နာဂစ်တုံးက ကျနော်ကပြန်ကြားရေးဝန်ကြီးဌာနကိုယ်စားပြုအစည်းဝေးတက်ရတယ် တလလောက်ကြာတယ် ညကျရင် ရန်ကုန်စစ်ရုံးအနီကြီး ရဲ့ စာပွဲပေါ်မှာဘဲအိပ်လိုက်တယ် ကျနော့်အလုပ်က မနက် ဆို ရဟတ်ယာဉ် ၁၁ စီးပေါ်မှာ ဘယ်လေယာဉ်နဲ့ ဘယ်ရိုက်ကူးရေးအဖွဲ့လိုက် ကယ်ဆယ်ရေးပစ္စည်းတွေ လိုက်ချ လူနာတွေပြန်သယ်လာ အဲဒါတွေ လိုက်ရိုက်ရတယ် အလောင်တွေကမြင်မကောင်းဘူး နာဂစ်အဆိုးဆုံး နယ်မြေတွေကို ၂၅ ခေါက်ရောက်တယ် တခါတလေ တစ်ရက်ထဲ ၃ ခေါက်လိုက်ရတယ် ။ မနက်အစော ထ စီစဉ် ညမိုးချုပ်မှရောက်တော့ အိမ်မပြန်တော့ဘူး စစ်ရုံးမှာဘဲအိပ်လိုက်တော့တယ် ။
အဲဒီတုံးက လေချုပ် ကိုမြတ်ဟိန်း (ခု ဆက်သွယ်ရေးဝန်ကြီး )က ရုံးဆင်းချိန်ရောက်ပြီး မိုးချုပ်နေတာတောင် အိမ်မပြန်သေးဘူး ယူနီဖေါင်းနဲ့ ညှပ်ဖိနပ်လေးနဲ့ ကားသမား နဲ့ သူ နှစ်ယောက်ထဲဘဲ လေယာဉ်တွေပြန်ရောက်လာတာ စုံတဲ့အထိ လေယာဉ်ကွင်းကစောင့်တယ် ပိုင်းလော့တွေကိုအခက်အခဲမေးတယ် လိုအပ်တာလမ်းညွှန်တယ်လုပ်ပေးတယ် ကိုသိန်းနိုင်တို့ကိုဇင်ယော်တို့လည်း အားထည့်ကြတယ် အောက်ခြေက တချို့ပိုင်းလော့လေးတွေက မောက်မာတယ် ပညာပြခြင်တယ် တချို့က စေတနာပါတယ် ကျနော်က မောက်မာပြီးပညာပြတဲ့ ပိုင်းလော့လေးတွေနဲ့ နောက်အခေါက်တွေကျ မလိုက်တော့ဘူး စိတ်ဆင်းရဲလို့ ဒါတွေထားပါတော့ ။
ညတိုင်းအစည်းဝေးလုပ်တယ် ဦးစီးလုပ်သူက ဝန်ကြီးချုပ် ဗိုလ်ချုပ်ကြီးသိန်းစိန် ။ တစ်နေ့ညမှာပေါ့ ဗျာ အစည်းဝေးမှာ ဝန်ကြီးတွေက ထပြောကြတယ် နာမည်တော့မပြောတော့ပါဘူး တချို့ဝန်ကြီးတွေက လေဘေးရေဘေးကယ်ဆယ်ရေးကိစ္စ ဦးစားပေးပြောတယ် တချို့ဝန်ကြီးတွေတော်တော်များများက ၂၀၀၈ ဖွဲ့စည်းပုံမှာ ကြိုတင်မဲလေးတွေနဲနဲပေးပါဦး လို့ ဦးစားပေးတောင်းတယ် ဝန်ကြီချုပ်က စိတ်မရှည်တဲ့ပုံနဲ့ ခင်ဗျားတို့ကလည်းဗျာ ဒီလောက်ဖြစ်နေတာ ကယ်ဆယ်ရေးကိစ္စဦးစားပေးပြောကြစမ်းပါ လို့ ဆူမှ ကြိုတင်မဲကိစ္စရပ်သွားတယ် ။ အဲဒီမှာ နိုင်ငံခြားရေးဒုဝန်ကြီးက ထ ပြောတယ် ပြင်သစ် ရေတပ်ကစစ်သင်္ဘောတစ်စီးမြန်မာ့ရေပိုင်နက်နားရောက်နေတယ် မနက်ဖန်ရဟတ်ယာဉ်တစ်စီးလွှတ်လိုက်မယ် အဲ့ဒီရဟတ်ယာဉ်နဲ့ပြင်သစ်သံအမတ်နဲ့မြန်မာဒုနိုင်ငံခြားရေးဝန်ကြီးလိုက်ခဲ့ရမယ် ပြီးရင် နာဂစ် ဧရိယာကိုဝင်မယ် ကယ်ဆယ်ရေးလုပ်မယ် သူတို့မှာဆေးရုံသင်္ဘောပါတယ် လူ ဘယ်နှစ်ထောင် ဘယ်နှရက်စားနိုင်တဲ့ ရိက္ခါတွေပါတယ်လို့ပြောတယ် အဲဒါ ပြင်သစ်ကို ဘယ်လိုအကြောင်းပြန်လိုက်ရမလဲ လို့မေးတယ် ။ အားလုံးကငြိမ်နေတယ် ဝန်ကြီးချုပ် ဗိုလ်ချုပ်ကြီးသိန်းစိန်က ဘာမှပြန်မပြောဘူး တခြားစကားလမ်းကြောင်းလွှဲ သွားတယ် ဒီကိစ္စဒီမှာဖြတ်လို့မရလို့မပြောတာနေမှာပေါ့ ။ နာဂစ်နယ်မြေမှာ ပြင်သစ်သင်္ဘောလာသွားတာတော့မတွေ့ဘူး အမေရိကန်တွေတော့ စစ်လေယာဉ်တွေနဲ့ မင်္ဂလာဒုံမှာ ဘီစကစ်တွေရေသန့်ဗူးတွေလာချလို့ ကျနော်ကရိုက်ကူးရေးတဖွဲ့ညအိပ်စောင့်ထားပြီးနေ့ညရိုက်ပေးရတယ် ။
ဆိုလိုတာက အဲဒီခေတ်က ကူမယ့်လူလာပေမဲ့ လူတိုင်းကူဘို့အစဉ်မပြေခဲ့ဘူး တချို့လက္ခံတယ် တချို့ကိုလက်မခံဘူး ။
ခု မြန်မာ့သြဘာက ကိုသတိုးဟိန်း ကရေဘေးအတွက် သိန်း ၆၀၀ ဘိုးလောက်လှုခြင်လို့ ကျနော့်ကိုကမ်းလှမ်းလာတယ် ကျနော့် ဂန့်ဂေါက တပိုင်တနိုင်ဖြစ်လို့ အကူညီမလိုဘူး ပျက်ဆီးတာတွေရေကျရင်ပြန်ပြင်ဘို့စာသင်ကျောင်းပြိုတာကအစအားလုံးစပွန်ဆာရသွားပြီ ဒါကြောင့် ကိုသတိုးဟိန်း ရဲ့ သိန်း၆၀၀ ဘိုး အခြားနေရာတွေလှုနိုင်အောင် သက်ဆိုင်ရာတွေလိုက်ချိတ်တယ် ခုထိအစဉ်မပြေသေးဘူး လှုမယ့်လူကအဆင်သင့် အကူညီ လိုနေတဲ့ လူတွေကလည်း အများကြီး ရှိနေတယ် ။
နာဂစ်တုံးကပြင်သစ်တွေမလာရသလိုဘဲ ဘာမှမထူးဘူးလို့တွေးမိတယ် ။
Hla Swe
No comments:
Post a Comment