရောင်ဝင်းလျက် ရှင်ပစ္စေကဗုဒ္စရဟန္တာစက်
(၅) မြင်းမိုရ်တောင်ဦးမကကျူးလျက်မိဘစက်
(၆) ဂုဏ်ကျေးဇူးကိုအထူးသိလျက် ဆရာ့စက်
(၇) ဗြဟ္မစိုရ်လက်နက် ဗြဟ္မာ့စက်
(၈) မိုးကြိုးလက်နက်သိကြားစက်
(၉) လောင်မီးကျလျက်နတ်တို့စက်
(၁၀) ဘွဲ့ဖြူလက်နက်ဘီလူးစက်
(၁၁) တောင်ဟုန်ပြင်းလျက် ဂဠုန်မင်းစက်
(၁၂) အာခံတွင်းက၀င်းဝင်းတောက်လျက် နဂါးစက်
(၁၃) သုံးထောင် သချာင်္ဟေမ၀န္တာ အာဏာစိုးလျက် သီဟစက်

ထိုစက်ကြီးတဆယ့်သုံးပါးမှာ ဘုရားတရား သံဃာမှစကာ သိကြားမင်းအလည် နဂါးမင်းအဆုံး ၊ တောသုံးတောင်ကိုအစိုးရသောခြင်္သေ့ပါမကျန် သူ့ အစွမ်းနှင့်သူ တန်ခိုးထက်မြက်ကြကြောင်းကို တိုင်တည်၍ရှေးဆရာကြီးများဖွဲ့ဆိုသီကုံးထားသော အန္တရာယ်ကင်းဂါထာဖြစ်သည် ။ဘုရားဟောတော့မဟုတ် ။ ထိုဂါထာထဲတွင် ပြည့်ရှင်မင်း ဖြစ်သော ဘုရင် ၊ သမ္မတ ၊၀န်ကြီးချုပ် ၊တရားသူကြီးချုပ် စသူတို့၏တန်ခိုးအာဏာကိုတော့ထည့်သွင်းဖွဲ့ဆိုထားခြင်းမရှိချေ ။နဂါး၊ ဂဠုန်၊ခြင်္သေ့စသော တိရိစ္ဆာန်များပင်လျှင် တန်ခိုးအစွမ်းသတ္တိ၇ှိသေးသည်ဆိုလျှင် ဘုရင်များ၊ သမ္မတများ ၊ ၀န်ကြီးချုပ်များသည်လည်း တန်ခိုးအစွမ်း တစုံတရာရှိနိုင်ကောင်းသည်ဖြစ်၍ မင်းကျင့်တရားရှိသော်ငြား ထင်ရှားလင်းလက် ဘုရင်မင်းစက် ၊တိုင်ရေးပြည်ရာဥပဒေမှာ အာဏာပြင်းလျက် သမ္မတမင်းစက် ၊ ဟိုမှာသည်မှာ မနေသာ ဥပဒေရှုပ်လျက် တရားသူကြီးစက် စသည်ဖြင့် ပါသင့်ပါကောင်း၏ဟုတွေးမိပါသည် ။

၂၀၀၈ အခြေခံဥပဒေသည် မကောင်းကွက်များ ပြွမ်းတီးနေသည်ဆိုသော်ငြား ကိစ္စအချို့တွင်အသုံးချတတ်လျှင် သမ္မတ၏လုပ်ပိုင်ခွင့်အတော်များများရှိတာတွေ့ ရလေသည် ။၂၀၁၈ ဇူလိုင် ၂၉ ရက်နေ့က နိုင်ငံတော်သမ္မတကြီး ဦးဝင်းမြင့်သည် ရန်ကုန်တိုင်းဒေသကြီးလွှတ်တော်၌ ရန်ကုန်တိုင်းဒေသကြီးအစိုးရ၊ လွှတ်တော်၊ တိုင်းတရားလွှတ်တော် စသည့် တိုင်းအဆင့် အုပ်ချုပ်ရေး၊ ဥပဒေပြုရေး ၊တရားစီရင်ရေးပုဂ္ဂိုလ်များနှင့် အထူးအစည်းအဝေးတခုကျင်းပပြုလုပ်ခဲ့ပါသည် ။ ဤအစည်းအဝေးကိုအကြောင်းပြု၍ ပြောမဆုံးပေါင် တောသုံးတောင်ကိစ္စများ ပေါ်ပေါက်ခဲ့ပါသည် ။ ပထမပြောရမည့်ကိစ္စမှာ သမ္မတသည် တရားသူကြီးများ ၊ဥပဒေအရာရှိများကို Briefing ပေးသလို ခေါ်ယူဆုံးမပိုင်ခွင့်ရှိမရှိဆိုသောကိစ္စဖြစ်သည် ။ အုပ်ချုပ်ရေး၊ ဥပဒေပြုရေး ၊ တရားစီရင်ရေးတို့သည် သပ်သပ်စီဖြစ်ရမည် ၊ Separation of Power ခေါ်အာဏာသုံးခု မဏ္ဍိုင်သုံးရပ်ကို သီးခြားစီ ပိုင်းခြားရမည်ဟုဆိုထားရာ အုပ်ချုပ်ရေးခေါင်းဆောင် က ဥပဒေပြုရေးနှင့်တရားစီရင်ရေးကို ၀င်ရောက် ဆုံးမ လမ်းညွှန်၍ရမရဆိုသောအချက်ကို နိုင်ငံရေးလေ့လာသူများကမေးကြသည် ။

ရသည်ဟုပင်ဆိုရမည် ။ ဘယ်အတိုင်းအတာအထိရသည်ဆိုခြင်းကိုရှင်းပါမည် ။ ဖွဲ့စည်းပုံအခြေခံဥပဒေ ပုဒ်မ ၅၈ တွင် နိုင်ငံတော်သမ္မတသည် ပြည်ထောင်စုသမ္မတ မြန်မာနိုင်ငံတော် တ၀န်းလုံးတွင် နိုင်ငံသားအားလုံး၏အထွတ်အထိပ် နေရာရရှိသည် ဟု ပြဌာန်းထားသည် ။ထို့ကြောင့် အထွတ်အထိပ်ပုဂ္ဂိုလ်ဖြစ်သော သမ္မတက မိန့်ခွန်းပြောလိုသည် ဟုဆိုလျှင် ပြည်နယ်အဆင့် တိုင်းဒေသကြီး အဆင့် သာမက ပြည်ထောင်စုအဆင့်တွင်ပါ အခြားမဏ္ဍိုင်များမှ ပုဂ္ဂိုလ်များကိုတွေ့ ဆုံ၍ မူဝါဒရေးရာများကိုလမ်းညွှန်နိုင်သည် ။ ပုဒ်မ ၇၇ (ခ)တွင်လည်း ပြည်ထောင်စုလွှတ်တော်အစည်းအဝေးသို့ တက်ရောက်၍ မိန့်ခွန်းပြောလိုကြောင်း နိုင်ငံတော်သမ္မတကအကြောင်းကြားလျှင် နိုင်ငံတော်သမ္မတအားဖိတ်ကြားရမည် ဟုပါရှိပေ၏ ။ပြည်ထောင်စုအဆင့်လွှတ်တော်အမတ်များကိုပင် သမ္မတဆန္ဒရှိက တက်ရောက်မိန့်ခွန်းပြောခွင့်ကိုအခြေခံဥပဒေကလက်ခံခွင့်ပြုထားပြီးဖြစ်ရာ တိုင်းဒေသကြီးလွှတ်တော် ၊ ပြည်နယ်လွှတ်တော်များတွင်လည်း တက်ရောက်စကားပြောခွင့်ကို ခွင့်ပြုပြီးဖြစ်သည်ဟုနားလည်ရပေသည် ။ ထို့ကြောင့် သမ္မတသည် လွှတ်တော်ကို သွား၍ စကားပြောခြင်းမှာ ဆန်းကျယ်သောကိစ္စမဟုတ်ပေ ။ ဖွဲ့စည်းပုံအခြေခံဥပဒေကပေးအပ်ထားသောအခွင့်အရေးသာဖြစ်သည် ။

ဤသည်မှာ သမ္မတနှင့်လွှတ်တော်၏ဆက်စပ်မှုသာဖြစ်သည် ။ သမ္မတနှင့် တရားစီရင်ရေးကဏ္ဍ၏ ဆက်စပ်မှုကာအဘယ်နည်း ။ သမ္မတနှင့်တရားစီရင်ရေးကဏ္ဍသည် ပို၍အဆက်အစပ်များပေ၏ ။ နိုင်ငံတော်တွင်အမြင့်ဆုံးတရားရုံးသည် (ဖွဲ့စည်းပုံအခြေခံဥပဒေခုံရုံးနှင့်မပတ်သက်သမျှ ) ပြည်ထောင်စုတရားလွှတ်တော်ချုပ်ဖြစ်သည် ။ ပြည်ထောင်စုတရားလွှတ်တော်ချုပ်၏အကြီးအမှူးကို ပြည်ထောင်စုတ၇ားသူကြီးချုပ် ဟုခေါ်တွင်၏ ။ ထိုပြည်ထောင်စုတရားသူကြီးချုပ်ကို သမ္မတကရွေးချယ်ခန့်ထားရခြင်းဖြစ်သည် ။ သမ္မတရွေးချယ်ခန့်ထားလိုသော ပြည်ထောင်စုတရားသူကြီးချုပ်ကို ပြည်ထောင်စုလွှတ်တော်သို့ အမည်စာရင်းတင်သွင်းရ၏ ။ အရည်အချင်းနှင့်မပြည့်စုံကြောင်း အထင်အရှားမပြနိုင်ပါက ပြည်ထောင်စုလွှတ်တော်သည် ငြင်းပယ်ခွင့်မရှိချေ ( ဖွဲ့စည်းပုံအခြေခံဥပဒေပုဒ်မ ၂၉၉ )ပြည်ထောင်စုတရားလွှတ်တော်ချုပ်တွင်တရားသူကြီး အနည်းးဆုံးခုနစ်ဦး မှသည်အများဆုံး ၁၁ ဦး အထိ ခန့်အပ်နိုင်၏ ။

တရားရေးအခေါင်အချုပ်ဖြစ်သောတရားသူကြီးချုပ်ကို သမ္မတကရွေးချယ်ခန့်ထားပြီးသောအခါ ကျန်တရားသူကြီး ခြောက်ဦးမှ ဆယ်ဦးအထိ ကို သမ္မတနှင့်တရားသူကြီးချုပ်တို့ တိုင်ပင်၍ရွေးချယ်ရပြန်သည် ။ထို့ကြောင့် ပြည်ထောင်စုအဆင့် တရားသူကြီးရွေးချယ်ရာတွင် သမ္မတသည် အဓိကပုဂ္ဂိုလ်ဖြစ်သည် ။ တခုပဲရှိသည် အရင်သမ္မတက ရွေးချယ်ခန့်ထားပြီးသား တရားသူကြီးများဖြစ်လျှင် နောက်တက်လာသောသမ္မတက သူ့ သဘောနှင့်သူ အလုပ်ဖြုတ်ပြီးအသစ်ပြန်ခန့်ခွင့်မရှိပေ ။ ပြည်ထောင်စုတရားသူကြီးချုပ်နှင့် ပြည်ထောင်စုတရားလွှတ်တော်ချုပ်အဖွဲ့ဝင် တရားသူကြီး (၁၁ ဦးအဖွဲ့ ) ၏ရာထူးသက်တမ်းမှာ အတော်ခိုင်မာသည် ။ထိုသူ ၁၁ ဦးသည် အောက်ပါကိစ္စတခုခုမပေါ်ပေါက်လျှင် အသက် (၇၀)ပြည့်သည်အထိ တာဝန်ထမ်းဆောင်နိုင်သည် ဟု ပုဒ်မ ၃၀၃ ကဆိုသည် ။ ထိုအချက်များမှာ

(က) မိမိသဘောအလျောက် ရာထူးမှနုတ်ထွက်ခြင်း၊

(ခ) ဖွဲ့စည်းပုံအခြေခံဥပဒေပါ ပြဌာန်းချက်များနှင့်အညီ စွပ်စွဲပြစ်တင်ခြင်းခံရ၍ ရာထူးမှရပ်စဲခံရခြင်း ၊

(ဂ) ဥပဒေအရသတ်မှတ်သော ဆေးအဖွဲ့၏ စစ်ဆေးချက်အရ ကိုယ်စိတ်နှစ်ပါးအနက်တပါးပါးသည် ထာဝစဉ်ချို့ယွင်းသွားခြင်းကြောင့်တာဝန်ကိုဆက်လက်ထမ်းဆောင်နိုင်စွမ်းမရှိကြောင်း တွေ့ ရှိရခြင်း ၊

(ဃ) ကွယ်လွန်ခြင်း

ဟုပါရှိပေသည် ။ ထိုသို့  တရားသူကြီးများရာထူးတွင် အသက် ၇၀ အထိ ဖယ်ရှား၍မရအောင်လုပ်ထားခြင်းမှာ အမေရိကန်ပြည်ထောင်စုတွင်လဲရှိသည် ။အဓိကရည်ရွယ်ချက်မှာ တရားသူကြီးများသည် အုပ်ချုပ်ရေးမဏ္ဍိုင်ကို ထိတ်လန့်ကြောက်ရွံ့ ရခြင်းမရှိပဲ (သမ္မတအသစ်တော့တက်လာပြီ သူ့ အကြိုက်လိုက်လုပ်ဦးမှပဲ) ဆိုသောကိစ္စများပေါ်ပေါက်မလာစေရန် ရည်ရွယ်လုပ်ဆောင်ခြင်းဖြစ်သည် ။ ထို့ကြောင့် အလွယ်ပြောရလျှင် ယခင်သမ္မတလက်ထက်ကခန့်ခဲ့သော ပြည်ထောင်စုတ၇ားသူကြီးများသည် အသက် ၇၀ မပြည့်မချင်း၊ ဒုက္ခိတမဖြစ်မချင်း၊ မသေမချင်း၊ ကိုယ့်သဘောနှင့်ကိုယ် အလုပ်မှမထွက်မချင်း အမှားအယွင်းတခုခုမလုပ်ဆောင်မိလျှင် မည်သူမျှ ရာထူးမှဖြုတ်ချ၍မရပေ ။ သို့ သော် ။ ဤသို့ သော်မှာ အထူးအရေးကြီး၏ ။ ပြည်ထောင်စုအဆင့် ၊ တိုင်းဒေသကြီးအဆင့် ၊ ပြည်နယ်အဆင့် တရားလွှတ်တော်များမှ တရားသူကြီးချုပ်များ ၊ တရားလွှတ်တော်တရားသူကြီးများ ကို သမ္မတ ကနိုင်ကွက်တခုရှိ၏ ။ ထိုနိုင်ကွက်ကိုဖွဲ့စည်းပုံအခြေခံဥပဒေ ပုဒ်မ ၃၀၂ တွင်
“ပြည်ထောင်စု တရားသူကြီးချုပ်နှင့် ပြည်ထောင်စုတရားလွှတ်တော်ချုပ်တရားသူကြီး များအားစွတ်စွဲပြစ်တင်ခြင်း “ ဟုပါရှိသည် ။ ထို ပုဒ်မ ၃၀၂(က) တွင် နိုင်ငံတော်သမ္မတ သို့မဟုတ် ပြည်သူ့ လွှတ်တော် သို့ မဟုတ်အမျိုးသားလွှတ်တော်ကိုယ်စားလှယ်များသည် ပြည်ထောင်စုတရားသူကြီးချုပ် သို့မဟုတ် ပြည်ထောင်စုတရားလွှတ်တော်ချုပ်တရားသူကြီးတဦးဦးအားအောက်ပါ အကြောင်းတရပ်ရပ်ဖြင့် စွပ်စွဲပြစ်တင်နိုင်သည်

(၁) နိုင်ငံတော်၏ကျေးဇူးသစ္စာတော်ကိုဖောက်ဖျက်ခြင်း

(၂) ဖွဲ့စည်းပုံအခြေခံဥပဒေပါ ပြဌာန်းချက်တရပ်ရပ်ကို ဖောက်ဖျက်ကျူးလွန်ခြင်း

(၃) အကျင့်သိက္ခာပျက်ပြားခြင်း

(၄) ပုဒ်မ ၃၀၁ တွင်ပြဌာန်းထားသော ပြည်ထောင်စုတ၇ားသူကြီးချုပ် နှင့်ပြည်ထောင်စုတရားလွှတ်တော်ချုပ် တရားသူကြီးများ၏အရည်အချင်း ပျက်ယွင်းခြင်း

(၅) ဥပဒေအရပေးအပ်သောတာဝန်များကို ကျေပွန်စွာမဆောင်ရွက်ခြင်း တို့ဖြစ်သည် ။

ယခုဖြစ်ပွားခဲ့သော ဟာသသရုပ်ဆောင်အောင်ရဲထွေး အသတ်ခံရသော အမှုတွင် တရားခံ သုံးဦးအားစွဲချက်မတင်မီလွှတ်ပေးလိုက်ခြင်းမျိုးသည် နံပါတ်(၅)ဖြစ်သော ဥပဒေအရပေးအပ်သောတာဝန်များကို ကျေပွန်စွာမဆောင်ရွက်နိုင်ခြင်းပင်ဖြစ်သည် ။ လူသတ်မှုတရားခံများကိုလမ်းဆုံးအထိမစစ်ဆေးပဲ အမှုကိုရုပ်သိမ်း ၍ လွှတ်ပေးလိုက်ခြင်းသည် ခရိုင်တရားရုံးကဖြစ်သည် ။တိုင်းအဆင့်မဟုတ်သေးသလို ၊ ပြည်ထောင်စုတရားလွှတ်တော်ချုပ်အဆင့်မဟုတ်သေး ပေ ။ ပြောလိုရင်းမှာ ခရိုင်အဆင့် က မဟုတ်မမှန်လုပ်သည်ကို တိုင်းအဆင့်ကငြိမ်နေလျှင် ၊ တိုင်းအဆင့်ကတရားသူကြီးနှင့်ဥပဒေအရာရှိများ မဟုတ်တာလုပ်သည်ကို ပြည်ထောင်စုတရားလွှတ်တော်ချုပ်က အလိုတူအလိုပါသဘောနှင့် ဘာမှ ပြင်ဆင်ဆောင်ရွက်မှုမရှိဘူးဆိုလျှင် သမ္မတသည် တိုင်းဒေသကြီးတရားလွှတ်တော်ချုပ် ၊ ပြည်ထောင်စုတ၇ားလွှတ်တော်ချုပ်တို့ မှ တရားသူကြီးချုပ်များကို ဖြစ်စေ တဖွဲ့လုံးကိုဖြစ်စေ ဖွဲ့စည်းပုံအခြေခံဥပဒေ ပုဒ်မ ၃၀၂ (က)အရ စွပ်စွဲပြစ်တင်တော့မည်ဖြစ်သည် ။ ထို့ကြောင့် အောက်အဆင့်မှာထဲက စောစောစီးစီးပြင်နိုင်ကြရန် နိုင်ငံတော်သမ္မတဦးဝင်းမြင့်က ရန်ကုန်တိုင်းအဆင့် တရားစီရင်ရေးမှပုဂ္ဂိုလ်များကို ဇူလိုင်၂၆ ရက်နေ့က ခေါ်ယူတွေ့ ဆုံသတိပေးခြင်းဖြစ်မည်ဟုယူဆရသည် ။
“လွဲနေတာတွေ တည့်အောင်ပြန်ပြင်ရင်ပြင် မပြင်ရင်တော့ ကျုပ်က လွှတ်တော်ကိုတင်ပြီး ဆော်တော့မှာ “ဟု ပါးစပ်ကဖွင့်မပြောသော်လည်း ပညာရှိဆန်ဆန် သွယ်ဝိုက်၍ သတိပေးလိုက်ခြင်းဖြစ်သည်ဟုထင်ပါသည် ။

ခရိုင်အဆင့် တရားသူကြီးက လူသတ်မှုနှင့်စွပ်စွဲခံထားရသောတရားခံကို စွဲချက်ပင်မတင်ပဲ အမှု ပိတ်သိမ်းကာ ထောင်ထဲမှတခါထဲလွှတ်ပေးလိုက်သည် ။ ပုဒ်မ ၄၉၄(က) အရ အမှုမှ ရုပ်သိမ်းပေးလိုက်ခြင်းဖြစ်သည်ဟုတရားသူကြီးနှင့် တရားခံ၏ရှေ့နေကပြောဆိုသည် ။ အမှန်စင်စစ် ထိုပုဒ်မ ၄၉၄(က)ဆိုသည်မှာ ယာဉ်တိုက်မှုများတွင် လူသေသွားသောအခါ ယာဉ်တိုက်မှုအပြင်လူသေမှု (လူသတ်မှုမဟုတ် )ဖြင့် တရားစွဲခံရသည့်အခါ သက်ဆိုင်ရာကွယ်လူသူ၏ ကာယကံရှင်များဘက်မှကြေအေးပေးပါလျှင် ပုဒ်မ ၃၀၄ (လူသေမှု) ကို နှစ်ဖက်သဘောတူကြေအေးတာမျိုးလို အမှုမျိုးမှာ သုံးတာဖြစ်သည် ။ လူသတ်မှု ၊ မုဒိန်းမှု၊ ပြန်ပေးမှု ၊ ဓားပြမှု ၊နိုင်ငံတော်ပုန်ကန်မှု အမှုကြီးများတွင်တော့ မည်သူကကြေအေးသည်ဖြစ်စေ အမှုကိုပိတ်သိမ်းပြီးတရားခံများကိုလွှတ်ပေးရိုးထုံးစံယနေ့ထက်တိုင်မရှိသေးပါချေ ။ ထုံးစံမရှိသောကိစ္စကို ရန်ကုန်တိုင်းဒေသကြီးဥပဒေချုပ်ရုံး ၊ အရှေ့ပိုင်းခရိုင်ဥပဒေရုံး နှင့်တရားသူကြီး တို့ ပူးပေါင်းဆောင်ရွက်ခဲ့ကြခြင်း ဖြစ်ပေသည် ။ ထို့ကြောင့်သမ္မတကြီးက ကြားဝင်လာရခြင်းဖြစ်သည် ။ ထိုသို့ကြားဝင်တည့်မတ်ပေးနိုင်ရန်လည်း ဖွဲ့စည်းပုံအခြေခံဥပဒေက ခွင့်ပြုထားပေသည် ။

သမ္မတကကြားဝင်တည့်မတ်ပေးသည့်ကြားမှ စီရင်ထုံးမရှိသော ကိစ္စတခုကို အရေးမယူပဲရှေ့ဆက်မှားယွင်းခဲ့မည်ဆိုပါလျှင် ရေးသားဖော်ပြခဲ့သော စွပ်စွဲပြစ်တင်သည့်လမ်းကြောင်းဖြင့် လွှတ်တော်တွင်တင်ကာ မဲခွဲဆုံးဖြတ်ပြီး ရာထူးမှ ဖြုတ်ချ သည့်လမ်းကိုရဲရဲဝံ့ဝံ့သွားကြရမည်ဖြစ်သည် ။ စွပ်စွဲချက်တရပ်ကို သမ္မတကစတင်လိုက်ပြီဆိုသည်နှင့် လွှတ်တော်တွင်စုံစမ်းရေးကော်မရှင်ဖွဲ့ရမည် ။ထိုစုံစမ်းရေးကော်မရှင်၏တွေ့ ရှိချက်များကို လွှတ်တော်နာယကက ပြည်ထောင်စုလွှတ်တော်သို့တင်ပြရမည် ။ ထို့နောက်ပြည်ထောင်စုလွှတ်တော်တွင်မဲခွဲဆုံးဖြတ်ကာ လွှတ်တော်ကိုယ်စားလှယ် သုံးပုံနှစ်ပုံ က တရားသူကြီးကိုရာထူးမှဆက်လက်ထမ်းဆောင်ရန်မသင့်ဟု မဲပေးခဲ့လျှင် နိုင်ငံတော်သမ္မတက ပြည်ထောင်စုတရားသူကြီးချုပ် ၊သို့မဟုတ် ပြည်ထောင်စုတ၇ားလွှတ်တော်ချုပ် တရားသူကြီးကို ရာထူးမှရပ်စဲရမည်ဟု ပုဒ်မ ၃၀၂ (ခ) တွင်ပြဌာန်းထားလေသည် ။ဒါက ပြည်ထောင်စုအဆင့်ဖြစ်သည် ။ တိုင်းဒေသကြီးအဆင့် နှင့် ပြည်နယ်အဆင့်တွေမှာရော သမ္မ၏အာဏာကဘယ်လိုရှိသလဲဟုမေးလာလျှင် ပြည်ထောင်စုအဆင့်မှာ တရားသူကြီးများကိုစွပ်စွဲပြစ်တင်မှုပြုလုပ်နိုင်သောအာဏာနှင့်ခပ်ဆင်ဆင်တူသော အာဏာသည် သမ္မတမှာ ရှိသေးလေသည် ။ ဆိုလိုရင်းမှာ ပြည်နယ်နှင့်တိုင်း တရားသူကြီးချုပ်တွေ ၊တရားလွှတ်တော်တရားသူကြီးအဖွဲ့ဝင်တွေကိုလည်း သမ္မတတွင် စွပ်စွဲပြစ်တင်နိုင်သော အာဏာရှိပါသည် ။

အောင်ရဲထွေးအသတ်ခံရသောအမှုကဲ့သို့  တရားစီရင်ရေးသည် ဆက်လက်၍ ကမောက်ကမဖြစ်ခဲ့လျှင် ဆောင်းပါးအထက်ပိုင်းတွင်ဖော်ပြခဲ့သော စွပ်စွဲ ပြစ်တင်နိုင်သောအချက်(၅)ချက် မှတချက်ချက်ကို ကိုင်၍ (အထူးသဖြင့် အချက် နံပတ် ၅ ဥပဒေအရပေးအပ်သောတာဝန်များကို ကျေပွန်စွာမဆောင်ရွက်ခြင်း ကို အထူးပြု၍) ဖွဲ့စည်းပုံအခြေခံဥပဒေပုဒ်မ ၃၁၁ (ခ) အရ နိုင်ငံတော်သမ္မတသည် တိုင်းဒေသကြီး သို့မဟုတ် ပြည်နယ်တရားလွှတ်တော် တရားသူကြီးချုပ် ကိုလည်းကောင်း ၊ တိုင်းဒေသကြီး သို့မဟုတ် ပြည်နယ်ဝန်ကြီးချုပ်သည် သက်ဆိုင်ရာတိုင်းဒေသကြီး သို့မဟုတ်ပြည်နယ်တရားလွှတ်တော် တရားသူကြီးတဦးဦး ကိုလည်းကောင်း စွပ်စွဲပြစ်တင် ရန်လိုအပ်ပါက မိမိ၏စွပ်စွဲချက်ကို တိုင်းဒေသကြီး သို့မဟုတ် ပြည်နယ်လွှတ်တော်ဥက္ကဌ ထံပေးပို့ ရမည် ဟုပြဌာန်းထားပါသည် ။ ဆိုလိုရင်းမှာ ပြည်နယ်နှင့်တိုင်းများတွင် တရားစီရင်ရေးမဏ္ဍိုင်သည် လက်ဆုပ်လက်ကိုင်ပြနိုင်သော ကိစ္စများဖြင့် ယိုယွင်းပျက်စီးလာပါက သမ္မတသည် ပြည်နယ်နှင့်တိုင်းတရားလွှတ်တော်တရားသူကြီးချုပ် အား အရေးယူရန်စတင် ဆောင်ရွက်ရမည် ။ ပြည်နယ်နှင့်တိုင်းတရားသူကြီးချုပ် မဟုတ်ပဲ အဖွဲ့ဝင် တရားသူကြီးများ ကို စွပ်စွဲပြစ်တင်မည်ဆိုပါက သမ္မတ ကလုပ်ဆောင်ရန်မလိုပဲ ၀န်ကြီးချုပ်များက ဦးဆောင်ပြီးလုပ်ရမည်ဖြစ်သည် ။ ထို့ကြောင့် ၂၀၀၈ ဖွဲ့စည်းပုံအခြေခံဥပဒေကတော့ တရားသူကြီးများ ပေးအပ်ထားသောတာဝန်မကြေပါက ၊ အကျင့်သိက္ခာပျက်ပြားပါက ၊နိုင်ငံတော်၏ကျေးဇူးသစ္စာတော်ကိုဖောက်ဖျက်ပါက အရေးယူနိုင်သောနည်းလမ်းများကို နိုင်ငံတော်သမ္မတကြီး အား ဥပဒေအရခိုင်မာစွာ အပ်နှင်းထားပြီးဖြစ်သည် ။

ကျွန်တော်တို့သည် ဥပဒေစိုးမိုးမှုမရှိခြင်း ၊တရားစီရင်ရေးမဏ္ဍိုင် ယိမ်းယိုင်နေခြင်းများရှိလျှင် ယိမ်းယိုင်နေသည်ဟု ပြောကြရုံမှတပါး ထိထိရောက်ရောက် အလုပ်လုပ်ကြတာ မတွေ့ ဖူးချေ ။ ယခင်သမ္မတနှစ်ဦးဖြစ်သော သမ္မတ ဦးသိန်းစိန်နှင့် သမ္မတ ဦးထင်ကျော်တို့သည် မိမိခန့်ခဲ့သော တရားသူကြီးများမို့  အမုန်းမခံချင်တာလား ( ပြည်ထောင်စုတရားသူကြီးချုပ် အပါအ၀င် ပြည်ထောင်စုတရားလွှတ်တော်ချုပ် တရားသူကြီးအတော်များများကို ဦးသိန်းစိန်အမည်စာရင်းတင်သွင်းခန့်အပ်ခဲ့ခြင်းဖြစ်သည် ) ၊ အေးဆေးလွန်းတာလားမသိ ၊ သမ္မတဖြစ်ပါလျက် တရားစီရင်ရေးကိုထိမ်းကျောင်းရန် မိမိလက်ထဲတွင်ရှိသော ၀ရဇိန်လက်နက်ကို အရိပ်အယောင်မျှ ထုတ်ဖော်ပြသ သတိပေးခဲ့ခြင်းမရှိပေ ။ ထိုအခါ မြန်မာနိုင်ငံတရားစီရင်ရေးသည် အိမ်ရှင်မရှိသော အိမ်တအိမ်တွင် အိမ်ဖော်က အပေါင်းအသင်းများခေါ်ကာ ထင်ရာစိုင်းသကဲ့သို့  ကြောက်ရမည့်သူမရှိသော မြန်မာ့တရားစီရင်ရေးလောကကြီးသည်ဖြစ်ချင်တိုင်းဖြစ်နေပေတော့သည် ။

ဤအကြောင်းကို သိနားလည်သော ရှေ့နေမှ သမ္မတဖြစ်လာသော သမ္မတကြီးဦးဝင်းမြင့်က ပြည်ထောင်စုရှေ့နေချုပ် ၊ ပြည်ထောင်စုတရားသူကြီးချုပ် နှင့် အဂတိလိုက်စားမှုတိုက်ဖျက်ရေးကော်မရှင် ဥက္ကဌတို့အား ဇူလိုင်လ ၃၁ ရက်နံနက်ပိုင်းက တွေ့ ဆုံခဲ့ကြောင်း သိရပေသည် ။ ထို့ကြောင့် တရားရေးမဏ္ဍိုင်ယိမ်းယိုင်နေမှုတွင် အဂတိလိုက်စားမှု များပါ ပါဝင်ပတ်သက်နေကြောင်း ပြည်သူလူထု ကြုံတွေ့ ခံစားနေရခြင်းကို သမ္မတကြီးက မီးမောင်းထိုး ပြကာ အဂတိလိုက်စားမှုတိုက်ဖျက်ရေးကော်မရှင်ဥက္ကကိုပါ တရားသူကြီးချုပ်နှင့်တပြိုင်နက်ခေါ်ယူတွေ့ ဆုံလိုက်ခြင်းဖြစ်နိုင်ပေသည် ။

သမ္မတလက်ထဲတွင် အလွန်အစွမ်းထက်သော အဂတိတိုက်ဖျက်ရေးဥပဒေလက်နက်နှင့် တရားသူကြီးများကိုစွပ်စွဲပြစ်တင်နိုင်သော ဖွဲ့စည်းပုံအခြေခံဥပဒေ လက်နက်များရှိနေပြီဖြစ်ရာ စက်ကြီးတဆယ့်သုံးပါးတွင်မပါဝင်သော်လည်း တိုင်ရေးပြည်ရာဥပဒေမှာ အာဏာပြင်းလျက် သမ္မတမင်းစက် ကိုတကယ်ထိထိရောက်ရောက်ထုတ်သုံးခဲ့လျှင် နိုင်ငံတော်၏တရားစီရင်ရေးမဏ္ဍိုင်ပျက်သုဉ်းခြင်းကို ကာကွယ်နိုင်မည်ဖြစ်ပါကြောင်း ။

သရ၀ဏ်(ပြည်)