Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, March 2, 2018

ပုဂံခရီး (၁) ”ပုဂံကို ရထားစီးပြီးသွားကြမလား” ရ..ရထားကြီး ပျော်ပျော်စီး


”ပုဂံကို ရထားစီးပြီးသွားကြမလား”
ရ..ရထားကြီး ပျော်ပျော်စီး
ခရီးသွားရတာနှစ်သက်တာမို့  လေးလတစ်ခါလောက် အလုပ်နဲ့ မသက်ဆိုင်တဲ့ခရီးသွားဖြစ်အောင် ကြိုးစားပါတယ်။
ဒီတစ်ခါလည်း စိတ်တူကိုယ်တူ သူငယ်ချင်းတွေနဲ့အတူ ရထားနဲ့သွားဖြစ်ခဲ့တဲ့
ပျော်ရွှင်စရာ ပုဂံခရီးစဉ် လေးအကြောင်း ဝေမျှပေးချင်ပါတယ်။
ပုဂံကို မိုးရာသီရော ဆောင်းရာသီမှာပါ လေယာဉ် ကားတို့ နဲ့ သွားဖူးခဲ့ပေမယ့် ရထားနဲ့သွားဖြစ်ခဲ့တာတေ့ာ ဒါပထမဆုံးအကြိမ်ပါပဲ။





ပုဂံကို ရထားနဲ့သွားမယ်ဆိုရင် ရထားလက်မှတ် ၃ ရက်ကြိုဝယ်ရပါတယ်။
ကျွန်မတို့က ဗုဒ္ဓဟူးနေ့ သွားမှာမို့ တနင်္ဂနွေမနက်မှာ သွားဝယ်ဖြစ်ပါတယ်။ ရထားလက်မှတ်ကို ဗိုလ်ချုပ်လမ်း Sakura Tower ရှေ့ က ရထားလက်မှတ်ဝယ်တဲ့
နေရာမှာ မနက် ၈ နာရီကနေ ညနေ ၃ နာရီအတွင်းဝယ်လို့ ရပါတယ်။
အိပ်စင်လက်မှတ်က တစ်ယောက်ကို ၁၆၅၀၀ ကျပ်ပေးရပါတယ်။
အိပ်စင်တစ်တွဲမှာ လူ ၈ ယောက်အထိစီးလို့ ရပါတယ်။
တစ်ခြမ်းကို ထိုင်ခုံ ၄ ခုံပါတာမို့  အားလုံး ထိုင်ခုံ ၈ခုံနဲ့ အိပ်စင် ၂ ခုပါတယ်။
မျက်နှာချင်းဆိုင်ထိုင်ခုံ ၂ ခုံကို ဆက်လိုက်ရင် နောက်ထပ်အိပ်စင် ၂ ခု ရတာမို့ 
ကျယ်ကျယ်ဝန်းဝန်းသွားချင်ရင် လူ ၄ ယောက်/ ၆ ယောက်ဆို အိပ်စင်တစ်တွဲမှာ အတော်ပါပဲ။
ကျွန်မတို့က ၄ ယောက်သွားတာမို့ အိပ်ရတာရော ထိုင်ရတာရော ကျယ်ကျယ်ဝန်းဝန်းရှိပါတယ်။
အိပ်စင်တစ်တွဲမှာ အိမ်သာ သီးသန့် ပါတာမို့  အတော်လေးအဆင်ပြေပါတယ်။
ရန်ကုန်- ပုဂံရထားက နေ့ စဉ် ညနေ ၄ နာရီမှာထွက်ပါတယ်။
ရန်ကုန်မြို့လမ်းကျပ်တာမို့  ညနေ ၃း ၁၅ လောက်အရောက် သွားဖို့ လိုပါတယ်။
တွဲထိုးတာနဲ့ တက်ပြီးပစ္စည်းတင် နေရာယူတာနဲ့ ညနေ ၄ နာရီအတိ ရထာထွက်တာနဲ့ ကွက်တိပါပဲ။
ကျွန်မနဲ့ကျွန်မအမျိုးသားက အိမ်ကထွက်တာ နည်းနည်းနောက်ကျသွားတာမို့  ဘူတာရုံမရောက်မချင်း ရင်တထိတ်ထိတ်ဖြစ်ခဲ့ရပါတယ်။
သူငယ်ချင်းစုံတွဲကလည်း စိတ်ပူစွာနဲ့ဖုန်းတစ်ဂွမ်ဂွမ်ဆက်နေပါပြီ။
ဘူတာရုံထဲဝင်ပြီး နောက်ထပ်စင်္ကြံတစ်ခုကျော်ပြီးမှ ရန်ကုန်-ပုဂံရထားတွဲကို
ရောက်ပါတယ်။













၃း၃၀ မှရောက်သွားလို့ ရထားစင်္ကြံကျော်/ အတွဲရှာ/ ပစ္စည်းတင်နဲ့မို့ 
ရထားပေါ်ရောက်မှ စိတ်အေးနိုင်ခဲ့ပါတယ်။
တစ်ကယ်လို့ ရထားမမှီခဲ့ရင်
ကြားဘူတာတွေက ဖြတ်တက်ဖို့ လည်း အဆင်မပြေပါဘူး။
ရထားက ကားလို မဟုတ်တဲ့အတွက်ကြောင့် ကိုယ်နောက်ကျနေရင်
ခဏစောင့်ပါဆိုပြီး စောင့်ဆိုင်းထားလို့ မရပါဘူး။
ရထားထွက်တာနဲ့ လူကအတော်လေးပျော်နေပါပြီ။
ကြည့်မြင်တာဘူတာ၊ အင်းစိန်ဘူတာ၊ ရွှေပြည်သာဘူတာ စတာတွေဖြတ်သန်းပြီး
ရန်ကုန်မြို့ကထွက်တာနဲ့ လမ်းတစ်လျှောက် မျက်စိအေးစရာ
မြင်ကွင်းစိမ်းစိမ်းစိုစိုတွေကို မြင်ရပါပြီ။
ရထားနဲ့ သွားမယ်ဆိုရင် အရေးကြီးတဲ့အချက်က စားစရာ
( ညစာနဲ့ မနက်စာ) ပြင်ဆင်လာဖို့ လိုပါတယ်။
ရိုးရိုးတန်းနဲ့ အထက်တန်းတွဲတွေမှာ ဈေးသည်တွေ လာရောင်းနိူင်ပေမယ့်
အိပ်စင်အတွဲက တစ်ခြားအတွဲတွေလို ကူးလို့ မရပါဘူး။
ရထားက ဘူတာတိုင်းလည်း မရပ်တာရယ် ဟိုးတုန်းကလို ရပ်တဲ့ဘူတာမှာ ရောင်းတဲ့ဈေးသည်လည်း သိပ်မတွေ့ရတာမို့ 
ကိုယ့်မှာစားစရာမပါလာရင် ဘာမှမတတ်နိုင်ပါဘူး။
ကျွန်မတို့ က ကြက်ပေါင်ကြော်/ ဟန်ဘာဂါ/ စွတ်ပြုတ်/ ကြက်ဥပြုတ်/
လက်ဖက်/ ပေါင်မုန့် / ငါးပိကြော်/ ရေနွေး/ ကော်ဖီထုတ်/ အသီး/ tissue (wet & dry) နဲ့ တစ်ခြား အားလူးကြော်/ ငါးမုန့် ကြော်/ နေကြာစေ့/ အချဉ်ထုတ်/ ရေသန့်  စတာတွေယူသွားဖြစ်ပါတယ်။
ကျွန်မသူငယ်ချင်းက စေ့စပ်သေချာသူမို့ ဓါတ်ဗူး၊ ဇွန်း၊ အမှိုက်အိတ်ကအစ ကျွန်မတို့ သယ်လာပါတယ်။
ပတ်ဝန်းကျင် ညစ်ညမ်းမှုမရှိအောင် ကိုယ်စားပြီးသား အမှိုက်တွေ၊ ပြစ်စရာတွေကို အပြင်ကိုမပြစ်ဘဲ အမှိုက်အိတ်ထဲ တစ်ခါတည်း ထည့်ပါတယ်။
ထမင်းစားချင်တဲ့သူဆိုရင် ထမင်းယူသွားသင့်ပါတယ်။
ည ၇ နာရီလောက် လက်ပံတန်းဘူတာမှာ ခဏလေးရပ်ပေမယ့်
ဝယ်စားတဲ့ ထမင်းနဲ့ဟင်းက အဆင်မပြေပါဘူး။
နောက်တစ်ချက်က ဈေးဝယ်တဲ့အခါ အဆင်ပြေစေဖို့  ၅၀၀ တန်၊ ၂၀၀ တန်စတာတွေကိုလည်း ဆောင်ထားသင့်ပါတယ်။
ရန်ကုန်-ပုဂံ ရထားလမ်းက အရမ်းကြီးမခုန်ပါဘူး။
ညစာ စားပြီးချိန် စာအုပ်လေးဖတ်ပြီး ရထားသံလေးနားထောင်ရင်း
အိပ်လိုက်လာရတာ အတော်လေးဇိမ်ကျပါတယ်။
ရထာကြီးကမြန်လာလိုက်၊ နှေးသွားလိုက်နဲ့ ချော့သိပ်နေသလိုပါပဲ။
ကျွန်မတို့ လေးယောက်ကတေ့ာ စာအုပ်ဖတ်တဲ့သူကဖတ်၊ သီချင်းနားထောင်တဲ့သူကနားထောင်၊ ဖုန်းကြည့်သူကကြည့်ပြီး
အိပ်စက်လိုက်ပါလာကြပါတယ်။
ရထားက အိပ်စင်နဲ့ ထိုင်ခုံတွေအတွက် အခင်းအဖြူရောင်တော့ပေးထားပါတယ်။
သူတို့အခင်းတွေ မသုံးချင်ရင်
ကိုယ့်ရဲ့ စောင်တို့ အခင်းတို့ ယူလာဖို့တေ့ာ သတိချပ်သင့်ပါတယ်။
အမှန်အတိုင်းပြောရရင် ကျွန်မက ရထားပေါ်က ကြမ်းပိုးကိုက်မှာ
အင်မတန်ကြောက်တဲ့သူပါ။
ကံကောင်းထောက်မစွာနဲ့ ကျွန်မတို့ ရထားတွဲမှာတေ့ာ
ကြမ်းပိုးမတွေ့ ခဲ့ရပါဘူး။
မနက်လင်းလို့ရထားအိမ်သာတွဲထဲမှာ ဘေစင်တစ်ခုလည်းပါတာမို့ မျက်နှာသစ်ရတာ
အဆင်ပြေပါတယ်။ ရေလည်းလုံလုံလောက်လောက်ပါပဲ။
ရထားနဲ့ ခရီးသွားခြင်းရဲ့ အားသာချက်က အိပ်ရေးဝပြီး
ကားနဲ့ သွားသလို အညောင်းမမိသလို၊ သက်တောင့်သက်သာလည်းရှိပါတယ်။
မနက်စောစော နေထွက်တာကို ရထားပေါ်ကနေ ပါလာတဲ့ကော်ဖီလေးတစ်စိမ့်စိမ့်သောက်ရင်း ကြည့်ရတာကလည်း အရသာတစ်မျိုးပါပဲ။
ရန်ကုန်ထွက်စက စိမ်းစိမ်းစိုစိုနဲ့ ရှုခင်းတွေက တစ်မျိုးလှသလို၊
အညာကျပြန်တေ့ာ တစ်မျိုးတစ်ဖုံလှပါတယ်။
မိုးတွင်းမှ ဖုန်းမထူသလို၊ ရာသီဥတုကလည်း ပူစပ်မနေပါဘူး။
မိုးလည်းအမြဲရွာနေတာမဟုတ်လို့ စိုစိစိလည်းဖြစ်မနေပါဘူး။
ရထားပေါ်က ရှုခင်းတွေကြည့်ရတဲ့ခံစားချက်ကလည်း ကားနဲ့ ခရီးသွားခြင်းနဲ့
ကွာခြားပြန်ပါတယ်။
သားမြာဘူတာရောက်တဲ့အခါ မနက်စာဝယ်စားချင်ရင် ၀ယ်စားလို့ရတယ်လို့ 
ရထားတွဲစောင့်ဆရာကြီးကတေ့ာ ပြောပေမယ့် ကျွန်မတို့တေ့ာပါလာတဲ့
မုန့် တွေပဲစားဖြစ်ပါတယ်။
ရထာကြီးကွေ့ သွားတဲ့အခါဓါတ်ပုံရိုက်ရင် အင်မတန်လှပါတယ်။
ဒါပေမယ့် သစ်ပင်၊ သစ်ကိုင်းတွေကို တေ့ာ သတိထားရပါမယ်။
လမ်းတစ်လျှောက် ဓါတ်ပုံရိုက်ချင်စရာ ရှုမညီးတဲ့ ရှုခင်းတွေအများကြီး
တွေ့ ရပါလိမ့်မယ်။
ဒီလိုနဲ့ နတ်မောက်၊ ကျောက်ပန်းတောင်း၊ ငါ့မင်းမေး၊စုတည် စတဲ့ဘူတာပေါင်းများစွာ ဖြတ်သန်းပြီးတဲ့အခါ အချိန်မှန် မနက် ၁၁ နာရီလောက်မှာတေ့ာ ပုဂံဘူတာကို ဆိုက်ရောက်ပါတယ်။
ညနေ ၄ နာရီကနေစစီးလာတာမို့ စုစုပေါင်းရထားစီးချိန်ကတေ့ာ
ရန်ကုန်-ပုဂံကို ၁၈ နာရီလောက်စီးရပါတယ်။
ပုဂံခရီး (၂)
ပုဂံကို ရောက်ပါပြီ
ပုဂံရောက်ပြီဆိုတေ့ာ ကိုယ်တည်းခိုမယ့် Hotel/ Guest House တစ်ခုခုကို သွားရပါမယ်။
ဒါ့ကြောင့် ခရီးမထွက်လာခင်ကတည်းက ဘယ်ဟိုတယ်မှာ တည်းမယ်။
ကိုယ့်ရဲ့ Budget ကဘယ်လိုသတ်မှတ်ထားသလဲ ဆိုတာ အရေးကြီးပါတယ်။
တစ်ကယ့် ဟိုတည်ကြီးတွေမှာ တည်းမယ့်သူတွေရော၊ ဟိုတယ်အသေးလေးတွေမှာ တည်းမယ့်သူတွေရော ကြိုတင်ဘိုကင်လုပ်ထားခဲ့တာကတေ့ာ အကောင်းဆုံးပါ။
တစ်ချို့ ဟိုတည်ကြီးတွေက online က ဘိုကင်လုပ်ထားရင် walk in ၀င်တာထက်
ပိုပြီးဈေးသက်သာတာရှိတတ်ပါတယ်။
တည်းခိုမယ့်နေရာ ရှာမထားဘဲ ရောက်မှ
တည်းဖို့ ရှာမယ်ဆို
သက်သက်အချိန်ပိုကုန်စေသလို လူကိုလည်း ပင်ပန်းစေပါတယ်။
ကျွန်မတို့လည်း online က review လေးတွေကို ဖတ်ပြီး၊ ကြည့်ပြီး
New Wave Guest House မှာ ဖုန်းနဲ့ ကြိုပြီး ဘိုကင်တင်ထားပါတယ်။
New Wave က ၀က်ကြီးအင်း၊ ညောင်ဦးမြို့ နယ်၊ ပုဂံမြို့ မှာတည်ရှိပါတယ်။
ဖုန်းနံပါတ်က ၀၆၁ ၆၀၇၃၁၊ ၀၉ ၄၅၀၀ ၅၃၁၅၅
New Wave မှာ standard room အခန်းခက တစ်ရက်ကို ၂၅၀၀၀ ကျပ် ပါ။
နှစ်ယောက်တည်းခိုနိုင်ပါတယ်။
မနက်စာပါဝင်ပါတယ်။
မနက်စာကလည်း သူ့ ဈေးလေးနဲ့ ဆို
ကောင်းတယ်လို့ ပြောလို့ရပါတယ်။
သုံးရက်တည်းတဲ့အခိုက် ထမင်းဆီဆမ်း၊ ထမင်းသုတ်၊ မုန့်ဟင်းခါး တစ်နေ့ တစ်မျိုးစီ စားရပါတယ်။
ပေါင်မုန့် နဲ့ ကြက်ဥ စားချင်လည်းရပါတယ်။
အမှန်အတိုင်းပြောရရင် New Wave ကို အရမ်းကြီးမျှော်လင့်မထားပါဘူး။
ကိုယ်တွေကလည်း တစ်နေကုန် အပြင်ထွက်မယ့်သူတွေဖြစ်လို့  review လေးလည်း မဆိုးဘူးဆိုပြီးစမ်းသွားကြည့်တဲ့သဘောပါ။
ဒါပေမယ့် သူ့ ရဲ့ အခန်းတွေက ကျယ်သလို၊ အပြင်အဆင်လေးတွေလည်း
သပ်ရပ်ကောင်းမွန်ပါတယ်။
နေရတာ အတော်လေးအဆင်ပြေပြီး စိတ်ကျေနပ်ခဲ့ပါတယ်။
ဒါ့ကြောင့်မို့ ဈေးအရမ်းကြီး ကြီးတဲ့နေရာမှာ
တည်းဖို့ မစဉ်းစားထားဘူးဆိုတဲ့သူတွေကို
New wave သွားဖို့ လမ်းညွှန်ချင်ပါတယ်။ နိုင်ငံခြားသားရော၊ မြန်မာတွေရော တည်းခိုကြပါတယ်။
သူ့ ပတ်ဝန်းကျင်မှာလည်း စားသောက်ဆိုင်တွေ ရှိသလို၊ ဘုရားတွေသွားဖို့ ရာလည်း
အဆင်ပြေပါတယ်။ Queen/ မျိုးမျိုး/ Nandar/ Harmony/ The Little Thai Kitchen စတဲ့စားသောက်ဆိုင်တွေနဲ့ နီးပါတယ်။
ဟိုတယ်မှာပဲ အေးအေးဆေးဆေးပိုနေမယ်၊ ရေကူးမယ်၊ ဧရာဝတီမြစ်ပြင်ကြီးကြည့်ပြီး
ထနောင်းပင်ကြီးအောက်ထိုင်မယ်။
ညဘက် ရုပ်သေးအကလေးလည်း ကြည့်ချင်တယ်။
ညည့်နက်တဲ့အထိ ကိုယ့်အခန်း (ဘန်ကလို) ကနေ လောကသဘာဝကို ခံစာကြည့်ချင်တဲ့သူတွေအတွက်ဆိုရင်တေ့ာ Bagan Thandae Hotel (River View) ကို သဘောကျပါတယ်။
ဒီလိုအချိန် မိုးတွင်းဆို ပုဂံကဟိုတယ်တွေက ပွင့်လင်းရာသီတွေထက် ဈေးပိုသက်သာပါတယ်။
တည်းခိုစရာနေရာလည်း ဘိုကင်လုပ်ထားပြီးသား
မို့ ပုဂံဘူတာကနေ ကားငှားသွားရုံပါပဲ။
ပုဂံရထားကတေ့ာ လူလည်း မများလို့  ဘူတာရုံကလည်း အေးအေးဆေးဆေးပါပဲ။
ကားငှားခတွေကတေ့ာ ကိုယ်တည်းမယ့်နေရာ သွားရမယ့် နေရာပေါ်မူတည်ပါတယ်။
ဘူတာကနေ တည်းခိုတည့်နေရာကို ၈၀၀၀ ကျပ်ပေးရပါတယ်။
ရန်ကုန်ကားငှားခအနေနဲ့ ကြည့်ရင်တေ့ာ ဈေးကြီးတယ်လို့တေ့ာဆိုနိုင်ပါတယ်။
New Wave ရောက်တေ့ာ ၁၁ခွဲပဲ ရှိသေးတာကြောင့် အခန်းသန့် ရှင်းရေးလုပ်နေချိန်မို့  ပစ္စည်းတွေ
ချပြီး အဲ့ဒီ့အနားက Queen ဆိုတဲ့ စားသောက်ဆိုင်ကို လမ်းလျှောက်ပြီးသွားစားဖြစ်ပါတယ်။
အဲ့ဒီမှာက ဒေါင်းလန်းကြီး တစ်ယောက်စာ မှာလို့ရပါတယ်။ အရသာလည်း မဆိုးပါဘူး။
လာစားတဲ့ ဧည့်သည်အပြည့်ပါပဲ။
နိုင်ငံခြားသား ဧည့်သည်ပိုများတာတွေ့ ရပါတယ်။
ပုဂံမှာ လျှောက်လည်မယ်ဆိုရင် ကိုယ်က ဘယ်လိုလည်ချင်သလဲဆိုတဲ့ အချက်ကို စဉ်းစားရပါမယ်။
ဘုရားအစုံဖူးချင်တာလား၊ အေးအေးဆေးဆေး ဘယ်လိုဘုရားတွေ သွားချင်တာလဲ။
ပေါက်ဆိန်ပေါက်သွားမှာလား။
ကားနဲ့ လည်မလား။ ebike စီးပြီး ကိုယ့်ဟာကိုယ် သွားကြမလားဆိုတာ စဉ်းစားရပါမယ်။
ကားနဲ့ လည်မယ်ဆိုရင် ကားခက တစ်နေ့ မနက်ကနေညနေအထိ ၃၀၀၀၀ ကျပ်ရှိပါတယ်။
ပုပ္ပားသွားလည်ရင်လည်း ဈေးက ဒီလောက်ပါပဲ။ ပုပ္ပားကို တစ်ခြားသူတွေနဲ့ အတူ share ပြီး ကားငှားချင်လည်း ရပါတယ်။
အဲဒါကျတေ့ာ ဈေးတစ်မျိုးပါ။
Ebike တစ်စီးကို တစ်ယောက်တည်းစီးရင်
တစ်နေ့ လုံးငှားခ ၇၀၀၀-၈၀၀၀ ကျပ် ပေးရပြီး၊
နှစ်ယောက်စီးရင် ၁၀၀၀၀- ၁၁၀၀၀ ကျပ် ရှိပါတယ်။
ကားနဲ့ လည်မယ်ဆိုရင် ကားဆရာက အထင်ကရဘုရားတွေကို လိုက်ပို့ပေးမှာမို့ ဘယ်ဘုရား၊ ဘယ်နားမှာရှိလဲ၊ sun set ဘယ်က ကြည့်ရမလဲ
ဘယ်ဘုရားတွေက တက်လို့ရသေးလဲ ဆိုတဲ့အချက်တွေအတွက် သိပ်စိတ်ပူစရာမလိုပါဘူး။
ကိုယ့်ဟာကိုယ် လည်မယ့်သူတွေ၊ ပထမဆုံးအကြိမ်ရောက်ဖူးတဲ့သူတွေအတွက်
ကတေ့ာ အချိန်မကုန်ရအောင် မြေပုံတစ်ခုရှိထားသင့်ပါတယ်။
လမ်းမှာ သွားရင်း informatation ကောင်တာကနေ မြေပုံဝင်တောင်းလို့ရပါတယ်။
မနှစ်က အခုလို မိုးရာသီမှာ ပုဂံကို အလုပ်ကိစ္စနဲ့ လာရင်း နောက်နှစ်မိုးရာသီ မဖြစ်မနေအေးအေးလူလူ
လမယ်လို့ အားခဲထားတာမို့  ပုဂံမှာပဲ ၃ ညအိပ်မယ်။
ebike နဲ့ ကိုယ်သွားချင်တဲ့နေရာတွေကို သွားလည်မယ်။
တစ်နေရာဝင် အေးအေးဆေးဆေး ဓါတ်ပုံရိုက်မယ်၊ နားမယ်။
နောက်ထပ်တစ်နေရာ သွားမယ်။
နေ့ လည် ခဏပြန်နားမယ်။ ညနေပြန်ထွက်မယ် ဆိုပြီး ရည်ရွယ်သွားတာမို့ ကျွန်မတို့က
ebike ကိုပဲ သုံးဖြစ်ပါတယ်။
ပုဂံသွားမယ်ဆိုရင် အကျီ င်္၊ ဘောင်းဘီအများကြီးထည့်စရာမလိုပါဘူး။
ပုဂံမှာ ဖက်ရှင်တစ်ခုလို့ ဆိုလို့ရအောင် သူသူကိုယ်ကိုယ် ဘောင်းဘီပွပွကြီးတွေဝတ်ကြပါတယ်။
ကိုယ့်မှာ မပါလည်း စိတ်ပူစရာမလိုပါဘူး။ နေရာတိုင်းမှာ လေးလွှာဖားဖားဘောင်းဘီနဲ့ 
အကျီ င်္တွေဝယ်လို့ရပါတယ်။ ၀တ်စရာအများကြီး ယူလာမိရင်တောင်မှ အဲ့ဒီ့လို ဘောင်းဘီတွေ မ၀ယ်ဖြစ်တဲ့သူ မရှိဘူးလို့ ထင်ပါတယ်။
ပေါ့ပေါ့ပါးပါးရှိပြီး ရာသီဥတုနဲ့ ကိုက်ညီတာကာ ဈေးလည်းသင့်တာမို့  ဒါက ပုဂံရဲ့ ဖက်ရှင်ပါပဲ။
ဘောင်းဘီအရှည်က တစ်ထည်ကို ၄၀၀၀-၄၅၀၀ ကျပ် ကပုံမှန်ဈေးပါ။
အတိုဆိုရင် တစ်ထည် ၃၀၀၀-၃၅၀၀ ကျပ် ပေးရပါတယ်။
Ebike စီးရင် နေကာဖို့ ဦးထုတ်၊ မျက်မှန်၊ ပေါ့ပေါ့ပါးပါးပိုက်ဆံအိတ် ယူသွားတာကောင်းပါတယ်။
နေလည်းမပြင်းသလို၊ မိုးလည်း မသည်းဘဲ တစ်ခါတစ်လေ မိုးလေးအုံ့ တတ်သေးတာမို့ 
အခုလို မိုးရာသီကတေ့ာ လည်လို့အကောင်းဆုံးအချိန်ပါပဲ။
ပုဂံဘုရားတွေနဲ့ နောက်ခံ ဓါတ်ပုံရိုက်တဲ့အခါ မြန်မာအကျီ င်္နဲ့ လုံခြည်အရောင်လွင်လွင်လေးတွေဆို
ပိုလို့ ကြည့်ကောင်းပါတယ်။
နောက်ထပ် မပါမဖြစ်အရေးကြီးတာက sefile stick ပါ။
ပုဂံမှာ နောက်ရက်တွေရဲ့ နေ့ လည်စာကို အာနန္ဒာ ဘုရားနားက သရပါ ၃ နဲ့ မျိုးမျိုး တို့မှာစားဖြစ်ပါတယ်။
နာမည်ကြီးပြီးသားဆိုင်တွေမို့ လူစည်ပါတယ်။ လူစည်သလောက် အရသာကလည်း ကောင်းပါတယ်။
မြန်မာထမင်း၊ ဟင်းကို အညာအရွက်သုတ်လေးတွေ၊ အထောင်လေးတွေ၊ ကြက်ကြော်၊ အမဲကြော်၊ ဆိတ်သားလုံးကြော်လည်း ရတာမို့ ကျွန်မကတေ့ာ သရပါ ၃ ကို အတော်လေးကြိုက်ပါတယ်။
ညနေစာ အကင်လောက်ပဲ စားချင်တယ်ဆိုရင်တေ့ာ Harmony က ကောင်းပါတယ်။
Harmony မှာ နှစ်ည ဆက်တိုက်စားဖြစ်ပြီး နောက်ဆုံးတစ်ညကို The Little Thai Kitchen ကိုပြောင်းစားဖြစ်ပါတယ်။ သူကတေ့ာ unplugged လေးနဲ့ အရသာကလည်း ကောင်းပါတယ်။
ခရီးသွားရင် နောက်ထပ်အရေးကြီးတဲ့အချက်က “ဘုံပိုက်ဆံ” လုပ်ထားဖို့ ပါပဲ။
ဒါဟာ ရေရှည်အတွက် အကောင်းဆုံးပါ။
ကျွန်မတို့ သူငယ်ချင်းတွေကတေ့ာ ခရီးတစ်ခုထွက်မယ်ဆို
စထွက်ကတည်းက တစ်ယောက်ဘယ်လောက် ဆိုပြီး အားလုံးဝိုင်းထည့်တဲ့ ဘုံပိုက်ဆံ လုပ်ထားပါတယ်။
အစားအသောက်၊ ကားငှားခ၊ ဘာခ၊ ညာခစတာတွေကို ဘုံပိုက်ဆံထဲကပဲ တစ်ယောက်က ဒိုင်ခံရှင်းပါတယ်။
ဘုံပိုက်ဆံက နည်းလာရင် ထပ်ထည့်ကြပါတယ်။
ဒါမှ ဘယ့်သူကို ဘယ်သူကမှ အားနားစရာမလိုပဲ ဘယ်လောက်သုံးပြီးပြီလဲ ဆိုတာကိုလည်း အလွယ်တစ်ကူ ပြန်တွက်လို့ ရပါတယ်။
နေ့ လည်စာစားပြီး တစ်ရေးလည်း အိပ်ပြီးပြီမို့ 
ညနေ ၄ မှာတေ့ာ
ပုဂံ Day 1 ခြေဆန့် ဖို့ အသင့်ဖြစ်နေပါပြီ။
ပုဂံခရီး (၃)
ပုဂံမှာ လျှောက်လည်ကြမယ်
ပုဂံဘုရားတွေ ဖူးမယ်ဆိုရင်
တန်ခိုးမှာ ရွှေစည်းခုံ၊ အနုမှာ အာနန္ဒာ၊
အမြင့်မှာ သဗ္ဗညု ၊ ထုမှာ ဓမ္မရံ
လို့ ပြောစမတ်ပြုကြတာမို့ 
ဒီ ရွှေစည်းခုံ၊အာနန္ဒာ၊ သဗ္ဗညု နဲ့ ဓမ္မရံကြီး ဘုရားတို့ကိုတေ့ာ မဖြစ်မနေသွားဖူးသင့်ပါတယ်။
ရွှေစည်းခုံသွားပြီး နည်းနည်းဆက်သွားရင် ညောင်ဦးကိုရောက်ပြီမို့ 
ညောင်ဦးဈေးသွားချင်ရင်လည်း
သွားနိုင်ပါတယ်။
ညောင်းဦးမြို့ ထဲသွားရင် လမ်းမှာ ငှက်ပစ်တောင်ဘုရားကို လမ်းညွှန်ထားလည်းရှိပါတယ်။
ရွှေစည်းခုံဇောင်းတန်းက တိုင်အဖြူတွေနားမှာ ဓါတ်ပုံရိုက်ရင်လှသလို၊
အာနန္ဒာဘုရား ဇောင်းတန်းနားမှာလည်း ဓါတ်ပုံရိုက်လို့ကောင်းပါတယ်။
Sun Set ကြည့်ချင်သူများကတေ့ာ ရွှေလိပ်တူးဘုရား၊ ရွှေဂူကြီး၊ ရွှေဆံတော်ဘုရားတွေကနေပြီး နေ၀င်တာကို ကြည့်ရှုခံစားလို့ရပါတယ်။
ပုဂံဘုရားတွေထဲမှာ ထုထည်ကြီးမားတဲ့ ဓမ္မရံကြီးဘုရားကို အတော်လေးသဘောကျမိပါတယ်။
နောက်ထပ်လူသွားများတဲ့ ဘုရားတစ်ဆူကတေ့ာ ထီးလိုမင်းလိုဘုရားပါ။
ရုပ်သေးရုပ်တွေ၊ ပုသိမ်ထီးတွေ၊ ခေါင်းလောင်း၊ ကြေးစည်စတဲ့ ဆိုင်တန်းတွေဟာ ဘုရားပတ်ပတ်လည်မှာ ရှိပါတယ်။
ကလေးကစားရာရောင်စုံအိုးပုတ်အစုံကို သရပါတံခါးကထွက်ပြီး အာနန္ဒာသွားတဲ့လမ်းက ဈေးတန်းလေးမှာ ၀ယ်လို့ရပါတယ်။
ဧရာဝတီမြစ်ကမ်းနဘေးက လောကနန္ဒာဘုရားဖူးရင်း ဧရာဝတီမြစ်ပြင်ကြီးကိုလည်း ငေးကြည့်နိုင်ပါတယ်။
မနုဟာဘုရား၊ ကန်တေ့ာပုလင်၊ ဓမ္မရာဇက
နဲ့ တစ်ခြားထင်ရှားတဲ့ဘုရားတွေအများကြီးရှိပါသေးတယ်။
တစ်ချို့ လည်း စွယ်တော်လေးဆူ နေ့မွမ်းမလွဲခင်ဖူးနိုင်ရင် ဆုတောင်းပြည့်တယ်လို့ ပြောကြတာမို့ 
မနက်အစောကြီးကတည်းကထပြီး စွယ်တော်လေးဆူ
(တန့် ကြည်တောင်စေတီ၊ တုရင်းတောင်စေတီ၊ ရွှေစည်းခုံစေတီ
နဲ့ လောကနန္ဒာစေတီ) ကို လှူဖွယ်ပစ္စည်းအစုစုနဲ့ သွားကြတာရှိပါတယ်။
ဒီတစ်ခေါက်တေ့ာ ကျွန်မတို့က တန့် ကြည်တောင်နဲ့ တုရင်းတောင်ကို မရောက်ဖြစ်ပါဘူး။
နောက်ထပ် ပုဂံမှာ ဗူးဘုရားကနေလည်း Sun Set ကြည့်ကြသူများရှိပါတယ်။
Sun Set ကို ဗူးဘုရားကဆင်းပြီး လှေငှားပြီး ဧရာဝတီမြစ်ပြင်ထဲ ရှုခင်းတွေခံစားပြီးကြည့်လို့လည်း ရပါတယ်။
ဗူးဘုရားသွားတဲ့အခါ ညနေ လှေငှားပြီး sun set ကြည့်မလားလို့ မေးတဲ့ လှေဆရာတွေရှိပါတယ်။
ကျွန်မတို့အုပ်စုကတေ့ာ ပထမနေ့ sun set ကို ရွှေလိပ်တူးဘုရားကကြည့်ဖြစ်ပြီး
ဒုတိယနေ့မှာ ရွှေဂူကြီးဘုရားကကြည့်ပါတယ်။
ရွှေဂူကြီးကကြည့်ရင် သဗ္ဗညု နဲ့ ဓမ္မရံကြီးဘုရားကိုလည်း လှမ်းမြင်ရပါတယ်။
အရင်အခေါက်တွေတုံးက sun set ကို ရွှေဆံတော်၊ ပြသာဒ်ကြီးနဲ့  မင်္ဂလာစေတီကကြည့်ခဲ့ဖူးပါတယ်။
ရွှေဆံတော်ဘုရားက အမြဲလူပြည့်တတ်သလို၊ ပြသာဒ်ကြီးက ကြည့်ရတဲ့မြင်ကွင်းကိုတေ့ာ အကြိုက်ဆုံးပါပဲ။
အရင်က ပြသာဒ်ကြီးဘုရားကနေလည်းတက်ပြီး နေ၀င်တာကို ကြည့်လို့ရပေမယ့် အခုတေ့ာ ပြသာင်္ကြီးက တက်လို့မရတေ့ာပါဘူး။ ဒါပေမယ့် ဓါတ်ပုံရိုက်ချင်သူများအတွက်တေ့ာ ပြသာဒ်ကြီးကို သွားပြီး
ပြသာဒ်ကြီးဘုရားရဲ့ ကြီးကြယ်ခမ်းနားမှုကို လေ့လာနိုင်ပါတယ်။ အဲ့ဒီ့ကနေအပြန် စူဠာမဏိဘုရားကို ၀င်နိုင်ပါတယ်။
စူဠာမဏိဘုရားမှာ ဘုရားအထဲကို မ၀င်မှီ ဘယ်ဘက်ကိုချိုးလာရင် ဘုရားရယ် သစ်ကိုင်းအကွေးလေးပေါ်အောင် ဓါတ်ပုံရိုက်ကောင်းတဲ့နေရာလေးရှိပါတယ်။
အဲ့ဒီ့အနောက်မှာ ရဟန်းစာဆို ဦးကျည်ပွေ့ ရဲ့  စာမေးစာဖြေကန်လည်းရှိပါတယ်။
စူဠာမဏိ၊ ပြသာဒ်ကြီးနဲ့ ဓမ္မံရံကြီးဘုရားတွေက
လမ်းတစ်ကြောထဲမှာ ရှိပါတယ်။
နောက်ဆုံးနေ့ မှာတေ့ာ ဧရာဝတီမြစ်ထဲလှေစီးရင်းကြည့်ဖြစ်ပါတယ်။
ဗူးဘုရားကို ညနေ ၅ နာရီလောက်အရောက်သွားပြီး စားချင်တဲ့ ပုဇွန်ကြော်
တို့ ငါးလေးကြော်တို့ကို ဗူးဘုရားမှာပဲ ၀ယ်ပါတယ်။
ကျွန်မတို့ငှားတဲ့ လှေဆရာက သဘောကောင်းပါတယ်။
သူက လက်ဖက်နဲ့ ရေနွေးကြမ်းဧည့်ခံပါတယ်။
လှေငှားခက တစ်ယောက် ၅၀၀၀ တောင်းတဲ့သူရှိပေမယ့် ကျွန်မတို့ငှားတဲ့ လှေဆရာကတေ့ာ လေးယောက်ကို ၁၅၀၀၀ ပဲတောင်းပြီး ဈေးထပ်လျော့ပေးပါသေးတယ်။
ဘုရားတွေကတေ့ာ ကိုယ်သွားမယ့်လမ်းကြောင်း၊ ကိုယ်သွားချင်တဲ့ဘုရား၊ အချိန်ပေါ်မူတည်ပြီး အလျင်းသင့်သလို သွားလို့ရပါတယ်။
ကျွန်မတို့ကတေ့ာ မနက် ၈ နာရီလောက်ထွက်ပြီး နေ့လည်ခဏပြန်နားပါတယ်။
ပြီးမှ ညနေ ၄ နာရီလောက် တစ်ခေါက်ပြန်ထွက်ပါတယ်။
တစ်ချို့ ပုဂံကနေ ပုပ္ပားတောင်ကို သွားလည်သူများလည်းရှိပါတယ်။
ပုဂံ-ပုပ္ပားလမ်းက ပိုင်ထန်းတောကတေ့ာ မ၀င်မဖြစ်လူတိုင်းဝင်ကြတဲ့ နေရာတစ်ခုပါပဲ။
ဒီတစ်ခေါက် သုံးရက်လုံး ပုဂံမှာပဲအေးအေးဆေးဆေး
လည်ဖြစ်တာမို့ ပုပ္ပားတောင်ကို မသွားဖြစ်ခဲ့ပါဘူး။
နောက်ထပ် ပုဂံမှာ ခေတ်စားလာတာက လက်ပန်းချီဆွဲတာပါ။
လက်ပန်းချီဆွဲသည်ဆိုတဲ့ ဆိုင်းပုဒ်နဲ့ ဆိုင်လေးတွေ ပုဂံဘုရားဖူးလမ်းတစ်လျှောက်အများအပြားရှိပါတယ်။
ယောင်္ကျားလေး၊ မိန်းကလေး နှစ်ယောက်လုံး လက်ပေါ်မှာ ဆွဲလို့ရပါတယ်။
သူက အကြာကြီးတေ့ာမခံပါဘူး။ အလှသဘောမျိုးပါ။
ကိုယ်ဆွဲချင်တဲ့ဒီဇိုင်းကို မူတည်ပြီး ၂၅၀၀-၃၀၀၀ ကျပ်စသဖြင့် အမျိုးမျိုးရှိပါတယ်။
လက်မှုပန်းချီဆိုင်လေးတွေမှာ ရုပ်သေးရုပ်လေးတွေ၊ ပုသိမ်ထီးရောင်စုံလေးတွေနဲ့ အလှဆင်ထားပါတယ်။
အဲဒါလေးတွေနဲ့ လည်း တွဲပြီး ဓါတ်ပုံရိုက်လို့ရပါတယ်။
နောက်ထပ်ပြည်တွင်းဖြစ် ကြိမ်၊ ဖျာ၊ ကြာရိုး အိတ်
ကြိမ်ထည်ပစ္စည်းတွေ ၀ယ်ချင်ရင်တေ့ာ သဗ္ဗညုဘုရာနား
မှာ ကြိမ်ဆိုင်တွေရှိပါတယ်။
ပုဂံကနေ ရန်ကုန်ပြန်မယ်ဆိုရင် ကား၊ လေယာဉ် တို့နဲ့ ပြန်လို့ရသလို ရထားနဲ့ ပြန်လို့လည်းရပါတယ်။
ပုဂံမှာကျတေ့ာ ရထားလက်မှတ်က ကြိုမရောင်းပါဘူး။
ခရီးသွားမယ့်နေ့ ရဲ့ နေ့ လည် ၃ နာရီမှ လက်မှတ်စရောင်းပါတယ်။
အိပ်စင်ဈေးက အသွားတုန်းကလိုပဲ ၁၆၅၀၀ ကျပ်ပါ။
ညနေ ၄ နာရီမှာ ရထားထွက်ပါတယ်။
ရထားစီးသူနည်းသေးတာကြောင့် ကျွန်မတို့ လွယ်လွယ်ကူကူပဲဝယ်လို့ရပါတယ်။
ပုဂံကို ဘယ်နှစ်ခေါက်ပဲ ရောက်ရောက် ဘယ်တေ့ာမှ မရိုးပါဘူး။
အညာက တမာလမ်းနဲ့ ထနောင်းပင်တွေကို ကျွန်မချစ်ပါတယ်။
အေးအေးဆေးဆေး ebike လေးစီးပီး
ကိုယ်သွားချင်တဲ့ ဘုရားတွေပဲ ရွေးပြီးသွားခဲ့တာမို့ 
ဒီခရီးစဉ်လေးဟာ ကျေနပ်စရာကောင်းပါတယ်။
ပုဂံမှာ (၃) ညအိပ်ခဲ့ပြီး အလာတုန်းက ရထားပေါ် (၁) ည၊
အခုအပြန် (၁) ည နဲ့ ကျွန်မတို့ရဲ့ ပုဂံခရီးလေးက ပြီးဆုံးပါတေ့ာမယ်။
တစ်ကယ်တေ့ာအိမ်ကို မပြန်ချင်သေးပါဘူး။
ဒါပေမယ့် အချိန်တန် အိမ်ပြန်ရတာပါပဲ။
အပြန်လက်ဆောင်ပုဂံပုန်းရည်ကြီး နဲ့ လမ်းမှာစားဖို့ သရပါ ၃ ကအော်ဒါမှာဝယ်ခဲ့တဲ့
ကြက်ကြော်၊ အမဲကြော်၊ ထမင်း၊ ဟင်းအစုံပါတဲ့ ခြင်းထောင်းနှစ်လုံးနဲ့ အတူ
ကြိမ်ကုလားထိုင်တွေပါ တင်ပြီး
ရထားကြီး ဂျုံး ဂျုံးစီးလို့ ကျွန်မတို့ အိမ်ပြန်ခဲ့ပါပြီ။
Title: ပုဂံခရီး
By: phwe phyu
10th August 2017
#bagan #trip #travelling #myanmar #bytrain #travellernote

No comments:

Post a Comment