အိုလံပစ်မီးရှူးတိုင် မီးထွန်းညှိပြီး ပြိုင်ပွဲကို ဖွင့်လှစ်လိုက်အပြီးမှာ Lavigne ဟာ တလက်လက်တောက်ပနေတဲ့ အနက်ရောင်ဝတ်စုံနဲ့ စင်ပေါ်တက်လာပြီး သူမရဲ့ နောက်ဆုံးထွက်ဆင်ဂယ်လ် Fly ကို သီဆိုဖျော်ဖြေသွားခဲ့ပါတယ်။Avril Lavigne ဟာ ရီဟာဇယ်ပြုလုပ်ခဲ့တဲ့ သောကြာနေ့ ညကလည်း သူမရဲ့ Instagram စာမျက်နှာမှာ “ ခုလေးတင်ပဲ Fly သီချင်းကို စင်ပေါ်မှာ ပထမဆုံးအနေနဲ့  အဆုံးထိ သီဆိုခဲ့တယ်” လို့ ရေးသားခဲ့ပါတယ်။
“ မဖြစ်နိုင်တော့ဘူးလို့ ထင်ရတဲ့အရာတွေကို ဖြစ်လာအောင်လုပ်နေပါတယ်.. လိုင်းမ်ရောဂါကိုလည်း တွန်းလှန်တိုက်ခိုက်နေပါတယ်။ ‘အရောက်သွားကြမယ်..အရှုံးမပေးကြေး’ ၂၀၁၅ အယ်လ်အေ ဥာဏ်ရည်မသန်စွမ်း သီးသန့် အိုလံပစ်ပြိုင်ပွဲမှာ ပါဝင်ရတာ အရမ်းပျော်ရွှင်မိပါတယ်၊ ကျေးဇူးတင်ပါတယ်” လို့ လည်း ရေးသားထားပါတယ်။ အရောက်သွားကြမယ်..အရှုံးမပေးကြေးဆိုတာ သူမရဲ့ Fly သီချင်းထဲကစာသားတစ်ချို့ ဖြစ်ပါတယ်။
လွန်ခဲ့တဲ့အောက်တိုဘာကကျင်းပခဲ့တဲ့ သူမရဲ့ အသက် ၃၀ နှစ်ပြည့်မွေးနေ့ ပွဲအပြီး မကြာမီမှာပဲ Lavigne ဟာ လိုင်းမ်ရောဂါကြောင့် အိပ်ရာထဲ လဲခဲ့တာဖြစ်ပါတယ်။ အခုအချိန်မှာတော့ သူမရဲ့ ကျန်းမာရေးဟာ တိုးတက်မှုရှိနေပြီး မကြာမီ ၁၀၀ ရာခိုင်နှုန်း ပြန်လည် သက်သာလာတော့မယ်လို့ Good Morning America အစီအစဉ် နဲ့ တွေ့ ဆုံပွဲမှာ ပြောကြားသွားခဲ့ပါတယ်။ လိုင်းမ်ရောဂါ ဟာ ဘက်တီးရီးယားက တဆင့်ကူးစက်တဲ့ရောဂါဖြစ်ပြီး အစောပိုင်းရောဂါ လက္ခဏာတွေအနေနဲ့ အဖျားဝင်၊ခေါင်းကိုက်၊မောပန်းမှုတွေ ခံစားရကာ ကုသမှုမခံယူပါက မျက်နှာလေဖြတ်ခြင်း၊ အဆစ်အမြစ်ကိုက်ခဲခြင်း နဲ့ ရင်တုန်မူးဝေဖြစ်ခြင်းတို့ ပါ ဖြစ်နိုင်ပါတယ်။
Ref: Mirror.co.uk
http://www.trend.com.mm/2015/07/27/news-7268
No comments:
Post a Comment