ကိုပါကြီးရဲ့အလောင်းကို မွန်ပြည်နယ် ကျိုက်မရောမြို့နယ် ရွှေဝါချောင်း ကနေ မီတာ လေးငါးရာလောက်အကွာ လယ်ကွင်းပြင်မှာ မြှုပ်နှံထားပြီး အဲဒီအလောင်းကို ဖော်နေပြီလို့ ဒီလောင်းဖော်ရာမှာလိုက်ပါခဲ့တဲ့ မြန်မာ့လူမှုဘ၀ ဖွံ့ဖြိုးတိုးတက် ရေးကွန်ရက်အဖွဲ့ဝင် ဦးနေမျိုးဇင်က အလောင်းဖော်မှုနေစဉ် အခုလို ပြောပါတယ်။
“အခုဖော်နေတာ ကိုယ်ခန္ဓာ အပေါ်ပိုင်းတော့ စတွေ့နေပါပြီ။ ခေါင်းကို ကျနော်တို့ မတွေ့သေးဘူး။ ညာဘက်လက်က ရင်အုတ်ပေါ်မှာတင်ပြီးတော့ ထားပါတယ်။ နည်းနည်းလေး တခြမ်းစောင်းနေတဲ့ ပုံစံမျိုးဖြစ်ပါတယ်။ ပုဆိုးအဆင်းကွက်ကျားလေးနဲ့ပါ။ အင်္ကျီကတော့ အရောင် သဲသဲကွဲကွဲမသိတော့ဘူး။ လည်ကတုံးနဲ့ပါ။”
ကိုပါကြီးအလောင်းပြန်ထူးဖော်ရာမှာ ဇနီးဖြစ်သူ ဒေါ်သန္တာနဲ့ နိုင်ငံရေးတက်ကြွလှုပ်ရှားသူတွေ၊ ရှေ့နေတွေနဲ့ မွန်ပါတီတွေ လိုက်ပါခဲ့ပါတယ်။
ဒါ့အပြင် ဘားအံ မှုခင်းဆရာဝန်ကြီး ခရိုင်ရဲမှူး၊ တရားသူကြီး၊ တပ်မတော် လုံခြုံရေး စစ်ကြောင်းတွေ၊ ရဲတပ်ဖွဲ့ဝင်တွေနဲ့ လူ့အခွင့်အရေးကော်မရှင်က တာဝန်ရှိသူတွေ အပါအ၀င် စုစုပေါင်း လူပေါင်း ၁၀၀ လောက်လိုက်ပါတယ်။
ကိုပါကြီး ရုပ်အလောင်းကို တူးဖော်ပြီးရင် မော်လမြိုင် ဆေးရုံးကြီးမှာ စစ်ဆေးမ ယ်လို့လည်း ဦးနေမျိုးဇင်က ဒီဗွီဘီကို ပြောပါတယ်။
DVB
No comments:
Post a Comment