သင်ဟာ ဓါတ်ပုံ ရိုက်ရတာ ၀ါသနာပါတဲ့ လူတစ်ယောက်ဆိုပါစို့။ ဒါဆိုရင် သင်ဟာ သင့်မှာရှိတဲ့ ငွေကြေး အင်အားနဲ့ DSLR ကင်မရာတစ်လုံးကို ၀ယ်ဖို့စဉ်းစားမိမှာ သေချာပါတယ်။ ဒါပေမယ့်လည်း DSLR ကင်မရာ ၀ယ်ယူတယ်ဆိုတာ သာမန်ဈေးဝယ်ထွက်ခြင်းနဲ့ မတူပါဘူး။ တံဆိပ် ၊ဈေးနှုန်း ၊ အသေးစိတ် လုပ်ဆောင် ချက်တွေကို ချင့်ချိန်ရပါတော့မယ်။
အဲဒီတော့ သင် DSLR ကင်မရာတစ်လုံး မ၀ယ်ယူခင်မှာ ချင့်ချိန်စဉ်းစားစရာ အချက်တစ်ချို့ ကို အပိုင်း (၁)မှာဖော်ပြပေးထားတာမို့ ခုအပိုင်း (၂)မှာ ဘယ်လိုအချက်ကလေးတွေ ထပ်ပါဝင်လာဦးမယ်ဆိုတာ ကြည့် လိုက်ကြရအောင်။
၆။ ဓါတ်ပုံ အရည်အသွေး
ဓါတ်ပုံ ရိုက်တဲ့ အခါ ကောင်းမွန်တဲ့ အရည်အသွေးရဖို့ ရိုက်တဲ့သူပေါ်မူတည်သလို ကင်မရာပေါ်လည်းမူ တည်ပါတယ်။ အကောင်းဆုံး ဓါတ်ပုံ အရည်အသွေးကို လိုချင်ရင်တော့ ကင်မရာရဲ့ Megapixels ကို ဂရု စိုက်ရွေးချယ် ရပါလိမ့်မယ်။
၇။ ဗီဒီယို ရဲ့ ကြည်လင်ပြတ်သားမှု
သင်ဟာ DSLR ကင်မရာ ရလာခဲ့ရင်တော့ ဗီဒီယိုကို အပျော်တမ်း ဖြစ်ဖြစ် မှတ်တမ်းဖြစ်ဖြစ် ရိုက်ကူးချင်မိ မှာပါ။ အဲဒီအခါမှာ ကင်မရာရဲ့ ဗီဒီယို ကြည်လင်ပြတ်သားမှုကလည်း သင့် ကို စိတ်ကျေနပ်မှုပေးစွမ်းနိုင်တာ မို့ ဒါကို သတိပြုဖို့မမေ့ပါနဲ့။ Nikon ကင်မရာတွေကတော့ ဗီဒီယိုကို အချိန်ကြာရှည်ရိုက်ကူးလို့ မရနိုင်ပါဘူး။
၈။ မတူညီတဲ့မှန်ဘီလူး အမျိုးမျိုးနဲ့ တွဲဖက်လို့ရ/မရ
သင်ဟာ DSLR ကင်မရာတစ်လုံးတော့ ၀ယ်လိုက်ပါတယ်။ ဒါပေမယ့် မှန်ဘီလူးတော့လဲသုံးလို့ မရဘူးဆို ရင်တော့ အဆင်မပြေနိုင်ပါဘူး။ သင့်ရဲ့ရည်ရွယ်ချင်ပေါ်မူတည်ပြီး ဘယ်လို မှန်ဘီလူးကို အသုံးပြုမယ်ဆို တာ ရွေးချယ်ရမယ့်အတွက် မှန်ဘီလူးတိုင်းနဲ့ တွဲဖက်နိုင်တဲ့ ကင်မရာကို သာရွေးချယ်သင့်ပါတယ်။
၉။ မှန်ဘီလူး သန့်ရှင်းရေး ပစ္စည်းများ
ဓါတ်ပုံဆရာတွေ အတွက် ကင်မရာဟာ သေနတ်တစ်လက်ဆိုရင် မှန်ဘီလူးတွေဟာ သေနတ်ပြောင်းတွေ
ဖြစ်ပါလိမ့်မယ်။ မှန်ဘီလူးတွေက ကိုယ်ရိုက်ကူးချင်တဲ့ ရှုထောင့်တွေကို ဖန်တီးပေးနိုင်ပါတယ်။ အဲဒါကြောင့် လည်း မှန်ဘီလူးကို ဂရုစိုက်ဖို့လိုပါတယ်။
၁၀။ အပိုပစ္စည်းများ
DSLR ကင်မရာ ချည်းပဲ ၀ယ်မလာမိဖို့ သတိပြုပါ။ ကင်မရာအိတ်၊ ဘက်ထရီဓါတ်ခဲအပို၊ အားသွင်းကြိူး ၊ ထောက်တံ(Tripod) တို့ ပါမပါ ဂရုစိုက်သင့်ပါတယ်။
အထက်ပါအချက်အလက်တွေအားလုံးနဲ့ ကိုက်ညီတဲ့ ကင်မရာအဖြစ် Canon EOS 1200D ကို ကျွမ်းကျင် သူတွေက ရွေးချယ်ပေးထားပါတယ်။ အပိုင်း(၁)ဖတ်ရန်
Trend Myanmar
CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Subscribe to:
Post Comments (Atom)
No comments:
Post a Comment