မြန်မာ့ဆက်သွယ်ရေးလုပ်ငန်း (MPT) က အင်တာနက် အသုံးပြုခတွေကို အရင်က 1MB သုံးရင် ၁၅ ကျပ် ဖြတ်ရာကနေ နိုင်ငံခြားအော်ပရေတာတွေရဲ့ နှုန်းထားအတိုင်း ၇ ကျပ် ပြား ၅၀ ပဲ ဖြတ်တော့မှာ ဖြစ်တယ်လို့ မြန်မာ့ဆက်သွယ်ရေး လုပ်ငန်းဆီကနေ သိရပါတယ်။
အဲဒီနှုန်းတွေကို မတ်လ ၄ ရက်နေ့ကနေ ၃၁ အထိပဲ လျှော့မှာဖြစ်ပြီး GSM နဲ့ WCDMA ဆင်းမ်ကတ်တွေရဲ့ ဆွေသဟာ ဝန်ဆောင်မှု အသုံးပြုနေသူတွေပဲ ရမှာဖြစ်တယ်လို့လည်း MPT ကနေ သိရပါတယ်။
ဒါ့အပြင် တစ်လသုံး အင်တာနက် Packages တွေကိုလည်း အရင် 400MB ကို ငါးထောင်ကျပ်အစား နှစ်ထောင့်ရှစ်ရာကျပ်၊ 1GB ကို တစ်သောင်းကနေ ခြောက်ထောင့်ငါးရာအထိ လျှော့ထားပြီး တစ်လကို နှစ်သောင်းခွဲပေးရတဲ့ 5GB Packages အသစ်ကိုလည်း အသုံးပြုနိုင်မှာ ဖြစ်တယ်လို့ မြန်မာ့ဆက်သွယ်ရေး လုပ်ငန်းဆီကနေ သိရပါတယ်။
The Voice Weekly
No comments:
Post a Comment