Latest News

CREDIT

သတင္းစံုေပ်ာ္၀င္အိုးၾကီးတြင္ ေဖာ္ျပထားသည့္ သတင္း၊ဓာတ္ပံုမ်ားသည္ သက္ဆိုင္သူမ်ား၏မူပိုင္သာျဖစ္ေၾကာင္း အသိေပးအပ္ပါသည္။

Tuesday, September 29, 2015

ဘဂၤလားေဒ့ရွ္႕လံုျခံဳေရး ႏိုင္ငံတကာ သတိေပး

ဒါကာၿမိဳ႕ေတာ္မွာ အီတလီ အကူအညီေပးေရး လုပ္သား တဦး ပစ္သတ္ခံရ။
 ဘဂၤလားေဒရွ္႕ ႏုိင္ငံ ဒါကာၿမိဳ႕ေတာ္မွာ အီတလီ အကူအညီေပးေရး လုပ္သား တဦး ပစ္သတ္ခံရမႈကို အစၥလာမၼစ္ အစြန္းေရာက္ IS တို႔က သူတို႔ လက္ခ်က္ ျဖစ္တယ္ လို႔ ေျပာဆိုလုိက္ၿပီးေနာက္မွာေတာ့ ဘဂၤါလားေဒရွ္႕ ႏုိင္ငံတြင္း အၾကမ္းဖက္မႈေတြနဲ႔ ပတ္သက္ၿပီးအေနာက္ႏုိင္ငံ သံရံုးေတြက သူတို႔ရဲ႕ ႏုိင္ငံသားေတြကို သတိေပးခ်က္ေတြ ထုတ္ျပန္ေနၾကပါတယ္။

ဘဂၤလားေဒရွ္႕ ႏုိင္ငံတြင္းက ၾသစေတးလ် ႏုိင္ငံသားေတြကို စစ္ေသြးၾကြေတြက ပစ္မွတ္ထား တုိက္ခုိက္ႏုိင္တယ္ ဆိုတဲ႔ ယံုၾကည္ရေလာက္တဲ႔ သတင္း အခ်က္အလက္ သစ္ေတြရွိေနတယ္လို႔ အေမရိကန္ သံရံုးက ေျပာဆိုထားပါတယ္။

အေမရိကန္ ႏုိင္ငံသားေတြ အပါအ၀င္ တျခား ႏုိင္ငံျခားသားေတြကိုလည္း တိုက္ခိုက္ခံရႏုိင္တယ္လို႔ ေျပာဆိုထားပါတယ္။ ႏိုင္ငံျခားသားေတြ အုပ္စုဖြဲ႔ရွိေနတတ္တဲ့ ပြဲလမ္းသဘင္ေတြကို ေရွာင္ရွားၾကဖို႔နဲ႔ ႏုိးႏုိုးၾကားၾကား သတိထားၾကဖို႔ကိုလည္း အေမရိကန္ သံရံုးက ႏုိင္ငံသားေတြကို တိုက္တြနး္ထားပါတယ္။

ကေနဒါ၊ ၾသစေတးလ်နဲ႔ ၿဗိတိန္ႏုိင္ငံ ဆုိင္ရာ သံရံုးေတြကလည္း အလားတူ သတိေပးခ်က္ေတြ ထုတ္ျပန္ထားပါတယ္။ မေန႔ တနလာၤေန႔တုန္းက အီတလီႏိုင္ငံသား Cesare Tavella ဟာ ဒါကာၿမိဳ႕က သံတမန္ ရပ္ကြက္ အတြင္းမွာ ပစ္သတ္ခံခဲ႔ရတာ ျဖစ္ပါတယ္။

ဗြီအိုေအ (ျမန္မာပုိင္း)
http://burmese.voanews.com
.............................

ဒါကာမြို့တော်မှာ အီတလီ အကူအညီပေးရေး လုပ်သား တဦး ပစ်သတ်ခံရ။
 ဘင်္ဂလားဒေရှ့် နိုင်ငံ ဒါကာမြို့တော်မှာ အီတလီ အကူအညီပေးရေး လုပ်သား တဦး ပစ်သတ်ခံရမှုကို အစ္စလာမ္မစ် အစွန်းရောက် IS တို့က သူတို့ လက်ချက် ဖြစ်တယ် လို့ ပြောဆိုလိုက်ပြီးနောက်မှာတော့ ဘင်္ဂါလားဒေရှ့် နိုင်ငံတွင်း အကြမ်းဖက်မှုတွေနဲ့ ပတ်သက်ပြီးအနောက်နိုင်ငံ သံရုံးတွေက သူတို့ရဲ့ နိုင်ငံသားတွေကို သတိပေးချက်တွေ ထုတ်ပြန်နေကြပါတယ်။

ဘင်္ဂလားဒေရှ့် နိုင်ငံတွင်းက သြစတေးလျ နိုင်ငံသားတွေကို စစ်သွေးကြွတွေက ပစ်မှတ်ထား တိုက်ခိုက်နိုင်တယ် ဆိုတဲ့ ယုံကြည်ရလောက်တဲ့ သတင်း အချက်အလက် သစ်တွေရှိနေတယ်လို့ အမေရိကန် သံရုံးက ပြောဆိုထားပါတယ်။

အမေရိကန် နိုင်ငံသားတွေ အပါအဝင် တခြား နိုင်ငံခြားသားတွေကိုလည်း တိုက်ခိုက်ခံရနိုင်တယ်လို့ ပြောဆိုထားပါတယ်။ နိုင်ငံခြားသားတွေ အုပ်စုဖွဲ့ရှိနေတတ်တဲ့ ပွဲလမ်းသဘင်တွေကို ရှောင်ရှားကြဖို့နဲ့ နိုးနိုုးကြားကြား သတိထားကြဖို့ကိုလည်း အမေရိကန် သံရုံးက နိုင်ငံသားတွေကို တိုက်တွနး်ထားပါတယ်။

ကနေဒါ၊ သြစတေးလျနဲ့ ဗြိတိန်နိုင်ငံ ဆိုင်ရာ သံရုံးတွေကလည်း အလားတူ သတိပေးချက်တွေ ထုတ်ပြန်ထားပါတယ်။ မနေ့ တနလာင်္နေ့တုန်းက အီတလီနိုင်ငံသား Cesare Tavella ဟာ ဒါကာမြို့က သံတမန် ရပ်ကွက် အတွင်းမှာ ပစ်သတ်ခံခဲ့ရတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

No comments:

Post a Comment