Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, November 8, 2014

ရိုဟင်ဂျာ အကြမ်းဖက် လက်နက်ကိုင် ၄ ဦး ၀င်ရောက်


မွန်ပြည်နယ် မော်လမြိုင်မြို့မှာ RSO ရိုဟင်ဂျာ သွေးစည်းညီညွတ်ရေး အကြမ်းဖက် လက်နက်ကိုင်အဖွဲ့က ဖောက်ခွဲရေး သမားလေးဦး ရောက်ရှိနေတယ်ဆိုပြီး သတင်းထွက်ပေါ် နေတာကြောင့် ရဲတပ်ဖွဲ့က အဲဒီ ၄ ဦးရဲ့ ဓါတ်ပုံပါစာရွက်တွေကို နေရာအတော်များများမှာ ကပ်ထားသလို လုံခြုံရေးတွေ တိုးမြှင့်ထား လိုက်တယ်လို့ သိရပါတယ်။

ဒီသတင်းနဲ့ ပတ်သက်ပြီး မော်လမြိုင်ခရိုင် ရဲစခန်းက အမည်မဖော်လိုတဲ့ ရဲအရာရှိတစ်ဦးက မှန်ကန်ကြောင်း အတည်ပြု ပြောပါတယ်။

"ပိုက်စိတ်တိုက်ပဲ ကျနော်တို့လုပ်နေပါတယ်၊ ခရိုင်က ခရိုင်စီမံချက်ချပြီးလုပ်တယ်၊ မြို့နယ်ကလည်း မြို့နယ်စီမံချက်ချပြီးလုပ်ပါတယ်၊ ဧည့်စာရင်းတွေစစ်တယ်၊ နောက်မြို့ဝင်မြို့ထွက်တွေမှာလည်း စစ်ဆေးရေးဂိတ်တွေရှိတယ်၊ အဝင်အထွက်ကားတွေ စစ်တာဆေးတာတို့ အကုန်လုံးလုပ်နေပါတယ်"

ရဲတပ်ဖွဲ့ထုတ်ပြန်ထားသူတွေကတော့ RSO ရိုဟင်ဂျာ အကြမ်းဖက်ဖောက်ခွဲရေးအဖွဲ့က ပြည်တွင်းလှုပ်ရှားရေးအဖွဲ့ခေါင်းဆောင် သန်းဝင်း၊ မြန်မာပြည်တာဝန်ခံ အိုစမာ ခေါ် ဒါဝတ်၊ အစ္စလာမ်မစ် စစ်သွေးကြွသင်တန်းဆင်း အာဇက် ခေါ် အမင်းနဲ့ အဖွဲ့ဝင် အီစမိုင် ခေါ် ဇော်ဝင်းတို့ဖြစ်ပါတယ်။

ဒီ RSO ရိုဟင်ဂျာအကြမ်းဖက် လက်နက်ကိုင်အဖွဲ့ဝင်တွေဟာ ထိုင်းမြန်မာနယ်စပ်ကနေ မွန်ပြည်နယ် မော်လမြိုင်မြို့ကို ရောက်ရှိလာတာလို့လည်း အဲဒီရဲအရာရှိက ပြောပါတယ်။

RFA Burmese
https://www.facebook.com/pages/RFA-Burmese/39218993127

No comments:

Post a Comment