Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, May 15, 2017

ဘူးသီးတောင်မြို့နယ်၌ ပေါက်ကွဲမှု ဖြစ်ပွားသောနေရာ၌ အလောင်း ၅ လောင်း တူးဖော်တွေ့ရှိ



မေ ၁၅၊ ၂၀၁၇

ဘူးသီးတောင်မြို့နယ် သဲနီကျေးရွာ၏ အနောက်ဖက် တောစပ်၌ မေ ၅ ရက် ညနေ၄ နာရီခွဲတွင်ပေါက်ကွဲမှုဖြစ်ပွားခဲ့ကြောင်းသိရသည်။

လုံခြုံရေးတပ်ဖွဲ့ဝင်များပါဝင်သောပူးပေါင်းအဖွဲ့သည် နယ်မြေလုံခြုံရေးအတွက်ကင်းလှည့်ဆောင်ရွက်ခဲ့ရာ မေ၇ ရက်မွန်းလွဲ ၁ နာရီခွဲတွင်ပေါက်ကွဲမှုဖြစ်ပွားခဲ့သော နေရာအားတွေ့ရှိခဲ့သည်။

အဆိုပါနေရာ တောစပ်ပတ်ဝန်းကျင်တွင် ယာယီတဲဆောက်လုပ်နေထိုင်ခဲ့သည့် နေရာ ၂ နေရာ၌ လက်လုပ်မိုင်းပြုလုပ်ရာတွင် အသုံးပြုသည့် ပစ္စည်းများနှင့်ယမ်းနံ့များရရှိသဖြင့် ပေါက်ကွဲမှုဖြစ်ပွားခဲ့သောနေရာမှန်ကန်ကြောင်းစစ်ဆေးသိရှိရ၍ သေဆုံးသူ၊ဒဏ်ရာရရှိသူများနှင့်ပါဝင်ပတ်သက်သူများအား ဆက်လက်စုံစမ်းခဲ့သည်။

လုံခြုံရေးတပ်ဖွဲ့ဝင်များသည် သတင်းအရ မေ ၁၃ ရက်ညနေပိုင်းတွင် သဲနီကျေးရွာ၏အနောက်မြောက်ဘက် တောင်ခြေရင်း၌ တူးဖော်စစ်ဆေးခဲ့ရာ ပြည်ပနိုင်ငံသား အလောင်း ၂ လောင်းနှင့်အတူ တင်းမေ ၃ ရပ်ကွက်နေ မော်လဝီ အဒူကော်ရိန်၊ ကျောင်းတောင် အလယ်ရွာနေ မော်လဝီယာဆိမ့် နှင့် စာကိုင်းကျေးရွာနေ ဇူပိုင် တို့ ၃ဦး အား တူးဖော်တွေ့ရှိခဲ့သဖြင့် ဘူးသီးတောင်ဆေးရုံသို့ပို့အပ်ခဲ့သည်။

ပေါက်ကွဲမှုဖြစ်စဉ်နှင့်ပတ်သက်၍ ဥပဒေ၊လုပ်ထုံး၊လုပ်နည်းများနှင့်အညီ အမှုဖွင့်အရေးယူနိုင်ရေးစီစဉ်လျက်ရှိကြောင်းသိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom