နိရဉ္စရာ၊ ဇန်န၀ါရီ ၄
မြန်မာနိုင်ငံနှင့် နယ်စပ်ချင်း ထိစပ်နေသော ဘင်္ဂလာဒေ့ရှ် နိုင်ငံ ကော့စ်ဘဇား ( ရခိုင်အခေါ် ဖလောင်းချိတ်)တွင် လုပ်သေနတ် အများအပြား အပါအ၀င် သေနတ်လုပ်ရာတွင် အသုံးပြုသော ပစ္စည်းများနှင့် အတူ လူနှစ်ဦးကို ယနေ့တွင် ဖမ်းမိသည်ဟု သိရသည်။
ကော့စ်ဘဇား အခြေစိုက် အမှတ် (၇) ဘင်္ဂလာဒေ့ရှ် အထူးမူခင်းနှိမ်နှင်းရေးတပ်ဖွဲ့ (RAB) မှ သတင်းအရ ကော့စ်ဘဇားခရိုင် မော်ရ်ှခါလီ ( ရခိုင်အခေါ် မဟားဇိုး) ကျွန်းတွင် ရှာဖွေမှု ပြုလုပ်စဉ် ၎င်းလုပ်သေနတ်များကို ဖမ်းမိခြင်း ဖြစ်သည်ဟု ဘင်္ဂလာဒေ့ရ်ှက လာသော သတင်းများတွင် ဖော်ပြသည်။
ယခု ဖမ်းမိသော နေရာသည် တောနက်သည့် တောင်ကုန်းတစ်ခု ဖြစ်ပြီး မဟားဇိုးကျွန်းရှိ ပါဟာတာလီရွာ အနီးတွင် ဖြစ်ကြောင်း သိရသည်။
ဖမ်းဆီးမိရာတွင် တစ်လုံးထိုး သေနတ်ပြောင်းရှည် ၁၄ လက်၊ အတို ၆ လက်၊ ဒေသလုပ် ပစ္စတိုနှင့် ကျည် ၂၂ တောင့်၊ စက် လွန်ပူ နှင့် သေနတ်တွင် အသုံးပြုမည့် သံပိုက် သုံးခု၊ ပစ္စည်း ကရိယာ အများအပြားကို သိမ်းဆည်းရမိသည်ဟု သတင်းတွင် ဖော်ပြသည်။
သေနတ်လုပ်သူ အချို့မှာ ထွက်ပြေး လွတ်မြောက်သွားပုံရပြီး နံနက် အစောကြီးကတည်း ပြုလုပ်သော ရှာဖွေမှုမှာ မွန်းတည့် ၁ နာရီခွဲမှ ပြီးဆုံးခဲ့သည်ဟု ဆိုသည်။
အဖမ်းခံရသည့် သေနတ်လုပ်သူ နှစ်ဦးမှာ အဘာဒူရ်မာဘု (၄၀) နှစ်နှင့် အဘူတာဟဲ (၄၂) နှစ်တို့ ဖြစ်ကြသည်။
Ref: The Daily Star -- Huge cache of arms recovered in Cox’s Bazar
Narinjara
https://www.facebook.com/Narinjara
No comments:
Post a Comment