Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, April 28, 2017

အင်းစိန်ထောင်အတွင်းမှ ဂန္တ၀င်လူမိုက်ကြီးများ အပိုင်း (၁၁) -ဇော်သက်ထွေး


လောကကြီးမှာ ဘာကိုမှ အကြောက်အလန့်မရှိတဲ့ ဂန္တ၀င်လူမိုက်ကြီးတွေက အင်းစိန်ထောင်ထဲမှာ အသားကုန် ဆိုးမိုက်ပြတဲ့အချိန်မှာ “မင်းတို့မိုက်တယ်ဆိုတာ ငါတို့အိပ်နေသလောက်ရှိတယ်” ဆိုပြီး သက်သေပြလိုက်တဲ့ သူတွေကတော့ နိုင်ငံရေးအကျဉ်းသားတွေ ဖြစ်ပါတယ်။ နိုင်ကျဉ်းတွေက ၁၉၉၀ စက်တင်ဘာလ ၁၈ ရက်နေ့မှာ အကျဉ်းထောင်အာဏာပိုင်တွေကို တောင်းဆိုချက် (၅) ချက် တောင်းဆိုလိုက်ပြီး တကယ်လို့ မလိုက်လျောဘူးဆိုရင် အစာငတ်ခံ ဆန္ဒပြမယ်လို့ ခြိမ်းခြောက်လိုက်ပါတယ်။ သူတို့ရဲ့ တောင်းဆိုချက် (၅) ချက်ကတော့
(၁) ၁၉၉၀ အထွေထွေ ရွေးကောက်ပွဲမှ အနိုင်ရပါတီကို အမြန်ဆုံးအာဏာလွှဲပြောင်းရေး၊
(၂) အကျဉ်းထောင်ထဲတွင် ထိန်းသိမ်းထားသော နိုင်ငံရေးအကျဉ်းသားအားလုံးကို လွှတ်ပေးရေး၊
(၃) နိုင်ငံရေးအကျဉ်းသားများကို ထောင်ထဲ၌သီးသန့်ထားရှိရေး၊
(၄) ထောင်ဝင်စာ လွတ်လပ်ခွင့်အပြည့်အ၀ပေးရေး၊
(၅) နိုင်ငံတော်မှ တရားဝင်ထုတ်ဝေခွင့်ပြုထားသော သတင်းစာ၊ ဂျာနယ်၊ မဂ္ဂဇင်းနှင့် ဘာသာရေး စာအုပ်များကို အကျဉ်းသားတိုင်း ဖတ်ရှုခွင့်ရရှိရေးတို့ ဖြစ်ပါတယ်။

၁၉၈၈ စက်တင်ဘာလ ၁၈ ရက်နေ့မှာ တပ်မတော်က အာဏာသိမ်းလိုက်ပြီးတဲ့နောက် ပါတီစုံ အထွေထွေရွေးကောက်ပွဲကို ၁၉၉၀ မေလ ၂၇ ရက်နေ့မှာ ကျင်းပခဲ့ပါတယ်။ ဒီရွေးကောက်ပွဲမှာ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်က သောင်ပြိုကမ်းပြို အနိုင်ရရှိခဲ့သော်လည်းပဲ န၀တအစိုးရက အာဏာလွှဲပြောင်းဖို့ နှောင့်နှေးခဲ့ပါတယ်။ ဒီအခြေအနေကို မကျေနပ်လို့ ဆန္ဒပြတဲ့ နိုင်ငံရေးတက်ကြွလှုပ်ရှားသူ အများအပြားကိုလည်း ပုဒ်မမျိုးစုံနဲ့ ထောင်သွင်းအကျဉ်းချထားခဲ့ပါတယ်။ အစိုးရရဲ့ ကတိပျက်ကွက်မှုကြောင့် နိုင်ငံတကာက မြန်မာနိုင်ငံရေးကို အာရုံစိုက်လာဖို့အတွက် နိုင်ငံရေး ထောင်တွင်းတိုက်ပွဲတစ်ခုလုပ်ဖို့ ဆုံးဖြတ်လိုက်ပါတယ်။ ဘယ်လိုပုံစံနဲ့ ထောင်တွင်းတိုက်ပွဲတစ်ခု ဖော်ဆောင်မလဲလို့ ဆွေးနွေးကြရင်း န၀တအစိုးရကို အစာငတ်ခံဆန္ဒပြပြီး တောင်းဆိုချက်(၅)ချက် တောင်းဖို့ သဘောတူလိုက်ကြပါတယ်။ ဒါပေမဲ့ အစာငတ်ခံဆန္ဒပြဖို့ အကန့်အသတ်မဲ့ တိုက်မယ့်အဖွဲ့နဲ့ အကန့်အသတ်နဲ့ တိုက်မယ့်အဖွဲ့ဆိုပြီး နှစ်ပိုင်းကွဲသွားပါတယ်။ မြန်မာ့နိုင်ငံရေးသမိုင်းမှာ ကိုကိုးကျွန်း အစာငတ်ခံဆန္ဒပြပွဲမှာ လူရှစ်ယောက် စတေးခဲ့ရပေမယ့် မဆလအစိုးရဟာ ကျွန်းစနစ်ကို ဖျက်သိမ်းပေးခဲ့ရတဲ့ သမိုင်းမှတ်တမ်းရှိနေတဲ့အတွက် တချို့နိုင်ကျဉ်းတွေက မအောင်မြင်မချင်း အစာငတ်ခံဖို့ စိတ်အားထက်သန်နေပါတယ်။ ဒါဟာ အသက်သေသည်အထိ တိုက်ပွဲဝင်ရမှာဖြစ်လို့ တချို့ နိုင်ကျဉ်းတွေကတော့ အကန့်အသတ် တစ်ခုနဲ့ပဲ ဆန္ဒပြစေချင်တာ ဖြစ်ပါတယ်။

စက်တင်ဘာ ၁၈ ရက်နေ့မှာ Hunger Strike တိုက်ပွဲ စတင်ဖို့ အချက်ပေးလိုက်သူက ဆက်အောင်နိုင်ပဲ ဖြစ်ပါတယ်။ ဆက်အောင်နိုင်ဟာ ၁၉၆၂ ဗကသကျောင်းသားခေါင်းဆောင် ဦးလှရွှေရဲ့သားဖြစ်ပြီး သားအဖနှစ်ယောက်လုံး ထောင်ကျနေပါတယ်။ ဦးလှရွှေက မန္တလေး အိုးဘိုထောင်မှာကျနေတဲ့အတွက် မန္တလေးနဲ့ ရန်ကုန် တစ်ပြိုင်နက်တည်း ချိတ်ဆက်ဆန္ဒပြဖို့ ထောင်ဝင်စာကတစ်ဆင့် ထောင်ဝါဒါတွေ မရိပ်မိအောင်ချိတ်ဆက်ရပါတယ်။ ဆက်အောင်နိုင်ထောင်ဝင်စာက အပြန်မှာတော့ ဖခင်ဖြစ်သူ ပြောလိုက်တဲ့ လျှို့ဝှက်သင်္ကေတကို သယ်ဆောင်လာပါတယ်။ အဲဒီစကားကတော့ “ပန်းတိုင်း ပွင့်နိုင်ပြီ” ဆိုတာပါပဲ။ ဒါကြောင့် အစာငတ်ခံဆန္ဒပြမယ့် ၅ (ည)တွေဟာ လုပ်သားမောင် ၀မ်းနုတ်ဆေးကို ကြိုတင်သွင်းပြီး စုဆောင်းထားတယ်။ ကြိုတင် သတင်းရထားတဲ့ထောင်က လုပ်သားမောင်ဆေးတွေကို သိမ်းတော့ ပုန်းရည်ကြီးတွေနဲ့ရောပြီး သွင်းရတယ်။ အစာငတ်ခံဆန္ဒပြမယ့်နေ့မှာ ကျောင်းသားတွေက ကိုကိုးကျွန်းရဲ့ အတွေ့အကြုံကို ယူပြီး အစာအ၀စားကာ ၀မ်းနုတ်ထားလိုက်တယ်။

အစာငတ်ခံဆန္ဒပြဖို့ နိုင်ငံရေးအကျဉ်းသားတွေ ပြုလုပ်လိုက်တဲ့အတွက် ပြည်ထဲရေးဝန်ကြီးဌာနနဲ့ အကျဉ်းထောင် အာဏာပိုင်တွေကို အတော်တုန်လှုပ်သွားစေခဲ့ပါတယ်။ ထောင်ထဲက Hunger Strike ကို အပြင်က သိစေနိုင်ဖို့အတွက် နောက်ချန် သတင်းပြန်ကြားတာဝန်ခံကို မရမ်းကုန်းက ဦးခင်မောင်ညွန့်နဲ့ ကိုလှဟန်ကို ရွေးချယ်ထားခဲ့ကြတယ်။ အဲဒီအချိန်က အကျဉ်းဦးစီးဌာန ညွှန်ကြားရေးမှူးချုပ်ဟာ ဦးခင်မောင်လတ်ဖြစ်ပြီး အင်းစိန်ထောင်ပိုင်ကြီးကတော့ ဦးဘိုကြည်ဖြစ်ပါတယ်။ ထောင်ပိုင် ဦးဘိုကြည်ကို နိုင်ငံရေးအကျဉ်းသားတချို့က သူတို့ကို ရိုးရိုး ရာဇ၀တ်သားတွေနဲ့ ရောမထားဘဲ သီးသန့်ထားဖို့ တောင်းဆိုခဲ့တဲ့အတွက် ပြစ်ဒဏ်တိုက်ဖြစ်တဲ့ စစ်ခွေးတိုက်မှာ အဲဒီအချိန်က နိုင်ငံရေးအကျဉ်းသားတွေကို စုပြီး လွတ်လွတ်လပ်လပ် ထားပေးပါတယ်။ Hunger Strike စတဲ့ အချိန်ရောက်တော့ စစ်ခွေးတိုက်က နိုင်ကျဉ်းအုပ်စုတွေ မပါလောက်ဘူးလို့ ဦးဘိုကြည်က အပိုင်တွက်ထားခဲ့ပါတယ်။ ဒါပေမဲ့ စစ်ခွေးတိုက်အုပ်စု အပါအ၀င် အဆောင်က နိုင်ကျဉ်းတွေရော တိုက်ထဲကသူတွေရော ပါလာတဲ့အတွက် အတော် ဦးနှောက်ခြောက်သွားကြရပါတယ်။ သတင်းတွေကို အမှောင်ချဖို့ကြိုးစားပေမယ့် ဦးခင်မောင်ညွန့်က ထောင်ဝင်စာမှာ သမီးဖြစ်သူ ချယ်ရီကို ထောင်ထဲမှာ နိုင်ငံရေးသမားတွေ အစာငတ်ခံ ဆန္ဒပြနေပြီဖြစ်ကြောင်း သတင်းပေးလိုက်နိုင်ပါတယ်။ ငိုအားထက် ရယ်အားသန် ဆိုသလို ဦးခင်မောင်ညွန့်သမီးက တခြား နိုင်ကျဉ်းတွေ အစာငတ်ခံနေတဲ့အချိန်မို့ လိပ်ပြာမသန့်တဲ့အတွက် ဖခင်ဖြစ်သူကို ထောင်ဝင်စာထုပ်မပေးဘဲ ပြန်ယူသွားတာကလည်း မှတ်တမ်းတစ်ခုအဖြစ် ကျန်ရစ်ခဲ့ပါတယ်။ Hunger Strike ဟာ တစ်ထောင်လုံးကို ပြန့်သွားပြီးတဲ့နောက် အကျဉ်းထောင်အရာရှိတွေဟာ လုပ်နေကျထုံးစံအတိုင်း အုပ်စုတွေခွဲပြီး စည်းရုံးခဲ့ပါတယ်။ တောင်းဆိုမှု (၅)ခုအနက် အနိုင်ရပါတီကို အာဏာလွှဲပေးရေးနဲ့ နိုင်ငံရေးအကျဉ်းသားအားလုံး လွတ်မြောက်ရေးကို လုပ်ပေးနိုင်တဲ့ အခွင့်အာဏာမရှိကြောင်း အသိပေးပြီး ကျန်တောင်းဆိုချက်သုံးခုကို လိုက်လျောမယ်လို့ ကမ်းလှမ်းခဲ့ပါတယ်။ ဒီအချိန်မှာ Hunger Strike ၀င်တဲ့ နိုင်ကျဉ်းတချို့က သဘောတူပြီး ဒီတိုက်ပွဲကိုရပ်ဖို့ လုပ်ပါတယ်။ ဦးဘိုကြည်က သဘောမတူတဲ့လူ ရှိသေးလားလို့ မေးတဲ့အခါမှာတော့ ဆက်အောင်နိုင်က မတ်တတ်ရပ်ပြီး “ရှိပါတယ်၊ Hunger Strike ကို ဆက်လုပ်မယ်” လို့ ပြန်ပြောပါတယ်။ ဆက်အောင်နိုင် မတ်တတ်ရပ်ပြီးတဲ့နောက်မှာတော့ ဒီတိုက်ပွဲက ထွက်မယ့်သူ အတော်များများဟာ အားလုံးမတ်တတ်ရပ်ပြီး ဆက်အောင်နိုင်နဲ့အတူ ဆက်လက်တိုက်ပွဲဝင်ဖို့ တစ်သားတည်း ရပ်တည်ခဲ့ပါတယ်။ ဒီနောက်မှာတော့ တိုက်ပွဲဟာ ပိုပြီးကြမ်း တမ်းလာခဲ့ပါတယ်။ တစ်ထောင်လုံးကို Hunger Strike ပြန့်သွား ပြီးတဲ့နောက် လူတွေကို အကုန်ခွဲထုတ်လိုက်ပါတယ်။ ဦးဘိုကြည်က အဆောင်ကလူတွေကို ပထမဦးဆုံး ခွဲထုတ်ပြီး သဘောထား တင်းမာတဲ့သူတွေကို တိုက်ထဲထည့်လိုက်ပါတယ်။ စက်တင်ဘာ ၁၉၊ ၂၀၊ ၂၁ အထိ အားလုံး တောင့်ခံနေတဲ့အတွက် အင်းစိန်ထောင်ဆရာဝန်ကြီးရဲ့ အမိန့်နဲ့ အားလုံးကို ရေဖြတ်လိုက်ပါတယ်။ ရေမသောက်ရတဲ့အချိန်မှာတော့ အချို့သူတွေဟာ အားပြတ်ပြီး လဲကုန်ကြပါတယ်။ မှတ်မှတ်ရရ ထောင်က စစ်ခွေးတိုက်မှာ ရေအိုးတွေခွဲပြီး ရေဖြတ်လိုက်တဲ့အချိန် ည ၁ နာရီလောက်ရောက်တော့ မိုးရွာလာတယ်။ စစ်ခွေးတိုက်ရဲ့ အခန်းတွေရဲ့ နောက်ကျောဘက်မှာ တစ်ပေပတ်လည် လေ၀င်ပေါက်လေးတွေ ရှိတယ်။ တိုက်ရဲ့နောက်ကျောဘက်မှာက ငှက်ပျောပင်တွေ စိုက်ထားတယ်။ ရေငတ်နေတဲ့ ကျောင်းသားအချို့က ဒီအခြေအနေမှာ ရေသောက်ရဖို့ စိတ်ကူးတစ်ခုရတယ်။ အဲဒါကတော့ ပါလာတဲ့ဘာဘူစောင်ကို ဖြဲပြီး အခန်းထဲက ဗလအတောင့်ဆုံးလူရဲ့ ပခုံးပေါ်တက်ပြီး လေ၀င်ပေါက်ကနေ ငှက်ပျောပင်ပေါ်မှာ တင်နေတဲ့ရေကို စောင်အစနဲ့ ဆွဲယူတယ်။ ဘာဘူစောင်ဆိုတော့ ရေစုပ်အားကောင်းတယ်။ ရေ၀သွားတဲ့အခါမှ စောင်စကို ပြန်ဆွဲပြီး လက်နဲ့ညှစ်ပြီး တစ်ယောက်ချင်း သောက်ကြရတယ်။ အခု နှစ်ပေါင်း ၃၀ နီးပါး ကြာတဲ့အခါ သူတို့ကို ပြန်မေးကြည့်လိုက်တော့ အဲဒီတုန်းက သောက်ခဲ့ရတဲ့ ရေတစ်စက်ကို အခုထိ မမေ့သေးဘူးတဲ့။ ကံဆိုးချင်တော့ မိုးက အဲဒီညကပဲ ရွာပြီး ရပ်သွားတယ်။ နောက်နေ့ကျတော့ အစာငတ်ခံ ဆန္ဒပြတဲ့သူတွေ ရေဓာတ်ခန်း ခြောက်ပြီး အကုန်လဲကုန်တယ်။

အခြေအနေ ဆိုးတဲ့သူတွေကို ကပ်တွေနဲ့ ဆေးရုံခေါ်သွားပြီး ဆေးရုံမှာ drip ချိတ်ဖို့ တစ်ခါတည်း ပြင်ဆင်ထားပါတယ်။ ခုနစ်ရက်မြောက်နေ့မှာတော့ ဆေးရုံမှာ အစာငတ်ခံတဲ့ လူနာတွေ များပြားလာပြီး နောက်ဆုံး လေးဦးသာ ကျန်ပါတော့တယ်။

ဒီအချိန်မှာ အကျဉ်းထောင်ရဲ့ လုပ်ရပ်တွေကို သည်းမခံနိုင်တဲ့ တိုက်ထဲက နိုင်ငံရေးအကျဉ်းသားတွေဟာ နိုင်ငံရေးတောင်းဆိုမှုတွေကို အော်ဟစ်ကြွေးကြော် တောင်းဆိုကြပါတယ်။ ဒီအသံတွေဟာ ထောင်အပြင်ဘက်က လူနေရပ်ကွက်တွေ ကြားသွားနိုင်တာကြောင့် ၀ါဒါတွေက အင်းစိန်ထောင်ရဲ့ ဘူးတံခါးအပေါ်ထပ်က နေ “စာဥ” သီချင်းကို လော်စပီကာနဲ့ ဖွင့်ထားပြီး တိုက်ထဲက လူတွေကို ဂန်းပိုက်တွေနဲ့ ၀င်စီးပြီး ရိုက်နှက်ခဲ့ပါတယ်။ ဒါကြောင့် တိုက်ထဲက ငရဲတမျှဆူပွက်နေတဲ့ အော်သံဟစ်သံတွေဟာ အင်းစိန် ထောင်အပြင်ဘက်ကို လုံးဝ ရောက်ရှိလာခဲ့ခြင်း မရှိပါဘူး။

အစာငတ်ခံဆန္ဒပြပွဲ ပြီးသွားတဲ့နောက်မှာတော့ နိုင်ကျဉ်းတွေကို လူစုခွဲပြီး အဆောင်တွေမှာ နေရာချထားပေးခဲ့ပါတယ်။ ထောင်အာဏာပိုင်တွေက နိုင်ကျဉ်းတွေကို ဦးကျိုးသွားပြီအထင်နဲ့ အဆောင်မှာ အလုပ်လေဘာ ချထားခဲ့ပါတယ်။ လုပ်ရတဲ့အလုပ်ကတော့ တောင်ယာ စိုက်ပျိုးရေးဖြစ်ပြီး အကျဉ်းသားတွေ နေ့စဉ်စွန့်ပစ်နေတဲ့ အညစ်အကြေးတွေနဲ့ ရေဆိုးရေညစ်တွေကို ကျင်းကြီးတွေနဲ့ စုထားပြီး သစ်ပင်တွေကို လောင်းရတာဖြစ်ပါတယ်။ နိုင်ငံရေးအကျဉ်းသားတွေက ဒီအလုပ်ကို လုပ်ပေမယ့် တောင်ယာက သီးလာတဲ့ အသီးအနှံတွေကို စားသုံးခွင့်မပေးတဲ့အတွက် ကျေနပ်မှုမရှိဘူး။ Hunger Strikeက အနာကလည်း ရှိနေပြန်တယ်။

ဒါကြောင့် အင်းစိန်ထောင် (၄) ဆောင်မှာရှိတဲ့ သင်္ချာဂုဏ်ထူးတန်းကျောင်းသား ကျော်ကျော်သိန်း (ယခု VOA) နဲ့ နိုင်ငံရေး အကျဉ်းသား စုစုပေါင်း ၄၂ ယောက်က ထောင်ကခိုင်းတဲ့အလုပ်ကို မလုပ်နိုင်တော့ဘူးဆိုပြီး Labour Strike ကို စတင်လိုက်ပြန်ပါတော့တယ်။ ဒီအချိန်မှာတော့ ထောင်က နိုင်ငံရေးသမားတွေကိုရိုက်ဖို့ လက်ရဲဇက်ရဲ ရှိသွားတဲ့အတွက် ၄၂ ယောက်လုံးကို ပြစ်ဒဏ်နဲ့ စစ်ခွေးတိုက် ပို့လိုက်ပါတယ်။ ပြစ်ဒဏ်နဲ့ သွားရတဲ့အတွက် စစ်ခွေးဝင်းထဲကို ၀င်ကတည်းက အုတ်ခဲကျိုးတွေပေါ်မှာ လေးဘက်တွားပြီး သွားရပါတယ်။ နှေးကွေးနေရင် နောက်ကနေ ၀ါဒါတွေက “ဂန်း” ပိုက်နဲ့ ရိုက်ပါတယ်။ စစ်ခွေးတွေက အခန်းထဲကို ရောက်တဲ့အထိ ဟောင်လိုက် ကိုက်လိုက်လုပ်ပါတယ်။ စစ်ခွေးရောက်လာတဲ့ Labour Strike သမားတွေကို ပုံစံပေးဖို့ ထောင်က တာဝန်ပေးခံရတဲ့သူကတော့ ဗိုလ်ကံလို့ခေါ်တဲ့ တပ်ကြပ်ကြီးကံညွန့် ဖြစ်ပါတယ်။ တပ်ကြပ်ကြီးကံညွန့်က နိုင်ကျဉ်းအားလုံးကို ခွေးဝပ်နဲ့ ပုံစံကြီး နှစ်မျိုး ထိုင်ခိုင်းပါတယ်။ ခွေးဝပ်ဆိုတာကတော့ ခြေထောက် ဒေါက်ခတ်ထားတဲ့သူကို လက်နှစ်ချောင်း ရှေ့ပစ်ဒူးထောက်ပြီး ဖင်ပူးတောင်း ထောင်ခိုင်းထားတာပါ။ ဒါကို ငါးမိနစ်ကြာအောင် လုပ်ရတာနဲ့ လူတစ်ကိုယ်လုံးတုန်ပြီး ချွေးတွေစိုရွှဲလာပါတယ်။ ပုံစံကြီးဆိုတာကတော့ ခေါင်းပေါ်ကို လက်တင်ထားပြီး ခြေထောက် နှစ်ချောင်းကို တင်ပါးပေါ် ထောက်ပြီး ထိုင်ခိုင်းထားတာပါ။ ပုံစံကြီးကလည်း သုံးလေးငါးမိနစ်ထက် ကြာရင် လူတစ်ကိုယ်လုံး ပစ်ကျသွားတတ်ပါတယ်။ ဗိုလ်ကံက ပုံစံကြီးလို့ အော်လိုက်ရင် အခန်းတိုင်းမှာ ခြေကျင်းသံတွေ နရီစည်းကျ တချွင်ချွင်မြည်သွားပြီး တညီတညွတ်တည်း ထိုင်ထားရပါတယ်။ အတန်ကြာမှ ဗိုလ်ကံက လာကြည့်ပြီး ပုံစံကြီးထိုင်တဲ့ အကျဉ်းသားတွေရှေ့က ချွေးကွက်ကို လာစစ်ဆေးပါတယ်။ ချွေးကွက် အကြီးကြီးတွေ့ရင် အေးစေပေးပြီး ချွေးကွက်မတွေ့တဲ့ အကျဉ်းသားကတော့ အရိုက်ခံရပါတယ်။ Labour Strikeနဲ့ စစ်ခွေးတိုက်ကို ရောက်လာတဲ့ နိုင်ငံရေး အကျဉ်းသားတွေကို စိတ်ဓာတ်ပိုင်းဆိုင်ရာ စစ်ဆင်ရေးကို အင်းစိန်ထောင်က ဆက်လုပ်ပါတယ်။ စစ်ခွေးတိုက်မှာ အထူးလုံခြုံရေးယူထားတဲ့ ၀န်ထမ်းတွေက အခန်းရှေ့မှာ ကွပ်ပျစ်ခင်း ကင်းစောင့်ပြီး အချင်းချင်း ရေသောက်ကြေး ကျားထိုးကြတယ်။ ရှုံးတဲ့လူက ဘေးမှာချထားတဲ့ သောက်ရေအိုးထဲက ရေတစ်ခွက် အပြည့်ခပ်ပြီး ကုန်အောင်သောက်ပြရတယ်။ ဒီမြင်ကွင်းက အစာမစား ရေမသောက်ဘဲ ဆန္ဒပြနေတဲ့ နိုင်ကျဉ်းတွေကို စိတ်ဒုက္ခပေးခြင်းတစ်ခုပါပဲ။ နောက်တစ်ခုကတော့ စစ်ခွေးတိုက်မှာပဲ ခွေးတွေကို နေ့စဉ်ကျွေးတဲ့ အမဲသား Quota တွေထဲကနေ တချို့ကို မဆလာနိုင်းချင်းနဲ့ချက်ပြီး တာဝန်ကျ ၀န်ထမ်းတွေကို ဝေပေးတာပါပဲ။ မဆလာနံ့ သင်းနေတဲ့ အမဲသားရဲ့ အနံ့ဟာ အစာငတ်ခံ ဆန္ဒပြနေတဲ့ ကျောင်းသားတွေကို ယိမ်းယိုင်သွားအောင် လုပ်ခဲ့တယ်။

ဒီလို နိုင်ကျဉ်းတွေကို စိတ်ပိုင်း ရုပ်ပိုင်း ဖြိုခွဲဖို့အတွက် ဗိုလ်ကံရဲ့ ဘယ်လက်ရုံး၊ ညာလက်ရုံး နှစ်ယောက်ကတော့ ဂန္တ၀င်လူမိုက်ကြီး ကျော်သူနဲ့ တင်ဟန်တို့ ဖြစ်ပါတယ်။ ကျော်သူက ပြစ်ဒဏ်နဲ့ ရောက်လာတဲ့ နိုင်ငံရေးသမားတွေကို ပုံစံပေးဖို့အတွက် စိတ်မပါလှဘူး။ ဒါပေမဲ့ စစ်ခွေးတိုက်ရဲ့ အာဏာပိုင် တပ်ကြပ်ကြီး ဗိုလ်ကံက ကျော်သူ့ကို “မင်း သူတို့ကို ရိုက်မလား၊ မင်းမလုပ်ဘူးဆိုရင် မင်းပြန်ခံမလား၊ ဒီ နှစ်လမ်းထဲက တစ်လမ်းကိုရွေး” လို့ အမိန့်ပေးလိုက်တယ်။ ဒီစကားဟာ ကျော်သူ့ဘ၀အတွက် အလှည့်အပြောင်းတစ်ခုပါပဲ။

တစ်ချိန်က အဆောင်မှာ နိုင်ငံရေးသမားတွေနဲ့ သင့်မြတ်အောင် ပေါင်းသင်းနေထိုင်ခဲ့တဲ့ ကျော်သူဟာ စစ်ခွေးတိုက်မှာ သူရဲ့ အသက်ရှင်ရပ်တည်ရေးအတွက် တပ်ကြပ်ကြီး ဗိုလ်ကံ ခိုင်းတဲ့အတိုင်း လုပ်မလား၊ ဒါမှ မဟုတ် မတရားတဲ့အမိန့်အာဏာတွေကိုဖီဆန်ဖို့ အစာငတ်ခံဆန္ဒပြနေတဲ့ နိုင်ငံရေးသမားတွေကို ကူညီစောင့်ရှောက်မလား။ လူမိုက်တွေရဲ့ထုံးစံအတိုင်း ကိုယ့်အတွက်ကိုယ်ကြည့်တတ်တဲ့ “ငတေ” သမားအဖြစ် မှတ်တမ်းရေးထိုးမလား။
ပွဲကတော့ အတော်ကြည့် ကောင်းလာပါပြီ ...။
(ဆက်လက်ဖော်ပြပါမည်)
ဇော်သက်ထွေး
http://www.tomorrow.com.mm/?q=articles/3417
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၁)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၂)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၃) - 
  • No comments:

    Post a Comment