တရုတ်နိုင်ငံ အနောက်တောင်ပိုင်း ချုံကင်းမြို့တွင် လေးနှစ်အရွယ် သွေးကင်ဆာ ဝေဒနာသည် သမီးငယ်အတွက် ဆေးဖိုး လိုနေသောကြောင့်(၂၈)နှစ် အရွယ် မိခင်သည် တစ်ခါဖက်လျှင် တစ်ပေါင်( ၁၀ ယွမ်) တောင်းကာ ငွေရှာလျက် ရှိကြောင်း သိရသည်။
ချင်တီကျွမ်ဆိုသည့် ထိုအမျိုးသမီးမှာ ချုံကင်း မြေအောက် ဘူတာရုံတွင် ကလေးနှင့် အတူ မတ်တပ်ရပ်ကာ ၎င်းအား ဖက်လိုသည့် မည်သူမဆိုအား (၁၀) ယွမ် ပေးလျှင် ဖက်ရမည်ဟု ကြေညာကာ ဆေးစရိတ် ရှာခဲ့ခြင်း ဖြစ်သည်။ သူမသည် လက်ထဲတွင်လည်း အပွေ့အဖက်များ ရောင်းသည်။ တစ်ခါဖက်(၁၀) ယွမ်ဟု ရေးသားထားသည်။ တီကျွမ်မှာ သူမ၏ မှတ်ပုံတင်ကတ်နှင့် သမီးဖြစ်သူ၏ ဆေးမှတ်တမ်း တို့ကိုလည်း ငွေလှူသူများ တွေ့နိုင်အောင် ချိတ်ဆွဲပြသထားသည်။
၎င်းသည် ကလေးဖြစ်သူ ကင်ဆာ ကုသရန် ယွမ်ခုနှစ်သောင်း ရခဲ့သော်လည်း ဆေးဖိုးအတွက်နဲ့ချည်း ကုန်သွားပြီ ဖြစ်ကြောင်း သိရသည်။ ထိုငွေများမှာ သူငယ်ချင်းနှင့် ဆွေမျိုးသားချင်းများက ထောက်ပံ့ခြင်း ဖြစ်သည်။ တီကျွမ်သည် လက်ရှိတွင် ပွေ့ဖက်ပေးခြင်း ၊ အဖက်ခံခြင်းဖြင့် ရန်ပုံငွေ ယွမ် (၆၀၀) ရာကျော် ရခဲ့ပြီဖြစ်ကြောင်း သိရသည်။ ထိုမိသားစုအတွက် လှူဒါန်းလိုသူများ အနေဖြင့်လည်း အွန်လိုင်းတွင် ဖော်ပြထားချက်များကို စုံစမ်း၍ လှူဒါန်းနိုင်ကြောင်း သတင်းက ဖော်ပြထားသည်။
messenger news journal
No comments:
Post a Comment