 |
| အတွင်းတိမ် ကုထုံးတခု စိုးရိမ်စရာတွေ ဖြစ်နေ |
အတွင်းတိမ် လို့ခေါ်တဲ့ မျက်စေ့တွင်းက မှန်ဘီလူး ရှေ့မှာ အဖြူရောင်တွေ ဖုံးအုပ်ကုန်လို့ မျက်စိ သိပ်မမြင်ရတဲ့ ရောဂါကို မြန်မာ့တိုင်းရင်းဆေးနည်းပညာ နည်းနဲ့ အပ်နဲ့ထိုး ကုသပေးတာ အောင်မြင်နေတဲ့ အကြောင်း ကုသပေးနေတဲ့သူ တယောက် ရဲ့ဆောင်ရွက်ချက်တွေ နဲ့အတူ နိုင်ငံပိုင် သတင်းစာတွေ ထဲမှာ ပြီးခဲ့တဲ့ သီတင်းပတ် အတွင်း က ရေးသား ဖော်ပြခဲ့ပါတယ်။
အဲဒီ နည်းပညာ ကို တိုင်းရင်းဆေးပညာ တက္ကသိုလ် ရဲ့ သင်ရိုးမှာလည်း ထည့်သွင်းနိုင်အောင် ကြိုးစားနေတယ် ဆိုတဲ့ သတင်းတွေ ထွက်ပေါ်နေပြီး ဒီအဖြစ်တွေ အပေါ် မျက်စိကု ကျန်းမာရေး ပညာရှင်များအကြား စိုးရိမ်မှုတွေ ထွက်ပေါ်လာခဲ့တာပါ။
မျက်စေ့အထူးကု ဆရာဝန် တယောက်ဖြစ်တဲ့ ဒေါက်တာ သိန်းမြင့် က အတွင်းတိမ်အဖြစ် မျက်စိ အတွင်းပိုင်း မှန်ဘီလူးပေါ်မှာ ဖုန်းနေတဲ့ အဖြူလွှာ ကို အပ်နဲ့ ဖြစ်စေ၊ စူးနဲ့ဖြစ်စေ ထိုးပြီး ဖယ်တဲ့နည်း က ၁၇ ရာစု လောက်ကတည်းက ကမ္ဘာ့ ကျန်းမာရေးပညာ မှာ မသုံးတော့တာ လို့ ဘီဘီစီ ကို ပြောပါတယ်။
ဒီနည်းဟာ မြန်မာ့ တိုင်းရင်းကျန်းမာရေးပညာ လည်း မဟုတ်တဲ့အပြင် ဒီနည်းနဲ့ အမြင်အာရုံ ကို ပြန်ရတယ် ဆိုတာမှာလည်း ပေအနည်းငယ် အကွာက မီးလိုအရောင်ကို ပြန်မြင် ရတာမျိုးက လွဲလို့ ဘာမှ မထူးခြားဖူးလို့ လည်း သူ ကပြောပါတယ်။
မျက်လုံးကို အပ်လို အရာနဲ့ ထိုးပြီး ကုသတာဟာ ရောဂါပိုးတွေ ဝင်ရောက်နိုင်တဲ့အတွက် အလွန်စိုးရိမ်စရာ ကောင်းတယ်လို့ မျက်စိအထူးကု ဆရာဝန်တွေ က ပြောပြကြပြီး ဒီ ကုထုံး တွေ မြန်မာပြည်မှာ ကျင့်သုံးနေကြတဲ့ အတွက် အထူးစိုးရိမ်စရာ တွေ ဖြစ်နေတယ်လို့ ပြောပါတယ်။
BBC Burmese
http://www.bbc.com/burmese
No comments:
Post a Comment