မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိနေဆဲဖြစ်တယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က ဒီနေ့ မန္တလေးတိုင်း ဒေသကြီး ရမည်းသင်းမြို့နယ်မှာ ကျင်းပတဲ့ ဗိုလ်ချုပ်အောင်ဆန်း နှစ်တစ်ရာပြည့် မွေးနေ့အကြို လူထုဟောပြောပွဲမှာ ပြောပါတယ်။
မြန်မာနိုင်ငံဟာ ကမ္ဘာ့ကုလသမဂ္ဂရဲ့ လူ့အခွင့်အရေး ကြေညာစာတမ်းကို သဘောတူ လက်မှတ်ရေးထိုးထားပေမယ့် မလိုက်နာဘဲ လူ့အခွင့်အရေး ချိုးဖောက်နေတာ ဖြစ်တယ်လို့ ဝေဖန်ပြောကြား ခဲ့တာပါ။
"၁၉၄၈ ခုနှစ်မှာပဲ ကျမတို့ရဲ့ ဗမာနိုင်ငံကနေပြီးတော့ ကုလသမဂ္ဂရဲ့ လူ့အခွင့်အရေး ကြေညာစာတမ်းကို လက်မှတ်ထိုးပြီးတော့ လက်ခံခဲ့ပါတယ်၊ ဒါကြောင့် ဒီနိုင်ငံမှာ လူ့အခွင့်အရေး ချိုးဖောက်မှုရှိတဲ့ဆိုတာဟာ ချိုးဖောက်မှုနှစ်မျိုးလို့ ကျမကမြင်ပါတယ်၊ တစ်ခုက ကျမတို့ရဲ့ နိုင်ငံသူနိုင်ငံသားတွေအပေါ်မှာ ထားသင့်တဲ့ တာဝန်သိစိတ်ကို ချိုးဖောက်တာဖြစ်တယ်၊ နောက်တစ်ခုကတော့ ကမ္ဘာ့အလယ်မှာ လက်မှတ်ထိုးပြီးတော့ ခံဝန်ချက်ကိုလည်း ချိုးဖောက်ရာရောက်ပါတယ်၊ ဒါကြောင့် လူ့အခွင့်အရေး ချိုးဖောက်တယ်ဆိုတာဟာ အင်မတန်မှ ကြီးမားတဲ့ပြစ်ချက်ပဲလို့ ကျမတို့မြင်ပါတယ်"
အဲဒီလူထုဟောပြောပွဲမှာ ဗိုလ်ချုပ်အောင်ဆန်းရဲ့ စိတ်ဓါတ်နဲ့ လုပ်ရပ်တွေကို နမူနာယူကြဖို့ ဒေါ်အောင်ဆန်းစုကြည်က အဓိကထားပြောကြားခဲ့ပါတယ်။
ဗိုလ်ချုပ်နှစ်တစ်ရာပြည့် မွေးနေ့အကြိုအဖြစ် လူထုဟောပြောပွဲတွေကို မန္တလေးတိုင်း ရမည်းသင်းမြို့နယ် ရွှေစည်းခုံဘုရားဝင်းထဲမှာ ကျင်းပခဲ့သလို နေ့လည်ပိုင်းမှာလည်း နေပြည်တော် ပျဉ်းမနားမြို့နယ် ကင်ပွန်းတန်းကွင်းမှာ ကျင်းပခဲ့ပါတယ်။
မိုးရွာသွန်းမှုကြောင့် ရမည်းသင်းက လူထုဟောပြောပွဲကို တက်ရောက်သူနည်းပါးခဲ့ပြီး ပျဉ်းမနားမြို့နယ်က ဟောပြောပွဲကို လူဦးရေ ၅၀၀၀ ကျော် တက်ရောက်ခဲ့တယ်လို့ သိရပါတယ်။
RFA Burmese
https://www.facebook.com/pages/RFA-Burmese/39218993127
No comments:
Post a Comment