နောက်တနေ့မှာ သူ့လုပ်ရပ်မှားသွားပြီဆိုတာကို သိလို့ အရမ်းဝမ်းနည်းသွားတယ်။ စိတ်ထဲမှာ ဆောက်တည်ရာမရ ဖြစ်နေလို့ ရွာဦးက ဘုန်းကြီးကျောင်းကို သွားပြီး သူစိတ်မကောင်းဖြစ်နေတာကို ဘယ်လိုဖြေဖျောက်ရမလဲလို့ ဆရာတော်ကို လျှောက်တယ်။ ဆရာတော်က သူ့ကို နောက်တနေ့မနက်မှာ ကြက်မွှေးတွေကို ဆာလာအိတ်တစ်လုံးအပြည့် ထည့်ယူလာပြီး မြို့လယ်ခေါင်ကို လာဖို့ပြောလိုက်တယ်။
နောက်တနေ့မနက်မှာ သူ မြို့လယ်ကို ရောက်သွားတော့ ဆရာတော်က ဆာလာအိတ်ထဲက ကြက်မွှေးတွေကို လမ်းမပေါ်မှာ သွန်ချခဲ့ပြီး အိမ်ကို ပြန်တော့၊ နောက်နေ့မနက်မှာ ဆလာအိတ်လွတ် ယူပြီး ပြန်လာခဲ့လို့ ပြောလိုက်တယ်။ သူလည်း ဆရာတော် ပြောတဲ့အတိုင်း အိမ်ပြန်လာတယ်။
နောက်နေ့မနက်မှာ သူဟာ မြို့လယ်ကို ပြန်လာတယ်။ စောင့်နေတဲ့ ဆရာတော်က သူ့ကို မနေ့က လမ်းပေါ်မှာ သွန်ချထားခဲ့တဲ့ ကြက်မွှေးတွေကို ဆာလာအိတ်ထဲ ပြန်ကောက်ထည့်ပြီး ဘုန်းကြီးကျောင်းကို ညနေကျရင် လာခဲ့လို့ ပြောပြီး ထွက်သွားတယ်။
သူလည်း မနေ့က သွန်ပစ်ခဲ့တဲ့ ကြက်မွှေးတွေကို လိုက်ကောက်ဖို့ လုပ်တယ်။ ဒါပေမဲ့ ကြက်မွှေးတွေဟာ တနေ့လုံး တညလုံး လေတိုက်လို့ လွင့်ပျံကုန်ပြီ။ သူလည်း တနေကုန် အပင်ပန်းခံပြီး ကြက်မွှေးတွေကို လိုက်ရှာတာ တစ်မွှေးတောင် ပြန်မတွေ့တော့ဘူး။
သူလည်း စိတ်ညစ်ညစ်နဲ့ ဘုန်းကြီးကျောငိးကို ပြန်လာတယ်။ ကြက်မွှေးတွေကို ဆာလာအိတ်နဲ့ ထည့်ယူလာဖို့နေနေသာသာ တစ်မွှေးမှတောင် ပြန်မတွေ့ရတော့ပါဘူးလို့ ဆရာတော်ကို လျှောက်တယ်။ ဆရာတော်က သူ့ကို ခုလို မိန့်တော်မူလိုက်တယ်။
- "တကာကြီး၊ မင်းဟာ ကြက်မွှေးတွေကို သွန်ချခဲ့သလို မင်းရဲ့အိမ်နီးချင်းအကြောင်း မမှန်တဲ့စကားတွေကို လျှောက်ပြောလိုက်တယ်။ အခု မင်းဟာ မှားမှန်းသိတော့ အဲဒီစကားတွေကို ပြန်ရုပ်သိမ်းချင်တယ်။ ဒါပေမဲ့ စကားတွေဟာလည်း ကြက်မွှေးတွေလိုပဲ လေထဲမှာ လွင့်ပျံပျောက်ကွယ်သွားပြီ။ ဘယ်လိုမှ ပြန်ယူလို့ မရတော့ဘူး။ ဒါကြောင့် နောင်ကို မဟုတ်မမှန်တဲ့ စကားပြောမယ်ဆိုရင် ကောင်းကောင်း သတိထားပါ" တဲ့။
ထို့နည်းတူပဲ ဖေ့ဘုတ်မှာ စာရေးရင် ဆဲတာရေးရင် သတိကြီးကြီးထားပါ။ ပြန်သိမ်းယူလို့ မရဘူးနော်။
ဗန်းမော်သိန်းဖေ
No comments:
Post a Comment