Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, June 23, 2018

တွဲဘက်ရွှေကျင် သာသနာပိုင် မတ္တရာသူဌေးကျောင်း ဆရာတော် ပျံလွန်

မတ္တရာသူဌေးဆရာတော်ကို သီတဂူဆရာတော် ဝတ်ဖြည့်
မန္တလေး ဆေးရုံကြီး နှလုံး အထူးကြပ်မတ် ကုသဆောင်မှာ ဆေးကုသမှု ခံယူနေခဲ့တဲ့ မဟာ ဝိသုဒ္ဓါရုံ တိုက်သစ်၊ မတ္တရာ သူဌေးကျောင်း ဆရာတော် တွဲဘက်ရွှေကျင် သာသနာပိုင် ဆရာတော် ဉုးမာနိတသိရီဘိဝံသဟာ ဇွန်လ ၂၃ ရက် နံနက် ၃ နာရီခွဲမှာ ဘဝနတ်ထံ ပျံလွန်တော် မူသွားပြီ ဖြစ်ပါတယ်။

ပျံလွန်တော် မူချိန်မှာ ဆရာတော်ဟာ သက်တော် ၈၄ နှစ် ရှိပြီ ဖြစ်ပြီး ရွှေကျင်ဂိုဏ်း သမိုင်း၊ မဟာဝိသုဒ္ဓါရုံတိုက်သစ် သမိုင်း နဲ့ သာသနာပိုင် ရွှေကျင်နဲ့ စံကင်း ဆရာတော်တို့ရဲ့ ဂုရုပ္ပတ္တိတွေကို ရေးသားခဲ့ပါတယ်။

ရွှေကျင်ဂိုဏ်းသမိုင်း ဒုတိယပိုင်း ရိုက်နှိပ်ဖို့ ပြင်ဆင်နေဆဲမှာ ပျံလွန်တာပါ။
သက်တော်ရှည် စံကင်းဆရာတော်
စံကင်း ဆရာတော် အကြောင်းကို အခု ပါမောက္ခချုပ်ဆရာတော်လို့ ထင်ရှားတဲ့ ဒေါက်တာ နန္ဒမာလာဘိဝံသနဲ့ ပူးတွဲ ရေးသားခဲ့တာပါ။

ဆရာတော် ဉုးမာနိတ ပြုစုခဲ့တဲ့ ဂုရုပ္ပတ္တိနဲ့ သမိုင်းစာအုပ်တွေဟာ ခေတ်ဟောင်းပုံစံ ဘာသာရေး သမိုင်းတွေနဲ့ မတူဘဲ အထောက်အထား အကိုးအကား စုံလင်အောင် ရှာဖွေပြုစုတဲ့ စာအုပ်တွေ ဖြစ်ပါတယ်။

ကထိကရဟန်း အမည်နဲ့ ဘာသာရေး၊ ယဉ်ကျေးမှုဆောင်းပါးတွေကို ၁၉၆ဝ ကျော်ကတည်းက သတင်းစာ စာစောင်တွေမှာ ရေးသားခဲ့ပါတယ်။
ဘဝနဲ့ နိဗ္ဗာန်
ဘဝနဲ့ နိဗ္ဗာန် စာအုပ်ကိုတော့ ဂေါတမဗုဒ္ဓနဲ့ ရှင်သာရိပုတ္တရာ မထေရ်ကြီးတို့ရဲ့ အမြင်တွေကို စုစည်းပြီး ကိုယ်ပိုင်အမြင်နဲ့ လွတ်လပ်စွာ သုံးသပ်ရေးသားတာလို့ သိရပါတယ်။

ဒီစာအုပ်နဲ့ ၁၉၈၁ ခုနှစ်အတွက် ဝိုင်အမ်ဘီအေ အသင်းရဲ့ ဗုဒ္ဓစာပေ ပထမဆုရရှိခဲ့ပါတယ်။
ဝိုင်အမ်ဘီအေ အသင်းရဲ့ ဗုဒ္ဓစာပေ ပထမဆုရ
မြန်မာပြက္ခဒိန်ဆိုင်ရာ ဆောင်းပါးတွေကိုလည်း ရေးသားခဲ့ပြီး မြန်မာပြက္ခဒိန် ရက်တွက်မှန်ဖို့နဲ့ လူတွေ ပိုမိုအသုံးပြုကြဖို့ ဆော်သြခဲ့ပါတယ်။

မတ္တရာနယ် ဇာတိ ဉုးမာနိတဟာ ၁၇ နှစ်အရွယ်ကတည်းက ဝါဆိုဆရာတော်ထံပါးမှာ ပညာသင်ယူခဲ့ပြီး စံကင်းဆရာတော် အဆုံးအမနဲ့ ရဟန်းဘောင်ဝင်ခဲ့ပါတယ်။

အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ် ပထမဆုံး ပါမောက္ခချုပ် ဆရာတော် ဉုးသီလာနန္ဒာဘိဝံသဆီကနေလည်း သက္ကတကျမ်းစာတွေ သင်ယူခဲ့ပါတယ်။

ရွှေကျင်ဂိုဏ်း အကျိုးတော်ဆောင်ချုပ် ရာထူးကို ဆရာရင်း ဝါဆိုဆရာတော်ဆီက ဆက်ခံခဲ့သလို တွဲဘက်သာသနာပိုင်အဖြစ်လည်း ထမ်းဆောင်ခဲ့ပါတယ်။

BBC Burmese
http://www.bbc.com/burmese