Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Tuesday, June 30, 2015

အွန်လိုင်းမှာ ပျံ့သွားတဲ့ ဓာတ်ပုံတွေကြောင့် မကျေမနပ်ဖြစ်နေတဲ့ ထိုင်းမင်းသမီးက ဖြန့်သူလို့ယူဆရသူကို တရားစွဲ

ထိုင်းနိုင်ငံမှ နာမည်ကြီးရုပ်ရှင်မင်သမီး ဘွန်ကော့ “တက်” ခေါန်မလိုင်ဟာ သူ့ရဲ့ ရေကူးဝတ်စုံ ၀တ်ဆင်ထားတဲ့ ဓာတ်ပုံတွေ ပြင်ပကို ထွက်ရှိလာတဲ့အတွက် အဲ့ဒီ မင်းသမီး နဲ့ အပျော်စီးလှေလှော်ရန်အတွက် အငှားချထားသူတစ်ဦးတို့ တရားရုံးတော်မှာ တရားရင်ဆိုင်ဖို့ ရှိနေပါတယ်။

“တက်” လို့ လူသိများတဲ့ နာမည်ကြီးမင်းသမီးဟာ ဒီကိစ္စနဲ့ပတ်သက်လို့ လှေပေါ်မှဝန်ထမ်းတစ်ဦးအား တရားစွဲဆိုလိုက်တာပါ။

မင်းသမီး “တက်” အနေနဲ့ သူ့ရဲ့ ဓါတ်ပုံတွေ လူမှုမီဒီယာပေါ် ပျံ့နှံ့လာတဲ့အကြောင်းကို ပြီးခဲ့တဲ့ ရက်သတ္တပတ်က ဖွင့်ဟပြောဆိုခဲ့ပါတယ်။ ဒါ့ထက် သားတစ်ယောက်မိခင် မင်းသမီးအနေနဲ့ လှပကျော့ရှင်းမှု လျော့ နည်းလာတဲ့ သူ့ရဲ့ခန္ဓာကိုယ်အချိုးအစားကို ဖော်ပြထားသော ပုံများဟာ မကြာသေးခင်ကမှ မီဒီယာတွေမှာ
 ဖော်ပြလာခဲ့ခြင်းပါ။

လူမှုမီဒီယာမှာ ပျံ့နှံ့သွားတဲ့ ဓါတ်ပုံတွေဟာ ပြီးခဲ့တဲ့လက သူနဲ့ သူ့ရဲ့ ခင်ပွန်းသည်ဖြစ်သူ Dtac ဆက်သွယ်ရေးကုမ္ပဏီအား တည်ထောင်ခဲ့တဲ့ သန်းကြွယ်သူဌေး ဘွန်ချိုင်း ဘန်ချာရွန်ကယ်တို့ ဖူးကတ် ကမ်းခြေမှာ အပျော်ခရီးထွက်ခဲ့တုန်းက ရွက်လှေပေါ်မှာ ရိုက်ကူးခဲ့တဲ့ပုံတွေပါ။

အနက်ရောင်ရေကူးဝတ်စုံကို ၀တ်ဆင်ထားပြီး ရင်သားတွေကိုပေါ်လွင်စေခဲ့သူ မင်းသမီးဟာ ဒီဓါတ်ပုံတွေကို တစ်ဦးတည်းရိုက်ကူးခံခဲ့ခြင်းလည်း ဖြစ်ပါတယ်။ သူမခင်ပွန်းရဲ့သူငယ်ချင်းဖြစ်သူ ချာလီဆိုသူဟာ ဒီ ဓါတ်ပုံတွေကို ရိုက်ကူးပေးခဲ့တာဖြစ်ပြီး အဲ့ဒီလူကတော့ ဒီ ဓါတ်ပုံတွေ ထွက်ပေါ်လာရခြင်းဟာ သူ့ကြောင့် မဟုတ်ဘူးလို့ ငြင်းဆိုထားပါတယ်။ မင်းသမီး ‘တက်’ကတော့ သူတို့တတွေဟာ ဒီ ဓါတ်ပုံတွေကို သိမ်း ဆည်းထားပေးမယ်လို့သာ ယုံကြည်နေခဲ့ပြီး အပြင်လူထုထဲကို ဒီလို ဖြန့်လိမ့်မယ်လို့ မထင်ခဲ့မိကြောင်း ပြောထားပါတယ်။

ဓါတ်ပုံတွေ စတင်ထွက်ပေါ်လာစကတော့ ဒီပုံတွေဟာ လှေအငှားလိုက်သူတွေရဲ့လက်ချက်လို့ အထင်မှားခဲ့ပြီး မင်းသမီးမှ အငှားကုမ္ပဏီကို တရားစွဲဆိုဖို့ ပြင်ဆင်တဲ့အနေနဲ့ ရှေ့နေဖြစ်သူတစ်ဦးကို ဖနုန် ယိုသင် ရဲ စခန်းကို စေလွှတ်ခဲ့တာပါ။

မင်းသမီးကတော့ “ သိပ်ဆိုးဝါးတဲ့ ကံကြမ္မာပါပဲ၊ တကယ့်ကို အဖိုးအခကြီးသွားပြီ။ လူတစ်ဦးက ဒီလို ကောက်ကျစ်ပြီး ရိုက်ကူးဖြန့်ထုတ်လိုက်တဲ့ ဓါတ်ပုံတွေကြောင့် ကျွန်မတို့အများကြီး နစ်နာပါတယ်” လို့ ရေးသားထားပါတယ်။ ဒါ့အပြင် မင်းသမီးအနေနဲ့ သူ့ရဲ့ ခန္ဓာကိုယ် အချိုးစားပြေပြစ်မှု မရှိသေးတဲ့အချိန်မှာ ပရိတ်သတ်တွေကိုလည်း ဒီလိုပုံစံမျိုးနဲ့ သူမကိုမမြင်တွေ့စေချင်ဘူးလို့လည်း ဆိုပါတယ်။

အဲဒီ အချိန်တုန်းက လှေပေါ်မှာ လူ (၄)ယောက် ရှိနေခဲ့တာပါ။ နှစ်ဦးဟာ အစားအသောက် ပြင်ဆင်ပေးတဲ့ သူတွေဖြစ်ပြီး နောက်ထပ်နှစ်ဦးကတော့ ချာလီဆိုသူနဲ့ ရွက်လှေ ပဲ့ကိုင်သူပဲ ဖြစ်ပါတယ်။ “ဒီလိုပြဿနာတွေ မဖြစ်လာအောင် ကျွန်မကြိုတင်ပြောထားခဲ့သင့်ပါတယ်။ ကျွန်မအနေနဲ့ ကျွန်မသားလေးကို ပြုစုပျိုးထောင်ဖို့ပဲ အချိန်တွေ ပေးထားခဲ့ပါပြီ။ ဒါပေမယ့် လှေပေါ်မှာပါလာတဲ့ ၀န်ထမ်းတွေကတော့ စိတ်ပျက်စရာ ကောင်း လှပါတယ်” လို့ မင်းသမီးက ပြောဆိုထားပါသေးတယ်။




သူ့ကိုယ်သူ ရိုစ့်လို့ ခေါ်တဲ့ လှေပေါ်က ၀န်ထမ်းတစ်ဦးကတော့ အဲဒီဓါတ်ပုံတွေကို သူတို့ ရိုက်ကူးခဲ့တာ မဟုတ်ပါဘူးလို့ ငြင်းချက်ထုတ်ထားတဲ့အပြင် မင်းသမီးရဲ့စွပ်စွဲချက်တွေကလည်း ကုမ္ပဏီရဲ့ ဂုဏ်သိက္ခာကို ထိခိုက်စေပါတယ်လို့ ဆိုထားပါတယ်။ အဲ့ဒီအမျိုးသမီးကပဲ “ ကျွန်မတို့တတွေဟာ ကျွမ်းကျင်ဝန်ထမ်းတွေပါ၊ ပြီးတော့ မင်းသမီး ‘တက်’က ကျွန်မတို့ အလုပ်လုပ်နေတဲ့ လှေကို ပထမဦးဆုံး ငှားစီးတဲ့ နာမည်ကျော် အနုပညာရှင်လည်း မဟုတ်ပါဘူး။ သူ့ရဲ့အပြုအမူတွေက တကယ်ဆို ပိုလို့တောင် ရိုင်းစိုင်းလို့ နေပါသေးတယ်”လို့ ပြောဆိုထားပါသေးတယ်။

ဒီလို အပြန်အလှန်တွေ ပြောဆိုငြင်းခုန်ရင်းနဲ့ ပေါ်ထွက်လာတဲ့ အချက်ကတော့ ခင်ပွန်းသည် ဘွန်ချိုင်းရဲ့ သူငယ်ချင်း ချာလီပဲ ဖြစ်ပါတယ်။ တကယ်တော့ ဒီ ဓါတ်ပုံတွေကို ရိုက်ကူးခဲ့သူကတော့ ချာလီပါ။ အဲဒီအချိန်မှာမှ မင်းသမီးအနေနဲ့ ပြန်လည်သတိရလာတဲ့ အချက်ကတော့ ချာလီဟာ သူ့ရဲ့ပုံတွေကို ဖုန်းကင်မရာနဲ့ ရိုက်ကူးထားကြောင်း သူ့ထံကို ဆက်သွယ်လာခဲ့တဲ့ အကြောင်းပါပဲ။ ဒါပေမယ့် ချာလီကတော့ ဒီပုံတွေ ထွက်ရှိလာတာဟာ သူ့ကြောင့်မဟုတ်ဘူးလို့ ငြင်းဆိုပြီး လှေပေါ်က ၀န်ထမ်းတွေဆီကသာ ထွက်ပေါ် လာတာဖြစ်တယ်လို့ ၀န်ထမ်းတွေကို အပြစ်တင်ခဲ့တာပါ။

“ချာလီ က ရို့စ်ဆီက ဖုန်းနံပတ်တောင်းခဲ့ကြောင်း ၀န်ခံခဲ့ပါတယ်။ ရို့စ်ဟာ မင်းသမီးရဲ့ပရိတ်သတ် တစ် ဦးဖြစ်တယ်လို့ ပြောဆိုခဲ့ပြီး သူမရဲ့ဖုန်းနံပတ်ရရင် မင်းသမီးရဲ့ဓါတ်ပုံတွေကိုပါ ပို့ပေးဖို့ တောင်းဆိုခဲ့ပါတယ်။”လို့ နောက်ပိုင်းမှာ မင်းသမီးက ထပ်လောင်းပြောဆိုပြီး သူမရဲ့ပုံတွေကို ရောင်းစားတာဟာ ရို့စ်ပါလို့ စွပ်စွဲခဲ့ပါတယ်။

“နင်နဲ့ငါ ပြဿနာမဖြစ်ချင်ဘူး။ ဘာဖြစ်လို့လဲ ဆိုတော့ နင်ဟာ အရေးမပါတဲ့ လူတစ်ယောက်ဖြစ်လို့ပဲ။ နင်ဟာ လှေပေါ်က အညံ့စား ၀န်ထမ်းတစ်ဦးပဲ၊ နင်ဘာပြောပြော ငါကတော့ စိတ်မ၀င်စားဘူး။ ဘာဖြစ်လို့လဲ ဆိုတော့ နင်နဲ့ ငါက အခြေအနေချင်း ကွာခြားတယ်။ ငါနဲ့ လာမနှိုင်းချင်စမ်းပါနဲ့။” ဆိုတဲ့ စကားတွေကို မင်းသမီး တစ်ယောက် ပြောထွက်ခဲ့ပြီး နောက်ပိုင်းမှာတော့ ပရိတ်သတ်တွေရဲ့သနားကြင်နာမှုတွေဟာ ရို့စ်ဘက်ကို အလေးသာခဲ့ပြီး အင်တာနက်ပေါ်က ပရိတ်သတ်တွေကလည်း အဆင့်အတန်ခွဲခြားတတ်တဲ့ မင်းသမီး “တက်”ရဲ့ ဆန့်ကျင်ဘက်ကို ရောက်ရှိသွားကြတော့တာပါ။

အဲဒီလိုအဖြစ်မျိုးကြုံလိုက်ရတဲ့ မင်းသမီးကတော့ သူမဟာ တိုက်ခိုက်မှုကို ခံနေရတဲ့သူဖြစ်ပြီး အဆင့်အတန်း ခွဲခြားပြောဆိုနေတာထက် ပြောခဲ့တဲ့စကားတွေဟာ ရို့စ်ရဲ့ အပြုအမူတွေကို ဖော်ပြဖို့သာဖြစ်ကြောင်း ဖြေ ရှင်းချက် ပေးလာပြန်ပါတယ်။ ဒါ့အပြင် “ချမ်းသာတဲ့ ယောကျာ်းတစ်ယောက်ကို အရယူထားလို့ အပြစ်မတင်ပါနဲ့။ ကျွန်မတို့ တကယ်ချစ်လို့ လက်ထပါခဲ့ကြတာပါ။ ကျွန်မမှာ ခုထိ ငရုတ်ရည်ရောင်စားနေတဲ့ မိခင်ရှိ ပါသေးတယ်၊ ကျွန်မအောက်ခြေလွတ်နေတာမဟုတ်ပါဘူး။”လို့လဲ ပြောဆိုထားပါသေးတယ်။

ရို့စ်ကတော့ မင်းသမီးရဲ့ဓါတ်ပုံတွေ သူ့ဆီက ထွက်လာတာ ဟုတ်မဟုတ်ကို တရားရုံးတော်ကသာ အဆုံးအဖြတ်ပေးမှာဖြစ်ကြောင်း ပြောဆိုခဲ့ပါတယ်။ အဲ့ဒီကိစ္စအတွက်လည်း ရဲများမှ စုံစမ်းစစ်ဆေးမှုများကို ပြုလုပ်လျက်ရှိပါတယ်။


ခင်အေးမြလွင်
Irrawaddy

အိုဘားမားကို လက်ထပ်ခွင့်တောင်းတဲ့ ဇင်ဘာဘွေ သမ္မတ

အမေရိကပြည်နယ် ၅၀ လုံးမှာ လိင်တူခြင်းလက်ထပ်ထိမ်းမြားခွင့် ဥပဒေကို အတည်ပြုပေးလိုက်တဲ့
အတွက် ဇင်ဘာဘွေသမ္မတ ရောဘတ်မူဂါဘီက အိုဘားမားကို နောက်ပြောင်ပြီး လက်ထပ်ခွင့်တောင်းလိုက်ပါတယ်။

အိမ်ဖြူတော်ကိုအလည်သွားပြီး ဒူးတဖက်ထောက်ကာ အမေရိကန်သမ္မတအိုဘားမားကို လက်ထပ်ခွင့်တောင်းမယ်လို့ ရေဒီယိုတစ်ခုနဲ့ မေးမြန်းခန်းမှာ နောက်ပြောင်ခဲ့ပါတယ်။ လိင်တူခြင်းလက်ထပ်ခွင့်ကို အတည်ပြုပေးခဲ့တဲ့ အမေရိကန်အစိုးရကို အရွဲ့တိုက်တဲ့ မှတ်ချက်လည်းဖြစ်ပါတယ်။

Planet Myanmar News

အိုဘားမားကို လက်ထပ်ခွင့်တောင်းတဲ့ ဇင်ဘာဘွေ သမ္မတhttp://www.themeltingpot4u.com/2015/06/blog-post_7512.html
Posted by The Melting Pot 4 U on Tuesday, 30 June 2015

ကျောင်းသားတွေ ရုံးထုတ်၊ သတိလစ်သွားသူ ကိုခင်လှိုင်ကို ရန်ကုန်ဆေးရုံကြီးသို့ပို့

ဖမ်းဆီးခံထားရတဲ့ ကျောင်းသားတွေကို သာယာဝတီခရိုင်တရားရုံးမှာ မေလ ၁၂ ရက်နေ့က ရုံးထုတ်စဉ် Photo: Kyaw Zaw Win/RFA

သာယာဝတီအကျဉ်းထောင်မှာ ဖမ်းဆီးထိန်းသိမ်းခံထားရတဲ့ ကျောင်းသားကျောင်းသူနဲ့ ၀န်းရံသူ ၆၈ ဦးကို သာယာဝတီမြို့နယ် တရားရုံးမှာ ဒီနေ့ ရုံးထုတ်ရာ ၀န်းရံသူ ကိုခင်လှိုင်ဆိုသူဟာ သတိလစ်သွားတဲ့အတွက် ရန်ကုန်ဆေးရုံကြီးကို ပို့ဆောင်လိုက်ပါတယ်။

ကိုခင်လှိုင်ရဲ့ ကျန်းမာရေးအခြေအနေအရ အကျဉ်းထောင်ထဲမှာ ကုသနေတာ အဆင်မပြေတဲ့အတွက် ရန်ကုန်ဆေးရုံကြီးကိုပို့ပေးဖို့ တောင်းဆိုတာကို သာယာဝတီဆေးရုံအုပ်ကြီးက လက်ခံလိုက်တာဖြစ်တယ်လို့ လိုက်ပါကူညီနေတဲ့ ကိုဗသက်အောင်က ပြောပါတယ်။

"ကျနော်တို့ လိုက်ပါကူညီတဲ့လူတွေကိုခေါ်တယ်၊ သူ့အိမ်က မလာနိုင်ဘူး၊ ဆေးရုံအုပ်ကြီးက ကိုခင်လှိုင် အခြေအနေနဲ့ ပတ်သက်ပြီးတော့ ဘယ်လိုဖြစ်စေချင်သလဲဆိုတော့ ကျနော်တို့ကတော့ ထောင်ထဲမှာ သူ့ကိုဒီလိုကုနေတာဟာ အဆင်မပြေတဲ့အတွက် ရန်ကုန်ဆေးရုံကြီးကို ကုသခွင့်တောင်းဆိုပါတယ် လို့ဆိုတော့ သူကပေးပါမယ်တဲ့၊ သူ့ရဲ့ကျန်းမာရေး အခြေအနေကလည်း ပေးသင့်တယ်ပေါ့နော်၊ ဘာဖြစ်လို့လဲဆိုတော့ အစာအိမ်ဟာ အစာစားပြီး ပျို့အန်နေတဲ့ အနေအထားကို တွေ့နေရတာ ဒါမကောင်းဘူးပေါ့၊ အဲ့အတွက် ရန်ကုန်ဆေးရုံကြီးကို လွှဲပေးမယ်ဆိုပြီး refer ပေးလိုက်ပါတယ်"

ကိုခင်လှိုင်ဟာ အစာအိမ်ရောဂါ ဖြစ်နေတာကြောင့် ပြီးခဲ့တဲ့ ဇွန်လ ၉ ရက်နေ့က ရန်ကုန်ဆေးရုံကြီးမှာ ဆေးကု သမှုခံယူခဲ့ပြီး အာမခံမရတဲ့အတွက် သာယာဝတီကို ပြန်လည်ရောက်ရှိနေတာ နှစ်ပတ်ရှိပြီဖြစ်ပါတယ်။

အလားတူ အားပေးကူညီသူ ကိုတင်ဝင်းဟာ ရန်ကုန်ဆေးရုံကြီးမှာ အခုလက်ရှိဆေးကုသမှုခံနေဆဲဖြစ်ပြီး ကိုတင်ဝင်း အပါအ၀င် အာမခံလျှောက်ထားသူ ၁၅ ဦးအတွက် လာမယ့် ဇူလိုင်လ ၇ ရက်နေ့မှာ အာမခံပေး၊ မပေး အပြီးသတ်အမိန့်ချမှတ်မှာဖြစ်တယ်လို့ သိရပါတယ်။

ဒီအတောအတွင်း သာယာဝတီအကျဉ်းထောင်မှာ ဖမ်းဆီးထိန်းသိမ်းခံထားရပြီး ထောင်ဝင်စာတွေ့ခွင့် ပိတ်ပင်ခံထားရတဲ့ ပညာရေးသပိတ်မှောက် ကျောင်းသား ၃၅ ဦးကို ထောင်ဝင်စာပြန်ဖွင့် မပေးမချင်း ကျန်ဖမ်းဆီးခံကျောင်းသား အားလုံးကလည်း သူတို့ထောင်ဝင်စာမတွေ့ဆုံဖို့ ဆုံးဖြတ်လိုက်ကြောင်း သိရပါတယ်။

သာယာဝတီအကျဉ်းထောင်မှာ ဖမ်းဆီးထိန်းသိမ်းခံထားရတဲ့ ကျောင်းသားတွေထဲက ၃၅ ဦးကို သီတင်းနှစ်ပတ်ကနေ တစ်လခွဲအထိ မိသားစုနဲ့ ထောင်ဝင်စာတွေ့ဆုံခွင့် ပိတ်ပင်ထားတာနဲ့ ပတ်သက်ပြီး ဒီကနေ့ ရုံးထုတ်လာစဉ်မှာ အခုလိုဆုံးဖြတ်လိုက်ကြတာဖြစ်တယ်လို့ ကျောင်းသားခေါင်းဆောင် မဖြိုးဖြိုးအောင်ရဲ့ ဖခင် ဒေါက်တာနေဝင်းက ပြောပါတယ်။

"ပြန်ခါနီးကျတော့ ကျောင်းသားတွေက ဆုံးဖြတ်ချက်တစ်ခုချတယ်တဲ့၊ သူတို့ကို ထောင်ဝင်စာ ၃၅ ယောက် ပိတ်ထားတယ်လေ၊ တချို့ကို နှစ်ပတ်ပိတ်တယ်၊ တချို့ကို လေးပတ်ပိတ်တယ်၊ တချို့ကို ခြောက်ပတ်ပိတ်တယ်၊ အယောက် ၂ဝ ကို နှစ်ပတ်ပိတ်တယ်၊ ၁ဝ ယောက်ကို လေးပတ်ပိတ်တယ်၊ ၅ ယောက်ကို ခြောက်ပတ်တောင် ပိတ်တယ်၊ အဲ့အခါကျတော့ ကျန်တဲ့လူတွေပါ ထောင်ဝင်စာ မတွေ့တော့ဘူးတဲ့၊ သူတို့ကိုထောင်ဝင်စာ ပြန် ဖွင့်ပေးမှ ကျန်တဲ့သူတွေ ထောင်ဝင်စာတွေ့မယ်လို့ သူတို့အစည်းအဝေးလုပ်ကြပြီးတော့ ဆုံးဖြတ်ချက်ချတယ်"

RFA Burmese
http://www.rfa.org/burmese

ဖားကန့်လမ်း မိုင်းကွဲ တစ်ဦးသေ၊ လေးဦး ဒဏ်ရာရ


 ကချင်ပြည်နယ် ဖားကန့်မြို့နယ် မိုးကောင်း-ဖားကန့်လမ်းပေါ် ခွန်ဆိုင်ဇွပ်ရွာအနီးမှာ မိုးကောင်းကနေ ဖားကန့်ကို မောင်းနှင်လာတဲ့ ခရီးသည်ယာဉ်တစ်စီး မိုင်းထိမှန်ပြီး ခရီးသည်တစ်ဦးသေဆုံးခဲ့ပြီး လေးဦး ဒဏ်ရာရရှိခဲ့ပါတယ်။

ခရီးသည်တင်ယာဉ်ဟာ အစိုးရနဲ့ ကေအိုင်အေတပ်တွေ ပစ်ခတ်နေတဲ့ တိုက်ပွဲကြား ရောက်ရှိသွား တာကြောင့် သေနတ်နဲ့ပစ်ခတ်ခံရပြီး မိုင်းထိသွားတာဖြစ်တယ်လို့ ဖားကန့်မြို့နယ်အုပ်ချုပ်ရေးမှူး ဦးတင်ဆွေမြင့်က ပြောပါတယ်။

"ကားပေါ်မှာပါတဲ့ လူလေးယောက် ဒဏ်ရာရတယ်၊ အဲ့လေးယောက်ထဲက ကိုသိန်းဇော်ဦး ဆိုတဲ့လူကတော့ စိုးရိမ်ရတဲ့ဒဏ်ရာရတယ်၊ တိုက်ပွဲလည်း မနေ့ကဖြစ်တယ်၊ မိုင်းကွဲတာလည်းဖြစ်တယ်ဆိုတော့ သူတို့ကားက တိုက်ပွဲကြားထဲမှာရောက်သွားတဲ့ပုံပဲ"

သေဆုံးသူဟာ  စစ်ကိုင်းတိုင်းဒေသကြီး အင်းတော်မြို့နယ် မော်လူကျေးရွာက ကိုသိန်းဇော်ဦးဆိုသူဖြစ်ပြီး လည်ပင်းမှာထိမှန်တဲ့ ဒါဏ်ရာပြင်းထန်တာကြောင့် မြစ်ကြီးနားမြို့ စစ်ဆေးရုံမှာ မနေ့ညက သေဆုံးသွား တာဖြစ်တယ်လို့ သိရပါတယ်။

မိုးကောင်း-ဖားကန့်လမ်းအနီးမှာ အစိုးရတပ်နဲ့ ကေအိုင်အေတွေအကြား နှစ်ဖက်ပစ်ခတ်မှုတွေ ရှိနေတာကြောင့် တံတားညီနောင်၊ ပျားအုံ၊ ကပ်မှော်ဇွပ် စတဲ့ ကျေးရွာတွေက ဒေသခံရွာသားတစ်ချို့ဟာ နီးစပ်ရာကျေးရွာတွေနဲ့ ကာမိုင်းမြို့ပေါ်ကို တိမ်းရှောင်နေကြတယ်လို့ သိရပါတယ်။

RFA Burmese
http://www.rfa.org/burmese

မှတ်ပုံတင်မရှိသော တိုင်းရင်းသားများအားလုံး မဲပေးခွင့်ရရှိမည်


မြန်မာနိုင်ငံအရပ်ရပ်ရှိ မှတ်ပုံတင် မရှိဘဲ နေထိုင်ခဲ့သော ပြည်ထောင်စုဖွား တိုင်းရင်းသားများအနေဖြင့် လာမည့် ၂၀၁၅ နိုဝင်ဘာလတွင် ကျင်းပပြုလုပ် မည့် အထွေထွေရွေးကောက်ပွဲကြီးကာလ အတွင်း လွတ်လပ်သော မဲပေးခွင့်တရပ် ရရှိကြမည်ဖြစ်ကြာင်း မြန်မာနိုင်ငံအနှံ့ အပြားတွင် မဲရုံတထောင်ကျော်ကို ကြား နေစောင့်ကြည့်မည့် အဖွဲ့ခေါင်းဆောင် ဦးစိုင်ကျော်စွာမြင့်က ပြောကြားသည်။

ဆန္ဒမဲပေးနိုင်သော မြန်မာနိုင်ငံ အနှံ့အပြားတွင်နေထိုင်သော ဒေသခံများ စွာမှာ မှတ်ပုံတင်ကို မိဘဘိုးဘွားများက အစ မပြုလုပ်ခဲ့ဘဲနေထိုင်သူ များစွာရှိနေ ပြီး ထိုသူများတွင် ကျေးလက်နေပြည်သူ များစွာပါဝင်နေကြောင်း၊ အဆိုပါမြန်မာ နိုင်ငံအတွင်း မျိုးဆက်သုံးဆက်နေထိုင်ပြီး သူများနှင့် ဘိုးဘွားအစဉ်အဆက်နေထိုင် ခဲ့သော်လည်း မှတ်ပုံတင်မရှိဘဲ နေထိုင်သူ များအနေဖြင့် ရပ်ကျေးကော်မတီသုံးရပ်က ထောက်ခံပါက ထိုသူများ၏ဆန်္ဒအရ မိမိတို့ ကြိုက်နှစ်သက်ရာ လွှတ်တော်ကိုယ်စား လှယ်လောင်းကို မဲပေးခွင့်ရရှိကြမည်ဖြစ် ကြောင်းလည်း သိရသည်။

““ကျွန်တော်တို့ဒေသမှာ နိုင်ငံခြား ထွက် အလုပ်လုပ်တဲ့သူသာ မှတ်ပုံတင် လုပ်ကြတာပါ။ အချို့ဆိုရင် အသက်သုံး ဆယ်ကျော်တာတောင် မှတ်ပုံတင်မရှိသူ တွေ အများကြီးရှိပါတယ်။ အချို့နေရာများ တွင် အသက်တရာကျော်ရှိနေသူတွေ တောင် အများကြီးရှိပါတယ်။ သူတို့တွေမှာ မှတ်ပုံတင်မရှိကြဘူး။

သူတို့တွေကလည်းဘယ်မှမသွားကြပါဘူး””ဟု မြေလတ် ဒေသနေ ပြည်သူများစွာထံက ပြောဆိုကြ သည်။

မြန်မာနိုင်ငံတွင် မဲပေးနိုင်သူများစွာ ကို အလွယ်တကူမဲပေးနိုင်ရန် ပြည်ထောင် စုအစိုးရက ကျေးလက်ဒေသများအထိ နိုင်ငံသားစိစစ်ဆေးကတ်ပြားများ ငွေ ၆ ကျပ်ဖြင့် ပြုလုပ်ပေးနေသော်လည်း နေရာ များစွာတွင် ကျပ် ၂၅၀၀ မှ ကျပ် ၃ ထောင်အထိ ပေးနေရသောကြောင့်အဆိုပါငွေကြေးကိုအပိုမသုံးချင်သော နိုင်ငံသားများအနေဖြင့် မှတ်ပုံတင်ကတ် ပြားများ မလုပ်ကြကြောင်းလည်း သိရ သည်။

မြန်မာနိုင်ငံတွင် မဲပေးနိုင်သူ ၃၃ သန်းကျော်ရှိမည်ဟု ရွေးကောက်ပွဲစောင့် ကြည့်လေ့လာသူများက ခန့်မှန်းထားသော် လည်းအများစုမှာ ရွေးကောက်ပွဲကို စိတ် မ၀င်စားဘဲရှိနေပြီးထိုသို့ဖြစ်ရခြင်းမှာ မြန်မာနိုင်ငံတနိုင်ငံတည်း မဟုတ်ဘဲသြစတြေးလျနိုင်ငံကလွဲပြီးကမ်္ဘာ့နိုင်ငံများတွင်မဲပေးချင်သူအရေအတွက် ကျဆင်း နေကြောင်းလည်း စာရင်းဇယားသုတသန ပြုချက်များအား ရည်ညွှန်းလျက် ရွေး ကောက်ပွဲစောင့်ကြည့်လေ့လာသူများက ပြောကြားသည်။

စောကျော်ဝင်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ရသေ့တောင်မြို့နယ်မှဒေသခံများ တိုက်နယ်ဆေးရုံရရှိရေး ဆန္ဒထုတ်ဖေါ်


ဇွန်လ ၃၀ ရက်နေ့က ရသေ့တောင်မြို့နယ်၊ ကျောက်တန်းကျေးရွာအုပ်စု၌ တိုက်နယ်ဆေးရုံတစ်ခုရရှိရေး အတွက်ဒေခံများက ဆန္ဒထုတ်ဖေါ်ခဲ့ကြောင်းသိရသည်။

အဆိုပါ ကျောက်တန်းတိုက်နယ်အုပ်စုတွင် ကျေးရွာပေါင်း ၄၀ ကျော်ခန့်ရှိပြီး မြို့ပေါ်နှင့် သွားလာရခက်ခဲ့ ကာ ဒေသခံများ၏ ကျန်းမာရေးအတွက် များစွာထိခိုက်လျက်ရှိကြောင်းလည်းသိရသည်။

“ ဒီတိုက်နယ်မှာ ဆေးရုံမရှိတဲ့အတွက် ဒေသခံတွေအများကြီး ကျန်းမာရေးအတွက် ဒုက္ခရောက်ကြရတယ်။ နာမကျန်းလို့ ရသေ့တောင်ကိုသွားဆေးကုမယ်ဆိုရင် ဘုတ်နဲ့ ၅ နာရီ လောက်မောင်းရတယ်။ အထက်ကို တင်ပြတာလဲကြာပြီ၊ ဒါပေမဲ့အခုထိကျမလာအတဲ့အတွက် ကျွန်တော်တို့အခုလို ဆန္ဒဖေါ်ထုတ်ရတာ ဖြစ်တယ်။ တစ်ချို့ လူနာတွေဆိုရင် ဆေးရုံကိုသွားရင်းနဲ့ လမ်းမှာသေဆုံးသွားရတာတွေလဲရှိတယ်”ဟု ဆန္ဒဖေါ်ထုတ်မှုကို ဦးဆောင်သူ ဦးမောင်သောင်းချေကပြောသည်။


လက်ရှိကျောက်တန်းတိုက်နယ်ကျေးရွာများတွင် ကျေးလက်ဆေးပေးခန်းသာရှိပြီ မြို့ကိုသွားရန်ရေလမ်းကို သာအထိကသွားလာနေရကြောင်းနှင့် မိုးရာသီဖြစ်သည်အတွက်ပို၍ သွားလာရခက်ခဲ့နေကြကြောင်း၊ ကျောက်တန်း တိုက်နယ်တွင် လူဦးရေ ၃၅၀၀၀ ကျော်ခန့်နေထိုင်လျက်ရှိရာ တိုက်နယ်ဆေးရုံ တစ်ခုမဖြစ်အနေလို အပ်နေကြောင်း လည်းသိရသည်။

“ကျွန်တော်တို့ရသေ့တောင်မြို့နယ် ကျောက်တန်းတိုက်နယ်မှာ ရွာပေါင်း ၄၃ ရွာရှိပါတယ်။ လူဦးရေအားဖြင့် ၃၅၀၀၀ ကျော်ရှိတယ်။


အဲဒီမှာ ဆေးပေးခန်းတစ်ခုတည်းသာရှိတယ်။ ဒါ့ကြောင့်ကျွန် တော်တို့ဒေသမှာကျန်းမာရေး စောင့်ရှောက်မှုအဓိကလိုအပ်နေတဲ့အတွက် ဆေးရုံတစ်ရုံလျှောက်ထားတာ သုံးနှစ်ခန့် ရှိပါပြီ။ အဲဒါ အခုထိဘာမှမရရှိသေးတဲ့အတွက် အစိုးကမသိလို့လား။

ဒါမှမဟုတ် ပြည်နယ်ကပဲခုထားလို့လားဆိုတာကို အခုထိ သိရသေးတဲ့အတွက် အခုလို ဆန္ဒထုတ်ဖေါ် လိုက်ရတာပါ”ဟု ဆန္ဒထုတ်ဖေါ်မှုတွင်ပါဝင်သူ ဒေသခံတစ်ဦးကလည်း ပြောသည်။

ယင်းဆန္ဒဖေါ်ထုတ်မှုတွင် လူအင်းအား ၂၀၀ ကျော်ခန့်ပါဝင်ခဲ့ကြပြီး၊ နေ့လည် ၁၂ နာရ်ီမှစတင်ခဲ့ကြကာ နေ့လည် ၁ နာရီအချိန်၌ ပြီးဆုံးခဲ့ကြကြောင်းလည်းသိရသည်။

မောရဇော်(ကျောက်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဖွဲ့စည်းပုံပြင်ရေး ကျောင်းသားတွေ ဆန္ဒပြ


လွှတ်တော်ထဲ စစ်တပ်ကိုယ်စားလှယ် ၂၅% ပါဝင်ခွင့် ပေးထားတဲ့ ဖွဲ့စည်းပုံ အခြေခံဥပဒေကို ဆန့်ကျင်တဲ့ ဆန္ဒပြလှုပ်ရှားမှုကို ကျောင်းသားတွေ ဦးဆောင်ပြီး ရန်ကုန်မှာ ဒီကနေ့ ပြုလုပ်ခဲ့ကြပါတယ်။

ဖွဲ့စည်းပုံပြင်ရေး အဆိုပြုချက် လွှတ်တော်မှာ မအောင်မမြင် ဖြစ်ခဲ့တဲ့နောက်၊ အခုလို ကျောင်းသားဆန္ဒပြမှုတွေ ဖြစ်လာတာပါ။ အသေးစိတ်ကို မခင်ဖြူထွေးက တင်ပြထားပါတယ်။

လွှတ်တော်တွင်းမှာ လူထုက ရွေးကောက် တင်မြှောက်တာမဟုတ်တဲ့ စစ်တပ်ကိုယ်စားလှယ် ၂၅% ပါဝင်ခွင့်ပေးထားတဲ့ လက်ရှိ ဖွဲ့စည်းအုပ်ချုပ်ပုံ အခြေခံဥပဒေဟာ ပြည်သူ့ဆန္ဒနဲ့အညီ ရေးဆွဲထားတာ မဟုတ်ဘဲ လူတစု၊ တဖွဲ့ရဲ့ ကောင်းစားရေးကို အခြေခံ ရေးဆွဲထားတဲ့ ဖွဲ့စည်းပုံ ဖြစ်လို့ ဒါကို လက်မခံနိုင်ဘူးလို့ ဒီကနေ့ ရန်ကုန်မြို့မှာ လမ်းလျှောက်ဆန္ဒြုပကြတဲ့ ဦးဆောင် ကျောင်းသားတွေက ပြောပါတယ်။ ပြည်သူ့ဆန္ဒ၊ ဒီမိုကရေစီ စံနှုန်းစံညွှန်းတွေနဲ့ မညီသ၍ ဒီဖွဲ့စည်းပုံ ပြင်ဆင်ရေး ဆက်လက် တောင်းဆိုသွားမယ်လို့ ဦးဆောင် ဆန္ဒပြ ကျောင်းသားလူငယ်တဦးဖြစ်တဲ့ ကိုရဲဇာနည်က ပြောပါတယ်။

“အဓိကကဗျာ - ဖွဲ့စည်းပုံပြင်ဆင်ရေးကာလမှာ ကျနော်တို့က ပြည်သူ့ဆန္ဒ၊ ပြည်သူကလည်း ဖွဲ့စည်းပုံ ပြင်ဆင်ဖို့ ပြောနေတယ်ဗျာ။ အဲဒီကာလမှာ ကျနော်တို့က တပ်မတော်သား ၂၅ ရာခိုင်နှုန်းပေါ့ဗျာ ပြည်သူ့ဆန္ဒနဲ့အညီ မပြင်ဘဲနဲ့ လွှတ်တော်တခုလုံးကနေ ကန့်ကွက်နေတယ်ဗျာ။ အထူးသဖြင့် ရွေးကောက်ခံ မဟုတ်ဘဲနဲ့၊ ပြည်သူ့ကိုယ်စားလှယ် မဟုတ်ဘဲနဲ့ ဥပဒေအရ ၂၀၀၈ ဖွဲ့စည်းပုံအရ မတရားယူထားတဲ့ တပ်မတော် ၂၅% က ပြည်သူ့ဆန္ဒနဲ့အညီ မဟုတ်ဘဲနဲ့ တဦးတယောက်၊ တဖွဲ့တစည်းရဲ့၊ သူတို့အားထားရမယ့် အဖွဲ့အစည်းရဲ့ အကျိုးစီးပွားကို ကြည့်ပြီးတော့ ပြည်သူ့ဆန္ဒကို ငြင်းပယ်နေတာကိုတော့ ကျနော်တို့ လက်သင့် မခံနိုင်ဘူးလေ။ အဲဒီတော့ ကျနော်တို့က ဖွဲ့စည်းပုံ ပြင်ဖို့အတွက်ကို ကြိုးစားတာပေါ့။ ရုန်းကန်ကြတာပေါ့။”

ညနေ ၃ နာရီလောက်ကစပြီး သိမ်ကြီးဈေးကနေ ဆူးလေအထိ ကျောင်းသားတွေနဲ့ ပြည်သူတွေ ပါဝင်ပြီး လမ်းလျှောက် ချီတက်ခဲ့ကြတာမှာ အာဏာပိုင်တွေဘက်က အင်အားသုံး ဟန့်တားတာတွေ ရှိခဲ့တယ်လို့လည်း ကိုရဲဇာနည်က ပြောပြပါတယ်။

“လမ်းမှာကျနော်တို့ သုံးခါလောက် အပိတ်ခံရတယ်။ လမ်းမှာဆိုရင် ဒိုင်းတွေနဲ့ ရဲတွေက အင်အားသုံးပြီးတော့ မြန်မာနိုင်ငံ ရဲတပ်ဖွဲ့က အင်အားသုံးပြီးတော့ အကြမ်းဖက်ပုံစံမျိုး ပြုလုပ်တယ်ဗျာ။ ဒါပေမဲ့ ကျနော်တို့ ဖောက်ထွက်လာခဲ့တယ်ပေါ့ဗျာ။ ကျနော်တို့ ပြတဲ့အချိန်မှာ ကျောင်းသူတွေ အများကြီး ပါတယ်ဗျာ။ ကျနော်တို့က ငြိမ်းချမ်းစွာ ဆန္ဒပြတာလို့ ပြောတဲ့အခါမှာ ကျနော်တို့ ထွက်မယ်ဆိုတော့ တွန်းထားတယ်ဗျာ။ ရုန်းရင်းဆန်ခတ်ပဲဗျ။ ကိုယ်ထိလက်ရောက် ရှိလား မရှိလားတော့ စဉ်းစားသာကြည့်တော့။ ကျနော်တို့ အမျိုးသမီးတွေ ပါတယ်ဗျာ။ ကျောင်းသူတွေ။ ကျနော် ပြောချင်တာကတော့ အင်အားသုံးတာပေါ့ဗျာ။ ရဲအင်အား နှစ်တန်း သုံးတန်းလောက်ကို ထားပြီးတော့လေ။ ဒိုင်းက တတန်း၊ လူက တတန်း၊ နောက်မှာ လူနောက်တတန်း။ နှစ်တန်း သုံးတန်းလောက်ကို ထားပြီး ဒီလိုမျိုး အင်အားသုံးပြီးတော့ ကျနော်တို့ကို လုပ်တာ နိုင်ငံသား အခွင့်အရေးကို ချိုးဖောက်တာဗျာ။ ကျနော်တို့ကတော့ ဒီလိုပဲ ခံစားရတယ်။”

ဆန္ဒမပြခင်တုန်းကရော ဒီဆန္ဒပြပွဲအတွက် အာဏာပိုင်တွေဆီမှာ ကြိုတင်ပြီးတော့ ခွင့်ပြုချက် ယူခဲ့တာမျိုးတွေ ရှိသလား။

“ကျနော်တို့က အဲဒီခွင့်ပြုမိန့် ယူရမယ်ဆိုတဲ့ကိစ္စကို ကျနော်တို့က အယုံအကြည် မရှိဘူးဗျ ပွင့်ပွင့်လင်းလင်း ပြောရရင်။ ဘာလို့လဲဆိုတော့ ကျနော်တို့ နိုင်ငံသားအခွင့်အရေးဆိုတာ ဒါတွေလုပ်လို့ရပါတယ်။ ငြိမ်းချမ်းစွာ စုဝေးလို့ရပါတယ်။ ငြိမ်းချမ်းစွာ ဟောပြောလို့ရပါတယ်။ ငြိမ်းချမ်းစွာ ဖွဲ့စည်းပိုင်ခွင့် ရှိတယ်ဆိုတာ ဒါ နိုင်ငံသားအခွင့်အရေးဗျ။ မူလအခွင့်အရေးဗျ။ အဲဒါကို ကျနော်တို့က စုဖွဲ့ပါမယ်ဆိုပြီး သွားပြီးတော့ ခွင့်ပြုမိန့် တောင်းပြီးမှ လုပ်ရတယ်ဆိုတာ ကျနော်တို့ နိုင်ငံသား အခွင့်အရေးကို အဲဒီလိုမျိုး လုပ်ရမယ့်အရာ မဟုတ်ဘူးလို့ ကျနော်ကတော့ ထင်တယ်။ အဲဒီအတွက် ကျနော်တို့ ကျောင်းသားတွေ တောက်လျှောက်လုပ်ခဲ့တဲ့ ဆန္ဒပြပွဲမှန်သမျှ ကျနော်တို့ ခွင့်ပြုချက်တင်တယ်ဆိုတာ အယုံအကြည်မရှိတဲ့အတွက် တင်မှာမဟုတ်ဘူးလေ။”

ဆန္ဒပြပွဲမှာ ဦးဆောင် ပါဝင်ခဲ့သူတဦးဖြစ်တဲ့ ကိုရဲဇာနည် ပြောသွားတာပါ။ လောလောဆယ်မှာတော့ ဒီဆန္ဒပြပွဲနဲ့ ပတ်သက်လို့ ကျောင်းသားဆန္ဒပြသူတွေကို အရေးယူတာမျိုး၊ ဖမ်းဆီးတာမျိုး မကြားရသေးပါဘူး။

လက်ရှိ ဖွဲ့စည်းပုံ အခြေဥပဒေမှာ လူထုက ရွေးကောက်တင်မြှောက်တာ မဟုတ်ဘဲ တပ်မတော် ကာကွယ်ရေး ဦးစီးချုပ်က တိုက်ရိုက်ခန့်အပ်တဲ့ စစ်သားကိုယ်စားလှယ် ၂၅% ပါဝင်ခွင့် ပေးထားတာကြောင့် စစ်တပ်ရဲ့ ပါဝင်ချုပ်ကိုင်မှု အခန်းကဏ္ဍကို ဖယ်ရှားပေးဖို့ နိုင်ငံရေးပါတီ အဖွဲ့အစည်းတွေ၊ တက်ကြွလှုပ်ရှားသူတွေက တောင်းဆိုနေကြတာ ဖြစ်ပါတယ်။ စစ်အစိုးရ ဦးဆောင် ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံဥပဒေမှာ စစ်တပ်က လွှတ်တော်မှာ ၂၅% နေရာယူထားတာအပြင် တခြား ဒီမိုကရေစီ စံနှုန်းတွေနဲ့ မကိုက်ညီတဲ့ ပြဌာန်းချက်တွေ၊ ကန့်သတ်ချက်တွေ ရှိနေတာကြောင့် ဒါကို ပြင်ဆင်ဖို့ ကြိုးပမ်းမှုတွေ ရှိနေသလို ပြီးခဲ့တဲ့ သီတင်းပတ်တုန်းကလည်း လွှတ်တော်တွင်းမှာ ဖွဲ့စည်းပုံ ပြင်ဆင်ရေး အဆိုပြုချက်နဲ့ ပတ်သက်လို့ မဲခွဲ ဆုံးဖြတ်ခဲ့ကြပါတယ်။ ဒါပေမဲ့ လွှတ်တော်အမတ် ၇၅% ထောက်ခံချက် မရခဲ့တာကြောင့် ဒီအဆိုပြုချက် လွှတ်တော်တွင်း မအောင်မမြင် ဖြစ်ခဲ့ရပါတယ်။

မခင်ဖြူထွေး / ဗွီအိုအေ (မြန်မာပိုင်း)
http://burmese.voanews.com


အင်ဒိုနီးရှား လေယာဉ်ပျက်ကျ၊ ၁၀၀ ကျော် သေဆုံးနိုင်

 
အင်ဒိုနီးရှား နိုင်ငံ၊ မက်ဒန် မြို့က လူနေ ရပ်ကွက်ထဲကို စစ်သုံး ပို့ဆောင်ရေး လေယာဉ် တစ်စီး ပျက်ကျ ခဲ့ရာမှာ သေဆုံးသူ တစ်ရာကျော် အထိ ရှိနိုင်တယ် ဆိုတဲ့ စိုးရိမ်မှုတွေ ထွက်ပေါ်နေပါတယ်။

ဟာကျူလီ C-130 အမျိုးအစား စစ်လေယာဉ် ပျက်ကျစဉ်မှာ အိမ် ၂ လုံးနဲ့ ဟိုတယ် တစ်လုံးကို ဝင်တိုက်ပြီးနောက် မီးလောင် ပေါက်ကွဲခဲ့တာ ဖြစ်ပါတယ်။
ပျက်ကျရာမှာ နေအိမ် ၂ လုံးနဲ့ ဟိုတယ် တစ်လုံးကို ဝင်တိုက်ခဲ့။

ပျက်ကျတဲ့ နေရာကို အင်ဒိုနီးရှား လေတပ် အကြီးအကဲ Agus Supriatna လာရောက် ကြည့်ရှုခဲ့ရာမှာ သူက လေယာဉ်ပေါ် ပါသူ ၁၁၃ ယောက် ရှိပြီး အသက်ရှင်သူ မရှိကြောင်း အေအက်ဖ်ပီ သတင်းဌာနကို ပြောခဲ့ပါတယ်။

နည်းပညာပိုင်း ပြဿနာတွေ ရှိတဲ့အတွက် စခန်းကို ပြန်လှည့်ဖို့ အဲဒီ စစ်လေယာဉ်မှူးက ခွင့်တောင်းခဲ့ပြီးနောက် လေယာဉ်ကို ပြန်လှည့်ရာမှာ ခုလို ပျက်ကျခဲ့တာလို့ လေတပ် အကြီးအကဲက ပြောပါတယ်။

ရှာဖွေ ကယ်ဆယ်ရေး လုပ်ငန်းတွေကို မီးတောက်နဲ့ မီးခိုးတွေ ကြားမှာ လုပ်ဆောင်နေဆဲ ဖြစ်ပြီး ခုချိန်အထိ အလောင်း ၅၀ ခန့်ကိုသာ ပြန်လည် တွေ့ရှိရ ပါသေးတယ်။

မက်ဒန် မြို့ပေါ်ကို အခုလို လေယာဉ် ပျက်ကျတာဟာ ၁၀ နှစ်အတွင်း ဒုတိယ အကြိမ် ဖြစ်ပြီး ၂၀၀၅ ခုနှစ် စက်တင်ဘာ လတုန်းကလည်း ဘိုအင်း ၇၃၇ လေယာဉ် တစ်စီး လူနေ ရပ်ကွက်ပေါ် ပျက်ကျခဲ့လို့ လူ ၁၄၃ ယောက် သေဆုံးခဲ့ရပါတယ်။

BBC Burmese
http://www.bbc.com/burmese



ခြေ/ဥ ပြင်ဆင်ရေးမဲခွဲမှု ရှုံးနိမ့်ခဲ့ခြင်းကို လွှတ်တော်တွင်း အားရ၀မ်းသာ လက်ခုပ်ထတီးကြသည့် တပ်ကိုယ်စားလှယ် ၂၅% ကို မကျေနပ်၍ ဆန္ဒပြ ခြင်းဖြစ်ကြောင်း ကျောင်းသားခေါင်းဆောင်ဆို


လွှတ်တော်တွင်းရှိ တပ်မတော်သား လွှတ်တော် ကိုယ်စားလှယ်(၂၅) ရာခိုင်နှုန်း နှုတ်ထွက်ပေးရေး အဓိက ဦးတည်ကာ တောင်းဆိုခဲ့ကြသည့် စုပေါင်း ဆန္ဒဖော်ထုတ်ပွဲအား ဇွန်၃၀ရက် နေ့ လည့် ၃နာရီခန့်က ရန်ကုန်မြို့ သိမ်ကြီးဈေးမှ ဆူးလေခန်းမရှေ့အထိ တကသကျောင်းသား များ ကဦးဆောင်ကာ အနီးအနားရှိ ပြည်သူအချို့မှ ပါဝင်ခဲ့ကြောင်း သိရသည်။

ဇွန်လ၂၅ရက်နေ့က လွှတ်တော်တွင်း ဖွဲ့စည်းပုံ အခြေခံတွင်ပါဝင်သည့် ဥပဒေ ၆ခု ကိုပြင် ဆင်ရန် မဲခွဲဆုံးဖြတ်ရာတွင် တစ်ခု သာ အောင်မြင်ခဲ့ သည့်အတွက် လွှတ်တော်တွင်းက တပ်ကိုယ်စားလှယ်များက အားရ၀မ်း သာ လက်ခုပ်ထတီးကြခြင်းကို မကျေနပ်ကြောင်း အဆိုပါဆန္ဒပြပွဲ တွင်ပါဝင်သည့် ဒီမိုကေ ရစီပညာရေး လှုပ်ရှားမှုဦးဆောင်ကော်မတီမှ ကိုဇေယျာလွင် က ပြောသည်။

"ကျွန်တော်နိုင်ငံရဲ့အခြေခံဥပဒေပြင်ဆင်ရေးက အရေးကြီးပါတယ်။ အရေးကြီးတဲ့ ဥပဒေတွေကို ပြင်ဆင်ဖို့ မဲခွဲတဲ့နေရာမှာ တပ်မတော်သားကိုယ် စားလှယ်တွေက ပြည်သူကို မျက်နှာမထောက်ဘဲ တစ်ဦးတစ်ယောက် အကျိုးအတွက် ပဲ မဲပေးတဲ့အပြင်အားပါးတရ လက်ခုပ်တီးသွားတဲ့ အပေါ်မှာ မကျေနပ်လို့ ဆန္ဒပြတောင်းဆို တာဖြစ်တယ်"ဟု ၄င်းကဆိုသည်။


“အဓိကက ကာကွယ်ရေးဦးစီးချုပ်တစ်ယောက်က အားလုံးကိုချုပ် ကိုင်ချင်နေလို့ပါ။ ဒါကြောင့် လွှတ်တော်ထဲမှာ ပြည်သူကို တကယ် ကိုယ်စားပြုတဲ့ ကိုယ်စားလှယ်တွေရှား ပါးပြီး နေရာတွေ ကို ပြည်သူအတွက် ကိုယ်စားမပြုတဲ့ လူတွေအတွက် ပေးထားရတော့ ဒီမိုကရေစီကို အစစ်မှန် သွားနိုင်မှာ မဟုတ်ဘူး”ဟု ဆန္ဒထုတ်ဖော်ရာတွင် ပါဝင် သူ ကျောင်းသား တစ်ဦးဖြစ်သည့် ကိုရဲဇာနည်ထွန်းက ပြောသည်။


အမျိုးသားပညာရေးဥပဒေ ပြင်ဆင်သည့် ဥပဒေကြမ်းအပါ အဝင် ပြည်သူလူထုတောင်းဆိုသည့် အချက်များစွာ မရရှိခဲ့ခြင်းမှာ လွှတ်တော်ထဲတွင် တပ်မတော်သား(၂၅)ရာခိုင်နှုန်း ပါဝင်နေရခြင်းသည် အဓိကဖြစ်ပြီး ပြည်သူ အား အမှန်တကယ်ကိုယ်စားပြုမည့် ကိုယ်စားလှယ်များ ပေါ်ထွက်လာရေးမှာ တိုင်းပြည်အနာဂတ်အတွက် အရေးကြီးကြောင်း ၎င်းက ပြောသည်။

“လွှတ်တော်ထဲမှာ ပြည်သူ့ကိုယ်စားလှယ်တွေမရှိဘူး။ ဒါကြောင့် ပြည်သူတွေ လိုချင်တာတွေ၊ ကျောင်းသား တွေ လိုချင်တာတွေ ဖြစ်လာ မှာမဟုတ် ဘူး။ ပြည်သူတွေ၊ ကျောင်းသားတွေ လိုချင် တာဖြစ်လာဖို့ဆိုရင် လွှတ် တော် ထဲမှာ ပြည်သူ့ကိုယ်စားလှယ်တွေရှိနေမှဖြစ်မယ်။”ဟု ဆန္ဒပြရာ တွင်ပါဝင်သည့် ဒီမိုကရေစီပညာရေး လှုပ်ရှားမှုဦးဆောင်ကော်မတီမှ ကိုဇေယျာလွင်က ပြောသည်။

အဆိုပါဆန္ဒထုတ်ဖော်ပွဲသို့ လုံခြုံရေးအင်အား (၁၀၀ )၀န်းကျင် တာဝန်ယူ ခဲ့သည်။ ဆန္ဒပြရာ လမ်းတစ်လျောက်တွင်ရဲတပ်ဖွဲ့မှ ၃ကြိမ်ထက်မနည်း အင်းအားသုံး တားဆီးခြင်း ခံရပြီး အတားအဆီး များကို လာရောက်ကြည်ရူ အားပေး သည့် ပြည်သူများ အကူအညီဖြင့် ကျော်ဖြတ် ကာ၃:၄၀ ခန့်တွင်ဆူးလေခန်း မရှေ့ပလက်ဖောင်းကိုရောက် ရှိပြီး ဟောပြောခြင်းများ ပြုလုပ်ပြီး ညနေ၄နာရီခွဲ
ခန့် တွင်အေးချမ်းစွာ လူစုခွဲသွားကြောင်း သိရသည်။

သတင်း -စိုင်းဟန်၊ MMK
ဓာတ်ပုံ- စိုင်းဟန်
The Ladies News Journal
https://www.facebook.com/News.TheLadies

အိုင်အက်စ်များက ဗြိတိန်ကို အကြမ်းဖက်တိုက်ခိုက်ရန် ကြံစည်လျက်ရှိကြောင်း ကင်မရွန်းသတိပေး


လန်ဒန် ဇွန် ၂၉

အီရတ်နှင့်ဆီးရီးယားရှိ အိုင်အက်စ်စစ်သွေးကြွများသည် ဗြိတိန်ကို ဆန့်ကျင်တိုက်ခိုက်ရန် အတွက် အတိအကျ အစီအစဉ်ဆွဲခဲ့ခြင်းဖြစ်ပြီး ၄င်းတို့သည် အနောက်နိုင်ငံများကို ဦးတည်ချက် ထားတိုက်ခိုက်ခြင်းဖြစ်ကြောင်း ဝန်ကြီးချုပ်ဒေးဗစ်ကင်မရွန်းက တနင်္လာနေ့တွင် သတိပေး ပြောကြားခဲ့သည်။

အစ္စလာမ္မစ်နိုင်ငံတော် တည်ထောင်ရန်အတွက် အီရတ်နှင့်ဆီးရီးယားရှိ လူများသည် ဗြိတိန်နှင့်အခြားနိုင်ငံများအပေါ် အကြမ်းဖက်လုပ်ရပ်များ ပြုမူဆောင်ရွက်ရန် ကြံစည်လျက်ရှိ ကြောင်းကို ကင်မရွန်းကဘီဘီစီ အသံလွှင့်ဌာနသို့ပြောကြားသည်။

၂ဝဝ၅ ခုနှစ်က လန်ဒန်ရှိ မြေအောက်ရထား ဗုံးခွဲခံရမှုသည် နိုင်ငံသားများအတွက် အဆိုးဆုံးဖြစ်ရပ်တစ်ခုဖြစ်ကြောင်း ဗြိတိသျှရဲများက ဖော်ပြခဲ့ကြပြီး သောကြာနေ့က အိုင်အက်စ်သေနတ်သမားတစ်ဦး၏ တိုက်ခိုက် မှုကြောင့် ဗြိတိသျှခရီးသွား သုံးဆယ်သေဆုံးခဲ့ရကြောင်း ဝန်ကြီးချုပ်က ပြောကြားခဲ့သည်။

(ရိုက်တာ)
Myanmaalinn
https://www.facebook.com/MYANMAALINNNEWS

အမေရိကန်တွင် အသေးစားလေယာဉ်ပျက်ကျ၊ သုံးဦးသေဆုံး


နယူးယောက် ဇွန် ၂၉

အသေးစားလေယာဉ်တစ်စင်း ပျက် ကျပြီး အိမ်တစ်လုံးကိုတိုက်မိရာ၊ လေယာဉ် ပေါ်ပါသူ သုံးဦးသေဆုံးခဲ့ကြောင်း ဒေသခံ များက မီးလောင်ကျွမ်းသွားသည့် အိမ် အပျက်အစီးများကို ရှင်းလင်းဆဲဖြစ် ကြောင်း ရဲဌာနက ပြောသည်။

The Beechcraft BE 36 အမျိုး အစားလေယာဉ်မှာ ပြီးခဲ့သောနေ့ ညနေ ၅ နာရီ ၄၅ မိနစ်ခန့်က ပျက်ကျခဲ့ပြီး အိမ်ကို တိုက်မိခဲ့ခြင်းဖြစ်ကြောင်း လေ ကြောင်း စီမံခန့်ခွဲရေးအဖွဲ့ချုပ်မှ ဂျင်ပီ တာက ပြောသည်။

 အဆိုပါလေယာဉ်သည် ပင်နီဆူဗန်နီးယားလေဆိပ်မှ ထွက်ခွာ လာပြီး မန်ဆာချူးဆက်ပြည်နယ်ရှိ နော်ဝု(ဒ်) လေဆိပ်တွင် ဆင်းသက်မည် ဖြစ်သည်။

ဘော့စတွန် အနောက်တောင်ပိုင်း ရှိ ပလိန်းဗေလီအရပ်၌ ပျက်ကျခဲ့ပြီး သုံးနာရီ နီးပါးပေါက်ကွဲမှုဖြစ်ပွားခဲ့ရာ မီးသတ်သမားများက ငြိမ်းသတ်ခဲ့ရ ကြောင်း မန်ဆာချူးဆက်ပြည်နယ် ရဲဌာနမှ ပြောခွင့်ရပုဂ္ဂိုလ် ဒေ့(ဗ်)ပရို ကို ပီရိုကပြောသည်။

 ဒေသခံများကထိခိုက်မှုတစ်စုံတစ်ရာမရှိဘဲ လေယာဉ် ပေါ်ပါသူ သုံးဦးမှာ သေဆုံးနေနှင့်ပြီး ဖြစ်ကြောင်း ၄င်းကပြောသည်။

လေယာဉ်မှာဝင်းအတွင်းရှိ အမြင့် ပိုင်းနေရာ၌ ပျက်ကျခဲ့ခြင်းဖြစ်ပြီး လေယာဉ်နောက်ပိုင်းရှိ တောင်ပံမှာ လောင်ကျွမ်းသွားကာ နှစ်ထပ်အိမ် အဆောက်အအုံကို တိုက်မိခဲ့ခြင်းဖြစ် သည်။

အိမ်နီးချင်းများက ၄င်းတို့၏ အိမ်များအပေါ်တွင်လည်း လေယာဉ် ပျံသန်းပုံမှာ တစ်ခုခုချွတ်ယွင်းနေ သည့် အသံဖြစ်ကြောင်းကို သတိထား မိကြောင်း ပြောသည်။

အင်ဂျင်ပေါက်ကွဲသည့် အသံကို ကြားရပြီး မီးခိုးများကို မြင်တွေ့ရ ကြောင်း လေယာဉ်ပျက်ကျစဉ် အပြင် ဘက်တွင်ရှိနေသော မိုက်ဘရောင်းက သည်ဆန်းသတင်းစာသို့ ပြောသည်။

(ပီတီအိုင်)
Myanmaalinn
https://www.facebook.com/MYANMAALINNNEWS

မြန်မာ့ဆန်ကို သဘောတူထားတဲ့ အတိုင်း တရုတ် မဝယ်

ဆန်အရည်အသွေး သတ်မှတ်ချက်ကို နှစ်နိုင်ငံ သဘောတူပြီးဖြစ်
မြန်မာ့ဆန် အရည်အသွေး သတ်မှတ်ချက် တွေနဲ့ပါတ်သက်လို့ တရုတ်နဲ့ မြန်မာ နိုင်ငံကြား သဘောတူညီချက်တွေရှိပြီး ဖြစ်ပေမဲ့ တရုတ်ဘက်က မြန်မာ့ဆန်ကို သဘော တူတဲ့ အတိုင်း မဝယ်ဘဲ ရပ်ထားလို့ သမ္မတ အဆင့်က ဝင်ညှိပေးဖို့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန ဝန်ကြီးက ပြောပါတယ်။

မြန်မာနိုင်ငံက ဆန်တန်ချိန် တစ်သိန်းကို ၂၀၁၅ ခုနှစ် အတွင်း တရုတ်နိုင်ငံက တရားဝင် ဝယ်ယူဖို့ နှစ်နိုင်ငံ ဝန်ကြီးအဆင့်တွေ သဘောတူခဲ့ပြီး လိုအပ်တဲ့ အရည်အသွေး စစ်ဆေးမှု တွေလည်း ပြုလုပ်ခဲ့ပြီး ဖြစ်ပါတယ်။

ဒါပေမဲ့ တရုတ် နိုင်ငံက အကြောင်း အမျိုးမျိုး ပြပြီး တရားဝင် ဝယ်ယူမှု မပြုတာကြောင့် ဝန်ကြီး အဆင့်ချင်း ညှိလို့ မဖြစ်နိုင်တော့တဲ့ အတွက် သမ္မတ အဆင့်ကနေ ညှိနှိုင်းပေးဖို့ လယ်ယာ စိုက်ပျိုးရေးနဲ့ ဆည်မြောင်း ဝန်ကြီး ဦးမြင့်လှိုင်က ဒုတိယ သမ္မတ ဦးဉာဏ်ထွန်းကို တင်ပြခဲ့တာ ဖြစ်ပါတယ်။

အခုရက်ပိုင်း အတွင်းမှာ တရုတ်နိုင်ငံဘက်က ဖမ်းဆီးမှုတွေ ရှိနေတဲ့ အတွက် မူဆယ်မှာ ဆန်တန်ချိန် ၅ သောင်းလောက် သောင်တင်နေတယ်လို့လည်း ဝန်ကြီးက ပြော ပါတယ်။

မြန်မာနိုင်ငံ ဆန်စပါး အသင်းချုပ် တွဲဖက် အထွေထွေ အတွင်းရေးမှူး ဦးလူမော်မြင့်အောင် ကတော့ တရုတ်နိုင်ငံက ဆန်စပါး လိုအပ်ချက်ဟာ တစ်လကို တန်ချိန် ၅ သောင်းကနေ တစ်သိန်း အထိ ရှိကြောင်းပြောပါတယ်။

အရင်က မြန်မာ ဘက်က တရုတ်ကို တရားမဝင် တင်သွင်းမှုတွေကို တရုတ် နိုင်ငံဘက်က မျက်စိမှိတ်ထားပေမဲ့ အခုတော့ ဆန်တွေကို ဖြတ်ခွင့် မပေးတာဟာ နိုင်ငံရေး အခြေအနေတွေ ကြောင့်လည်း ဖြစ်နိုင်တယ်လို့ သူက သုံးသပ်ပါတယ်။

တရုတ်နဲ့ဗီယက်နမ်နိုင်ငံ ကြားမှာ တောင်တရုတ်ပင်လယ် အရေးနဲ့ ပတ်သက်ပြီး တင်းမာ နေချိန်က တရုတ်က ဗီယက်နမ် ဆန်ကိုမဝယ်ဘဲ မြန်မာ နယ်စပ်က သွင်းလာတဲ့ ဆန်ကို မသိကျိုးကျွံပြု ဝယ်ယူခဲ့ပါတယ်။

ပြီးခဲ့တဲ့နှစ်ကတော့ မူဆယ် နယ်စပ် ကုန်သွယ်ရေးက တဆင့် တရုတ်နိုင်ငံကို ဆန်တန်ချိန် တစ်သန်းကျော် တင်ပို့ခဲ့ ပါတယ်။

အခုအချိန်မှာ ဗီယက်နမ်နဲ့ ဆက်ဆံရေးပြန်လည် ကောင်းမွန် လာတဲ့အတွက် မြန်မာနိုင်ငံက ဆန်ကို မဝယ်ဘဲ ဗီယက်နမ် ဆန်ကို ပြန်လည် ဝယ်ယူနေတယ်လို့ ဆန်ကုန်သည် တွေက ပြောပါတယ်။

ဝန်ကြီး ဘက်က တင်ပြချက်ကို ဒုတိယ သမ္မတ ကတော့ တစုံတရာ တုံ့ပြန် ပြောဆိုမှု မရှိခဲ့ပါဘူး။

ဧရာဝတီ မြစ်ဆုံစီမံကိန်း ကိစ္စ၊ ကိုးကန့် အရေးတို့နဲ့ ပတ်သက်ပြီး တရုတ် မြန်မာ ဆက်ဆံရေးမှာ အဖုအထစ်တွေ ရှိခဲ့ပါတယ်။

ဒါကြောင့် နှစ်နိုင်ငံ ကုန်သွယ်ရေး ကိုလည်း ရိုက်ခတ် လာတာလို့ကုန်သည်တွေက သုံးသပ်ကြပါတယ်။

ဇွန်လ ၂၉ ရက်နေ့က လည်ယာစိုက်ပျိုးရေးနဲ့ ဆည်မြောင်း ဝန်ကြီး ရုံးမှာပြုလုပ်တဲ့ တောင်သူလယ်သမား အခွင့်အရေးကာ ကွယ်ရေးနဲ့ အကျိုး စီးပွား မြှင့်တင်ရေး ဦးဆောင် အဖွဲ့ အစည်းအဝေးမှာ ဝန်ကြီး ဦးမြင့်လှိုင်က တင်ပြခဲ့တာ ဖြစ်ပါတယ်။

BBC Burmese
http://www.bbc.com/burmese

နယ်မြေတချို့မှာ မဲစာရင်းအမှား ၇၀% အထိ တွေ့ရ

ရန်ကုန်မြို့ရှိ ရပ်ကွက်တစ်ခုမှာ မဲစာရင်းစစ်နေသူတချို့ကို တွေ့ရစဉ် Photo: Aung Thain Kha/RFA
ရွေးကောက်ပွဲ စောင့်ကြည့်ရေး အရပ်ဘက်အဖွဲ့အစည်းတချို့နဲ့ နိုင်ငံရေး ပါတီတွေ ပူးပေါင်းပြီး ဧရာဝတီတိုင်းနဲ့ ရန်ကုန်တိုင်းအတွင်းက နယ်မြေတချို့ကို စမ်းသပ်နယ်မြေတွေအဖြစ် အခြေခံမဲစာရင်းတွေ ပြန်လည်စစ်ဆေးနေရာ မှာ မဲစာရင်းအမှား ၇၀%လောက်အထိ တွေ့ရှိရတယ်လို့ အရပ်ဘက်အဖွဲ့အစည်းတွေက ပြောပါတယ်။

စမ်းသပ်နယ်မြေတွေသတ်မှတ်၊ လက်တွေ့ကွင်းဆင်းပြီး စာရင်းတွေ ပြန်လည်ကောက်ယူခဲ့တာဖြစ်ပါတယ်။  အဲဒီလုပ်ငန်းများကို ပြီးခဲ့တဲ့စနေနေ့က စတင်ဆောင်ရွက်ခဲ့တာဖြစ်တယ်လို့ ဖန်တီးအိမ် ရွေးကောက်ပွဲစောင့်ကြည့် အဖွဲ့က ဒေါ်ရွှေရွှေစိန်လတ်က ပြောပါတယ်။

"မဲစာရင်းနဲ့ ပတ်သက်ပြီးတော့ လုပ်တဲ့အဖွဲ့တွေပေါ့၊ ကျမတို့က ဟိုးအရင် Pilot Project တုန်းကပါတော့လေ ၊ လောလောဆယ် ကျမဆီမှာ စာရင်းအတိအကျ မရှိသေးဘူးလေ၊ ဘာဖြစ်လို့လဲဆိုတော့ ပြီးခဲ့တဲ့စနေနေ့မှ စလုပ်ကြတာလေ၊ အခု ကျမသိသလောက်ကတော့ တာမွေမှာလည်း ကျမကလေးတွေ အကြောင်းကြားတာ ၇ဝ ရာခိုင်နှုန်းမှားတယ်၊ တချို့နေရာတွေမှာ ၃ဝ ရာခိုင်နှုန်းတဲ့၊ တချို့နေရာတွေမှာ ၅ဝ ရာခိုင်နှုန်းတဲ့"

အခုလိုဆောင်ရွက်တဲ့အခါ တချို့ရပ်ကွက်တွေမှာ အခက်အခဲတွေရှိပြီး ရပ်ကွက်အာဏာပိုင်တွေက တားဆီးတာမျိုးတွေ ကြုံတွေ့ရတယ်လို့ ဆိုပါတယ်။

အလားတူNLD ပါတီကလည်း နေပြည်တော်ကောင်စီ နယ်နိမိတ်အတွင်း မဲစာရင်းစစ်ဆေးမူတွေ ဆောင်ရွက်နေရာ မှာ၊  ပါတီဝင်နှစ်ဦး ပိုင်နက်ကျူးလွန်မူနဲ့ အရေးယူခံနေရပါတယ်။ စာရင်းကောက်ယူမှုတွေအရ ၀န်ထမ်းတွေ နေထိုင် ရာရပ်ကွက်တွေဖြစ်တဲ့ ဇဗ္ဗူသီရိမြို့နယ်မှာ လူဦးရေလေးသောင်းဝန်းကျင် မဲစာရင်းကနေ ပျောက်ဆုံးနေတယ်လို့ သိရပါတယ်။

RFA Burmese
http://www.rfa.org/burmese

ရွေးကောက်ပွဲ ညှိနှိုင်းဖြေရှင်းရေးကော်မတီတွေ ဖွဲ့ရေး ကော်မရှင်ညွှန်ကြား

 နေပြည်တော် ပြည်ထောင်စု ရွေးကောက်ပွဲကော်မရှင်ရုံးမှာ ဇူလိုင်လ ၂ ရက်နေ့က ပြည်ထောင်စု ရွေးကောက်ပွဲကော်မ ရှင် ဥက္ကဌ ဦးတင်အေးနဲ့ နိုင်ငံရေးပါတီ ၆၅ ပါတီတို့ တွေ့ဆုံစဉ် Photo: Myo Thant Khaing/RFA
ရွေးကောက်ပွဲနဲ့ဆိုင်တဲ့ အငြင်းပွားမှုတွေကို ဖြေရှင်းဖို့အတွက် "ရွေးကောက်ပွဲဆိုင်ရာ ညှိနှိုင်းဖြေရှင်းရေး ကော် မတီ" တွေကို ဖွဲ့စည်းကြဖို့ ပြည်ထောင်စု ရွေးကောက်ပွဲကော်မရှင်က ညွှန်ကြားလိုက်ပါတယ်။

အဲဒီ့ရွေးကောက်ပွဲဆိုင်ရာ ညှိနှိုင်းဖြေရှင်းရေးကော်မတီမှာ ကော်မရှင်က အဖွဲ့ဝင်တွေ၊ နိုင်ငံရေးပါတီတွေနဲ့ ဒေသခံ ကိုယ်စားလှယ်တွေက အဖွဲ့ဝင်အဖြစ် ဖွဲ့စည်းသွားမှာဖြစ်တယ်လို့ ရန်ကုန်တိုင်းဒေသကြီး ရွေးကောက် ပွဲကော်မရှင် လက်ထောက်ညွှန်ကြားရေးမှူး ဦးတင်ဝင်းက ပြောပါတယ်။

"ပြည်ထောင်စုရွေးကောက်ပွဲကော်မရှင်က ကျနော်တို့ တိုင်းဒေသကြီး တာဝန်ခံပါပါတယ်၊ အဲ့ဒါ ဥက္ကဌပါ၊ ရန်ကုန်တိုင်းကော်မရှင်အဖွဲ့ခွဲ ဥက္ကဌက ဒုဥက္ကဌပါ၊ နောက်တိုင်းဒေသကြီးနဲ့ ပြည်နယ်ထဲမှာရှိတဲ့ ရွေးကောက် ပွဲဝင်ရောက်တဲ့ ပါတီတွေကနေပြီးတော့မှ ကိုယ်စားလှယ်တစ်ဦးစီက အဖွဲ့ဝင်ပါပါတယ်၊ တိုင်းဒေသကြီးမှာရှိတဲ့ သြဇာတိက္ကမရှိတဲ့ အများဆုံးငါးဦးကတော့ အဖွဲ့ဝင်ပါပါတယ်"

အဲဒီကော်မတီတွေဟာ ရွေးကောက်ပွဲအကြိုကာလ၊ ရွေးကောက်ပွဲကာလနဲ့ ရွေးကောက်ပွဲ နောက်ပိုင်း ကာလတွေမှာ ဖြစ်ပေါ်လာနိုင်တဲ့ နိုင်ငံရေးပါတီအချင်းချင်း အငြင်းပွားမှုတွေနဲ့ မဲစာရင်းပြဿနာတွေကို ဖြေရှင်း ရမှာဖြစ်တယ်လို့ သိရပါတယ်။

အဲဒီကော်မတီတွေကို မြို့နယ်၊ ခရိုင်နဲ့ တိုင်းဒေသကြီး ပြည်နယ်အဆင့်အဖြစ် ၃ ခုစီ ဖွဲ့စည်းမှာဖြစ်ပါတယ်။

RFA Burmese
http://www.rfa.org/burmese

ဘောလုံးကွင်းအတွင်း အမှိုက်စွန့်ပစ်မှုကြောင့် အားကစားသမားများ စိတ်အနှောင့်အယှက်ဖြစ်

ဓါတ်ပုံ- မူစယ်မြို့ဘော်လုံးကွင်းနှင့်အမှိုက်ပုံ
ဂျွန်လ ၂၉ ရက် ၂၀၁၅

သျှမ်းပြည်မြောက်ပိုင်း မူစယ်မြို့ ဘောလုံးကွင်း၌ စည်ပင်သာယာရေးက အမှိုက်သရိုက်များ လာ ရောက်စွန့်ပစ်ခြင်းကြောင့် အားကစားသွားရောက်လုပ်ကြသည့် ပြည်သူများ စိတ်အနှောင့်အယှက် ဖြစ်ရကြောင်း ဒေသတွင်းသတင်းအရ သိရှိရသည်။

“ဘောလုံးကွင်း အားကစားကွင်းဆိုတာ အများပြည်သူက ကျန်းမာရေးအတွက် အားကစား လာလုပ်တဲ့နေရာ။ အခုက အမှိုက်တွေလာပစ်ထားတော့ အနံ့အသက်ကလည်းမကောင်း။ ညစ်ညမ်းတဲ့လေထုကို ရှုရှိုက်ရတော့ ကျန်းမာဖို့မပြောနဲ့ ရောဂါတွေပါ ရလာနိုင်တယ်” ဟု မူစယ်လူငယ် စိုင်းဆိုင်က ပြောပါသည်။

ထုန့်မောဝ်ဟန်လီဘောလုံးကွင်း၊ လွမ့်မောဝ်ခမ်းဘောလုံးကွင်းနှင့် သချိုင်းတို့ ကပ်လျက်တည်ရှိနေကြောင်း၊ အမှိုက်စွန့်ပစ်ရန် နေရာမရှိသည့်အတွက် သုဿန်သချိုင်း၌ စည်ပင်သာယာရေးအဖွဲ့က သွားရောက်စွန့် ပစ်ကြောင်း၊ လွန်ခဲ့သည့်တလခန့်မှစ၍ ဘောလုံးကွင်းအထဲထိ လာရောက်စွန့်ပစ်ကြောင်း ဆို၏။

“အုတ်ဂူတွေပေါ်မှာလည်း ပစ်ထားတယ်။ သချိုင်းဘက်မှာ ပစ်ဖို့နေရာမရှိတော့ ဒီဘောလုံးကွင်းဘက်လာ ပစ်တယ်။ တပုံကြီး။ ဘောလုံးကစားတာတောင် နှာခေါင်းပိတ်၊ ပါးစပ်ပိတ်ပြီး ကစားရတယ်။ အဆင်မပြေဘူး ဗျာ” ဟု လူငယ်ဘောလုံးသမားတဦးက ပြောပါသည်။

ဂျွန်လ ၂၆ ရက်နေ့က စည်ပင်အမှိုက်သိမ်းကာက အမှိုက်လာရောက်စွန့်ပစ်မည်ကို ဘောလုံး သမားများက သွားရောက်ပိတ်ပင်သောကြောင့် စကားများကြကြောင်း၊ စည်ပင်ဦးစီး ရပ်ကွက် အုပ်ချုပ်ရေးမှုး လာရောက် ဖြေရှင်းရကြောင်း အဆိုပါ လူငယ်ဘောလုံးသမားက ပြောပါသည်။

“ကျနော်တို့ကတော့ ပစ်ထားတဲ့အမှိုက်တွေကို အမြန်ဆုံး ပြန်ရှင်းပေးစေချင်တယ်။ ဒီအကြောင်းကို ယရက တွေဆီ သွားပြောလည်း သူတို့က ဘာမှမလုပ်ပေးနိုင်ဘူး။ စကားများကြတုန်းကတော့ ပစ်ထားတဲ့အမှိုက်တွေကို ပြန်လာရှင်းပေးမယ်လို့ ပြောသွားတယ်။”

အမှိုက်သရိုက်စွန့်ပစ်ရန်အတွက် မြေ ၁၃ ဧကကျော် တောင်းထားသော်လည်း ယနေ့တိုင် ချပေးခြင်း မရှိသေး ကြောင်း သိရှိရသည်။

သျှမ်းသံတော်ဆင့်/မွေခေါဝ်
https://www.facebook.com/Panglong.burmese