ကချင်ပြည်နယ်မှာ တရုတ်နိုင်ငံသားတွေ တရားမ၀င် သစ်ခိုးထုတ်တာဟာ တိုင်းပြည်ရဲ့ သယံဇာတ ဆုံးရှုံးတဲ့အပြင် မြန်မာနိုင်ငံရဲ့ အချုပ်အခြာ အာဏာကိုပါ ထိပါးခံရတာ ဖြစ်ကြောင်း ပတ်ဝန်းကျင် ထိန်းသိမ်းရေးနဲ့ သစ်တောရေးရာ ၀န်ကြီးဌာန ဒုတိယ၀န်ကြီး ဦးအေးမြင့်မောင်က ဒီနေ့ ပြောလိုက်ပါတယ်။
နေပြည်တော်က Grand Amara Hotel မှာ ကျင်းပတဲ့ မြန်မာနိုင်ငံနဲ့ တရုတ်နိုင်ငံ သစ်ကုန်သွယ်မှု၊ စီမံအုပ်ချုပ်မှုနဲ့ လုပ်ထုံးလုပ်နည်းစနစ်များဆိုင်ရာ အလုပ်ရုံဆွေးနွေးပွဲမှာ ဒုတိယ၀န်ကြီး ဦးအေးမြင့်မောင်က ပြောခဲ့တာဖြစ်ပါတယ်။
ဒါ့အပြင် တန်ဖိုးမြင့် သစ်အချောထည်တွေကို တိုးမြှင့်ထုတ်လုပ်သွားမှာဖြစ်ပြီး သစ်ထုတ်လုပ်မှုတွေကို ပြည်တွင်းအတွက်သာ အဓိကထားထုတ်လုပ်သွားမှာဖြစ်ကြောင်းလည်း ဒုတိယ၀န်ကြီး ဦးအေးမြင့်မောင် က ပြောခဲ့ပါတယ်။
ကချင်ပြည်နယ် ၀ိုင်းမော်မြို့နယ်မှာ ဒီလ ၂ ရက်နေ့ကနေ ၈ ရက်နေ့အထိ တပ်မတော်က နယ်မြေရှင်းလင်းရေးလုပ်ခဲ့စဉ်မှာ သစ်ခိုးထုတ်သူ တရုတ်နိုင်ငံသား ၁၃၂ ဦး၊ မြန်မာနိုင်ငံသား ၁၉ ဦးနဲ့အတူ သစ်မျိုးစုံ အလုံးပေါင်း ၁၃၀၀ ကျော်၊ မူးယစ်ဆေးဝါးတွေ၊ မော်တော်ယာဉ်တွေနဲ့ စက်ယန္တရားငါးရာနီးပါးကို ဖမ်းဆီးရမိခဲ့ပါတယ်။
RFA Burmese
https://www.facebook.com/pages/RFA-Burmese/39218993127
No comments:
Post a Comment