၁၄ နှစ်အရွယ် မိန်းကလေးအား မုဒိမ်းကျင့်သည့် ကျောင်းထိုင်ဘုန်းကြီးကို ဝိုင်းဝန်းဖမ်းဆီး
ရခိုင်ပြည်နယ်၊ မြေပုံမြို့နယ် ငမန်းရဲကြီးကျေးရွာက အသက် ၁၄ နှစ်အရွယ် မိန်းကလေးငယ်တဦးကို နိက္ခမကျောင်းထိုင်ဆရာတော်တပါးက မုဒိမ်းပြုကျင့်မှုတခု ဖြစ်ပွားခဲ့တယ်လို့ မြေပုံမြို့မ ရဲစခန်းက ပြောပါတယ်။
ဇွန်လ ၁၀ ရက်နေ့မှာ အဆိုပါ ကျောင်းထိုင်ဆရာတော်ဟာ ငမန်းရဲကြီးကျေးရွာက မိန်းကလေးငယ်ရဲ့ နေအိမ်ကို အလည်ရောက်ရှိလာပြီး နေအိမ်မှာ ဆွမ်းစားအပြီး ကလေးမလေးကို ဘုန်းကြီးက စအင်းကို အလည်လိုက်ဖို့ ခေါ်ဆောင်ခဲ့ကာ လမ်းမှာ မုဒိမ်းပြုကျင့်ခဲ့တာပါ။
ငမန်းရဲကြီး ကျေးရွာအလွန် ဘော်ကတက်စေတီဟောင်းအနီး နတ်စင်အောက်မှာ မိန်းကလေးငယ်ကို အဓမ္မပြုကျင့်ခဲ့တာလို့ မြေပုံမြို့မရဲစခန်းက ရဲအရာရှိတဦးဖြစ်တဲ့ အောင်လှက ဒီဗွီဘီကို ပြောပါတယ်။
“ဘုန်းကြီးက စအင်းကို အလည်လာတယ်။ အဲ့ဒီကလေးမလေးရဲ့အိမ်မှာ မနက်ဆွမ်းစားတယ်။ ဆွမ်းစားလို့ ပြီးတော့ ကလေးမလေးကို ဘုန်းကြီးနေထိုင်တဲ့ စအင်းကျေးရွာကို အလည်လိုက်ဖို့ ခေါ်တယ်။ အဲ့ဒါနဲ့ ကလေးမက အဲဒီ ဘုန်းကြီးနောက်ကလိုက်တယ်။ အဲဒီ ငမန်းရဲကြီးကျေးရွာ အလွန်ဘော်ကတက်စေတီပျက် အနားကို ရောက်တယ်။ အဲဒီမှာ နတ်စင်လည်း ရှိတယ်။ ကလေးမကို နတ်စင်အောက်မှ အဓမ္မမုဒိမ်းပြုကျင့်တယ်။ အဲဒီမှာ ရွာနားက လမ်းသွားလမ်းလာတဲ့သူတွေက မြင်သွားတယ်။ လူတွေ ဝိုင်းဖမ်းလို့ မြေပုံရဲစခန်းကို ခေါ်လာတာ။”
အမှုနဲ့ပတ်သက်လို့ ကျောင်းထိုင်ဘုန်းကြီးကို စစ်ဆေးတဲ့အခါမှာလည်း ကလေးမလေးကို နတ်စင်အောက်မှာ အဓမ္မတကြိမ် ပြုကျင့်ခဲ့ကြောင်း ဝန်ခံခဲ့တယ်လို့ ဆိုပါတယ်။
ဦးကဝိန္ဒ(ဦးဖြူစိန်ဦး) အသက် ၆၃ နှစ်ဟာ အသက်ကြီးပြီးမှ သာသနာ့ဘောင်ထဲကို ဝင်လာတာဖြစ်ပြီး အိမ်ခြေ ၁၀ ရှိတဲ့ စအင်းရွာသစ်မှာ ကျောင်းထိုင်ဘုန်းကြီး လုပ်နေတာ ဖြစ်ပါတယ်။
လက်ရှိအချိန်မှာ မြို့နယ်သံဃာ့နာယကအဖွဲ့က လာရောက်ပြီး ဦးဖြူစိန်ဦးကို လူဝတ်လဲထားကာ (ပ) ၇၃/၂၀၁၇ ရာဇသက်ကြီးပုဒ်မ ၃၇၆နဲ့ အဖွင့်အရေးယူထားတယ်လို့ မြေပုံရဲစခန်းက ပြောပါတယ်။
သတင်း၊ ဓာတ်ပုံ – ဝဏ္ဏခွာညို
DVB
No comments:
Post a Comment