နေပြည်တော်ကောင်စီနယ်မြေ၊ တပ်ကုန်းမြို့နယ်၊ မြောက်မြိုက်ကျေးရွာအုပ်စု၊ ဒဟတ်ကုန်းကျေးရွာမှ အမျိုးသမီးတစ်ဦး အောက်တိုဘာလ (၉)ရက်နေ့က တပ်ကုန်းမြို့နယ် ကုတင် (၁၀၀)ပြည်သူ့ဆေးရုံတွင် ရင်ချင်းဆက် အမွှာညီအစ်မအား မွေးဖွားခဲ့ကြောင်း သိရသည်။
အသက် (၃၆)နှစ်အရွယ် ကိုယ်ဝန်ဆောင်အမျိုးသမီး မဖြူသည် တပ်ကုန်းမြို့နယ် ကုတင် (၁၀၀) ပြည်သူ့ဆေးရုံကြီးသို့ အရေးပေါ် ရောက်ရှိလာခဲ့သဖြင့် စမ်းသပ်စစ်ဆေးရာ ကလေးခြေထောက် (၄)ချောင်း စမ်းသပ်တွေ့ရှိ၍ ဆေးရုံအုပ်ကြီး ဒေါက်တာထွန်းထွန်း ၊ မေ့ဆေးအထူးကု ဒေါက်တာဆန်းစုစုကြည် ၊ ကလေးအထူးကု ဒေါက်တာရဲကျော်သူ ၊ ခွဲစိတ်ခန်း သူနာပြုဆရာမများဖြင့် အရေးပေါ် ခွဲစိတ်မွေးဖွား ခဲ့ရခြင်းဖြစ်ကြောင်း သိရသည်။
လမစေ့သော်လည်း ကိုယ်အလေးချိန် (၇)ပေါင်ကျော်ရှိသော ရင်ချင်းဆက်အမွှာညီအစ်မအား ကောင်းမွန်စွာ မွေးဖွားနိုင်ခဲ့ပြီး ကလေးများနှင့် မိခင်ဖြစ်သူမှာ ကျန်းမာရေးကောင်းမွန်ကြောင်း သိရသည်။
ရင်ချင်းဆက်အမွှာမှာ လမစေ့၊ ပေါင်မပြည့်သဖြင့် လိုအပ်သော ဆေးကုသစောင့်ရှောက်မှု ပိုမိုဆောင်ရွက်ပေးနိုင်ရေးအတွက် ဥတ္တရသီရိကလေးအထူးကုဆေးရုံကြီးသို့ ပို့ဆောင် ကုသ ဆောင်ရွက်လျက်ရှိကြောင်း သိရသည်။
သတင်း - နန်းဟွမ်ခမ်း
ဓါတ်ပုံ - ကိုသိန်းသန်းအောင်
Tachileik News Agency
https://www.facebook.com/TachileikNewsAgency/
No comments:
Post a Comment