 |
| ပလိပ်မြို့က ပန်ဒါချည်မျှင်အထည်နဲ့ အချောကိုင်စက်ရုံ အလုပ်သမားတွေ ၂၀၁၈ ဇူလိုင်လ ၂၉ ရက်နေ့က ဆန္ဒပြစဉ်/ Photo: Khaymani Win/RFA |
အလုပ်ခန့်ထားမှုဆိုင်ရာ သဘောတူညီချက်စာချုပ်ဟာ အလုပ်သမားတွေကို အကာအကွယ်မပေးနိုင်တာကြောင့် ချုပ်ဆိုဖို့ကို ငြင်းဆန်တာလို့ အခြေခံအလုပ်သမားအဖွဲ့အစည်း(၁)ရဲ့ အတွင်းရေးမှူး ဒေါ်ဇာခြည်ဝင်း က ပြော ပါတယ်။
အလုပ်ကနေထုတ်ပယ်ထားတဲ့ ဝန်ထမ်းတွေကို ပြန်လည်ခန့်ထားဖို့၊ ဥပဒေမဲ့လုပ်ရပ်တွေ အမြန်ဆုံးရပ်တန့်ပေးဖို့၊ ဥပဒေချိုးဖောက်နေတဲ့ အလုပ်ရှင်ကို အလုပ်သမားဝန်ကြီးဌာနအနေနဲ့ အမြန်ဆုံးအရေးယူဆောင်ရွက်ပေးဖို့၊ လွှဲပြောင်းခံ နိုင်ငံ့ဝန်ထမ်းတွေ လုပ်ငန်းခွင် အာမခံချက်ရရှိဖို့ ဆိုတဲ့အချက်တွေကိုလည်း ဆန္ဒပြအလုပ်သမားတွေ က တောင်းဆိုကြပါတယ်။
အလုပ်သမားတွေရဲ့ တောင်းဆိုချက်ဟာ ဥပဒေနဲ့မညီဘူးလို့ ပန်ဒါချည်မျှင်အထည်နဲ့ အချောကိုင်စက်ရုံက အထွေထွေမန်နေဂျာ ဒေါ်တင်တင်ရွှေ က ပြောပါတယ်။
ပန်ဒါချည်မျှင်အထည်နဲ့ အချောကိုင်စက်ရုံမှာ အလုပ်သမား တစ်ထောင်ကျော်ရှိပြီး ၆၀၀ ခန့်ကတော့ အလုပ်ခန့်ထားမှုဆိုင်ရာ သဘောတူညီချက်စာချုပ် ချုပ်ဆိုပြီးဖြစ်တယ်လို့ သိရပါတယ်။
အဲဒီစက်ရုံကို အရင် စက်မှုဝန်ကြီးဌာနက ပိုင်ဆိုင်တာဖြစ်ပြီး ၂၀၁၃ ခုနှစ်မှာ ပန်ဒါကုမ္ပဏီထံ ငှားရမ်းခဲ့ရာ ဝန်ကြီးဌာနလက်ထက်ကတည်းက လုပ်ကိုင်ခဲ့တဲ့ ဝန်ထမ်းတွေကိုလည်း ပန်ဒါကုမ္ပဏီထံ လွှဲပြောင်းပေးခဲ့ တာဖြစ်ပါတယ်။
RFA Burmese
https://www.rfa.org/burmese
No comments:
Post a Comment