Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, August 12, 2017

မန္တလေးပြီး ထပ်သေမည့် မြို့


မန္တလေးပြီး ထပ်သေမည့် မြို့

ရန်ကုန်မြို့တော် လမ်းမကြီးများနှင့် ဗိုလ်ချုပ်အောင်ဆန်း ဈေးကြီးကို သူတို့ အပိုင်စီးထားကြသည်။ သူတို့ဆိုသည်ကား အခြားမဟုတ်။ မြန်မာစကား မတတ်သည့် ပြည်ကြီးပေါက်ဖော်များ။

ထိုအထဲတွင် Xiao Yan တစ်ယောက်လည်း အပါအဝင်။ တရုတ်ပြည်၊ ရွှေလီသား Xiao Yan သည် အခုတော့ ရန်ကုန်သား ကျော်ကျော်လွင် ဖြစ်နေပြီ။

ရန်ကုန်မြို့တော်ရှိ နာမည်ကျော် ဆံပင်ညှပ်ဆိုင်ကြီးတစ်ခုမှ ဆံပင်ညှပ် ဆရာလေး Xiao Yan ခေါ် ကျော်ကျော်လွင်သည် အရောင်နွမ်းနေပြီ ဖြစ်သည့် တရုတ်နိုင်ငံသား စိစစ်ရေး ကတ်ပြားနှင့် သစ်လွင် တောက်ပနေသော ပန်းရောင် မြန်မာနိုင်ငံသား စိစစ်ရေး ကတ်ပြားလေးကို ထုတ်ပြလျက် တရုတ် ဘာသာစကားဖြင့် ဆိုလိုက်သည်က-
“မှတ်ပုံတင်က နှစ်ခုရှိတယ်။ ဒါက ပြည်မတုန်းက မှတ်ပုံတင်။ ဒါက မြန်မာ မှတ်ပုံတင်လေ။ အစိုးရက အသိအမှတ် ပြုထားတာပဲ။ ကျွန်တော်လည်း မြန်မာနိုင်ငံသားပဲပေါ့”
၎င်းကိုယ်တိုင် ရန်ကုန်သား ကျော်ကျော်လွင်ဟု မိတ်ဆက်လာသည့်တိုင် Xiao Yan သည် မြန်မာစကားကိုပင် ရေရေလည်လည် မပြောတတ်သေး။ ကိုင်ဆောင်ထားသည့် မြန်မာနိုင်ငံ၏ နိုင်ငံသားစိစစ်ရေး ကတ်ပြား မှတ်ပုံတင်သည်ပင်လျှင် အတု၊ အစစ်ပင် ခွဲခြားနိုင်စွမ်း မရှိသေး။

မြန်မာနိုင်ငံတွင် နိုင်ငံသားစိစစ်ရေး ကတ်ပြားနှစ်ခု ကိုင်ဆောင်ခွင့် မရှိသည်ကိုလည်း သူမသိ။ သူအလုပ်လုပ်နေသည့် ဆံပင်ညှပ်ဆိုင်တွင်လည်း Xiao Yan ကဲ့သို့ပင် တရုတ်နိုင်ငံမှ လာရောက် လုပ်ကိုင်သည့် ဆံပင်ညှပ်ဆရာနှင့် ခေါင်းလျှော်၊ ပေါင်းတင်သည့် တရုတ်အမျိုးသား၊ အမျိုးသမီး ဝန်ထမ်း ၁၀ ဦး ရှိနေသေးသည်။

ရန်ကုန်မြို့တော်တွင် တရုတ်အမည်ဖြင့် ဆိုင်ခွဲများစွာ ဖွင့်လှစ်ထားသည့် ယင်းကဲ့သို့ အလှပြင်ဆိုင်များတွင် တရုတ်စကားကို ပြောဆိုကြပြီး မြန်မာစကား လည်လည်ပတ်ပတ် မတတ်သည့် မြန်မာနိုင်ငံသားဟုဆိုသော Xiao Yan လို ဝန်ထမ်းပေါင်းများစွာ ရှိနေပြီ ဖြစ်သည်။

အလှပြင်ဆိုင်များ ကဲ့သို့ပင် တရုတ်တိုင်းရင်းရိုးရာ ဆေးခန်းများ၊ ဆောက်လုပ်ရေး လုပ်ငန်းများ၊ လက်ကိုင်ဖုန်းစင်တာ များတွင်လည်း ဗမာစကား လုံးဝမတတ်သည့် တရုတ်ဝန်ထမ်းများကို တွေ့ရတတ်သည်။

ရန်ကုန်မြို့တော်ရှိ နာမည်ကျော် အမျိုးသား အထူးကု တရုတ်တိုင်းရင်း ဆေးခန်းတစ်ခုမှ ဝန်ထမ်းဖြစ်သူ မမေရီချွမ်ကတော့ တရုတ်နိုင်ငံ၊ ယူနန်ပြည်နယ် ကျေးရွာလေးတစ်ရွာမှ ဖြစ်သည်။ မေရီချွမ်တွင်တော့ Xiao Yan ကဲ့သို့ မှတ်ပုံတင်ကတ်ပြား ပန်းရောင်မရှိ။

၎င်းအလုပ်လုပ်ရာ သူဌေး၏ စီမံပေးမှုဖြင့် လမ်းမတော်မြို့နယ် အတွင်းရှိ တိုက်ခန်းတစ်ခန်းတွင် နေထိုင်ပြီး တစ်နှစ်အတွင်း မည်သည့် ပြဿနာမျှ မရှိခဲ့ကြောင်း မေရီချွမ်က ဆိုသည်။

လူနာများနှင့် တွေ့ဆုံရာတွင် “မကွေးသူ” ဟု သူ့ကိုယ်သူ ပြောလေ့ရှိသည့် အသားဖြူဖြူ မေရီချွမ်သည် မြန်မာစကားကို မပီကလာ ပီကလာဖြင့် လည်လည်ပတ်ပတ် ပြောနိုင်သည့် အဆင့်သို့ ရောက်နေပြီ ဖြစ်သည်။ သို့သော် အညာလေတော့ ပေါက်မနေ။

တရုတ်လူမျိုး ဝန်ထမ်းများသာ ခန့်ထားသော အလှပြင်ဆိုင်များအပြင် နောက်ထပ် ရန်ကုန်မြို့တွင်း နေရာယူလာသည်က မေရီချွမ်ကဲ့သို့ တရုတ် အမျိုးသမီးလေးများ လုပ်ကိုင်နေသည့် တရုတ် တိုင်းရင်းဆေးခန်းများ ဖြစ်သည်။

ဆေးခန်း အများစုသည် အမျိုးသားများတွင် ဖြစ်တတ်သော ရောဂါများ၊ ကာမနှင့်ဆိုင်သော ရောဂါများကို အထူးဝန်ဆောင်မှု ပေးသည်ဟု ဝေဝေဆာဆာ ကြေညာလေ့ ရှိကြသည်။

ဆေးခန်းဝန်ထမ်း အများစုမှာလည်း ငယ်ရွယ်သည့် တရုတ် အမျိုးသမီးလေး များသာဖြစ်ပြီး မြန်မာစကား ကျွမ်းကျင်မှု အားနည်းကြသည်ဟု အဆိုပါ ဆေးခန်းများတွင် သွားရောက် ကုသဖူးသူ ပန်းဘဲတန်း မြို့နယ်မှ ကိုလင်းမင်းက ဆိုသည်။

“ဈေးကလည်း အရမ်းကြီးတယ်ဗျ။ သူတို့ပေးတဲ့ ဆေးလုံးတွေက ပလတ်စတစ် အိတ်ထဲမှာ ဒီအတိုင်း ထည့်ထားတာ။ ဘာဆေးညွန်း၊ ဘာစစ်ဆေးရေး ထောက်ခံချက်မှ မပါဘူး။ ပထမတော့ ဆေးသောက် ကြည့်သေးတယ်။ ရောဂါလည်း သိပ်မထူးခြားတာနဲ့ ရပ်ပစ်လိုက်ရတယ်” ဟု ကိုလင်းမင်းက ဖြည့်စွက်ပြောသည်။

၂၀၁၄ နှစ်စပိုင်းတွင် ရန်ကုန်မြို့တော် အတွင်းရှိ တရားမဝင် တရုတ်ဆေးခန်းများကို ရန်ကုန်တိုင်းဒေသကြီး အစိုးရအဖွဲ့က စိစစ်အရေးယူခဲ့သည်။

ထိုသို့ အရေးယူရာတွင် ဆေးခန်းအများစုမှာ ဆေးကုသခွင့်လိုင်စင် မရှိခြင်း၊ ဆေးကုသသူ ပညာရှင်က ဖော်ပြထားသူ မဟုတ်ဘဲ အစားထိုးထားခြင်း စသည်တို့ကို တွေ့ရှိရပြီး ဆေးခန်းကို သီတင်းပတ် တစ်ပတ်ပိတ်ခြင်း၊ တစ်လပိတ်ခြင်းတို့ကို ဆောင်ရွက် ခဲ့ကြောင်းလည်း ရန်ကုန်တိုင်း ကျန်းမာရေးဦးစီးဌာန တာဝန်ရှိသူ ဒေါက်တာအေးကိုကိုက ပြောကြားသည်။

အရေးယူမှုများ ပြုလုပ်ခဲ့သည် ဆိုသော်လည်း ရန်ကုန်မြို့တော် အတွင်းရှိ တရုတ်ဆေးခန်း အများစုကတော့ ပန်းပန်လျက်ပင်။ မေရီချွမ်းကဲ့သို့ ချောမောလှပသော တရုတ် အမျိုးသမီးငယ်လေး များကလည်း ယင်းဆေးခန်းများတွင် ဝန်ဆောင်မှု ပေးလျက်ပင် ဖြစ်သည်။

Xiao Yan နှင့် မေရီချွမ်တို့ ကဲ့သို့သော တရုတ်နိုင်ငံသားများသည် ၎င်းတို့ မွေးရပ်မြေကို စွန့်ခွာကာ မြန်မာနိုင်ငံ အတွင်းသို့ အဘယ့်ကြောင့် ဝင်ရောက် လာကြသနည်း။

“အဖေရော အမေရောဆုံးတော့ ညီအစ်ကိုမောင်နှမလည်း မရှိဘူး။ ပြည်မမှာက ကျွန်တော် တတ်ထားတဲ့ပညာနဲ့ အလုပ်လျှောက်ရတာ လုံးဝမလွယ်ဘူး။ အဲဒါနဲ့ မြန်မာပြည်ကို ရောက်တာကြာပြီ အဆင်ပြေနေတဲ့ ကျွန်တော်တို့ ရွှေလီသား ဒီဆိုင်ပိုင်ရှင် အစ်ကိုက လှမ်းခေါ်တာ” ဟု Xiao Yan က ဆိုသည်။

လူဦးရေ ပေါက်ကွဲမှုနှင့် ဆင်းရဲချမ်းသာ လူတန်းစား ကွာဟမှုဒဏ်ကို ရင်ဆိုင်နေရသည့် အိမ်နီးချင်း တရုတ်နိုင်ငံမှ လူငယ်များအဖို့ မြန်မာနိုင်ငံသည် အောင်မြင်မှု လမ်းစအတွက် အခွင့်အလမ်း တစ်ခုအဖြစ် ထင်မြင်ယူဆ ထားကြခြင်းက အကြောင်းအရင်း တစ်ရပ်ဖြစ်သည်။

၂၀၀၈ ခုနှစ်တွင် တရုတ်နိုင်ငံ ဂွမ်ဒေါင်းပြည်နယ် နိုင်ငံခြားရေးဌာနက ထုတ်ပြန်သည့် စာရင်း၊ ၂၀၀၆ ခုနှစ် China’s Overseas Chinese အင်တာနက် စာမျက်နှာနှင့် ၂၀၀၅ ခုနှစ် ရန်ကုန်ရှိ တရုတ်သံရုံးတို့က ထုတ်ပြန်သည့် စာရင်းများအရ မြန်မာနိုင်ငံတွင် တရုတ်လူမျိုး ၂ ဒသမ ၅ သန်း ရှိနေပြီ ဖြစ်သည်။

ဒေးဗစ်စတိန်းဘတ်ကမူ မြန်မာနိုင်ငံ၌ ရောက်ရှိနေသည့် တရုတ်ဦးရေသည် သုံးသန်းခန့် ရှိမည်ဟု ခန့်မှန်းထားသည်။ ၎င်းက တရုတ်-မြန်မာ ကပြားများပါ ထည့်သွင်း တွက်ချက်မည် ဆိုပါက ပြည်တွင်းရောက် တရုတ်လူမျိုးသည် မြန်မာနိုင်ငံ လူဦးရေ၏ ၄ ရာခိုင်နှုန်းခန့် ရှိမည်ဟု ဆိုထားသည်။

မြန်မာနိုင်ငံ လူဦးရေ၏ ၄ ရာခိုင်နှုန်းခန့်ရှိသော တရုတ်များကို မည်သူတို့ ဖိတ်ခေါ် ခဲ့ကြသနည်း။ မေးခွန်းကရှိသည်။ သို့သော် အဖြေက မရှိ။ စီးပွားရေးကို ဦးတည်သော တရုတ်တို့သည်ကား တရုတ်ကြီးပွားရေးသာ အဓိက။

မြန်မာနိုင်ငံတွင်း စီးပွားရေး လာရောက် လုပ်ကိုင်သည့် တရုတ်နိုင်ငံသားများသည် လုပ်ငန်းခွင်များ၌ ဒေသခံ မြန်မာနိုင်ငံသားများအစား ၎င်းတို့၏ တရုတ်နိုင်ငံသား များကိုသာ အသုံးပြုလေ့ ရှိကြသည်။

မြန်မာနိုင်ငံရှိ ရခိုင် ဓာတ်ငွေ့ပိုက်လိုင်း စီမံကိန်း အစရှိသော တရုတ်စီမံကိန်း များတွင်လည်း အလုပ်ကြမ်းသမားမှအစ အင်ဂျင်နီယာအဆုံး ပြည်တွင်း အလုပ်သမားများကို အသုံးမပြုဘဲ တရုတ်နိုင်ငံမှ အလုပ်သမား များကိုသာ အသုံးပြုသည်ကို တွေ့ရှိရသည်။

အာဖရိကတွင် တရုတ်တို့ သုံးသည့် နည်းရှိသည်။ အာဖရိက နိုင်ငံများတွင် တရုတ်တို့ အကောင်အထည် ဖော်နေသော စီမံကိန်းများ၊ စားသောက်ဆိုင်များတွင် တရုတ်နိုင်ငံမှ အကျဉ်းသားများကို ခေါ်ယူပြီး လျှော့ရက်၊ လွတ်လပ်မှု၊ အနေအစားတို့ဖြင့် မက်လုံးပေး အလုပ်ခိုင်းကြောင်း နော်ဝေနိုင်ငံတွင် နေထိုင်သည့် ဘလော့ဂါ တစ်ဦးဖြစ်သူ ကိုညိုက လင်္ကာဘလော့တွင် သုံးသပ်ထားသည်။

“ဒီနည်းနဲ့ အာဖရိက ပြည်သူတွေ ရသင့်ရထိုက်တဲ့ လစာနဲ့ အလုပ်တွေမှာ တရုတ်က ကိုယ့်အိတ်ထဲ ကိုယ်ပြန်ထည့် သွားတာပါပဲ။ ကျွန်တော်တို့ နိုင်ငံမှာလည်း တရုတ်က အာဖရိကလမ်းစဉ် သုံးနေပါတယ်” ဟု ကိုညိုက ရေးထားသည်။

Xiao Yan ကို ခေါ်ယူသော ဆံပင်ညှပ်ဆိုင် ပိုင်ရှင်မှာလည်း ယခင်က တရုတ်နိုင်ငံသား တစ်ဦးပင် ဖြစ်ပြီး မြန်မာနိုင်ငံသူ တရုတ်အမျိုးသမီး တစ်ဦးကို လက်ထပ်ပြီးနောက် ယာယီ နိုင်ငံသားကတ် ကိုင်ဆောင်ထားသူ ဖြစ်သည်ဟု Xiao Yan က ဆိုသည်။

မြန်မာနိုင်ငံတွင် စီးပွားရေး လာရောက် လုပ်ကိုင်သည့် တရုတ် နိုင်ငံသားများ အနေနှင့် မြန်မာနိုင်ငံသား စိစစ်ရေးကတ်ပြား က်ိုင်ဆောင်ထားသည့် အမျိုးသမီးများကို လက်ထပ်ခြင်းဖြင့် နိုင်ငံသား ခံယူခွင့်ရရှိရန် ကြိုးပမ်းလေ့ ရှိကြောင်းလည်း တရုတ် - မြန်မာနယ်စပ်တွင် တာဝန် ထမ်းဆောင်ခဲ့ဖူးသူ ဒုလဝကမှူး ဦးမင်းဇော်က ဆိုသည်။

Xiao Yan ထံမှ ပန်းရောင် မှတ်ပုံတင်သည်လည်း အဆိုပါ ဆိုင်ရှင်က စီမံပေးခြင်း ဖြစ်သည်ဟု ၎င်းထံမှ သိရသည်။ တရုတ် နိုင်ငံသားများအနေနှင့် မြန်မာနိုင်ငံသို့ ဝင်ရောက်သည့် နည်းလမ်း များကလည်း အမျိုးမျိုး ရှိနေသည်။

ပထမနည်းလမ်းမှာ အလုပ်လုပ်ကိုင် ခွင့်ဗီဇာကိုင်ကာ တရားဝင် ပတ်စ်ပို့ဖြင့် လာရောက်ခြင်း ဖြစ်ပြီး တရားဝင် နေထိုင်ခြင်း။ ဒုတိယနည်းလမ်းမှာ နယ်စပ်မှတစ်ဆင့် ခိုးဝင်၍ မှတ်ပုံတင်အတုများ ကိုင်ဆောင်ကာ နေထိုင်ခြင်း။

တတိယနည်းလမ်းမှာ ရွှေလီ-မူဆယ် နယ်စပ် ချစ်ကြည်ရေးတံတားမှ နေ့ဗီဇာဖြင့် ဝင်ရောက်ပြီး တရုတ်နိုင်ငံတွင်းသို့ ပြန်မသွားတော့ဘဲ မြန်မာနိုင်ငံတွင်းသို့ ဝင်ရောက်ခြင်းတို့ ဖြစ်သည်။

ရွှေလီသား Xiao Yan က တတိယနည်းကို သုံးခဲ့သည်။ တရုတ်နယ်စပ်မှ နေ့ဗီဇာဖြင့် ဝင်ရောက်ခဲ့ပြီး အလုပ်ရှင်သူဌေး၏ အဆက်အသွယ်ဖြစ်သော တိုင်းရင်းသား လက်နက်ကိုင် ငြိမ်းချမ်းရေး အဖွဲ့တစ်ခု၏ ထောက်ခံစာ ကိုင်ဆောင်ကာ ပြည်တွင်းသို့ ဝင်ရောက်ခဲ့ခြင်း ဖြစ်သည်။

တိုင်းရင်းသား လက်နက်ကိုင် ငြိမ်းချမ်းရေး အဖွဲ့အချို့ အနေနှင့် တရုတ် နိုင်ငံသားများကို ဒေသခံ တိုင်းရင်းသား လူမျိုးများ ဖြစ်ကြောင်း ထောက်ခံစာများ ပြုလုပ်ပေးကာ ပြည်တွင်းသို့ ခေါ်သွင်းပေးလေ့ ရှိကြောင်း တရုတ် - မြန်မာ နယ်စပ်တွင် ဒုလဝကမှူးအဖြစ် တာဝန် ထမ်းဆောင်ခဲ့သူ ဦးမင်းဇော်က ဆိုသည်။

သို့သော် ထိုသို့သောကိစ္စနှင့် ပတ်သက်၍ တရုတ်နှင့် နီးကပ်သည်ဟု စွပ်စွဲပြောဆို ခံရလေ့ရှိသော ‘ဝ’ ပြည် သွေးစည်းညီညွတ်ရေးပါတီက ငြင်းချက်ထုတ်သည်။

မိမိတို့အနေနှင့် မည်သည့် နိုင်ငံခြားသားကိုမှ ထောက်ခံစာ ပြုလုပ်ပေးခြင်းမျိုး မရှိဘဲ နိုင်ငံသား စိစစ်ရေးကတ်ပြား မရှိသည့် ဒေသခံ တိုင်းရင်းသား အစစ်အမှန်ကိုသာ ပြည်တွင်း ခရီးစဉ်များတွင် လွယ်ကူစေရန်အတွက် ထောက်ခံစာ ပေးလေ့ရှိကြောင်း၊ ကိုယ်ပိုင် အုပ်ချုပ်ခွင့်ရဒေသ ဖြစ်သည့်အတွက် သက်ဆိုင်ရာ အုပ်ချုပ်ရေး အရာရှိများ၏ လုပ်ပိုင်ခွင့် အတွင်းကသာ လုပ်ကိုင်ခြင်း ဖြစ်ကြောင်း ဦးဆမ်ခွန်က ပြောဆိုသည်။

မည်သို့ပင်ဆိုစေ မြန်မာ့ယဉ်ကျေးမှု မြို့တော် မန္တလေးသည်ကား ပုံသဏ္ဌာန် မျိုးစုံဖြင့် ဝင်ရောက်လာသည့် စိနတိုင်းသား လက်တွင်းသို့ သက်ဆင်းခဲ့သည်မှာ ကြာပြီ ဖြစ်သည်။

ယခုတော့ စိနတိုင်းသားတို့၏ နောက်ထပ် ပစ်မှတ်သည်ကား ရန်ကုန်။ ရန်ကုန်မြို့တော်သို့ တရားမဝင် တရုတ်နိုင်ငံသားများ ဝင်ရောက် နေထိုင်ခြင်းနှင့်အတူ ကြီးထွားလာသည့် လုပ်ငန်းတစ်ခုမှာ နိုင်ငံသားစိစစ်ရေး ကတ်ပြား အတုဈေးကွက် ဖြစ်သည်။

ပန်းဆိုးတန်း အနီးတစ်ဝိုက်ရှိ ပွဲစားများနှင့် ကွန်ပျူတာ စာစီဆိုင်များသည် တရုတ်လူမျိုးတို့၏ ပြည်ဝင်ခွင့် ဂိတ်ပေါက်။ မှတ်ပုံတင် အတုတစ်ခုလျှင် အရည်အသွေးပေါ် မူတည်ကာ ကျပ်ငါးသောင်းမှ သုံးသိန်းအထိ ဈေးပေါက်ပြီး အဖြူအမည်း မှတ်ပုံတင် ဓာတ်ပုံတစ်ပုံသာ လိုကြောင်း အဆိုပါ ဈေးကွက်နှင့် ချိတ်ဆက် လုပ်ကိုင်ဖူးသူ ကိုအောင်အောင်က ဆိုသည်။

မှတ်ပုံတင်အတု ဆိုရာတွင် တကယ့်မှတ်ပုံတင် အစစ်ကို စကင်ဖတ်၍ ထုတ်သော မှတ်ပုံတင်နှင့် မှတ်ပုံတင် အစစ်ကို ဓာတ်ပုံကပ်ခွာ ပြုလုပ်ပြီး အနည်းငယ် ပြုပြင်ပေးခြင်းဟူ၍ နှစ်မျိုး ရှိကြောင်း အဆိုပါ ဈေးကွက်အတွင်း စုံစမ်းသိရှိရသည်။

“နိုင်ငံသား မဟုတ်တဲ့သူကို နိုင်ငံသားကတ် မပေးဖို့ကို ထိန်းချုပ်ထားတယ်။ ပေးရင် ထိထိရောက်ရောက် ပြင်းပြင်းထန်ထန် အရေးယူတယ်။ နမူနာ တစ်ခုအနေနဲ့ ပြောရရင် မြန်မာစကား မတတ်ဘဲ တရုတ်စစ်စစ်ကြီးက နိုင်ငံသားကတ် ကိုင်ဆောင် ထားတယ်ဆိုတာ မတွေ့မိသေးဘူး။ ရှိတယ်ဆိုရင် ဖော်ထုတ် အရေးယူရမယ်။ ပေးလို့လည်း မရဘူး” ဟု ဆိုလာသူက မန္တလေးတိုင်း ဒေသကြီး လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာန တိုင်းဦးစီးမှူး ဦးသောင်းဇော် ဖြစ်သည်။

ဤသို့ဆိုလျှင် မန္တလေးနှင့် ရန်ကုန် မြို့တော်ကြီးရှိ မြန်မာစကား မတတ်သည့် ပေါက်ဖော်များက အဘယ်တံခါးက ဝင်လာကြသနည်း။ လူဝင်မှု ကြီးကြပ်ရေး စည်းကမ်း ဥပဒေများအရ မြန်မာနိုင်ငံအတွင်း မွေးဖွားသည့် သွေးနှော တရုတ်များကိုသာ နိုင်ငံသားကတ်ကို ပေးရမည် ဖြစ်သည်။ မြန်မာသွေး ငါးမူး တရုတ်သွေး ငါးမူးပါသည့် သွေးနှော နိုင်ငံသားအဖြစ် မြို့နယ်မှ လ.ဝ.က အထိ အဆင့်သုံးဆင့်ခန့် ဖြတ်သန်း စစ်ဆေးပြီးမှ ခွင့်ပြုရမည် ဖြစ်သည်။

ယင်းသို့ မဟုတ်ပါက မန္တလေးတိုင်းဒေသကြီး လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာန တိုင်းဦးစီးမှူး ဦးသောင်းဇော်ကတော့ ‘အားလုံးတွင် တာဝန်ရှိသည်’ ဟူ၍သာ။ ဤသို့ဆိုလျှင် ရန်ကုန်မြို့ရောက် ပေါက်ဖော်များ အရေးက မည်သူ့တွင် တာဝန်ရှိသနည်း။ မျက်မှေးတို့ ပြည်ဝင်ခွင့် ရရေးတွင် သေသူလည်း မနေသာ။

ကွယ်လွန်ပြီးသူများ၊ ပြည်ပသို့ ထွက်ခွာသွားသူများ၏ မှတ်ပုံတင် အဟောင်းများကို ရောင်းခြင်း၊ ဝယ်ခြင်း ဈေးကွက်ကလည်း အဆိုပါ မှတ်ပုံတင်တု ဈေးကွက်အတွင်း ပါဝင်လည်ပတ်လျက် ရှိသည်။

လမ်းမတော် မြို့နယ်တွင် နေထိုင်သူ ကိုအောင်အောင်သည် တရုတ်စကားပြန် တစ်ဦးဖြစ်ပြီး တရုတ်နိုင်ငံသား အများအပြား မှတ်ပုံတင် ပြုလုပ်ရာတွင် အဆိုပါ ဈေးကွက်နှင့် ချိတ်ဆက် ပေးခဲ့ဖူးသည်ဟု ဆိုသည်။

“အများစုကတော့ ဒီမှာနေလို့၊ ထိုင်လို့ရရုံ အတွက်ပဲ မှတ်ပုံတင် အတုလုပ်ကြတာ။ အတုနဲ့အစစ်က တော်ရုံလူခွဲခြားလို့ မရဘူး။ ရေစာတွေ ဘာတွေတောင်ပါတယ်။ ဒါပေမဲ့ လဝက ဝန်ထမ်းတွေ ကိုယ်တိုင်စစ်ရင်တော့ သိသာပါတယ်။ ဒီတော့ ပတ်စ်ပို့တို့ဘာတို့ လုပ်လို့မရဘူး။ ခရီးသွားလို့ ရတယ်။ ဧည့်စာရင်း တိုင်လို့ရတယ်” ဟု ၎င်းကဆိုသည်။

တကယ်တော့ Xiao Yan ကိုင်ဆောင်သည့် ပန်းရောင် နိုင်ငံသားစိစစ်ရေး ကတ်ပြားသည်လည်း အဆိုပါ ပန်းဆိုးတန်း ဈေးကွက်ထွက် ကတ်ပြားပင်။

အဆိုပါကိစ္စနှင့် ပတ်သက်ပြီး ဖြေရှင်းနိုင်မည် နည်းလမ်းကို လူဗြောင်သွင်းခြင်းကို တားဆီးရန် နည်းလမ်းအချို့ တင်ပြဖူးကြောင်း လူကုန်ကူးမှု တိုက်ဖျက်ရေး ရဲတပ်ဖွဲ့မှ ဒုတိယရဲမှူးကြီး သက်နောင်က ဆိုသည်။ “ကံကောင်းရင် ဖြစ်လာမှာပေါ့” ဟု ဒုရဲမှူးကြီး သက်နောင်က ဆိုသည်။

ထိုသို့ ခိုးဝင်ခြင်းနှင့် ပတ်သက်ပြီး ၁၉၄၇ မြန်မာနိုင်ငံလူဝင်မှု ကြီးကြပ်ရေး လတ်တလော ပြဋ္ဌာန်းချက် အက်ဥပဒေနှင့်အညီ ထိထိရောက်ရောက် အရေးယူပြီး ကျူးလွန်သော ဝန်ထမ်းများကို အရေးယူခဲ့သော ဖြစ်စဉ်များလည်း ရှိကြောင်း လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာနမှ ညွှန်ကြားရေးမှူး ဦးမောင်မောင်သန်းက ဆိုသည်။

“ခိုးဝင်တာတွေ၊ တရားမဝင် နေထိုင်တာတွေက နိုင်ငံတိုင်းမှာ ဖြစ်နေတာပဲ၊ ကျွန်တော်တို့ကတော့ ရဲတပ်ဖွဲ့ အစရှိတဲ့ မိတ်ဖက်အဖွဲ့တွေနဲ့ ပူးပေါင်းပြီး ဖော်ထုတ်နေပါတယ်” ဟု လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာန ညွှန်ကြားရေးမှူး ဦးမောင်မောင်သန်းက ဆိုသည်။

၁၉၄၇ မြန်မာနိုင်ငံ လူဝင်မှုကြီးကြပ်ရေး လတ်တလော ပြဋ္ဌာန်းချက် အက်ဥပဒေ ပုဒ်မ ၁၃(၁) အရ မြန်မာနိုင်ငံတွင်း ဗီဇာ စည်းကမ်း ဖောက်ဖျက်သူ၊ တရားမဝင် ဝင်ရောက် နေထိုင်သူ မည်သူ့ကိုမဆို ထောင်ဒဏ် ခြောက်လမှ ငါးနှစ်အထိနှင့် ငွေဒဏ် ၁၅၀၀ ချမှတ်နိုင်ကြောင်း ဖော်ပြထားသည်။

Xiao Yan ကဲ့သို့ မှတ်ပုံတင်အတု ကိုင်ဆောင်ထားသည့် တရုတ်နိုင်ငံသားများ၊ မည်သည့် အထောက်အထားမျှ ကိုင်ဆောင်ထားခြင်း မရှိဘဲ ရန်ကုန်မြို့တွင်း၌ ပေါ်ပေါ်ထင်ထင် နေထိုင်ကြသည့် မေရီချွမ်ကဲ့သို့ တရုတ်နိုင်ငံသားများ အရေအတွက်ကား မည်မျှရှိမည်ကို မခန့်မှန်းနိုင်။ တိကျသော စစ်ဆေး အတည်ပြုမှုများလည်း မရှိ။

ရန်ကုန်မြို့တော်၌ တရုတ်နိုင်ငံသားများ ပိုင်ဆိုင်သည့် အခြားဆောက်လုပ်ရေး လုပ်ငန်းခွင်များ၊ လက်ကိုင်ဖုန်းဆိုင် များသည်လည်း အများအပြားပင်။

နောက်ထပ်၍လည်း ရန်ကုန်မြို့တော် အပါအဝင် မြန်မာနိုင်ငံအတွင်း နယ်မြေသစ်အဖြစ် ခြေချ ဝင်ရောက်လာမည့် တရုတ် နိုင်ငံသားသည်လည်း မည်မျှ ရှိနေသေးသည် မသိ။

“ဘယ်သူတွေလဲ ... ဒီမြို့ထဲမှာ ... ဟိုးအရှေ့ရပ်က ... အိမ်နီးချင်းတွေ ...၊ မျက်လုံးမှေးမှေး ... အကြည့်နဲ့ပါ။ မေးခွန်းများစွာ ငါလေတွေးရင်း၊ သမိုင်းကြောင်းများစွာ ငါလေမေးရင်း... နားနှစ်ဖက်ချည်း ပိတ်နေမိ၊ တစိမ်းတွေနဲ့ ဆုံတွေ့နေတဲ့ ငါတို့ရဲ့ ... မြို့ ...”

ရန်ကုန် ဆောင်းနေ ပူပူအောက်တွင် တရွေ့ရွေ့ တွန်းသွားသော ထီတွန်းလှည်းဆီမှ လွင့်ပျံ့လာသည့် လင်းလင်း၏ “မန္တလေးမြို့ သေဆုံးခြင်း” သီချင်းသံကို Air-Con အခန်း အေးအေးလေးထဲ၌ ဆံပင်ညှပ်နေသူ ရွှေလီသား Xiao Yan တစ်ယောက် ကြားနိုင်မည် မဟုတ်ပါ။

ကြားလျှင်လည်း ထိုသီချင်း၏ အဓိပ္ပာယ်ကိုလည်း သူနားလည်မည်မထင်။ Xiao Yan နားလည်ထားသည်ကား ဘယ်သူမေးမေး သူသည် ရန်ကုန်သား ကျော်ကျော်လွင်ဟု ပြောမည်သာ။

ထိုအတိုင်းဆိုပါက အဆိုတော် လင်းလင်းသည်လည်း သူ့ဇာတိ မန္တလေးအတွက်သာမက ယခု သူနေထိုင်ရာ ရန်ကုန် အတွက်လည်း နောက်ထပ် သီချင်းတစ်ပုဒ် ထပ်စပ်ရမည့်သဘော ရှိနေသည်။

ခက်ဇော်
The Voice

No comments:

Post a Comment