Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, October 16, 2017

တပ်စွန့်လွှတ်တဲ့ လယ်မြေဧက ၂၆၀၀ ကို တောင်သူတွေဆီ ပြန်ပေးမည်

တပ်ပိုင်မြေ ဆိုင်းပုဒ်ထောင်ထားပြီး ခြံခတ်ထားတဲ့ နေရာ တစ်ခုကို တွေ့ရစဉ်။ Photo: RFA
မန္တလေးတိုင်းဒေသကြီး၊ သပိတ်ကျင်းမြို့နယ်မှာ တပ်မတော်က သိမ်းယူထားတဲ့ လယ်ယာမြေဧက ၈ ထောင်ကျော်ထဲက ပြန်လည်စွန့်လွှတ်ထားတဲ့ ဧက ၂၆၀၀ ကို မူလတောင်သူတွေထံ ပြန်လည်ပေးအပ်ဖို့ စီစဉ်နေတယ်လို့ သိရပါတယ်။

လယ်ယာမြေများပြန်လည်စိစစ်ရေးကော်မတီက မျှမျှတတ ပြန်လည်ခွဲဝေပေးရမှာဖြစ်တယ်လို့ သပိတ်ကျင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးတင်မြင့်ဆွေ က ပြောပါတယ်။

"လက်ရှိအခုလုပ်နေတဲ့တောင်သူတွေဖယ်၊ ဖယ်ပြီးတော့ သူ့စာရင်းဇယားနဲ့ အရင်လုပ်ခဲ့တဲ့ တောင်သူတွေ တန်းစီဇယားနဲ့ အခုလုပ်တဲ့သူတွေရောရအောင်ပေါ့လေ၊ အခုလုပ်ထားတဲ့သူတွေက ဧက ၅၀ လောက်ယူသွား တယ်ဆိုရင် သူတို့ဧကအစိပ် အရင်လုပ်ခဲ့တဲ့တောင်သူက ဧကအစိပ် ဒီလိုလေးတွေပြန်ဖြစ်ရမှာ မျှတပြီး တောင်သူတွေပဲပြန်ပေးရမှာ၊ လယ်ပြန်စစ်ကနေပြီး ဒါတွေကိုစိစစ်ပြီး သိမ်းထားတဲ့မြေထဲမှာ တောင်သူ ဘယ်နှစ်ဦးလုပ်နေသလဲ၊ လုပ်နေတဲ့တောင်သူတွေက ဘယ်သူလဲ၊ ဒါတွေကိုစိစစ်ပြီး စာရင်းပြုစုပြီးတော့ မြို့နယ်တို့၊ ခရိုင်တို့ကို ပြန်တင်ပြရမှာ"

အခုစွန့်လွှတ်လိုက်တဲ့ မြေဧက ၂၆၀၀ ဟာ တပ်မတော်က သိမ်းယူပြီးနောက် လုပ်ငန်းအကောင်အထည် မဖော်ဖြစ်တဲ့ မြေနေရာတွေဖြစ်ပြီး လက်ရှိမှာ တောင်သူတစ်ချို့က ၀င်ရောက်စိုက်ပျိုးနေတာ ဖြစ်ပါတယ်။

လယ်ယာမြေများပြန်လည်စိစစ်ရေးကော်မတီကို ကျေးရွာတိုင်းမှာဖွဲ့စည်းထားပြီး အဲဒီကော်မတီတွေကပဲ စွန့်လွှတ်ထားတဲ့ မြေယာတွေကို တောင်သူတွေထံ ပြန်လည်ခွဲဝေပေးရေးကိစ္စတွေကို ဆောင်ရွက်သွားမှာ ဖြစ်ပါတယ်။

တပ်မတော်က အခုစွန့်လွှတ်လိုက်တဲ့ မြေဧက ၂၆၀၀ ဟာ မိုင်းဒိုင်းကျေးရွာအုပ်စု၊ ဖုန်ကုန်းကျေးရွာအုပ်စု၊ မကျည်းကုန်း ကျေးရွာအုပ်စု နဲ့ အုန်းမိုင်ကျေးရွာအုပ်စု စတဲ့ နေရာတွေက မြေဧကတွေဖြစ်ပါတယ်။

RFA Burmese
http://www.rfa.org/burmese