Latest News

CREDIT

သတင္းစံုေပ်ာ္၀င္အိုးၾကီးတြင္ ေဖာ္ျပထားသည့္ သတင္း၊ဓာတ္ပံုမ်ားသည္ သက္ဆိုင္သူမ်ား၏မူပိုင္သာျဖစ္ေၾကာင္း အသိေပးအပ္ပါသည္။

Friday, March 4, 2016

လႊတ္ေတာ္ဥကၠဌေတြနဲ႔ နုိင္ငံတကာအေတြ႔အႀကံဳ ဖလွယ္မည္ (လွှတ်တော်ဥက္ကဌတွေနဲ့ နိုင်ငံတကာအတွေ့အကြုံ ဖလှယ်မည် )

မႏၱေလးတိုင္းေဒသႀကီးရဲ႕ ဒုတိယအႀကိမ္ တိုင္းေဒသႀကီးလႊတ္ေတာ္ ပံုမွန္အစည္းအေဝးကို ေတြ႔ရစဥ္
Photo: RFA
ကုလသမဂၢဖြံ႔ၿဖိဳးမႈအစီအစဥ္ UNDP အစီအစဥ္နဲ႔ တိုင္းေဒသႀကီး/ျပည္နယ္ ၁၄ ခုက လႊတ္ေတာ္ ဥကၠဌနဲ႔ ဒုတိယဥကၠဌေတြဟာ အေရွ႕ေတာင္အာရွႏိုင္ငံေတြက လႊတ္ေတာ္ကိုယ္စားလွယ္ေတြ၊ လႊတ္ေတာ္ ဥကၠဌေဟာင္းေတြနဲ႔ လႊတ္ေတာ္ေရးရာ ဖံ႔ြၿဖိဳးတုိးတက္ေရးကိစၥေတြကို လာမယ့္ မတ္လ ၈ ရက္ေန႔က စၿပီး ေနျပည္ေတာ္မွာ ႏွစ္ရက္ၾကာ ေတြ႔ဆံုေဆြးေႏြးသြားမယ္လို႔ သိရပါတယ္။

တိုင္းနဲ႔ျပည္နယ္အားလံုးက လႊတ္ေတာ္ဥကၠဌနဲ႔ ဒုတိယဥကၠဌေတြကို ႏိုင္ငံတကာက လႊတ္ေတာ္ဆိုင္ရာ အေတြ႔အႀကံဳရွိသူေတြနဲ႔ အျမင္ခ်င္း ဖလွယ္ေဆြးေႏြးႏိုင္ဖို႔ ရည္ရြယ္တာ ျဖစ္တယ္လို႔ ရွမ္းျပည္နယ္ လႊတ္ေတာ္ဥကၠဌ ဦးစိုင္းလံုးဆိုင္ က ေျပာပါတယ္။

"ဥကၠဌနဲ႔ ဒုဥကၠဌေတြကို တိုင္းနဲ႔ျပည္နယ္ အကုန္ဖိတ္တယ္ေလ၊ ႏိုင္ငံတကာကလည္းပါမွာေပါ့၊ ပါၿပီးေတာ့မွ အေတြ႔အႀကံဳခ်င္းဖလွယ္တာတို႔ ေနာက္ၿပီးေတာ့မွ ေရွ႕ဆက္လုပ္မယ့္ဟာေလးေတြ အစီအစဥ္ဆြဲမွာတို႔ အႀကံျပဳတာေပါ့ေလ"

UNDP အဖဲြ႔ဟာ အဲ့ဒီေဆြးေႏြးပဲြၿပီးေနာက္ တိိုင္းနဲ႔ျပည္နယ္ အားလံုးက လႊတ္ေတာ္ကိုယ္စားလွယ္ေတြကိုလည္း လႊတ္ေတာ္ေရးရာပိုင္းနဲ႔ပတ္သက္ၿပီး သင္တန္းေတြပို႔ခ်မယ့္ အစီစဥ္ေတြရွိတယ္လို႔ သိရပါတယ္။

ၿပီးခဲ့တဲ့ ေဖေဖာ္ဝါရီလအတြင္း UNDP ရဲ႕ စီစဥ္မႈနဲ႔ ျပည္သူ႔လႊတ္ေတာ္နဲ႔ အမ်ိဳးသားလႊတ္ေတာ္က ကိုယ္စား လွယ္ေတြဟာ ေတာင္ကုိရီးယား၊ ေဟာင္ေကာင္၊ နယူးဇီလန္၊ အေရွ႕တီေမာ၊ အဂၤလန္၊ ဖိလစ္ပုိင္စတဲ့ လႊတ္ေတာ္ေတြက ဥကၠဌ၊ ဒုတိယဥကၠဌေဟာင္းေတြ၊ ကုိယ္စားလွယ္ေတြ၊ ကုိယ္စားလွယ္ေဟာင္းေတြ နဲ႔ ျပည္ေထာင္စုလႊတ္ေတာ္ဝင္းအတြင္းက သဘင္ေဆာင္မွာ ၅ ရက္ၾကာ ေတြ႔ဆံုၿပီး လႊတ္ေတာ္လုပ္ငန္းဆုိင္ရာ အေတြ႔အႀကံဳေတြကို ဖလွယ္ခဲ့ၾကပါတယ္။

အ့ဲဒီေတြ႔ဆံုပြဲမွာ လႊတ္ေတာ္လုပ္ငန္း အေတြ႔အႀကံဳေတြအျပင္ ဥပေဒျပဌာန္းတာေတြ၊ အစိုးရကို ေစာင့္ၾကည့္ေလ့ လာတာေတြမွာ ဖြဲ႔စည္းပံုအေျခခံဥပေဒ၊ လႊတ္ေတာ္ဆိုင္ရာဥပေဒ၊ နည္းဥပေဒေတြနဲ႔အညီ ေဆာင္ရြက္ႏုိင္ဖို႔ကို အျမင္ခ်င္းဖလွယ္ ေဆြးေႏြးခဲ့ၾကတာျဖစ္ပါတယ္။

RFA Burmese
http://www.rfa.org/burmese
...........

မန္တလေးတိုင်းဒေသကြီးရဲ့ ဒုတိယအကြိမ် တိုင်းဒေသကြီးလွှတ်တော် ပုံမှန်အစည်းအဝေးကို တွေ့ရစဉ်
Photo: RFA
ကုလသမဂ္ဂဖွံ့ဖြိုးမှုအစီအစဉ် UNDP အစီအစဉ်နဲ့ တိုင်းဒေသကြီး/ပြည်နယ် ၁၄ ခုက လွှတ်တော် ဥက္ကဌနဲ့ ဒုတိယဥက္ကဌတွေဟာ အရှေ့တောင်အာရှနိုင်ငံတွေက လွှတ်တော်ကိုယ်စားလှယ်တွေ၊ လွှတ်တော် ဥက္ကဌဟောင်းတွေနဲ့ လွှတ်တော်ရေးရာ ဖွံ့ဖြိုးတိုးတက်ရေးကိစ္စတွေကို လာမယ့် မတ်လ ၈ ရက်နေ့က စပြီး နေပြည်တော်မှာ နှစ်ရက်ကြာ တွေ့ဆုံဆွေးနွေးသွားမယ်လို့ သိရပါတယ်။

တိုင်းနဲ့ပြည်နယ်အားလုံးက လွှတ်တော်ဥက္ကဌနဲ့ ဒုတိယဥက္ကဌတွေကို နိုင်ငံတကာက လွှတ်တော်ဆိုင်ရာ အတွေ့အကြုံရှိသူတွေနဲ့ အမြင်ချင်း ဖလှယ်ဆွေးနွေးနိုင်ဖို့ ရည်ရွယ်တာ ဖြစ်တယ်လို့ ရှမ်းပြည်နယ် လွှတ်တော်ဥက္ကဌ ဦးစိုင်းလုံးဆိုင် က ပြောပါတယ်။

"ဥက္ကဌနဲ့ ဒုဥက္ကဌတွေကို တိုင်းနဲ့ပြည်နယ် အကုန်ဖိတ်တယ်လေ၊ နိုင်ငံတကာကလည်းပါမှာပေါ့၊ ပါပြီးတော့မှ အတွေ့အကြံုချင်းဖလှယ်တာတို့ နောက်ပြီးတော့မှ ရှေ့ဆက်လုပ်မယ့်ဟာလေးတွေ အစီအစဉ်ဆွဲမှာတို့ အကြံပြုတာပေါ့လေ"

UNDP အဖွဲ့ဟာ အဲ့ဒီဆွေးနွေးပွဲပြီးနောက် တိိုင်းနဲ့ပြည်နယ် အားလုံးက လွှတ်တော်ကိုယ်စားလှယ်တွေကိုလည်း လွှတ်တော်ရေးရာပိုင်းနဲ့ပတ်သက်ပြီး သင်တန်းတွေပို့ချမယ့် အစီစဉ်တွေရှိတယ်လို့ သိရပါတယ်။

ပြီးခဲ့တဲ့ ဖေဖော်ဝါရီလအတွင်း UNDP ရဲ့ စီစဉ်မှုနဲ့ ပြည်သူ့လွှတ်တော်နဲ့ အမျိုးသားလွှတ်တော်က ကိုယ်စား လှယ်တွေဟာ တောင်ကိုရီးယား၊ ဟောင်ကောင်၊ နယူးဇီလန်၊ အရှေ့တီမော၊ အင်္ဂလန်၊ ဖိလစ်ပိုင်စတဲ့ လွှတ်တော်တွေက ဥက္ကဌ၊ ဒုတိယဥက္ကဌဟောင်းတွေ၊ ကိုယ်စားလှယ်တွေ၊ ကိုယ်စားလှယ်ဟောင်းတွေ နဲ့ ပြည်ထောင်စုလွှတ်တော်ဝင်းအတွင်းက သဘင်ဆောင်မှာ ၅ ရက်ကြာ တွေ့ဆုံပြီး လွှတ်တော်လုပ်ငန်းဆိုင်ရာ အတွေ့အကြံုတွေကို ဖလှယ်ခဲ့ကြပါတယ်။

အဲ့ဒီတွေ့ဆုံပွဲမှာ လွှတ်တော်လုပ်ငန်း အတွေ့အကြံုတွေအပြင် ဥပဒေပြဌာန်းတာတွေ၊ အစိုးရကို စောင့်ကြည့်လေ့ လာတာတွေမှာ ဖွဲ့စည်းပုံအခြေခံဥပဒေ၊ လွှတ်တော်ဆိုင်ရာဥပဒေ၊ နည်းဥပဒေတွေနဲ့အညီ ဆောင်ရွက်နိုင်ဖို့ကို အမြင်ချင်းဖလှယ် ဆွေးနွေးခဲ့ကြတာဖြစ်ပါတယ်။

RFA Burmese
http://www.rfa.org/burmese

No comments:

Post a Comment