Silicon Valley က အမိုက်ဆုံး ပရိုဂရမ်မာတစ်ယောက် (သို့) John McAfee

သူက Silicon Valley (ကမ္ဘာ့ အဆင့်မြင့်နည်းပညာကုမ္ပဏီအမြောက်အမြားရှိတဲ့နေရာ၊ နည်းပညာကုမ္ပဏီတွေ လုပ်ငန်းစတင်ရာနေရာကို ခေါ်ဝေါ်တဲ့နာမည်၊ တည်နေရာ ကယ်ရီဖိုးနီးယား) သမိုင်းမှာ အမိုက်ဆုံးပရိုဂရမ်မာတစ်ယောက်ပေါ့။ မူးယစ်ဆေးသုံးသလို ကွန်ပျူတာဗိုင်းရပ်စ်သတ်တဲ့ဆော့ဝဲလ်လည်း ရောင်းသူဖြစ်တယ်။ အမေရိကန်သမ္မတဝင်ရွေးဖို့တောင် ကြေညာခဲ့သေးတယ်။ သူ့နာမည်က John McAfee ဖြစ်တယ်။
.
သူ့ပုံကြည့်ပြီး သူဟာ တကယ်ပဲ ပရိုဂရမ်မာတစ်ယောက်လားလို့ သံသယမဖြစ်ပါနဲ့… ပြီးတော့ သူဟာ ကွန်ပျူတာဗိုင်းရပ်စ်တစ်မျိုးကို ချေဖျက်နိုင်သူဖြစ်ခဲ့တယ်။
.
တကယ်လို့ Silicon Valley ကို ကြီးစဉ်ငယ်လိုက် စီလိုက်မယ်ဆိုရင် စတိဂျော့နဲ့ ဘီဂိတ်က သူ့ကိုအစ်ကိုကြီးလို့ ခေါ်ရလိမ့်မယ်။ သူဟာ သူတို့နှစ်ယောက်ထက် အသက်၁ဝနှစ်လောက် ကြီးနေလို့ပါပဲ။ ၁၉၄၅ခုနှစ် စက်တင်ဘာလ ၁၈ရက်နေ့မှာ John McAfee ကို မွေးဖွားခဲ့တယ်။ အခု သူ ၇၁နှစ်ရှိပါပြီ။
.
တခြားပါရမီရှင်တော်တော်များများလိုပဲ McAfee ရဲ့ဖခင်ကလည်း အရက်သမားပါပဲ။ ကိုယ့်ကိုယ်ကိုယ်အဆုံးစီရင်ခဲ့သူပါပဲ။ ဖခင်ဆုံးတော့ McAfee အသက်က ၁၅နှစ်ပဲရှိသေးတယ်။
.
ပုန်ကုန်ထကြွတဲ့အရွယ်၊ တဇွတ်ထိုးခေါင်းမာတဲ့ ဆယ်ကျော်သက်အရွယ်ဆိုတော့ သိပ်မကြာပါဘူး.. ဖခင်ရဲ့ ခြေရာကို သူနင်းနိုင်ခဲ့တယ်။ သူ အရက်စွဲခဲ့တယ်။ ဒီ့ထက်ပိုပြီး မူးယစ်ဆေးကို ဘယ်လိုသုံးမှ ပိုမိုက်မယ်ဆိုတာကို သူလေ့လာခဲ့တယ်။
.
မူးယစ်ဆေးစွဲ၊ အရက်စွဲပေမယ့် McAfee ဟာ ကျောင်းစာမှာထူးချွန်တယ်။
.
၁၉၆၇ခုနှစ် အသက် ၂၂ နှစ်အရွယ်မှာ သချာင်္မေဂျာနဲ့ သူဘွဲ့ရခဲ့တယ်။ အဲဒီကတဆင့် လူစီယားနားတက္ကသိုလ်မှာ Ph.D.ဆက်တက်ခဲ့တယ်။ ဒါပေမယ့် ကျောင်းမပြီးခင်မှာဘဲ ကျောင်းထုတ်ခံလိုက်ရတယ်။
.
အကြောင်းက Ph.D. တက်နေသူတိုင်းဟာ (ကျောင်းမပြီးသေးတဲ့) မေဂျာတက်နေသူတစ်ယောက်ကိုခေါ်ပြီး အားလပ်ချိန်မှာ စာပြပေးတာမျိုးတွေ၊ စာရှင်းပြတာမျိုးတွေလုပ်ရတယ်။ McAfeeက သူတာဝန်ယူခေါ်ထားတဲ့ ကျောင်းသူကို အိပ် ထည့် ပစ်လိုက်တယ်။ အခုခေတ်မှာ ဆရာက ကျောင်းသူနဲ့အိပ်တယ်ဆိုတာ မကြာခဏ ကြားရတတ်တဲ့သတင်းဆိုပေမယ့် အဲဒီတုန်းက ၁၉၆ဝခုနှစ်ဝန်းကျင်၊ ရော့ခ်ဂီတတောင် မနှိုးထသေးတဲ့အချိန်ဆိုတော့ အတွေးအခေါ်တွေက ရှေးရိုးစွဲတွေဖြစ်နေသေးတယ်။
.
နောက်တော့ အဲဒီကျောင်းသူကို သူ တာဝန်ယူလက်ထပ်ယူလိုက်တယ်။ အဲဒီနောက် NASAမှာ အလုပ်တစ်ခုရှာပြီး ပျော်ရွှင်ချမ်းမြေ့တဲ့ဘဝကို ဖြတ်သန်းနေလိုက်တယ်။
.
အဲဒီနောက်မှာတော့ ရာထူးတိုး၊ လခတိုးနဲ့ ၁၉၇ဝနှောင်းပိုင်းမှာတော့ Xerox မှာ အချိန်ကာလတစ်ခုကြာ အလုပ်လုပ်ခဲ့တယ်။ သူရဲ့ အဓိက အလုပ်က graphical interface operating systemဖြစ်တယ်။ စတိဂျော့ကို Mac OS လုပ်ဖို့ ဉာဏ်ကွန့်မြူးမှုပေးခဲ့တဲ့ systemလို့ စတိဂျော့အတ္ထုပတ္တိထဲမှာ ဖော်ပြခဲ့ဖူးတယ်။ Xerox က ၁၉၈၁ခုနှစ်မှာ ဂရမ်ဖစ်မျက်နှာပြင်ပြုလုပ်ခြင်းစနစ် Xerox 8010 Star ကို ဖော်ပြမိတ်ဆက်ခဲ့တယ်။
.
နောက်ပိုင်း အင်တာဗျူးတွေမှာ McAfee က အလုပ်မှာ ထူးချွန်ထက်မြက်တဲ့လက်ရွေးစင် ဘယ်လိုကြောင့်ဖြစ်လာခဲ့တယ်ဆိုတဲ့ အတွေ့အကြုံကို မျှဝေခဲ့ပါတယ်။
.
“အဲဒီတုန်းက နည်းပညာကုမ္ပဏီတော်တော်များများမှာ ကျွန်တော်အလုပ်လုပ်ခဲ့တယ်။ သူဌေးအပါအဝင် ကျွန်တော်တို့တတွေ မူးယစ်ဆေးကို အနည်းအများသုံးစွဲတတ်ကြတယ်။ အိမ်မှာဆိုရင်တော့ မျက်နှာပူစရာပေါ့။ မိန်းမနဲ့ ကိုယ့်အမေမမြင်အောင် အဲဒီမူးယစ်ဆေးတွေကို သေချာဝှက်ရတယ်။ ကုမ္ပဏီမှာကျတော့ အဲဒီလိုမဟုတ်ဘူး… နေ့လယ်နားချိန်ဆိုရင် လုပ်ဖော်ကိုင်ဖက်ရုံးခန်းမှာ ချလိုက်ကြတာပဲ။ ဒါဟာ တကယ့်ထူးခြားဆန်းကြယ်ခဲ့တဲ့ နှစ်ကာလတွေပေါ့…..”
.
မူးယစ်ဆေးက McAfee ကို ဘဝပျက်မတတ်ဖြစ်စေခဲ့တယ်။ အလုပ်အကိုင်ကောင်းလေ ပိုက်ဆံအိတ်ဖောင်းလေ.. အရက်နဲ့ မူးယစ်ဆေးသုံးနှုန်းကလည်း ပြင်းလေဖြစ်လာခဲ့တယ်။ The Wolf of Wall Street ရုပ်ရှင်ကို ကြည့်ခဲ့ဖူးကြမှာပေါ့။ အဲဒီတစ်ခေတ်ရဲ့အဖြစ်ကို အခြေခံထားတာပါပဲ။
.
၁၉၈၄ခုနှစ်မှာ မယားက ဒါကိုသည်းမခံနိုင်ခဲ့တော့ သူတို့ကွာရှင်းလိုက်ကြတယ်။ အလုပ်လည်း ပြုတ်သွားခဲ့တယ်။ ဒီလိုနဲ့ မူးယစ်ဆေးဖြတ်ဖို့ အသိဝင်လာခဲ့ပြီး မူးယစ်ဆေးဖြတ်ပေးတဲ့အဖွဲ့ဆီ သူရောက်သွားခဲ့တယ်။
.
မူးယစ်ဆေးဖြတ်မယ်လို့ ဆုံးဖြတ်ချက်ချပြီး ဖြတ်လိုက်တာ တကယ်ပဲ သူဖြတ်နိုင်ခဲ့တယ်။ အဲဒီနောက် ကမ္ဘာ့ထိပ်တန်း နည်းပညာကုမ္ပဏီ ၅ဝဝထဲကတစ်ခုမှာ သူအလုပ်တစ်ခုရှာလုပ်ခဲ့တယ်။
.
၁၉၈၆ခုနှစ်မှာ ပါကစ်စတန်က ညီအစ်ကိုနှစ်ယောက်က ကမ္ဘာ့ပထမ ကွန်ပျူတာဗိုင်းရပ်တစ်မျိုးကို ထွင်လိုက်တယ်။ ပါကစ်စတန်ဗိုင်းရပ်စ်လို့ သမိုင်းတွင်ခဲ့တဲ့ ကွန်ပျူတာဗိုင်းရပ်စ်ဖြစ်တယ်။ ဒါဟာ John McAfee ရဲ့ခမ်းနားတဲ့ဘဝကို ကာလိုက်ကာ ဆွဲဖွင့်ပေးလိုက်တာပါပဲ။
.
“နည်းပညာအသိုင်းအဝိုင်းမှာ ကျွန်တော်အပါအဝင်ပေါ့.. ဘယ်သူကမှ ကွန်ပျူတာလည်း ဗိုင်းရပ်စ်ကူးတတ်တယ်ဆိုတာကို တစ်ခါမှ မကြားခဲ့ဖူးဘူး။ ဒါဟာ လူတွေကို ညို့ငင်လိုက်တာပါပဲ” လို့ BBC အင်တာဗျူးတစ်ခုမှာ McAfee က အဲဒီလိုဖြေခဲ့ပါတယ်။
.
နည်းပညာအိမ်တွင်းပုန်းတွေလိုပေါ့… သူလည်း ရက်သတ္တပတ်တော်တော်ကြာကြာ နေ့ညမနားဘဲ အဲဒီဗိုင်းရပ်စ်ကို ချေဖျက်နိုင်မယ့် ပရိုဂရမ်တစ်ခုကို ရှာဖွေရေးဆွဲခဲ့တယ်။ အဲဒီနောက် အင်တာနက်ပေါ်တင်ပြီး လူတွေကို အခမဲ့ပေးသုံးခဲ့တယ်။
.
အဲဒီနောက် အသိုင်းအဝိုင်းမှာ သူနာမည်ရလာခဲ့တယ်။ ဒါပေမယ့် အခမဲ့ချည်းပေးသုံးနေလို့လည်း မဖြစ်သေးဘူး… စားဝတ်နေရေး ဖြေရှင်းဖို့လည်းရှိသေးတယ်ဆိုပြီး သူကိုယ်တိုင် ဗိုင်းရပ်စ်သတ်တဲ့ဆော့ဝဲလ်ကုမ္ပဏီတစ်ခု တည်ထောင်လိုက်တယ်။ အဲဒီကုမ္ပဏီကို သူ့နာမည် — McAfee လို့ ပေးခဲ့တယ်။
.
အဲဒီနောက်မှာတော့ ကုမ္ပဏီရဲ့ CEO အဖြစ် မိန်းမလှတွေ ဝိုင်းဝိုင်းလည်နဲ့ လူ့ဘဝရဲ့အထွတ်အထိပ်ကို သူလျှောက်လှမ်းတက်ရောက်သွားခဲ့တယ်။ ကွန်ပျူတာဗိုင်းရပ်စ်နဲ့ပတ်သက်တဲ့စာအုပ်တွေ သူရေးသားထုတ်ဝေခဲ့တယ်၊ ကားတစ်စီးပေါ်မှာ ကွန်ပျူတာအလုံး ဆယ်လုံးလောက်တင်ပြီး ဒါဟာ သူ့ရဲ့ “ဗိုင်းရပ်စ်ကာကွယ်ရေးကား”လို့ သူဆိုခဲ့တယ်။
.
ယနေ့ခေတ် နည်းပညာနယ်ပယ်က နာမည်ကြီးသူတွေလိုပဲ သူဟာ တီဗီဖန်သားပြင်ပေါ်မှာ မကြာခဏ နေရာယူခဲ့တော့တယ်။ ၁၉၉၂ခုနှစ် ဇန်နဝါရီလမှာ McAfee ဟာ တီဗီဖန်သားပြင်ပေါ်ကနေ “မတ်လ ၆ရက်နေ့ကျရင် Michelangelo ဗိုင်းရပ်စ် ( DOS ဗိုင်းရပ်စ်တစ်မျိုး၊ ဟတ်ဒစ်ထဲဝင်ပြီး အကုန်ဖျက်ဆီးလိုက်တာမျိုး)က တစ်ကမ္ဘာလုံးက ကွန်ပျူတာ အလုံး ၅သန်းခန့်ကို ဖျက်ဆီးလိမ့်မယ်” လို့ သတိပေးခဲ့တယ်။
.
သူ့အပြောကို လူတွေကယုံကြတယ်။ ကမ္ဘာ့ထိပ်တန်း ကုမ္ပဏီ ၅ဝဝထဲက တစ်ဝက်လောက်ဟာ သူ့ဆီကနေ ဗိုင်းရပ်စ်သတ်တဲ့ဆော့ဝဲလ်တွေ ဝယ်ယူခဲ့ကြတယ်။ ၂ လအတွင်း သူ့ကုမ္ပဏီအမြတ် ၁ဝဆရှိခဲ့တယ်။ ၆လအတွင်း အမြတ် ၅ဝဆ ရခဲ့တယ်။ Anti- Virus ဆော့ဝဲလ်လောကမှာ McAfee က ဘုရင်တစ်ဆူဖြစ်လာခဲ့တယ်။ ဒါပေမယ့် အဲဒီနှစ် မတ်လ ၆ရက်နေ့မှာ ဘာမှလည်း မဖြစ်ပျက်ခဲ့ပါဘူး။
.
အလုပ်ဖိစီးမှု၊ ဝေဖန်မှုတွေကြောင့် ၁၉၉၄ခုနှစ်မှာ McAfee အလုပ်နားဖို့ဖြစ်လာခဲ့တယ်။ NASDAQ စတော့ပ်မှာ သူ့ကုမ္ပဏီစာရင်းဝင်သွားပြီးတဲ့နောက် McAfee က သူ့အတွက်လူအိုစားရိတ်ဆိုပြီး ဒေါ်လာ ၁ဝဝမီလီယံယူ ထွက်သွားခဲ့တော့တယ်။
.
အငြိမ်းစားဘဝက ကောင်းမွန်သလို အငြိမ်းစားဘဝက ပျင်းရိငြီးငွေ့ဖွယ်ဖြစ်တယ်။
.
McAfee ဟာ ဒေါ်လာ ၂၅မီလီယံနဲ့ ကော်ရိုလာဒိုပြည်နယ်မှာ ဧက ၂၈ဝကျယ်တဲ့ တောအုပ်တစ်ခုဝယ်လိုက်တယ်။ ပြီးတော့ ခမ်းနားကြီးကျယ်တဲ့အိမ်တစ်လုံး ဆောက်လုပ်ပြီး အယ်ရီဇိုးနား၊ ဟာဝိုင်အီ၊ တက္ကဆက်နဲ့ နယူးမက်ဆီကိုပြည်နယ်တွေမှာ အိမ်ခြံမြေရောင်းဝယ်ရေးလုပ်ခဲ့တယ်။
.
Yoga ကိုစွဲလမ်းပြီး ၂ဝဝ၁ခုနှစ်မှာ ယောဂနဲ့ ပတ်သက်တဲ့ စာအုပ် ၄အုပ်ထွက်ခဲ့တယ်။ အဲဒီကတဆင့် ထူးကဲတဲ့အားကစားတွေ… အနိမ့်ပျံသန်းတာ၊ သဲသောင်မှာ ကားမောင်းတာ စတာတွေလုပ်ခဲ့တယ်။
.
နောက်တော့ အဲဒါတွေကို ပျင်းရိလာတာနဲ့ အမေရိကားတိုက်အလယ်ပိုင်းက မြို့ငယ်ပိုင်းတစ်ခုဖြစ်တဲ့ Belize မြို့မှာ သွားရောက်နေထိုင်ခဲ့တယ်။ လုပ်ငန်းတစ်ခု စတင်တည်ထောင်ဖို့သွားတယ်လို့တော့ သူပြောတာပဲ .. ဒါပေမယ့် မိန်းမတွေနဲ့ပျော်ပါး နယ်ခံလူတချို့ရှာပြီး ကိုယ်ပိုင်စစ်တပ်အဖွဲ့ တစ်ဖွဲ့ဖွဲ့လိုက်တယ်။ သူ လုပ်ငန်းတည်ထောင်နေတာပါ၊ GDP တည်ဆောက်နေတာပါဆိုတာကို Belize အစိုးရ မယုံပါဘူး။ သူ အိုင်းစ်မူးယစ်ဆေးစမ်းသပ်တီထွင်နေတာလို့ပဲ အစိုးရက သံသယရှိတယ်။
.
၂ဝ၁၂ခုနှစ်မှာ ဘိုးတော်ရဲ့အိမ်နီးချင်းတစ်ယောက် အသတ်ခံလိုက်ရတယ်။ အဲဒီမှာ Belize အစိုးရက ဘိုးတော်ကိုထိဖို့ အကြောင်းဖန်လာတော့တာပဲ။ သူ့ကို ရဲလာဖမ်းတဲ့အချိန် ဘိုးတော်က သဲတွင်းတူးပြီး ထွက်ပြေးသွားခဲ့တယ်။ အဲဒီနောက် သူ့နောက်လိုက်တွေနဲ့ လှေစီးပြီး ကွာတီမာလကို တိမ်းရှောင်သွားခဲ့တယ်။
.
ကိုယ်လွတ်ရုန်းထွက်ပြေးခဲ့ရလို့ McAfee အရမ်းဒေါပုန်ထခဲ့တယ်။ ဒါဟာ တမင်ထောင်ချောက်ဆင်တယ်လို့ သူ့ blog မှာ မကျေမနပ်ရေးခဲ့တယ်။ ဆုကြေး ဒေါ်လာ ၂ သိန်းခွဲထုတ်ပြီး တကယ့်တရားခံကို ရှာခဲ့တယ်။
.
ကွာတီမာလမှာ သူအရှောင်အတိမ်းကောင်းခဲ့ပါတယ်။ သတင်းထောက်တစ်ယောက်ကိုတောင် လက်ခံတွေ့ဆုံခဲ့သေးတယ်။ ကိုယ့်ခေါင်းကို သေနတ်နဲ့ချိန်ထားတဲ့ ခပ်မိုက်မိုက်သူ့ပုံက မဂ္ဂဇင်းမျက်နှာဖုံးမှာ နေရာယူခဲ့တယ်။ ဒါပေမယ့် အဲဒီသတင်းထောက်က သူလျှိုလား မပြောတတ်ဘူး။ အင်တာနက်ပေါ်တင်လိုက်တဲ့ သူ့ပုံကို ညာကလစ်(Right-click)နဲ့ ဓာတ်ပုံရိုက်ယူခဲ့တဲ့ တည်နေရာကို တိတ်တိတ်လေးထည့်လိုက်တယ်။
.
အဲဒီနောက် ဘိုးတော်အဖမ်းခံလိုက်ရပြီး ပြည်တော်ပြန်ပို့ခံလိုက်ရတယ်။ ပြည်တော်ပြန်ပြီးနောက် အမ်းချလောင်းဆိုပြီး စီးပွားရေးလုပ်ငန်းရှင်ကြီး ဖြစ်သွားခဲ့ပြန်တယ်။ ဆော့ဝဲလ်တွေထွင်ပြန်တယ်၊ ကွန့်ဖရင့်မျိုးစုံ တက်ပြန်တယ်။ ၂ဝ၁၆ခုနှစ် အမေရိကန်သမ္မတရွေးကောက်ပွဲမှာ ဝင်ရွေးမယ်လို့တောင် ကြေငြာခဲ့သေးတယ်။ Cyber Party ဆိုတဲ့ ပါတီအသစ်တစ်ခုကိုတောင် ထူထောင်လိုက်သေးတယ်။ သူဝင်ရွေးရတဲ့အကြောင်းရင်းက အမေရိကန်အစိုးရဟာ နည်းပညာအတတ်နဲ့ပတ်သက်ပြီး ဘာမှမသိနားမလည်ဘူး.. နိုင်ငံ့လုံခြုံရေးအတွက် သူတို့ကိုပဲ အားကိုးလို့မဖြစ်နိုင်ဘူးလို့ ဆိုတယ်။
.
McAfee ကရော အင်တာနက်လောကရဲ့လုံခြုံရေးကို ဘယ်နဲ့ ဘယ်လိုကာကွယ်နေသလဲ။
.
သူကတော့ ဒီလိုဖြေပါတယ်… “” ကျွန်တော် Anti- Virus ဆော့ဝဲလ်မသုံးဘူး။ ဗိုင်းရပ်စ်က မရှိတော့ဘူး သေကုန်ပြီလို့ ကျွန်တော်ထင်တယ်။ အဲဒီဗိုင်းရပ်စ်တွေက ခေတ်ဟောင်းနည်းပညာလောက်ပဲ။ ဟက်ကာနည်းပညာက ပိုသစ်လွင်တယ် အဲဒီဗိုင်းရပ်စ်တွေထက် ဘယ်နှဆလောက်တောင် မြန်သလဲမသိဘူး။ ဒါကြောင့် Anti- Virus က ရှိသင့်တော့တဲ့အရာမဟုတ်ဘူး။ ကျွန်တော်က GPS မပါတဲ့ ဖုန်း၊ အဖုံးပါတဲ့ဖုန်းကိုပဲ ရွေးချယ်သုံးတယ်။ တကယ်လို့ ကျွန်တော်အင်တာနက်သုံးချင်ရင် ဆမ်ဆောင်းဖုန်းကိုသုံးတယ်။ ၂ ပတ်တစ်ခါ ဖုန်းတစ်လုံးလဲတယ်”
.
အဲဒါပဲ McAfee က Silicon Valley သမိုင်းမှာ အမိုက်ဆုံး ပရိုဂရမ်မာတစ်ယောက်ဆိုတာ။ အသက် ၇၁ နှစ်ရှိပြီ ရှင်းပြစရာမလိုအောင် ကြံ့ခိုင်သန်မာရဲရင့်နေတုန်း….

——

မူရင်းလင့်– https://en.wikipedia.org/wiki/John_McAfee
http://www.baike.com/…/%E7%BA%A6%E7%BF%B0%C2%B7%E9%BA%A6%E5…
http://www.toutiao.com/i6194937583664955906/
mccafee.

Credit : #NineNineSaNay @ နိုင်းနိုင်းစနေ (Oct. 17. 2016)
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)