Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, May 27, 2017

မဘသ ဖျက်မဖျက်ကိစ္စ အဖွဲ့ဝင်တွေရဲ့ သဘောအတိုင်းဟုဆို

မဘသ (ဗဟို)ရဲ့ အဖွဲ့ဝင်တွေကို အထူးအသိပေးရှင်းလင်းပွဲ အခမ်းအနားကို မေလ ၂၇ ရက်နေ့ ကျင်းပစဉ်။ Photo: Aung Thain Kha/RFA
အမျိုး၊ ဘာသာသာသနာ ကာကွယ်စောင့်ရှောက်ရေးအဖွဲ့ မဘသ ကို ဖျက်သိမ်းရေး၊ မဖျက်သိမ်းရေးနဲ့ နာမည်ပြောင်းဖို့ ကိစ္စတွေဟာ အဖွဲ့ဝင်တွေရဲ့ သဘောအတိုင်းသာ ဖြစ်တယ်လို့ မဘသအဖွဲ့ ဒုဥက္ကဌ ဆရာတော် ဘဒ္ဒန္တ သီလက္ခန္ဓာ ဘိဝံသ က မ်ိန့်ကြားပါတယ်။

ဒီကနေ့ အမျိုး၊ ဘာသာသာသနာ ကာကွယ်စောင့်ရှောက်ရေးအဖွဲ့ (ဗဟို)က ပြုလုပ်တဲ့ အဖွဲ့ဝင်တွေကို အထူး အသိပေး ရှင်းလင်းပွဲ အခမ်းအနားမှာ ဆရာတော် ဘဒ္ဒန္တသီလက္ခန္ဓာ ဘိဝံသ က အဲဒီလို မိန့်ကြားလိုက် တာ ဖြစ်ပါတယ်။

မဘသ အဖွဲ့ဆိုင်းဘုတ်တွေ ဖျက်သိမ်းဖို့နဲ့ အဲဒီနာမည်ခံပြီး လှုပ်ရှားမှုတွေ မလုပ်ဖို့အတွက် နိုင်ငံတော် သံဃာ့မဟာ နာယကအဖွဲ့က ပြီးခဲ့တဲ့ မေလ ၂၃ ရက်နေ့က ထုတ်ပြန်ခဲ့တာဖြစ်ပါတယ်။

အဲဒီ ထုတ်ပြန်ချက်ကြောင့် မေလ ၂၇ ရက်နေ့မှာ ကျင်းပဖို့ စီစဉ်ထားတဲ့  မဘသ အဖွဲ့ ၄ နှစ်ပြည့် ညီလာခံကို မကျင်းပနိုင်တော့ဘဲ အထူးအသိပေးရှင်းလင်းပွဲဆိုပြီး ကျင်းပခဲ့တာဖြစ်ပါတယ်။

ဒီကနေ့ အခမ်းအနားကို မြန်မာတစ်နိုင်ငံလုံးမှာရှိတဲ့ အမျိုးဘာသာသာသနာ စောင့်ရှောက်ရေး မဘသ အဖွဲ့ဝင် သံဃာတော် ၂ ထောင်ကျော်၊ သီလရှင်တွေနဲ့ လူအင်အား ၃ ထောင်ကျော် တက်ရောက်ခဲ့ပါတယ်။

အမျိုးဘာသာသာသနာ စောင့်ရှောက်ရေး မဘသ (ဗဟို)ရဲ့ အဖွဲ့ဝင်တွေကို အထူးအသိပေးရှင်းလင်းပွဲ အခမ်းအနားကို မေလ ၂၇ ရက်နေ့ကနေစပြီး မနက်ဖြန်အထိ ၂ ရက်တာ ကျင်းပသွားမှာဖြစ်ပါတယ်။

RFA Burmese
http://www.rfa.org/burmese

No comments:

Post a Comment