စကားမ်ားရန္ျဖစ္ ၿပီး လင္မယားႏွစ္ဦး ေရတြင္းထဲ ျပဳတ္က်ေသဆံုး


 ေမာ္လၿမိဳင္၊ ေဖေဖာ္၀ါရီ ၁၂ ။     ။ ေမာ္လၿမိဳင္ၿမိဳ႕၊ ေစ်းႀကိဳ၊ ၿခံႀကီးရပ္ကြက္ ျမဟသၤာလမ္းရွိ King Myanmar ေသာက္ေရသန္႔ စက္႐ံုေရွ႕ မ်က္ႏွာခ်င္းဆိုင္ ၿခံ၀င္းအတြင္းရွိ ေရတြင္းထဲသို႔ ေဖေဖာ္၀ါရီလ ၁၁ ရက္ ည ၈ နာရီခန္႔က လင္မယားႏွစ္ဦး စကားမ်ား ရန္ျဖစ္ၿပီး ျပဳတ္က် ေသဆုံးေၾကာင္း ေစ်းႀကိဳရပ္ကြက္ အုပ္ခ်ဳပ္ေရးမွဴး ဦးသန္းေအာင္က ေျပာသည္။

ေသဆံုးသူလင္မယားႏွစ္ဦးမွာ ေစ်းႀကိဳရပ္ကြက္၊ ၿခံႀကီးလမ္း မြန္စုရပ္တြင္ေနထိုင္ၿပီး King Myanmar ေသာက္ေရသန္႔ စက္႐ံုတြင္ အလုပ္လုပ္ေနေသာ ဦးရန္မ်ိဳးေအာင္ႏွင့္ ထိုစက္႐ံုမွ စာေရးမျဖစ္သူ ေဒၚရင္ရင္ခိုင္ တို႔ျဖစ္ေၾကာင္း ၎က ေျပာဆုိသည္။

“မေန႔ ညက ၈ နာရီေလာက္ ဒီမွာကြမ္းလာ၀ယ္ၿပီး သူတို႔လင္မယားႏွစ္ေယာက္ ရန္ျဖစ္ေနၾကတယ္၊ သူ႔မိန္းမက သူ႔ကို ပါးသံုးခ်က္ေလာက္ ဆင့္ရိုက္လိုက္တယ္၊ သူ႔ေယာက်ၤားက က်ဳပ္ျပန္ထိုးမိေတာ့မယ္ လို႔ေျပာေတာ့ မိ္န္းမျဖစ္သူက အဲဒီၿခံအေပါက္ကေနေျပး ၀င္သြားတယ္၊ ကၽြန္ေတာ္တို႔ အစ္မ ကလွမ္းေအာ္ေသးတယ္။အဲဒီမွာ ေရတြင္းရွိတယ္ေနာ္ ဆိုၿပီး ေအာ္ေျပာလိုက္တယ္၊ ေနာက္သူ႔ေယာက်ၤားက ေျပးလိုက္၀င္သြားတယ္”ဟု အခင္းျဖစ္ပြားရာ ၿခံအနီးတြင္ေနထိုင္သူ ကြမ္းယာဆိုင္မွ ဦးအုန္းေ၀က ေျပာသည္။

ယင္း လင္မယားႏွစ္ဦးမွာ မၾကာခဏ စကားမ်ား ရန္ျဖစ္ေလ့ရွိေၾကာင္း ၎က ထပ္မံေျပာသည္။

“နဲနဲၾကာလာေတာ့ ကၽြန္ေတာ့္ အစ္မ က သူတို႔ျပန္မထြက္လာေသးဘူး၊ တို႔သြားၾကည့္ရေအာင္ဆိုၿပီး ေရတြင္းကို သြားၾကည့္တယ္၊ ေရကေနာက္ေနေတာ့ ဘာမွမျမင္ရဘူး၊ အိမ္ျပန္ေရာက္မွာပဲဆိုၿပီး သြားၾကည့္ေတာ့ အိမ္မွာလဲမရွိၾကဘူး၊ ဒါဆိုေရတြင္းထဲ ျပဳတ္က်တာ ေသခ်ာၿပီး ေရတြင္းထဲျပန္ၾကည့္ေတာ့ ဖိနပ္နဲ႔ ပိုက္ဆံအိတ္ ေပၚလာတယ္၊” ဟု ၎ကထပ္ေလာင္းေျပာၾကားသည္။

ယင္းေနာက္ တြင္ ရပ္ကြက္ အုပ္ခ်ဳပ္ေရး မွဴး ႏွင္႔ ရဲစခန္းကို အေၾကာင္း ၾကား ၿပီး ည၁၂ နာရီ ထိ ဆက္လက္ရွာ ေဖြေသာ္လည္း မေတြ႔ ခဲ႔ေၾကာင္း ဦးအုန္းေ၀ကရွင္းျပသည္။

“ရဲေတြ က  ေရတြင္းထဲက်တာ ဟုတ္ခ်င္မွဟုတ္မယ္ဆိုုၿပီး ျပန္သြားတယ္၊ ည ၁၂ နာရီေလာက္ထိုး ေနၿပီးဆို ေတာ့ ကၽြန္ေတာ္တို႔လဲ ဆက္မရွာရဲေတာ့ဘူး” ဟု ၎က ဆက္လက္ေျပာဆိုသည္။

ေဖေဖာ္၀ါရီ ၁၂ ရက္ေန႔ နံနက္ ၁၀ နာရီ ၃၀ မိနစ္တြင္ ၎ရပ္ကြက္ ရာအိမ္မွဴးမွ ေရတြင္းထဲသို႔ ထပ္မံၾကည့္ ႐ႈရာ ဖိနပ္ႏွစ္ရံ ေပၚေနသျဖင့္ ရဲစခန္းႏွင့္ မီးသတ္တပ္ဖြဲ႕တို႔ကို အေၾကာင္းၾကားၿပီး ေန႔လည္ ၁၂ နာရီ အခ်ိန္ခန္႔တြင္ အကာရံမဲ့ ေရတြင္းထဲမွ ျပင္ပဒဏ္ရာ တစ္စံုတစ္ရာမရွိဘဲ ေသဆံုးေနသည့္ အေလာင္းႏွစ္ေလာင္းကို ဆယ္ယူခဲ့ေၾကာင္း မုပြန္နယ္ေျမရဲစခန္း၏ ရဲမွတ္တမ္းမ်ားအရ သိရသည္။

အဆိုပါေသဆံုးမႈႏွင့္ ပတ္သက္၍ ဓမၼတာအတိုင္းေသဆံုးျခင္း ဟုတ္မဟုတ္ စစ္ေဆးရန္ မုပြန္နယ္ေျမ ရဲစခန္း မွေသမႈေသခင္းအမွတ္စဥ္ (၁/၂၀၁၆) အရ စစ္ေဆးေဆာင္ရြက္လ်က္ရွိေၾကာင္း ယင္း နယ္ေျမရဲစခန္း၏ မွတ္တမ္းတြင္ ေဖၚျပထားသည္။

Written by – သားႀကီး
Hinthar Media Corporation
http://www.hintharmedia.com
..............




 မော်လမြိုင်၊ ဖေဖော်ဝါရီ ၁၂ ။     ။ မော်လမြိုင်မြို့၊ စျေးကြို၊ ခြံကြီးရပ်ကွက် မြဟင်္သာလမ်းရှိ King Myanmar သောက်ရေသန့် စက်ရုံရှေ့ မျက်နှာချင်းဆိုင် ခြံဝင်းအတွင်းရှိ ရေတွင်းထဲသို့ ဖေဖော်ဝါရီလ ၁၁ ရက် ည ၈ နာရီခန့်က လင်မယားနှစ်ဦး စကားများ ရန်ဖြစ်ပြီး ပြုတ်ကျ သေဆုံးကြောင်း စျေးကြိုရပ်ကွက် အုပ်ချုပ်ရေးမှူး ဦးသန်းအောင်က ပြောသည်။

သေဆုံးသူလင်မယားနှစ်ဦးမှာ စျေးကြိုရပ်ကွက်၊ ခြံကြီးလမ်း မွန်စုရပ်တွင်နေထိုင်ပြီး King Myanmar သောက်ရေသန့် စက်ရုံတွင် အလုပ်လုပ်နေသော ဦးရန်မျိုးအောင်နှင့် ထိုစက်ရုံမှ စာရေးမဖြစ်သူ ဒေါ်ရင်ရင်ခိုင် တို့ဖြစ်ကြောင်း ၎င်းက ပြောဆိုသည်။

“မနေ့ ညက ၈ နာရီလောက် ဒီမှာကွမ်းလာဝယ်ပြီး သူတို့လင်မယားနှစ်ယောက် ရန်ဖြစ်နေကြတယ်၊ သူ့မိန်းမက သူ့ကို ပါးသုံးချက်လောက် ဆင့်ရိုက်လိုက်တယ်၊ သူ့ယောကျင်္ားက ကျုပ်ပြန်ထိုးမိတော့မယ် လို့ပြောတော့ မိ်န်းမဖြစ်သူက အဲဒီခြံအပေါက်ကနေပြေး ၀င်သွားတယ်၊ ကျွန်တော်တို့ အစ်မ ကလှမ်းအော်သေးတယ်။အဲဒီမှာ ရေတွင်းရှိတယ်နော် ဆိုပြီး အော်ပြောလိုက်တယ်၊ နောက်သူ့ယောကျင်္ားက ပြေးလိုက်ဝင်သွားတယ်”ဟု အခင်းဖြစ်ပွားရာ ခြံအနီးတွင်နေထိုင်သူ ကွမ်းယာဆိုင်မှ ဦးအုန်းဝေက ပြောသည်။

ယင်း လင်မယားနှစ်ဦးမှာ မကြာခဏ စကားများ ရန်ဖြစ်လေ့ရှိကြောင်း ၎င်းက ထပ်မံပြောသည်။

“နဲနဲကြာလာတော့ ကျွန်တော့် အစ်မ က သူတို့ပြန်မထွက်လာသေးဘူး၊ တို့သွားကြည့်ရအောင်ဆိုပြီး ရေတွင်းကို သွားကြည့်တယ်၊ ရေကနောက်နေတော့ ဘာမှမမြင်ရဘူး၊ အိမ်ပြန်ရောက်မှာပဲဆိုပြီး သွားကြည့်တော့ အိမ်မှာလဲမရှိကြဘူး၊ ဒါဆိုရေတွင်းထဲ ပြုတ်ကျတာ သေချာပြီး ရေတွင်းထဲပြန်ကြည့်တော့ ဖိနပ်နဲ့ ပိုက်ဆံအိတ် ပေါ်လာတယ်၊” ဟု ၎င်းကထပ်လောင်းပြောကြားသည်။

ယင်းနောက် တွင် ရပ်ကွက် အုပ်ချုပ်ရေး မှူး နှင့် ရဲစခန်းကို အကြောင်း ကြား ပြီး ည၁၂ နာရီ ထိ ဆက်လက်ရှာ ဖွေသော်လည်း မတွေ့ ခဲ့ကြောင်း ဦးအုန်းဝေကရှင်းပြသည်။

“ရဲတွေ က  ရေတွင်းထဲကျတာ ဟုတ်ချင်မှဟုတ်မယ်ဆိုုပြီး ပြန်သွားတယ်၊ ည ၁၂ နာရီလောက်ထိုး နေပြီးဆို တော့ ကျွန်တော်တို့လဲ ဆက်မရှာရဲတော့ဘူး” ဟု ၎င်းက ဆက်လက်ပြောဆိုသည်။

ဖေဖော်ဝါရီ ၁၂ ရက်နေ့ နံနက် ၁၀ နာရီ ၃၀ မိနစ်တွင် ၎င်းရပ်ကွက် ရာအိမ်မှူးမှ ရေတွင်းထဲသို့ ထပ်မံကြည့် ရှုရာ ဖိနပ်နှစ်ရံ ပေါ်နေသဖြင့် ရဲစခန်းနှင့် မီးသတ်တပ်ဖွဲ့တို့ကို အကြောင်းကြားပြီး နေ့လည် ၁၂ နာရီ အချိန်ခန့်တွင် အကာရံမဲ့ ရေတွင်းထဲမှ ပြင်ပဒဏ်ရာ တစ်စုံတစ်ရာမရှိဘဲ သေဆုံးနေသည့် အလောင်းနှစ်လောင်းကို ဆယ်ယူခဲ့ကြောင်း မုပွန်နယ်မြေရဲစခန်း၏ ရဲမှတ်တမ်းများအရ သိရသည်။

အဆိုပါသေဆုံးမှုနှင့် ပတ်သက်၍ ဓမ္မတာအတိုင်းသေဆုံးခြင်း ဟုတ်မဟုတ် စစ်ဆေးရန် မုပွန်နယ်မြေ ရဲစခန်း မှသေမှုသေခင်းအမှတ်စဉ် (၁/၂၀၁၆) အရ စစ်ဆေးဆောင်ရွက်လျက်ရှိကြောင်း ယင်း နယ်မြေရဲစခန်း၏ မှတ်တမ်းတွင် ဖေါ်ပြထားသည်။

Written by – သားကြီး
Hinthar Media Corporation
http://www.hintharmedia.com
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)