Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, September 23, 2017

သူ့ဆန်စား၍ ရဲခဲ့သည်


သတိထားကြဖို့
ပြန်လည်မျှဝေပါသည်

သူ့ဆန်စား၍ ရဲခဲ့သည်
---------------------

"ဦးသုမန ! မြစ်ကြီးနားထောင်မှာ လာတွေ့ပေးပါ။" 

အလွန်တိုရှင်းတဲ့စာတစ်စောင်ကြောင့် 
ဝါတွင်းပင်ဖြစ်သော်ငြား ဝါပန်ကာ ခရီးထွက်ခဲ့ရသည်။ 
ထောင်ထဲက အသိမိတ်ဆွေဆိုသူကိုလဲ စဉ်းစားနေမိသည်။ 

မြင်လိုက်ရသည့်မြင်ကွင်းက အံ့ဩစရာထက် ယူကျုံးမရဖြစ်စရာ ပိုကောင်းသည်။ 
အရင်က အသားဖြူဖြူနဲ့ ခပ်သွယ်သွယ်ရှိသော ဦးဇဝနသည် 
ခုတော့ မျက်လုံးဟောက်ပက်နှင့် အရိုးပေါ်အရေတင် ဖြစ်နေသည်။ 
ထောင်အဝတ်အစားနှင့်ရဟန်းတစ်ပါး ဘယ်လိုမှ မလိုက်ဖက်။ 
အထူးသဖြင့် သူ့လိုလူရိုးနှင့် ပိုမလိုက်ဖက်။

ထောင်စည်းမျဉ်းစည်းကမ်းအချို့ကို လိုက်နာပြီး 
သူ့အတွက်အဆင်ပြေအောင် စီစဉ်ပေးရသည်။ 
သူ့လိုလူပျော့နှင့် လိုက်ဖက်တဲ့အလုပ်နေရာမျိုးမှာ
သက်သက်သာသာလုပ်ခွင့်ရအောင် ကြိုးစားပေးရသည်။ အဆင်ပြေပါသည်။

တွေးမိရင် အတိတ်အကြောင်းက တရေးရေးပေါ်သည်။ 

ဦးဇဝနက ကိုယ့်သူငယ်ချင်း။
အပြင်ကျောင်းမှာ သီတင်းသုံးသည်။ သူ့နေတဲ့ကျောင်းက ဧည့်ပေါသည်။ 
အထက်ပိုင်းမှ ဒကာ/ဒကာမတွေလာတည်းလေ့ရှိသည်။ 
ဒီမှာတင် သူ့ရဟန်းဒကာကြီးနှင့်ဆုံကြသည်။ 
ဒကာကြီးက ဘောစိ။ မန္တလေးမှာ ကျောက်အရောင်းအဝယ်လာလုပ်သည်။ 
ခပ်အေးအေးနေတတ်တဲ့ ဇဝနကို ကြည် ညိုပုံရသည်။ 
လိုသမျှ ထောက်ပံ့သည်။ လှူဒါန်းသည်။

       နောက်ပိုင်းတော့ ဇဝနကို သူသိက္ခာထပ်ပေးသည်။ 
မန္တလေးမလာဖြစ်ရင်တောင် ဘဏ်ကငွေလွဲပြီး လှမ်းလှူသည်။ 
တခါတရံ ဘဏ်မှာငွေသွားထုတ်ရင် အတူလိုက်ဖြစ်သည်။ 
ATMစက်က ထွက်ကျလာတဲ့ ငွေသားအသစ်အထပ်ထပ်လေးက 
သူ့မျက်နှာကို ပြုံးရွှင်စေသည်။ 

"ဪ......မောင်ဇဝနတို့ဒကာများ သဒ္ဓါကောင်းကြပါပေ့။ 
မောင်ဇဝနလဲ ဘုန်းကံကြီးပါပေ့" ဟု မှတ်ချက်ချမိသည်။

"သီတင်းကျွတ်မှာ စာဝါနားရင် သူ့နယ်ကြွခဲ့ပါ ဘုရား"လို့ ဒကာကြီးက လှမ်းပင့်သည်။ 
ဒီတော့ကြွသည်ပေါ့။ အသွားခရီးဖြောင့်ဖြူးပါသည်။ 
လိုလေသေးမရှိအောင် ပြုစုလုပ်ကျွေးရှာသည်။ 
အပြန်တော့ ဒကာကြီးက လက်ဆောင်တွေတပွေ့တပိုက်ကြီးတင်ပေးလိုက်သည်။ 

"ဒီလက်ဆောင်ထုပ်က ကျောင်းကိုသာ ယူသွားလိုက်ပါဘုရား။ 
တပည့်တော်သူငယ်ချင်း လာယူပါလိမ့်မယ်။ ဖုန်းဆက်ထားတယ်ဘုရား"လို့ 
မှာလိုက်တဲ့ အထုပ်တစ်ထုပ်လည်းပါသည်။

အမှုမဲ့အမှတ်မဲ့တစ်ချို့က ဘဝကို တစ်ဆစ်ချိုးကွေ့စေသည်။ 
ရထားပေါ်တက်လာတဲ့ရဲတွေဟာ 
သူ့တာဝန်သူထမ်းဆောင်နေတာ ကိုယ်နဲ့မဆိုင် လို့တွေးမိသည်။ 

သို့သော်................
သူတို့က လက်ဆောင်ထုပ်ကိုမှ တန်းတန်းမှတ်မှတ် ခွင့်တောင်းပြီးရှာတော့သည်။

ဘိန်းဖြူဟု ယူဆရသည့်အမှုန့်များ......
ဆပ်ပြာခွက်များ..........

"ကိုယ်တော် အမှန်အတိုင်းပြောပါ။ 
ဒါက အရှင်ဘုရား ပေါ့သေးသေးလက်ဝယ်တွေ့ရှိမှုမဟုတ်ဘူး ဘုရား။ 
အရှင်ဘုရား ပမာဏများသလောက်နှစ်ကြီးကျမှာ။ 
ကိုယ်တော်မဟုတ်ဘူးမလား?ဆိုတဲ့ ရဲအရာရှိရဲ့ အမေးက မောင်ဇဝနကို ဆွံ့အစေသည်။ 

အချုပ်ထဲ ဒကာကြီး လာတွေ့သည်။
"တပည့်တော် စီစဉ်တာလွဲလို့ဘုရား။ တောင်းပန်ပါတယ်။ 
ဒါပေမဲ့အရှင်ဘုရား ဘာမှမပူနဲ့အရှင်ဘုရား။ 
အရှင်ဘုရား အလွန်ဆုံး တစ်လဘဲနေရမှာ ။ 
တစ်လအတွင်းတပည့်တော် ပြန်ထုတ်မှာ။ 
အခုလိုက်နေပြီ။ ဒီလိုလေးကပ်မှာသွားသည်။ 

မောင်ဇဝန ဝန်ခံလိုက်ပါသည်။ 
မူးယစ်ဆေးဝါးလက်ဝယ်တွေ့ရှိမှု။
ရုံးချိန်းအဆင့်ဆင့်ကိုဖြတ်သန်းပြီး 
စီရင်ချက်ဆိုသည့် အရာသည် ခပ်ဖြည်းဖြည်းရောက်လာသည်။ 

.....ထောင်ဒဏ်၁၈နှစ်........

အချုပ်ထဲတုန်းက လာတွေ့ပြီ
"ဝန်ခံလိုက်ပါ တစ်လအတွင်းထုတ်ပေးပါ့မယ်"ပြောခဲ့သည့် သူ့ဒကာကြီး.......
ခြေရာလည်းပျောက် ရေလည်းနှောက်ချေပြီ။

လောကဓံရဲ့ ရိုက်ပုတ် သင်ကြားမှုက တခါတရံ ခါးသီးဖွယ်ရာ။ 
ဘဝသည် လူတို့၏ ခေါင်းပေါ်တင် စားဦးစားဖျားစားနေရသည့်ဘဝမှ 
မစင်ကျုံးရသည့်အခြေအနေသို့ ရောက်ရလိမ့်မည်ဟု သူတစ်ခါမျှတွေးမိထားလိမ့်မည်မဟုတ်။ 

သူ့ဘဝရဲ့ အနိ့မ်ကျဆုံးအခြေ အနေမှာ 
သတိတရ ရှိမိတာတော့ ကျွန်ုပ်,မောင်သုမန။

သူ့မိဘတွေ မသိသေး။
ငါ အသိပေးသင့်သလား?
အသိမပေးသင့်ဘူးလား?
အတော်စဉ်းစားရသည်။

သူပျံတော်မူခါနီးအချိန်တော့ အသိပေးလိုက်ရပါသည်။
မိဘတွေ ရင်ကျိုးပြီပေါ့။ 

စဉ်းစားမိသည်......
"ကိုယ် ဘယ်လောက်ရိုးသားပေမဲ့ 
လောကဓံကတော့ သက်ညှာမှာမဟုတ်ဘူးဆိုတာ"
 နောက်ဆုံးထွက်သက်မရောက်ခင် သူသိသွားသလား? သို့တည်းမဟုတ် သိမသွားဘူးလား?
မောင်ဇဝနသာလျှင် သိပေလိမ့်မည်။

   ဦးသုမန..................ပင်း​ဘော

ခရက်​ဒစ်​ ဦးသုမန

ဓာတ်​ပုံ အင်​တာနက်​

No comments:

Post a Comment