ပန်ဒိုရာနဲ့ မှော်သေတ္တာ

ရှေးဂရိတို့ရဲ့ပုရာဏ်ကျမ်းစာ (mythology)အရ Zeus နတ်မင်းကြီးဟာ မီးနတ်ဖြစ်တဲ့ Hephaestusကို ရွံ့နဲ့ နတ်သမီးပုံစံအတိုင်းလှပတဲ့မိန်းမတစ်ယောက် လုပ်ခိုင်းခဲ့တယ်။ တစ်ဖန် အဲဒီရွံ့ရုပ်ကို ယောက်ျားတွေမြင်ရင်မူးယစ်စေအောင်ပြုလုပ်ဖို့ အချစ်အလှနတ်သမီး Aphroditeကို အမိန့်ပေးလိုက်ပြန်တယ်။ နတ်သမီး Athenaက အဲဒီမိန်းကလေးကို ယက်ကန်းရက်တတ်အောင် သင်ပေးခဲ့တယ်။ လှပတဲ့ရောင်စုံအဝတ်အစားတွေ ရက်လုပ်ဝတ်ဆင်ပြီး လူတွေကိုပိုဆွဲဆောင်စေခဲ့တယ်။ လုပ်ဆောင်မှုတွေပြီးမြောက်သွားတဲ့အခါ Zeusက သံတမန်နတ်မင်း Hermes ကို “ဒီမိန်းမရဲ့ ခန္ဓာကိုယ်ထဲ မင်းရဲ့ကောက်ကျစ်စဉ်းလဲ၊ လိမ်ညာဟန်ဆောင်၊ ခိုးဝှက်တတ်တဲ့အကျင့်တွေကို သွင်းလိုက်” လို့ အမိန့်ပေးလိုက်ပြန်တယ်။

မိန်းမတစ်ယောက်အဖြစ် လုံးဝပြီးမြောက်သွားတဲ့အခါ အဝတ်အစား၊ လက်ဝတ်ရတနာတွေနဲ့ လှပအောင်ဆင်မြန်းပေးလိုက်ကြတယ်။ Hermesရဲ့ “နတ်က လူကိုလက်ဆောင်ပေးမယ့်ဒီမိန်းမကို “ပန်ဒိုရာ” (Pandora)လို့ အမည်ပေးလိုက်ကြရအောင်”ဆိုတဲ့အကြံကို နတ်တွေက သဘောတူခဲ့ကြတယ်။ ရှေးဂရိဘာသာစကားမှာ “ပန်” (pan) ဆိုတာ အားလုံး၊ “ဒိုရာ” (dora)ဆိုတာက လက်ဆောင်လို့အဓိပ္ပာယ်ရတယ်။

ပန်ဒိုရာဟာ Zeusနတ်မင်း ပထမဦးဆုံးဖန်ဆင်းခဲ့တဲ့ လူမိန်းမဖြစ်တယ်။ ဖန်ဆင်းရတဲ့ အဓိကရည်ရွယ်ချက်က လူတွေကိုကလဲ့စားချေဖို့ဖြစ်တယ်။ ကလဲ့စားချေရတဲ့အကြောင်းရင်းက Prometheusနတ်က လူတွေကို လိုတာထက် ပိုဂရုစိုက်ခဲ့လို့ဖြစ်တယ်။

Zeusနတ်မင်းကြီးအာဏာလုစဉ်က Prometheus နဲ့ Epmetheus ညီအစ်ကို နတ်နှစ်ဦးက သူ့ကိုကူညီခဲ့တယ်။ Prometheus ဆိုတာ “အမြော်အမြင်” လို့ အဓိပ္ပာယ်ရပြီး Epmetheus က “နောင်တ”လို့ အဓိပ္ပာယ်ရတယ်။

ဇူးနတ်မင်းက ပန်ဒိုရာကို Prometheusရဲ့ညီ Epmetheusရဲ့မယားလုပ်ဖို့ ပေးလိုက်လို့ Hermesကို အမိန့်ပေးလိုက်တယ်။ Epmetheus က အစ်ကို Prometheusနဲ့မတူဘူး။ တုံးအတယ်။ ဇူးနတ်မင်းက ဘာပေးပေးလုံးဝမယူဖို့ အစ်ကိုကမှာထားခဲ့ပေမယ့် ပင်ကိုယ်တုံးအတဲ့ဗီဇနဲ့ ပန်ဒိုရာရဲ့အလှအပကိုမြင်တော့ ဖြားယောင်းမှုဒဏ်ကိုမခံနိုင်ဘဲ ဇူးနတ်မင်းပေးတဲ့လက်ဆောင်ကို ဝမ်းသာအားရလက်ခံလိုက်တယ်။ လက်ခံပြီး မကြာဘူး Epmetheus ဟာ သူ့နာမည်အတိုင်း နောင်တရတော့တယ်။

ဒီလိုနဲ့ ပန်ဒိုရာဟာ Epmetheus နတ်နဲ့ အတူနေခဲ့တယ်။ ပန်ဒိုရာဟာ လှပရုံတင်မက မိန်းမပီပီ မနာလို ဝန်တိုစိတ်ရှိတယ်။ လောဘကြီးတယ်။ အရာရာကို စပ်စုလိုစိတ်ရှိတယ်။ တစ်နေ့မှာ ပန်ဒိုရာဟာ Epmetheusကို နတ်တွေလက်ဆောင်ပေးထားတဲ့
သေတ္တာငယ်တစ်လုံးကို ရှာတွေ့ခဲ့မိတယ်။ “ရိုးရိုးသေတ္တာဆိုရင် ဒီလို သိုသိုသိပ်သိပ်ဖွက်ထားမှာမဟုတ်ဘူး။ ဒီလောက် လုံခြုံအောင်ပိတ်ထားတာ အထဲမှာဘာများထည့်ထားလို့ပါလိမ့်” လို့ တွေးမိပြီး Epmetheus မရှိတဲ့အချိန်မှာ သေတ္တာကိုဖွင့်ကြည့်လိုက်တယ်။ သေတ္တာထဲမှာ ပန်ဒိုရာတွေးထင်ထားသလို အဖိုးတန်ပစ္စည်းတွေမရှိခဲ့ဘူး။ သေတ္တာထဲက အငွေ့တွေ အပြင်ကိုပလူပျံထွက်လာခဲ့တယ်။ အဲဒီအငွေ့ထဲမှာ “ပျော်ရွှင်ခြင်း၊ ဖျားနာခြင်း၊ နာကျင်ခြင်း၊ ချစ်ခင်ခြင်း၊ မုန်းတီးခြင်း၊ မေတ္တာတရား၊ ဘေးဆိုးကဒ်ဆိုး” စတဲ့ လူကိုအန္တရာယ်ပေးမယ့်အရာတွေ ပါတယ်။

သေတ္တာကို ပန်ဒိုရာမဖွင့်ခဲ့မိတုန်းက လူ့လောကမှာ ဘာအန္တရာယ်၊ ဘာကဒ်ဆိုးမှာမရှိခဲ့ဘူး။ ဘဝတွေ အေးချမ်းခဲ့ကြတယ်။ ပန်ဒိုရာရဲ့ စပ်စုလိုစိတ်ကြောင့် သေတ္တာထဲက အန္တရာယ်တွေဟာ ပတ်ဝန်းကျင်နေရာအနှံ့ ပြန့်လွှင့်ခဲ့ပြီး နေ့နေ့ညည လူတွေကိုဒုက္ခပေးခဲ့တယ်။

ပန်ဒိုရာကြောက်လန့်ပြီး သေတ္တာကိုအမြန်ပိတ်လိုက်တယ်။ဒါပေမယ့် အခါနှောင်းသွားခဲ့ပါတယ်။ သေတ္တာထဲမှာ “မျှော်လင့်ခြင်း” တစ်ခုပဲ ကျန်ရစ်ခဲ့တယ်။ နောက်ဆုံးမှာ ပန်ဒိုရာဟာ မျှော်လင့်ခြင်းသေတ္တာကိုပွေ့ဖက်ပြီး
လင်ယောက်ျား Epmetheus ပြန်အလာကို စောင့်နေခဲ့တော့တယ်။

ဒါကြောင့် ယနေ့ထက်ထိတိုင် လူတွေဟာ ဘာအတားအဆီး၊ အခက်အခဲ၊ နာကျင်မှုတွေခံနေရပါစေ ရင်ထဲမှာ “မျှော်လင့်ချက်” တစ်ခုကတော့ အမြဲကိန်းအောင်းနေခဲ့တယ်။ အသက်ရှင်နေသမျှ “မျော်လင့်ချက်”တွေကို မယိုင်လဲစေခဲ့ဘူး။ “မျှော်လင့်ချက်” ကြောင့် လူတွေအသက်ဆက်ခဲ့ကြပါတယ်။

(တစ်ခါခါတော့လည်း အပျင်းပြေ ဒဏ္ဍာရီပုံပြင်လေးတွေ ဖတ်ကြတာပေါ့နော်..)

http://en.wikipedia.org/wiki/Pandora
http://zhidao.baidu.com/question/14457339.html?fr=qrl3

နိုင်းနိုင်းစနေ