အိမ်ထောင်ရေး ကောလဟလတွေအပေါ် ဖြေရှင်းမှာမဟုတ်တဲ့ သဇင်

 ဧပရယ်ဆု| April 6, 2016 |
၂၀၀၃၊ ၂၀၀၄ ကတည်းက “No အဖွဲ” နဲ့ အနုပညာအလုပ်တွေစတင်လုပ်ကိုင်ပြီး ပရိသတ် အခိုင်အမာ ရရှိခဲ့တဲ့ အဆိုတော်၊ သရုပ်ဆောင် သဇင်တယောက်အနုပညာအလုပ်နဲ့ ဝေးကွာနေရာကနေ အခုနှစ် အစပိုင်းလောက်မှာ အနုပညာအလုပ်တွေ ပြန်လည် လုပ်ကိုင်လာတာ တွေ့လာရပါတယ်။

အဆိုတော် သရုပ်ဆောင် သဇင်ဟာ လွန်ခဲ့တဲ့ ၃ နှစ်ကျော်ကာလလောက်ကလည်း သူ့ရဲ့ လူမှုရေးနဲ့ သက်ဆိုင်တဲ့ ဗီဒီယိုဖိုင်တခုကြောင့် သို့လော သို့လော ပရိသတ်တွေရဲ့ ဝေဖန်ပြောဆိုမှုတွေနဲ့ ရင်ဆိုင် ကြုံတွေ့ခဲ့ရသူလည်းဖြစ်ပါတယ်။ အဲ့ဒီနောက်ပိုင်း ခင်ပွန်းသည်ရှိရာ သြစတြေးလျနိုင်ငံမှာ အခြေချနေထိုင် နေခဲ့တာပါ။

အခုအခါမှာလည်း အဲ့ဒီ ဗီဒီယိုဖိုင် ဂယက်ကြောင့် သရုပ်ဆောင် အဆိုတော် သဇင်တယောက် အိမ်ထောင်ရေးအဆင်မပြေဖြစ်ပြီး မြန်မာပြည်သို့ ပြန်လည်ပြောင်းရွှေ့လာပြီဆိုတဲ့ ကောလဟလ သတင်းတွေ ထွက်ပေါ်လာလို့ နေပါတယ်။

အဲ့ဒီအပေါ် သဇင်က“ကျမ အခုပြန်လာတာက ကျမ အမျိုးသားလည်းခွင့်ရတော့ သူနဲ့အတူတူ ပြန်လာတာပေါ့နော်၊ ထွက်ရှိနေတဲ့ အိမ်ထောင်ရေး ကောလဟလတွေအပေါ်မှာတော့ ဖြေရှင်းမှာ မဟုတ်ပါဘူး” လို့ ဧရာဝတီကို ပြောပါတယ်။

သူ့အနေနဲ့ လက်ရှိမှာ ရန်ကုန်နဲ့ သြစတြေးလျကို သွားလို်က်လာလိုက်လုပ်နေပြီး ဟိုဘက်နိုင်ငံမှာ ခဏတဖြုတ်သာ နေဖြစ်မှာဖြစ်ကာ အနုပညာအလုပ်ကို နားထားတာကနေ ပထမဆုံးအဖြစ်နဲ့ MRTV-4 က ဇာတ်လမ်းတွဲတခုမှာ ပါ၀င် သရုပ်ဆောင် ရိုက်ကူးထားပါတယ်လို့ ဆိုပါတယ်။

သဇင်
ဓာတ်ပုံ – သဇင် / Facebook
“အမ အနုပညာအလုပ်တွေပြန်လုပ်တာက အခက်အခဲရယ်လို့တော့မရှိပါဘူး။ အမတို့အရင်ရိုက်ခဲ့တုန်းက အခြေအနေတွေထက်စာရင်တော့ နည်းပညာပိုင်းတွေပိုပြီးတော့ တိုးတက်လာတဲ့အတွက် လူကတော့ အရမ်းကြီး မပင်ပန်းတော့ဘူးပေါ့နော်” လို့ အနုပညာအလုပ်တွေပြန်လည်လုပ်ကိုင်တဲ့အပေါ် သူရဲ့ ခံစားချက်ကိုပြောပြပါတယ်။

ဒီနှစ်သင်္ကြန်မှာတော့ ရန်ကုန်မှာပဲရှိနေမှာဖြစ်ပြီး မဏ္ဍပ်တစ်ခုမှာ သီချင်းဆိုဖြစ်ဖို့ရှိတယ်လို့လည်း ဆိုပါ တယ်။

ရှေ့ဆက်လျှောက်လှမ်းမယ့် အနုပညာနဲ့ပတ်သက်ပြီးတော့ အနုပညာအလုပ်တွေကို ဆက်လက် လုပ်ကိုင်နေမှာဖြစ်ပြီး သီချင်းတွေဆိုဖို့ရှိသလို သူနဲ့ လိုက်ဖက်မယ့် ဇာတ်ရုပ်နဲ့ အံဝင်ဂွင်ကျဖြစ်မယ် ဇာတ်ကားများလည်း ဆက်လက်ရိုက်ကူးဖို့ ရှိဦးမှာဖြစ်တယ်လို့ ဆိုပါတယ်။
..........................
အိမ္ေထာင္ေရး ေကာလဟလေတြအေပၚ ေျဖရွင္းမွာမဟုတ္တဲ့ သဇင္
ဧပရယ္ဆု| April 6, 2016 |
၂၀၀၃၊ ၂၀၀၄ ကတည္းက “No အဖြဲ” နဲ႔ အနုပညာအလုပ္ေတြစတင္လုပ္ကိုင္ၿပီး ပရိသတ္ အခိုင္အမာ ရရွိခဲ့တဲ့ အဆိုေတာ္၊ သရုပ္ေဆာင္ သဇင္တေယာက္အႏုပညာအလုပ္နဲ႔ ေ၀းကြာေနရာကေန အခုႏွစ္ အစပုိင္းေလာက္မွာ အႏုပညာအလုပ္ေတြ ျပန္လည္ လုပ္ကိုင္လာတာ ေတြ႔လာရပါတယ္။

အဆုိေတာ္ သရုပ္ေဆာင္ သဇင္ဟာ လြန္ခဲ့တဲ့ ၃ ႏွစ္ေက်ာ္ကာလေလာက္ကလည္း သူ႔ရဲ႕ လူမႈေရးနဲ႔ သက္ဆုိင္တဲ့ ဗီဒီယုိဖုိင္တခုေၾကာင့္ သုိ႔ေလာ သုိ႔ေလာ ပရိသတ္ေတြရဲ႕ ေ၀ဖန္ေျပာဆုိမႈေတြနဲ႔ ရင္ဆုိင္ ႀကံဳေတြ႔ခဲ့ရသူလည္းျဖစ္ပါတယ္။ အဲ့ဒီေနာက္ပုိင္း ခင္ပြန္းသည္ရွိရာ ၾသစေၾတးလ်ႏုိင္ငံမွာ အေျခခ်ေနထုိင္ ေနခဲ့တာပါ။

အခုအခါမွာလည္း အဲ့ဒီ ဗီဒီယုိဖုိင္ ဂယက္ေၾကာင့္ သရုပ္ေဆာင္ အဆုိေတာ္ သဇင္တေယာက္ အိမ္ေထာင္ေရးအဆင္မေျပျဖစ္ၿပီး ျမန္မာျပည္သုိ႔ ျပန္လည္ေျပာင္းေရႊ႔လာၿပီဆုိတဲ့ ေကာလဟလ သတင္းေတြ ထြက္ေပၚလာလုိ႔ ေနပါတယ္။

အဲ့ဒီအေပၚ သဇင္က“က်မ အခုျပန္လာတာက က်မ အမ်ိဳးသားလည္းခြင့္ရေတာ့ သူနဲ႔အတူတူ ျပန္လာတာေပါ့ေနာ္၊ ထြက္ရွိေနတဲ့ အိမ္ေထာင္ေရး ေကာလဟလေတြအေပၚမွာေတာ့ ေျဖရွင္းမွာ မဟုတ္ပါဘူး” လို႔ ဧရာ၀တီကုိ ေျပာပါတယ္။

သူ႔အေနနဲ႔ လက္ရွိမွာ ရန္ကုန္နဲ႔ ၾသစေၾတးလ်ကုိ သြားလုိ္က္လာလုိက္လုပ္ေနၿပီး ဟုိဘက္ႏုိင္ငံမွာ ခဏတျဖဳတ္သာ ေနျဖစ္မွာျဖစ္ကာ အႏုပညာအလုပ္ကုိ နားထားတာကေန ပထမဆုံးအျဖစ္နဲ႔ MRTV-4 က ဇာတ္လမ္းတြဲတခုမွာ ပါ၀င္ သရုပ္ေဆာင္ ရုိက္ကူးထားပါတယ္လုိ႔ ဆုိပါတယ္။

သဇင္
ဓာတ္ပံု – သဇင္ / Facebook
“အမ အနုပညာအလုပ္ေတြျပန္လုပ္တာက အခက္အခဲရယ္လုိ႔ေတာ့မရွိပါဘူး။ အမတို႔အရင္ရိုက္ခဲ့တုန္းက အေျခအေနေတြထက္စာရင္ေတာ့ နည္းပညာပိုင္းေတြပိုၿပီးေတာ့ တိုးတက္လာတဲ့အတြက္ လူကေတာ့ အရမ္းႀကီး မပင္ပန္းေတာ့ဘူးေပါ့ေနာ္” လို႔ အႏုပညာအလုပ္ေတြျပန္လည္လုပ္ကိုင္တဲ့အေပၚ သူရဲ႕ ခံစားခ်က္ကိုေျပာျပပါတယ္။

ဒီႏွစ္သႀကၤန္မွာေတာ့ ရန္ကုန္မွာပဲရွိေနမွာျဖစ္ၿပီး မ႑ပ္တစ္ခုမွာ သီခ်င္းဆိုျဖစ္ဖုိ႔ရွိတယ္လုိ႔လည္း ဆုိပါ တယ္။

ေရွ႕ဆက္ေလ်ွာက္လွမ္းမယ့္ အႏုပညာနဲ႔ပတ္သက္ၿပီးေတာ့ အနုပညာအလုပ္ေတြကို ဆက္လက္ လုပ္ကိုင္ေနမွာျဖစ္ၿပီး သီခ်င္းေတြဆိုဖို႔ရွိသလို သူနဲ႔ လိုက္ဖက္မယ့္ ဇာတ္ရုပ္နဲ႔ အံဝင္ဂြင္က်ျဖစ္မယ္ ဇာတ္ကားမ်ားလည္း ဆက္လက္ရိုက္ကူးဖုိ႔ ရွိဦးမွာျဖစ္တယ္လုိ႔ ဆုိပါတယ္။
Irrawaddy