စားအုန္းဆီႏွင့္ အျခားစားသုံးဆီ ေရာထားေသာ စားသံုးရန္ မသင့္သည့္ ေျမပဲဆီ ၁၈ မ်ိဳး ထုတ္ျပန္

က်န္းမာေရး ဝန္ႀကီးဌာန၏ စားသံုးရန္ မသင့္သည့္ ေျမပဲဆီ ၁၈ မ်ိဳး ထုတ္ျပန္ ေၾကညာခ်က္္ (ဓာတ္ပံု - MOI)

ေစ်းကြက္အတြင္း စားအုန္းဆီႏွင့္ အျခား စားသုံးဆီ ေရာထားေသာ စားသံုးရန္ မသင့္သည့္ ေျမပဲဆီ ၁၈ မ်ိဳးကို က်န္းမာေရး ဝန္ႀကီးဌာနက ယေန႔ ထုတ္ျပန္ ေၾကညာလိုက္သည္။
ေစ်းကြက္မ်ားတြင္ ေရာင္းခ်လ်က္ရွိေသာ ေတာ္ဝင္နဒီ၊ Lucky ၊ ss ၊ ေရႊမိုး၊ စိ္န္သရဖူ၊ Family၊ စံထိပ္တန္း၊ ေရႊစင္၊ ညႊန္႔ေဌး၊ ေရႊကမၻာ၊ စိန္ေတာင္တန္း၊ အိုေကစီ၊ Quality၊ ေရႊေတာင္၊ ေကာင္းထက္ေက်ာ္၊ ေကာင္းႀကိဳက္၊ အင္းဝႏွင့္ ေအးျမတ္မြန္ စေသာ အမွတ္တံဆိပ္ ေျမပဲဆီမ်ားမွာ ေျမပဲဆီ အစစ္မဟုတ္ဘဲ စားအုန္းဆီႏွင့္ အျခားစားသုံးဆီ အေရာမ်ား ျဖစ္ေၾကာင္း စစ္ေဆး ေတြ႕ရွိရသည္ဟု ေၾကညာခ်က္တြင္ ေဖာ္ျပထားသည္။

အဆိုပါ အမွတ္ တံဆိပ္ျဖင့္ ေျမပဲဆီ ထုတ္လုပ္သည့္ လုပ္ငန္းမ်ား အေနျဖင့္ စံမညီ စားသုံးဆီမ်ားအား ေစ်းကြက္မွ အျမန္ဆုံး ျပန္လည္ ႐ုပ္သိမ္းသြားရန္ႏွင့္ ဆက္လက္ ထုတ္လုပ္ ေရာင္းခ်ေၾကာင္း စိစစ္ေတြ႕ရွိရပါက အမ်ဳိးသား အစားအေသာက္ ဥပေဒ ပုဒ္မ၂၈ (ခ) အရ အေရးယူ သြားမည္ ျဖစ္ေၾကာင္း ေၾကညာထားသည္။

သတ္မွတ္ စံႏႈန္းမ်ားႏွင့္ ညီၫြတ္ ေစရန္အတြက္ ေစ်းကြက္မ်ားရွိ စားသုံးဆီမ်ားအား ဆက္လက္ စစ္ေဆး ေဖာ္ထုတ္ ၾကပ္မတ္ ေဆာင္ရြက္လ်က္ ရွိေၾကာင္း က်န္းမာေရး ဝန္ႀကီးဌာနထံမွ သိရသည္။ 

(Xinhua)
http://www.xinhuamyanmar.com
..............
 ကျန်းမာရေး ဝန်ကြီးဌာန၏ စားသုံးရန် မသင့်သည့် မြေပဲဆီ ၁၈ မျိုး ထုတ်ပြန် ကြေညာချက်် (ဓာတ်ပုံ - MOI)

စျေးကွက်အတွင်း စားအုန်းဆီနှင့် အခြား စားသုံးဆီ ရောထားသော စားသုံးရန် မသင့်သည့် မြေပဲဆီ ၁၈ မျိုးကို ကျန်းမာရေး ဝန်ကြီးဌာနက ယနေ့ ထုတ်ပြန် ကြေညာလိုက်သည်။
စျေးကွက်များတွင် ရောင်းချလျက်ရှိသော တော်ဝင်နဒီ၊ Lucky ၊ ss ၊ ရွှေမိုး၊ စိ်န်သရဖူ၊ Family၊ စံထိပ်တန်း၊ ရွှေစင်၊ ညွှန့်ဌေး၊ ရွှေကမ္ဘာ၊ စိန်တောင်တန်း၊ အိုကေစီ၊ Quality၊ ရွှေတောင်၊ ကောင်းထက်ကျော်၊ ကောင်းကြိုက်၊ အင်းဝနှင့် အေးမြတ်မွန် စသော အမှတ်တံဆိပ် မြေပဲဆီများမှာ မြေပဲဆီ အစစ်မဟုတ်ဘဲ စားအုန်းဆီနှင့် အခြားစားသုံးဆီ အရောများ ဖြစ်ကြောင်း စစ်ဆေး တွေ့ရှိရသည်ဟု ကြေညာချက်တွင် ဖော်ပြထားသည်။

အဆိုပါ အမှတ် တံဆိပ်ဖြင့် မြေပဲဆီ ထုတ်လုပ်သည့် လုပ်ငန်းများ အနေဖြင့် စံမညီ စားသုံးဆီများအား စျေးကွက်မှ အမြန်ဆုံး ပြန်လည် ရုပ်သိမ်းသွားရန်နှင့် ဆက်လက် ထုတ်လုပ် ရောင်းချကြောင်း စိစစ်တွေ့ရှိရပါက အမျိုးသား အစားအသောက် ဥပဒေ ပုဒ်မ၂၈ (ခ) အရ အရေးယူ သွားမည် ဖြစ်ကြောင်း ကြေညာထားသည်။

သတ်မှတ် စံနှုန်းများနှင့် ညီညွတ် စေရန်အတွက် စျေးကွက်များရှိ စားသုံးဆီများအား ဆက်လက် စစ်ဆေး ဖော်ထုတ် ကြပ်မတ် ဆောင်ရွက်လျက် ရှိကြောင်း ကျန်းမာရေး ဝန်ကြီးဌာနထံမှ သိရသည်။

(Xinhua)
http://www.xinhuamyanmar.com